فصل 11
وصلات نورسين للمغرب وكان فاستقبالها عابد وبويكا وستيفانيا كدالك تعانقو وتسالمو....
ستنشقة نورسين عبق رائحة بلادها ومدينتها لي توحشاتها بزااف قتارحت عليها ستيفانيا باش تمشي معاهم يتغداو فدارها لاكن هي عتادرات منهم كاملين وقالتلهم بلي توحشات صاحبتها وبغات تشوفها وخلاوها على راحتها
ركان كان كايشوف فيها بنضرات حنينة حيت فلفترا لي كانو مع بعض كان كايتقرب منها وبدا يحس من جيهتها ببعض المشاعر لاكن هي ماعمرها عارتو اهتمام وديما كاطبق واحد المقولة كاتقوا ((لست حبيبة احد ولا احد حبيبي تركت لكم الهوى وعشقت نفسي♡♡)) ديما كانت كاتقول هاد الجملة فينما كايجبدلها ركان شي موضوع على الحب والعشق كانت كاتجاوبو بهاد الجملة وبانها مكاتهتمش بشي حاجة سميتها الحب والغرام وبلي حياتها راسمالها مخطط لي هوا تسترجع ممتلكات بباها طبعا حكات لركان على قصة حياتها كيفما عاودتها لياسر اواعدها يوقف معاها ويعاونها الى حتاجا للمساعدة ماعمرو صارحها بحقيقة مشاعرو وكتفى انه يبقى فقربها ويكون ليها الحصن والدرع ويحميها الى ان يحن قلبها
وصلها ركان بسيارت بويكا لحد باب الدار اودعاتو وطلعات مع الدريجات توحشاتهم وتوحشات الدكريات البريئة لي دوزتهم فيها وصلات للباب و دقات لاكن حتى واحد ماحل جبدت المفاتيح من صاكها وفتحت الباب ودخلت لاحت شانطتها وصاكها وبدات كاضور بجنون وضحك وتلمس الاشياء والصور وسط الدار لي كانت عبارة عن غرفة كبيرة ومطبخ وحمام
بدلات حوايجها ولبست بيجامة ديال لامار ودخلت للمطبخ وحلات تلاجة وهزات بعض الخضار واللحم اوجدات طاجين بالدجاج والخضرا وويتون وصوبت شلاضا ديال الخص وماطيشة ولخيار لي لقاتهم فالثلاجة طيبت براد داتاي
وفهاد اللحضة حلات لامار الباب وحست بالحركة فالدار وتخلعات هزات واحد الفازا وتمات داخلا غير بالحس حتى وصلات للمطبخ وغوتت
________________
لمار-شكون تمااااا
نورسين-(بتاسمات قبل ماضور) لمجنونة لحمقا قولي غير سلام بعدا خلعتيني (ضارت عندها)
بالصدمة مخلطة مع لفرجة لاحت لمار الفاز فالارض حتى تهرس مسكين وطارت على نورسين وكاتعنق وتبوس فيها وضحك بحال المجنونة
لمار-مامصدقاش مامصدقاش عيني ههههه واخيييرا رجعتي توحشتك بزااااف(رجعت عنقتها وكاتبكي)
نورسين-اووف كون يحسابلي غادي تبكي وتكلسي تعنقي فيا كاع مانرجعش
لمار-(طلقت منها) حقيرة خليني نستمتع باللحضة انا عارفاك مكاتحمليش الاحضان لاكن شغاندير توحشتك المجنونة
نورسين-حبيبتي نتي وحتى انا توحشتك والله وعنقيني شحالما بغيتي بلحق غير هاد نهار من بعد غير مسموح
لمار-(دارت راسها غضبانة بحال شي بيبي) زبلا يالاه كوليلي ماغاديش ترجعي هم ... صافي
نورسين-امممم ماعرفتش لمدير ديالي شنو غادي يدير واش يرجعني ولا لا مانعرف
لمار-غادي نشد هداك لمدير ديالك وغادي نطحنو مايمكنش نخليه يرجعك
