فصل 12
قالو بجوج فدقا
أسد /نورسين-- هدا نتا !!!؟ // هادي نتي؟!!!!
توسعو دوك لعينين العسلين وهوا كايشوف فعينيها زرقين لكريسطالين لي كان واضح عليهم الخوف ...شافت علي يمينها وعلى يسارها طريق كلها عامرا بقاليها غير دروج شافت فيهم وشافت فنضرات أسد وطلعت كاتسبك بطريقة جنونية تدارك نفسو وتوكض فاش شافها هربات وفلحضة تبعها وطلع كايجري وكايخلف بدل الدرجة جوج وبدل جوج تلاتا بقا ملاحقها حتى طلعات للسطع ومابقالها فين تهرب بغات تسد الباب لاكنو وضع رجليه باش ماتسدش هي كادفع وهوا كايدفع ويغوت ويسب
نورسين-(دارت يديها على ودنيها باش تتاصل بعابد وركان)واش كاتسمعوني
عابد-كانسمعك تكلمي
نورسين- واش هداك الشاب لي قلتي هوا أسد تاج مالك
عابد-احم احم هواا صراحااا....اااه
نورسين-(ضربت بكعبها على الارض بزعف) وعلاش ماقلتيهاليش علاااااااش
عابد- كون قلتهالك ماغاتبغيش تنفدي المهمة
نورسين- (بصراخ)الله ياخدني ونرتاااح هدا راه اكبر عدو عندييييي
ركان- نورسين خرجي من تما حالا ....
عابد-(ضربو على راسو) سكتنا ابنادم الى خرجتي من تما غادي نتفاهم معاك وغادي تعاقبي على عصيانك انا غير علمتك (قطع عليها)
فهاد اللحضة دخل أسد دفع الباب بقوة وتغلب عليها وهي هربات منو حتى وصلات لحد الصور وبغات تنقز لاكنو عالي بزااف 3 طوابق قلبها كايضرب وتشوف فيه وترجع الطل وتقلب على مسلك يهربها لاكنو كان واقف بهدوء وبتاسم ابتسامة كلها مكر حشا يديه فجيابو ووقف بطريقة جنتلمانية وقال بكل ثقة وبصوت عالي
أسد-ياااااقوووم العدو امامكم والبحر ورائكم اروني اين المفر اين لمفر اين لمفر ..... اش كاتسناي تسوطاي ....
نورسين- بعد مني شنو بغيتي من عندي
أسد-هاد السؤال انا لي خصني نسولوليك هادي 3 سنين وانا مرتاح منك منين خرجتيلي عاود منيين
نورسين- انا اصلا ماجيتش على قبلك انا جيت باش نوصل لكاطو لي طلبتوه من المخبزة ...
جرها من يديها وزاد وهي كانت كاتحاول تتفك منو لاكنو اكتر قوة منها هبطها جارها مع دروج لاكن هي سئمت من جرو ليها وطبقة احدى الحركات القتالية لي تعلماتلهم فالمؤسسة وشلات حركاتو ولسقاتو مع لحيط ( كم انتي قوية)
نورسين-(قربات من ودنيه وقالت) شوف انا غادي نطلق منك وغادي نمشي بحالي ماشفتيني ماشفتك اوكي وبلا مشاكل الله يخليك
بحركة مراوغة تقلب السحر على الساحر وشدها من يديها بجوج وشل حركتها وقال بسخرية
أسد-قوية مع راسك هاه انا راه مازال مانسيتش الضربة لي عطيتيني ماعرفتش واش تشقات الارض وبلعاتك حيت قلبت عليك و كونت باغي نردليك الصاع صاعين لاكن ختافيتي ...وبما ان الله جابك حتى لمابين يديا مستحييييل عرفتي شنو هي مستحيل ...مستحييييييل نخليك تخرجي من هنا...
نورسين- طلق مني وخلينا نهضرو بلعقل ....اوووف راك خنقتيني بريحت برفانك لمعفنا ...شنو باغي مني دابا يالاه دوي
أسد-(غوت حتى بانو لعروق دوجهو) بغيت نعرف علاش نتاحلتي شخصية خطيبتي ...
نورسين- (رتابكات لاكن تشجعات وغوتات حتى هي) خطيبتك هي لي ورطاتني وخلاتني نلبس كسوتها...
أسد-(بصراخ) فين هي نهاااال
نورسين-(بسخرية بغيضة) اوووه صافي سيدا مابغاتكش ونتا لاسق فيها عطي لراسك شوية دلقيما ...هي هربات منك وستخدمتني كاتمويه باش ماتعيقش
ضم قبضة يديه وضرب الحيط وعاود غوت...