نورسين-هههههههههه صااافي انا ماغاديش نرجع العقد ديالي كان فيه غير 3 سنين وصافي غادي نستاقر غير هنا ....خلكي مني شنو درتي مع داك الشاب لي ديما حارقالي دماغي بيه
لمار-امممم الريحا ديال الطاجين كاتشهي اجي ناكلوه
نورسين-كاتهربي الحمقا حشمتي مني
لمتر-(غطات وجها بيديها) هههههه اااه
نورسين- ااااه وفتلفون محشمتيش
لمار-تلفون ماشي هوا مباشرا
نورسين-ههههههه حمقا ديالي اجي ناكلو فيا جووووووع كان يحسابلي غادي نلقا لماكلة واجدا مايحسابليش بلي صاحبتي هي اعكز بنت على الكرة الارضية
لمار-نتي لي ماقلتيليش راك جاييا اما كون راني ستقبلتك فالمطار اوجدتليك شهيوات لي كاتبغي
نورسينن- يخليك ليلي الحبيبة ديالي اجي ناكلووو غانمووووت بالجوع
________________________
تغداو لمار ونورسين وهوما كايضحكو ويلعبو بحال شي بنيتات صغار دوزو داك نهار زوين بزااف ودازو ايام زوينا رتاحت نورسين من داك العالم لي كانت عايشا فيه ودوزات كتر من شهر وبقات على اتصال بعابد وستيفانيا وبويكا وكدالك ركان وبلخصوووووووووص ياسر تقابلات معاه كتر من مرا فاش رجعات للمغرب اولاو اصدقاء مقربين بزاف وبيناتهم تلفونات فنهار وفليل وكل مرا كايعرض عليها لشي مكان ويتحدتو مع بعض وكايدوزو وقت زوين بزاف
لمار دخلها شك فنورسين لي مارجعتش لخدمتها كيف يحسابلها وبدات كاتسول فنورسين امتا غادي ترجعي للخدمة ...
هي اصلا مامحتاجاش تخدم لان عندها سالير محترم كاتخلص من عند الدولة وكدالك وفرات لكتير من لفلوس من لي كانو كايعطييوهم فالمنحة كل شهر لاكن شك واسئلة لمار لكتيرة خلات نورسين تنوض تقلب على خدمة غير باش تسكت لمار وماتبقاش تسولها بزاف ومنها تلاهي راسها وماتبقاش غير كالسا...وفهاد الاثناء نورسين كانت كالسا فواحد المقهى وطلبات عاصير بارد باش تبرد على راسها حيت الشمس حرقتها بكترت ضوران وبعد لحضات صونا تلفونها وجاوبت...
________________
نورسين-الو...لباس
عابد- لاباس اشنو منهار دفنوه مازاروه
نورسين- غير من صوتك عرفتك باغي مني شي حاجة
عابد-تماما اجي عندي للعنوان لي غانسيفطليك فميساج...
نورسين- اوكي واخا (قطعات)
خرجت نورسين من المقهى وشدات طاكسي بعد عناء طويل راكوم عارفين المغرب الى وقفليك طاكسي عرف انك عندك زهر وصلات للعنوان لي سيفطلها عابد ودقات الباب وحلها واحد الشخص...
نورسين-(باستغراب) سلام ....فين هوا عابد
عابد-(خرج من الغرفة) هاهوا كاتقلبي عليا
نورسين-اش هاد المكان لي جايبني ليه كون غير طلاقينا فدار ستيفانيا
عابد- لا مايمكنش
نورسين- وعلاش مايمكنش
عابد-حيت صافي وليتي منا ومن هنا لفوق غادي نبقاو نطلاقاو فالمقر يعني هنا
نورسين-(بحماس) اووووه واااااو بديت نتحمس
عابد-ماتحمسيش بزاف باش ماتصدميش فاللخر..اجي تبعيني
دخلها عابد لواحد الغرفة لي فاش دخلات ليها بقات غير حالا فمها فدوك الاجهزة والحواسيب لكتيرا والمكاتب والطاولات وبعض الموضفين باينا فيهم حتى هوما من المخابرات نباهرات فداك المنضر ...