أسد-هاديك لخوافة غادي نتفاهم معاها
قربات من طولو وسحباتو من ربطة عنقو الرمادية حتى تحنى ووصل لطولها
نورسين-انا جيت غير باش نوصل لكاطو ..ماشي باش نتورط فتمتيلية ...( بلهجة امر) يالاه حاول تصلح الامر
شدها من يديها ودفعها عليه بقسوة وقالت هي باستياء وتوتر وسط استغرابه...
نورسين-كون كنت عارفا ان هادشي لي غايوقاع كاع مانحيد الشال من على راسي لي كان خافي هويتي
أسد-(تنهد بحيرة وقال ببرودة ) عائلتي لي راهوم لتحت ماشي عائلتك هدا لاش عاوديلي شنو لي وقاع بالتفصيل
نورسين-(بارتباك) انا ماعارفاش شنو لي وقاع دخلت للحمام ولقيتها كاتبكي سولتها واش هي بيخير وجاوبتني جيت باش نخرج وطلبت مني المساعدة ماعاودتليش بالتفصيل فقط طلبت مني ننتاحل شخصيتها ..كانت متوترا وخايفا وبقات فيا ...اشنو كاتوقع مني نتجاهلها كيف درتي نتا
أسد-(مرر اصابعو على شعرو وتنهد بملل )تفو على زهر اعلنت للناس كاملين على علاقتي بسكرطيرتي...اش غاندير دابا
نورسين-(قربت منو باستغراب) اشنو قلتي سكرطيرتك من فقتاش بالسلاما
أسد-(رفع صبعو ودفع راسها لي كان قريب منو وقال) خلي مسافة بيناتنا نتي ماشي خطيبتي هدا لاش بلاما تستاغلي الموقف
نورسين-(غوتات بغيض) انااااا لهلا يحيك ويوصل يديك لرجليك... شكون لي كايستاغل فالوضع ال.....
حس اسد بان شي حد جاي وجرها ودخلها لغرفت محمد لي كانت قريبة منو وسط تفاجئها لسقها مع لحيط ووضع يديه على فمها وهمس بصوة خافت
أسد-سمعيني انا ماغاديش نخليكي تهربي وتخليني واحل فهاد لمشكلة بوحدي
تضايقة من نفسو لي كاترتاطم بعنقها ودفعاتو وبهمس قالت
نورسين-سااااهلا قولهم انه سوء فهم وغادي يتحل المشكل كامل
أسد-(بتاسم بسخرية) نتي راكي ماعارفاش عائلتي من اشمن نوع هوما كايتسناوني غير نخطئ باش يفكروني باخطائي خصوصا جداتي لي كاتحاول بجهدها تشوفني مهزوم باش تلعب ضور السيدة الحكيمة وتبدا تنطق بالسخافات بحال جملتها الشهيرة ( نتا واخا كبرتي اوليتي راجل لاكن فعيني مازال مومو ) كانكرها فاش كاتصغرني وانا غير قبيلة شفت فيها بتحدي قبل مانعلن علاقتي بسكرطيرتي
نورسين-هاكااااااك.. ادن هوا تحدي بينك وبين جداتك الصعيبة ..اولااا حيت كاتكره الخسارة هدا لاش ماباغيش تبين الحقيقة
قرب منها بضعة خطوات ونضراتو ليها كانت تنافسية
أسد- انا مكانخسرش ابدا....وزيد عليها باغي نلقن نهال درس فالشجاعة وعدم التردد ...غادي نسالي معاها....
نورسين-اشنو قلتيييي ... واش حماقيتي
أسد-ضعفها وترددها خلاوني نشعر بالخزي ...وضعاتني فموقف محرج ..غير حيت هي جبانة ...ماتخافيش انا ماغاديش نسالي معاها فخطرا ...كيف شفتي هي سلمتني ليك بمحض اراضتها وغادي نخليها تندم على فعلتها
دفعاتو وتقدمت نحو السرير وكلست وكاتشوف فالارض بحيرة وقالت
نورسين- مزياان...فهمت ...ودابا شنو باغي مني ندير
قرب منها وتحنا عندها شي لي خلاها ترجع بالخلف بارتباك من نضراتو الغامضة ...حط يد على السرير ويد مسك بيها دقنها ورفعو باش يتسناليه يمتالك انضارها ....شاف فيها بتحدي وقال ...