نورسين-واااااااو هادشي كانشوفو غير فالافلام اعابد
عابد-(بتاسم بسخرية) اجي كلسي هنا بما انكي شربتي عصير فالمقهى بلامانطلبليك وحداخور
نورسين-(تصدمات) عابد كونتي حاضيني ولا مسيفط لي يحضيني
عابد-ياخسارة 3 سنين فيكي ماتعلمتي حتى زفتا ياحصرتاه صيفطناك تقراي فالخارج وتكتاسبي خبرة ونتي غير غاديا وحالا فمك وماداياهاش فلي جاري من حولك...
نورسين-(حكت راسها بغباء) مازال ماولفة اسي عابد
عابد- من هنا لفوق عيطيلي شاف بلا ديك سي عابد اوكي (شاف ركان دخل) هاه هاهوا جا ...دابا نقدرو نبداو....
ركان-(سلم على نورسين) تهانينا صافي منين وصلتي للمقر راكي تمجهدتي
نورسين-(ضحكت بسخرية) ههههه عقبال مانفوتك اسي ركان ههههه
عابد-صافي باراكا من الضحك تعوطو معايا رتاحيتو بما فيه الكفاية وجا وقة الخدمة (سلط الضوء على واحد الشاشة كبيرة) المهمة ديالكم هي كاالتالي
هي منضمة تسعى لقتل المجرمين ؛ لاكن اساليبها فلقتل متوحشة وقاسية .كاضم هاد المنضمة افضل القتلة في العالم ومدربين لمواجهة اي عدو كايئمروهم بالتخلص منه ولكل فرد اسلوب عملو وطريقتو ولقبو الخاص بيه ومع دالك كايشتاركو فالقتل ...وهي منضمة مامعروفش من اشمن بلد لاكن الاعضاء ديالها من مختلف البلدان والقتلة ديالها من مختلف الجنسيات ...
ركان- وشنو المطلوب منا حنايا اشاف
عابد-(شاف فنورسين وشاف فالشاشة) كاين واحد الشاب مغربي مشتبه فيه
نورسين- ادن خصنا نشدوه ونحققو معاه
عابد-(تنهد من الغباء ديال نورسين) ماشاء الله عليك عندك افكار زوينين ايوا صافي سيري شديه وجيبيه لينا وماتنسايش تجيبي معاك شي دليل يتبت ادانته...(بصراخ) واش كاتسطاي عليا
ركان-شاف برد شوية هي راها مازالة جديدا وماعارفا والو
عابد-وديك 3 سنين لي قراتهم فين مشاو
نورسين-صافي اشاف انا غادي نسكت غير ماتعصبش...اوكي
عابد-اوووف نورسين نتي غاتكون المهمة ديالك تتقربي من هاد الشاب وتكسبي ثيقتو ...ركان نتا المهمة ديالك تبقا مراقب حركاتو واحتمال نشوفلك شي خدمة فشركتو
ركان-اوكي شاف
نورسين- بلاتي بلاتي اشنو قلتي كيفاش نتقرب منو
عابد-(كايضور وسط الغرفة)كانشم ريحة الغباء ماعرفتش منين جاية (شاف فيها) ااااه نتي هنااا وانا كانقول منين جايا هاد الريحة ....
نورسين-( غضبات) اناراه ماشي غبية ولاكن بغيت غير نعرف قصدك من التقرب من هاد الشاب
عابد-سااهلة غادي تقربي منو حتى تكسبي ثقتو وقلبو حتى هوا 💖
نورسين-(ضحكة بسخرية) غادي نعاود نقووول لست حبيبة احد ولا احد حبيبي تركة لكم الهوى وعشقت نفسي😼 (ماجات تكملها حتى نزل عليها بلكتاب على راسها حتى غوتات وبدات تحك راسها بالم) اااااه 🙈علاش ضربتينييييي والله حتى حرام عليك فرقتيلي راسي...🙊
ركان-(ناض لعندها كايطمائن عليها ) واش كاتحرقك بزاف (مجا يكملها حتى نزل عاليه حتى هوا بنفس لكتاب حتى غوت) ااااااااه😵 علاش كاضرب اصاحبي (زادو ضرا وحداخرا) اااااه صافي الى كنتي غادي ترتاح غير ضربني انا وماتقيصش نورسين 😔
عابد-(كلس على الكورسي بغضب) اغبياء حمقى ... سمعيني نتي غادي تقومي بالمهمة ديالك على اكمل وجه وانا ماقلتلكش ولي تبغيه وتغرمي بيه قلتليك خليه يولي يبغيك
نورسين- ولاكن هدا سميتو التلاعب بالمشاعر وانا مانقدرش نديرها ونجرح شي انسان
عابد- واش نزيدك شي ضربا اخرى باش تقادي معايا حيت على مابانلي ماكفاتش الضربة الاولى...
ركان- شاف من الاحسن تخليني انا نقوم بهاد المهمة وهي خليها بعيدا مابغيتش شي حد يقرب منها
عابد-(شاف فيه بغضب) صافي واخا ماتنساش دوز عند لكوافورا تقادليك شوية دلمكياج لا لكوافورا ماعندها ماديرليك من الاحسن نديك عند دكتور التجميل نزرعليك صدر والارداف ونديرلك ليزر باش نحيدو اللحية ونديرولك عملية زرع الشعر حيت شعرك بدا يخفاف واشنو بانليك نديرلك حصص الحقن ديال الهرمونات الانتوية وعلى الله تطلع كاتشبه لبنات ويقدر روميو يتغرم بجوليت الدكر....شنو بان ليك
ركان-( حنا راسو 😰) راك مافهمتينيش شنو بغيت نقصد زعما قولت نكسب ثيقتو و نولي صاحبو
عابد-صافي صافي سكتونا نورسين ديري عقلك هادي راها مهمة مصيرية الانسان ماخصوش ياخد حقو بيدو كاينا واحد الحاجة سميتها العدالة وهاد المنضمة كاتقتل المجرمين السفاحين الى بقات هاد المنضمة غادي تولي الدنية سايبة ولي عندو شي مشكل غادي يحلو بيديه ادن الامن دلبلاد غادي يضمر وماغايبقاش عندو اهمية عند الناس ...
نورسين- فهمتك وانا مستاعدة ندير لي بغيتي😐
ركان-(تنهد بتعب بسبب الغيرة) واش متئكدا من هاد القرار شوفي مزيان فكري بعدا
نورسين- غادي نخدم ضميري هاد المرا وكانتمنا نكون عند حسن ضنك اشاف💪
عابد-(صفق عليها) براااافو عليك هادي هي نورسين لي كانعرف تبارك الله عليك ابنتي ....صافي سالينا دابا اوجدو راسكوم فليل غادي تبداو فتنفيد المهمة
نورسين-(وقفة ودارتليه تحية عسكرية) اوكييي شاااااااف....
عابد-(بتاسم وطبطب على كتفها ) الله يكون معاكوم القضية غادي تاخد شوية دلوقت كونو صبورين...