أسد-"بغيتك تكوني ملكي لمدة شهر كامل "
_______________________
توسعت عينها الرقاء باستغراب ودهول وهي
كاتراقب ملامحو الجدابة لي ستفراتها ومدى روعة دقنه الملتحي وشافت فربطة عنقو المتدليه شداتها وجراتها لعندها وسط نضرات الفضول لي عتلات وجهو الجداب والجميل ..نضرة ليه بنضرة قبول للتحدي وقالت بلهجة ساخرة
نورسين- والى ماقبلتش عرضك المثير اش فجهدك مادير...
همس أسد ببرودة رغم نضرات وجهو الساخرة لي ستفزاتها
أسد-غادي تنالي عقوبتك فتدخلك فشؤون الاخرين
سحبت ربطة عنقو مما ادى لاقترابو منها اكتر وهمست فودنو وقالت
نورسين- غير حلم مع راسك المتملك النرجيسي..
دفعات صدرو بيدها وناضت بعجلة وتوتر نحو الباب باش تهرب
لاكنو تداركها وشدها من يدها فجئة وجرها لعندو حتى تقابلو اعيونهم نضرات الدعر مقابل نضرات التهديد
أسد- غادي ندخلك للحبس بسبب انتحالك لشخصية مراء اخرى وماتنسايش انكي امام اعضم رجل اعمال نفودي ومالي ...امام عجزك وفقرك ...واش بصح باغيا تتحدايني انا أسد مالك؟؟؟؟
ضحكت بغيض بينما هوا كايشوف فيها بسخرية
نورسين- انا ماغاديش نضحك على عائلتك ...هادي مشكلتك كونك انسان غير صريح
أسد-نتي السبب لي خليتيني نكدب على عائلتي لهدا تحملي عواقب افعالك...
سحبت يديها من يديه باش ترد عليه لاكنها سكتت فاش شافت على وجهو ملامح الجد والقسوة
أسد-سمعيني نتي ماغاديش تتحركي من هنا حتى نرجع ليك
نورسين-(بصراخ) غادي نقز من السرجم
أسد-(تنهد بنفاد صبر وقال قبل مايخرج) الى قدرتي ديريها...
ضربت برجليها الارض بغضب فاش شافتو سد الباب
نورسين- انا كانكره هاد المتملك النرجيسي كونت غادي نستاغلو سدق هوا لي كايستاغلني يالا سخرية القدر اوووف
خرج اسد وهوا كايتنفس بصعوبة فك ازرار قميصو ورخا شوية ربطة العنق علا راسو وغمض عينيه
وفلحضا تفاجئ بمحمد واقف قبالتو بكل هدوء كيف العادة ...غير شافو تعوط فالوقفا بارتباك
أسد-محمد واش نتا بيخير علاش خليتي ضيوف وطلعتي لهنا
محمد-شوف فراسك بعدا ...حالتك يرثى لها...
أسد-(حك راسو بخجل) اووووه
محم-(قرب منو وطبطب على كتفو مع ابتسامة) تمالك نفسك ونزل لعند الضيوف لفضولين وعند جداتي لمعصبا...
أسد-اوكي مسببت المشاكل لداخل لهدا عنداك تهرب نتابه مزيان علاما نرجع
محمد- هادي ماشي نهال ياك
أسد-من بعد ونشرحلك
دخل محمد للغرفة ببطئ ولقا نورسين كالسا على السرير وكاتشوف فحوض الاسماك وتخلعات فاش شافتو
نورسين-شكون نتا...
محمد-(قرب منها بضع خطوات وكلس على السرير ) انا محمد الاخ صغير ديال خطيبك ...تسببتو بضجة كبيرة هاد نهار
وقفت ومشات كاتحاول تحل الباب
نورسين- انا ماعمري غادي نعاون شي حد طول حياتي هدا وعد مني ...(زفرت فاش مابغاش يتحل الباب) هداك خوك حبسني هنا انا خصني نرجع لدار دابا مشا لحال
محمد-خويا شخص عنيد بزاف لدالك كانصحك تبقاي كالسا حتى يرجع بينما حل المشاكل لي لتحت
نورسين-علاش...شنو واقع لتحت..
محمد - من جيها الصحافة ومن جيها العائلة والاقارب...(شاف فيها) ادن نتي ماشي نهال
نورسين-(شافت فيه بابتسامة فخر) انا نورسين المالكي...لاكن نتا لمفروض تعرفني باسم نهال كيفاش عرفتي
محمد-(بادلها بنفس الابتسامة وهمس باسمها) نورسين المالكي ...حيت سبقلي تعرفت على نهال الحقيقية...