_________________
نسينا أسد وعائلتو نرجعو عندو نفكركم فيه اخر مرا دكرتو فاش ضرباتو نورسين لمستقبالو وخلاتو كايتوجع هههه
منضر القاعة لكبيرة فمنزل أسد مالك ...وعدد الخدم لكبير ...هاد الليلة مهمة بزااف
كانت وحدا من الخادمات كاتصفف شعر آيلا اختو لي كانت كالسا امام لمراية لكبيرة فغرفتها الواسعة ...دخل أسد وداير يديه فجيوبو وكان لابس ملابس رسمية ومحترمة سوداء وطبعا صدرية اهم شئ باش يثبت فخامته ومدى رجولتو ...وقال بملل وعدم اكترات
أسد-كانتمنى تهتمي مزيان بامور محمد فغيابي(خوه صغير)
آيلا-أسد ماتزيدش فيه محمد راه فعمرو 20 عام ماشي صغير باش تقلق عليه...
أسد-(عقد حواجبو وغمض عينيه بانزعاج) ختي نتي عارفا ان محمد ماشي فطبيعتو هاد لايام وانا خايف لي...
آيلا-(قاطعاتو بسخرية لطيفة) فهمت فهمت صافي بلاماتقلق عليه انا غادي نكون فجنبو فغيابك..
أسد-(تنهد باريحية) اوكي مزيان
آيلا-(ضارت عندو بفضول) بلاتي فين غادي وهاد لعشية عيد ميلادك
أسد-(بنبرة هادئة)عندي اجتماع
آيلا-(بعتاب) واش غاتخلي ضيوفك لي غايجيو على قبل عيد ميلادك
أسد-(بعدم اكترات) هاد النهار مامختالفش على البارح بانسبة ليا وماكنتش باغي نحتافل بيه على اي حال ...
آيلا-(لوات شفايفه اباستياء) اوووف يالك من طفل غير مبالي(بتاسمات) تهلا فراسك وسوق بحدر
خرج شخص من الحمام ملوي علي نصو تحتاني فوطة غير شافتو آيلا غوتات
آيلا- عمررررررر لبس حوايجك غادي يضربك البرد
عمر- هاه اااه واخا نسيبي فين غادي اليوم عيد ميلادك
أسد-(شاف فيه بنفاد صبر ولوح بيديه وخرج كايهضر) لبس حوايجك اصاحبي تفوووو على منضر
فهاد ثلات سنوات لي فاتو تغيرو بزاف دلحوايج ومنهم آيﻻ لي تزوجات بعمر صديقها القديم ومر على زواجهم عاماين....
نزل أسد مع الدروج وفخامتو تأسر قلوب الخادمات لي خلاو خدمتهم وبقاو يشوفو فيه وفمدى رجولتو وفخامتو واخا يكون مزاجي كاتبقى على ملامحو الجدية ملاك جداب و الوسيم....وهي احد الاسباب لي كاتخلي الخادمات يتسابقو على تنضيف غرفتو واحديتو وملابسو باش يقدرو يشمو رائحة عطرو الفخمة
***في المساء***
توافدو الحضور على الفيلة أسد وستقبلوهم الخدم ودخلوهم للقاعة لي كانت غاية في الروعة اضوء وشموع وعشاء فاخر ومشروبات بمختلف انواعها
بدا الاحتفال بالشخص لي مارحب بيهم ماستقبلهم ...رغم انهم شعرو بالاهانة وكان تصرف أسد غير ملائم وجارح لكبريائهم لاكنهم كملو الاحتفال باليوم المهم ولد الشخص الاسطوري والمعروف سي (ارسلان) المتوفي...
كانت آيلا منحرجة من اسئلة الشباب ولبنات وكلشي كايسقسي فقتاش غادي يجي أسد قربو منها مجموعة البنات بابهى طلاتهم وقالت وحدا بخجل وتردد
البنت- واش أسد صارم دائما هاكا؟ سمعت انه مزاجي ومكايضحكش كااع...
البنت الثانية- واش عندو حبيبة
البنت الثالتة-(وهمست فودن آيلا) شحال من عضلة عندو فصدرو
أيلا-(قالت بخجل) انا عارفا انكم بنات ولاكن ماخصكمش تسولوني بحال هاد الاسئلة مكاتحشموش
البنت الاولى- اوووه آيلا ماتكونيش هاكا ورضي على فضولنا ...
البنت الثانية- اشنو بغيتينا نديرو ماشي دنبنا خوكي لي مثييير ياكو البنات هههههه
الينت الثالتة- ماكرهتش نشوفو ونتمنالو عام ملئ بالحب معايا طبعا ههههههه
تلبت الاولى- صافي باراكا من ضحك انا لي حطيت عيني عليه لولا...
آيلا-(قاطعتهم بملل) سمعوني البنات عندي بزاف ديال شغال والى عاونتوني فيه غادي نمدحكوم امام أسد وماعرفتو لي عندها زهر غادي تنال فرصة دهبية معاه ...
البنت الثانية- بصااااااح شنو بغيتينا نديرو معاك...
آيلا- الزينا والاضواء والماكلة وشراب ...يلاه للكوزينة باش تعاونو لخدامات...
البنت الثالتة-واش كاتحاولي تعاقبينا شنو درناليك باش تغضبي هاكا ...
آيلا-(بتاسمة وهي كاتشوف غوجوهم لمستائه) واش شفتو شي حد غضبان و كايضحك هههههه
__________
كانت الجدة مي عيشة كالسة مع النساء المسنات وكاتمدح فحفيدها أسد وكاتوصفولهم فاش كان صغير ...
عمر كان كايضور على الحضور ويدردش معاهوم باش مايسولوش على حضور أسد لي سبب فاحراج كبير للعائلة ومازال مارجعش للدار.... ابراهيم (ولد خالت أسد)لي كان كايضور بين الحضور المملين وكايحاول يلقى المتعة لي هربات منو لان الحفلة كلاسيكية المملة بالنسبة ليه وموسيقى الجاز لي كاثير الغثيان
لتافت عمر وشاف آيلا واقفا ومهموما وتقدم عندها
عمر-علاش اميرة القصر حزينة
آيلا-(بغضب) علاش أسد كايدير هاكا ديما ؟ علاش ديما كايخيب املي هيوايتو هي يخليني نتقلق...
عمر-صافي ماتقلقيش هوا راه قال انه غادي يرجع
آيلا- ضيوف كايحسو بالاهانة من تصرفو ...وكايتهامسو الوقت كامل واش ماحسيتيش ؟ وعاد زيد عليها لينات طبخولي راسي بالاسئلة المحرجة عليه شنو كايلبس شنو كياكل شحال عندو دلعضلات فكرشو غادي نموووت بالفقصة
عمر-صافي غادي نتاصل برقم الشركة غير تهدني
_______________
وصل امام شقتها من بعد ماخرج من الشركة بكري ..رن الجرس مرة وحدا وتفاجئ بالباب تحلات بسرعة وطارت عليه عنقاتو وسط تفاجئو ويديها محاوطا على ضهرو لعريض كانت لابسة فستان دموي اللون حريري وكمامو قصار ومنفوش من الاسفل وقالت بحماس
نهال-كل عام وحبيبي بخيييير
كانت الشقة مضلمة ومزينة بالشموع كان المنضر بحال نجوم وسط سما كحلة رائحة العطر كانت تفوح فالارجاح المكان...اما أسد كان هادئ عكسها هي
نهال-غادي تحتافل معايا ياك
دخل الشقة وسط استغرايها من تجاهل سؤالها ..ضار عندها وبصوة خشن قال
أسد-لا ..عائلتي وجدو احتفال على قبلي ...مانقدرش نخليهم جيت غير باش نطمائن عليك...
نهال-ادن غادي تخليني وسط هاد الشموع وتمشي...بغيت نحتافل معاك نتا ماشي مع راسي
أسد-(شاف فيها ببرود) علاياش كاتملمحي امدموزيل نهال...
نهال-(قربت ليه ) دازت 3سنين على علاقتنا ونتا ديما كاتئجل لقائي بعائلتك ...علاش نتا بارد بحال هاكا....