نورسين- ودابا نهال ديالكوم هربات وانا لي كانتلام هنا ...هوا راه ناوي يحبسني هنا لمدة شهر..سمحلي نقوليك خوك مغتر بنفسو بزاف كايبغي نفسو وكايعشقها لدرجت غادي يتزوج بيها عن قريب...
شاف فيها وبدا يضحك رغما عنه شافت فيه باستياء وكملات كلامها
نورسين-بغيت نمشي بحالي شنو ندير فكر معايا
محمد-شكون قاليك انكي غادي تحبسي تافقي مع خويا بانكي ماغاديش تهربي وغادي يخليك ديري لي بغيتي
نورسين-بصااااح وانا دابا خصني نتحمل عواقب طيبتي وفضولي ياااك
محمد-وشنو عوالا ديري
كلست على الارض الباردا وحيدت كعبها ولاحتو
نورسين-انا جزء من هاد المشكلة ...
وماكانبغيش نكون ثقل على اي حد لهدا غادي نستحمل لمدة شهر كامل فقط
___________________
نزل أسد مع دروج ودخل للصالة وشاف جداتو لي كاتصرف بلاباقة مع ضيوف شافتو وجات عندو
أسد-شنو بغيتي
مي عيشة-اشنو هاد المسخرة لي درتي
ايد-هادي هي ردت فعلك على فعلتي الشنيعة فنضرك
مي عيشة-ماكرهتش نهرسليك راسك لاكني كانحاول نتمالك اعصابي علما يمشيو ضياف..
أسد-واش ماباغياش طلاقايها
مي عيشة- انا مامعتارفاش بوجودها لهدا بلاما تتعب نفسك
أسد-غادي تتقبليها بسيف عليك حيت غادي تبقا معايا فداري... وفبيتي ...وعلى سريري....وماغاديش تقدري تمنعيني لهدا كملي هضرتك مع ضيوفك لمملين....
خرج من دار وخلاها غادي تنفاجر من الغيض والسخط وعيون الحضور عليها تمالكت نفسها وطلعت مع ضروج شافتها آيلا وحسات انها غادي دير شي حاجة لخطيبة اسد وتبعتها وصلت للرواق فتحت باب غرفت أسد بقوة لاكن مالقات حتى واحد شداتها آيلا من دراعها وكاتترجاها
آيلا-جداتي عافاك تمالكي اعصابك
ضارت عندها بغضب وغوتات
مي عيشة-اكيد غادي يكون جاب لينا شي بنت زنقا طامعا بفلوسو ...هوا مكايبغيش يتصنتلي وماكايديش على هضرتي وماكايحتارمنيش اآيلا علااش؟ راه حشمني قدام عباد الله ...علاش مقالهالناش قبل ونمشيو نخطبوهالو على سنة الله ورسوله بحالنا بحال كاع الناس ...واش حنا ماشي عائلتو ....
سكتات آيلا وشافت فكلام جداتها الحقيقة طلقت من دراعها وكملت مي عيشة البحت ديالها على نورسين فتحت باب غرفت محمد ولقاتهوم كالسين بجوج فالارض وكايتبادلو الحديت
سكتات نورسين وهي كاتشوف فنضرات الجدة بارتباك فضيع وعينيها كايرجفو بالخوف اوقفة وكدالك محمد وقف امام نورسين وقال بصوت هادئ
محمد-جدا تهدني عافاك
مي عيشة-(قربت منها وهي كاتفحص شكلها ) انا ماغاديش نقبل علاقتكم مهما كااان
ماقدرتش نورسين تجاوبها لان الجدا عندها الحق باش تغضب بشأن علاقة حفيدها لي خبعها عليها ...مي عيشة من النوع المتسلط لي كاتبغي تختار لعرايسات لحفادها بنفسها
مي عيشة-كيفاش خليتي حفيدي يعصيني هاكا علاش جيتي علاش دخلتي لحياتنا بهاد الشكل
علااش ...جاوبيني علاش ساكتا...
نورسين- سمحيلي ...عافاك سمحيلي بزااف
تغيرت ملامح مي عيشة الصارمة وهي كاتشوف فوجه نورسين الحزين ...ودموعها فزكو خدودها
حست بالدنب وسولاتها بهدوء
مي عيشة-شنو سميتك
نورسين-سميتي نور...نهال
سكتات مي عيشة وهي كادقق فيها بامعان وقالتلها
مي عيشة-نتي تحت الاختبار انا غادي نحضيك وغادي نعرف شمن نوع من لبنات ختارها حفيدي...