سكت والبرود على ملامحو حتى حست نهال بغضبو لي غادي يفجرو فوجهها ...حتى تفاجئات منو شدها من يديها بقوة وقال بصوت بارد عاكس غضبو الواضح
أسد- واخا صافي...غادي تمشي معايا للدار وغادي نعلن على علاقتي معاك للجميع...(بصراخ)ودااباااا
تلعتمت بخوف وهي كاتحاول تبعد معصمها من قبضة يديه لقوية
نهال-اه ولاكن ماشي بهاد الطريقة كولشي غادي يتصدم
جاوبها بلهجة حادة وصارمة تسببت فاسقاط دموعها
أسد-(بصراخ)تحركيييييي
غوتت وهي كاتحاول تخفي خوفها وارتعابها من نضراتو القاسية
نهال-واش يحسابك الامر بهاد السهولة
غوت فوجهها شي لي خلاها تتوتر كتر ودموعها على خدودها
أسد-اشنو دابا حددي موقفك امدموزيل نهال واش باغيتي نكشف علاقتنا ولا ندفنها للابد
______________
كانت فالسيارة كالسة فالمقعد الامامي ومغمضا عينيها وركان كالس فمقعد القيادة وكايفكر فالبنت لي كايبغي وكيفاش غادي تحاول تغوي شاب باش يوقاع فحبها مجرد هاد الكلمات كايخليوه يتعصب قاطع افكارو عابد لي ركب فالمقعد لوراني ديال السيارة وفيدو كارطون كبير
ركان-شنو داكشي لي فيديك اشاف
عابد-هادي الطورطا لي غادي دخلها نورسين للفيلة وتما غادي طلاقاي بالشاب لي قلتليك عليه
نورسين- اجي شنو سميتو هاد الشاب وماوريتينيش صورتو باش نعرفو
عابد-(تنحنح بمكر) هاه اااااااااام ماعارفش سميتو ...سربي سربي نوضي هاكي هاهي طورطا دخليها وقليلهم بلي نتي هي الموضفة لي سيفطتها المخبزة
خرجت من السيارة وهزات الكارطو بتنهيدا طوييلة كادل على استيائها وغضبها وترددها لاكم ستسلمات لامر الواقع
نورسين-انا غاديا خليكوم فالخط معايا عنداكوم تقطعو بغات تمشي لاكن ركان ستوقفها
ركان- العميلة رقم 7...... (بتاسم) بالتوفيق
نورسين-(غمضت عينيها وحلاتهم مع ابتسامة) شكرا
عابد خلاها حتى بعدات وعطا لركان ضربة للراس
ركان- ااااه لاش ضربتيني عاود لااااااش
عابد- الغبي علاش معيطلها العميلة رقم 7 فوسط الشارع
ركان-راه ماسمعنا حد اشاف الشارع خاوي
عابد- الحيوط عندها ودنين بقا ترض البال شوية
ركان-وعلاش ماقلتيلهاش سمية ديال الشاب
عابد- الى عرفات سمية ماغاتبغيش دخل
ركان-مافهمتش وعلاش
عابد-(شاف فيه بغضب) بدل الساعة بخرا حسن ليك
وصلت نورسين لبوابة الرئيسية لي كانو جدرانها مزينين بالاضواء المتلالئة دخلات لاكن فلحضة دخل فيها شخص حتى اختل توازنها بغات تغوت عليه لاكنو زاد بسرعة وماضارش حتى يشوف فيها ولاحضات يديه لي ماسكين فيد بنت بقوة وجارها وقالت بصوت خافت وهي كاتدلك كتفها
نورسين- مالو هاد بنادم تقول نهاية العالم علاش زربا علاش
كانت غادي طيحلها طورطا من يديها شدتها مزيان وقررت تبعهم ودخل حتى هي ....فتح أسد الباب ويديه ماسكين فنهال لي كانت خايفا وكاتحاول تجر يديها من قبضة أسد لي كان معتاصر يديها بقوة ضغطت على كتفو بترجي وتخبات وراء ضهرو لعريض
نهال-اسد خلينا نمشيو من هنا قبل مايشوفنا شي حد....عافاك انا مابغيتكش تعرفني على عائلتك بهاد الطريقة الخايبة.....
دخلت نورسين للفيلة وشافتهم واقفين والبنت كاتهضر وتبكي بينما الشاب واقف ومكايتصنتلهاش وقفها وقالها
أسد-دخلي للحمام ومسحي دموعك...ماغاديش نعرفك على عائلتي ونتي كاتبكي...
نهال-(مسحت دموعها) اوكي فين هوا الحمام
أسد-(اشار باصبعو لليسار ) ماتعطليش غادي نتسناك
طلقت من دراعو ومسحت دموعها وتوجهت للحمام اما نورسين كانت حاضياهوم ملور وكاطبق داكشي لي قراتو فطريقة التجسس تسللت مور اسد لي كان عاطي بالضهر وحطت الطورطا فالباب وحلت باب الحمام ودخلت لقات نهال كاتبكي وشهيقها كايعلى شوية بشوية ...يتالعات ريقها وهي كاتراقبها وقالت
نورسين-واش نتي بيخير؟؟
نهال-(مسحت دموعها) اه انا بيخير شكرا على سؤالك
نورسين- مزيان ...انا غادي نمشي
شداتها نهال من يديها بترجي ونورسين وضارت تشوفها
نهال-ختي عاونيني...
نورسين- ولاكن كيفاااش....
بعد 10 دقائق عيا أسد من الانتضار وبغا يقتاحم الحمام لاكنو تفاجئ منها فاش خرجت نهال وكانت جامعا شعرها للاعلى ملوية على راسها شال على شكل عمامة وحانيا راسها...ماداهاش فيها ...وشدها من يدها وجرها دخلها للقاعة وتمشا بين الحضور وجارها موراه خطواتها كانت متعرجة ....طلع فالدروج وداير يد فجيب ويد شادا فيها وكاع الحضور نتابهولهم وقف وقال بصوت مرتفع
أسد-واخيييرا جا وقت الحمااس الحفلة كانت مملة بزااااف ياكو
محمد لي كان واقف مقابل معاه بقا غير حال فمو ومافاهم والو وماشي غير هوا بل كولشي لي فالقاعة العائلة كاتسائل والحضور بداو كايتهامسو
على البنت لي واقفا من وراه....
أسد-(بصوت هادئ) اولا شكرا على الحضور فعيد ميلادي...وشكرا لكاع الناس لي جابولي هدايا وهنئوني....فهاد النهار وبهاد المناسبة وفحضوركوم بغيت نعلن عن خبر هاام....(بتاسم ابتسامة جانبية كلها تحدي وقال) غادي نعرفكم على خطيبتي
شهقت جداتو مي عيشة ودارت يديها على فمها وكدالك آيلا لي بقات مسمرا اما عمر بتاسم وضكاااك عكس محمد واكرام لي بقاو غير مصدومين من طريقة كلامو حيت ماشي هادو هوما الاصول وماشي هي عاداتنا كمجتمع مغربي البنت مكاتعتابر خطيبتك حتى كاتمشي تطلب يديها من دار وليديها
وسط همسات الحضور وتفاجئهم نترت يديها منو وسط استغرابو وونزلة حتى وقفت امامو ويديها على العمامة لي على راسها وكاتزول فيها وقالت
هييي اش كاتقول نتا اشمن خطيي....
علات عينيها وكانت الصمدة لكبيرة ليهم بجوج ضربت فقلوبهم بحال البرق وتوقف عندهم الزمن للحضات اواحد كايحدق بعيون التاني بدهشة🙈🙈🙊🙊🙉🙉
انتضرو الفصل التالي الملئ بالمفاجئات كانتمنى المزيييد من التشجيع....