دخلت على قلبها الراحة نسبيا فاش شافت مي عيشة خرجات ...وقفت آيلا ودارت يديها على جنبها وقالت
آيلا-انا سبقلي شفتك فيين ياربي فييين
محمد-لا اختي نتي كاع ماكاتعرفيهاش
آيلا-ممكن لاكن وجهها مؤلوف بالنسبة ليا
(انا نفكركم فقتاش شافتها عقلتو نهار لول ديال نورسين فالشركة فاش كانت كاتنضف القهوة لي فالارض وبهدلها اسد ...فاش خرجات طلاقات معاها فلاسانسور عقلتو دابا ....مزياااان👍👍)
آيلا-ماشي مشكل تشرفت بمعريفتك رغم ان ضهورك كان مفاجئ لاكن بلاما توتري ...حنا مسالمين
وبالنسبة لجداتي دابا تتقبلك مع لوقت لهدا ديري لي فجهدك باش تكسبي رضاها
بتاسمت نورسين وبادلتها آيلا نفس الابتسامة وخرجت وخلاتهوم شدات فكتف محمد وقالتلو فودنو
نورسين-هاد البنت صبقلي شفتها فالشركة ...
محمد-آيلا ..هي الة الفضائح غير تتفكر فين شافتك وماغاتخلي لمن تقولها
نورسين-الة فضائح ؟؟؟؟
محمد-طبعا غير غادي تتفكرك وغاتي تعرفك نهال لمزورا
نورسين-فين هوا خوك. خلاني تحت رحمت عائلتو وهرب
محمد-علاش شفتو قبيلة فاش خرج ماعرفتوش فين مشا علاش واش بغيتي شي حاجة...
نورسين-بغيت تلفون
مخمد-علاش
نورسين-بغيت نطمئن صاحبتي ونعلمها باش ماتسنانيش...
عطاها تلفون وشداتو منو وهي تتفاجئ باسم (دَوْكَس) طالع على التلفون
نورسين- اسم غريب اممم.... دَوْكَس كايتاصل بيك...
بسرعة خدا منها تلفون وجاوب...
محمد-الو خويا...كيفاش نخبع عليها تلفونات...شنو كاين صوتك كايخلع
شافت فيه بدهول وهوا كايهضر مع خوه سالا هضرتو وشاف فيها وبتاسم
محمد- المتملك النرجيسي ..حدرني دابا باش مانعطيكش التلفون
نورسين-(شهقت بغيض) كيفاش ...هداك ل...
بغات تسبو لاكن تفكرات خوه صغير وعتادرات....
محمد-سمحيلي بزاف حيت مانقدرش نعاونك
نورسين-صافي ماشي مشكل...
_________________
سالا من خدمتو فالشركة وناض من الكورسي باش يخرج وتفاجئ من ياسر وهوا داخل عليه ونضراتو غامضة
أسد-ماشي خليتك فالدار قبيلة اشنو كادير هنا
ياسر-(بقلق) شنو داك تخربيق لي قلتي قبيلة قدام كولشي كيفاش نورسين هي خطيبتك كيفاش قدرتي تخون نهال
أسد-(تكا على المكتب وربع يديه ) اكيد ماجيتيش باش تعاتبني على خيانتي لنهال ...لاكن بسبب خيانتي ليك..اولا كدبت
ياسر-(ستغرب من نضرات أسد الخاوية من اي شعور بالدنب) فعلا انا معصب منك ...حيت ستغبيتي طيبة نورسين ورغمتيها تمتل انها خطيبتك
أسد-(بصراخ) علاش كادافع عليها هي راها نتاحلات شخصية نهال وخصها تتعاقب...و بما انك مابغيتيش تقولي على مكانها وكنتي مخبيها عليا حتى شفتك نتا وياها هاهوا ربي جابها حتى لعندي وبرجليها دخلت لداري
ياسر-(بثقة) هي ماشي من داك النوع باش نتناحل شخصية اي احد
أسد-(بغضب) وكيفاش عرفتي عليها هادشي كامل ونتا بحرا شفتيها هادي مكاملاش شهر هاه تقدر تقولي فين كانت هاد المدة كاملة
ياسر- ماعرفتش ومابغيتش نعرف حياتها هاديك تمشي فين بغات لموهيم انها رجعات وتاصلات بيا وتقابلنا وحينا صداقتنا من جديد وشنو نقول عليك نتا لي كاتعرفها غير بالسمية كيفاش كاتتاهمها
أسد- هاد البنت سبباتلي المشاكل بزاف وهاد لمرا زادت فيه كتر من لقياص
ياسر -ادن نتا باغي تضرب عصفرين بحجر واحد حيت ديما عاجبك راسك ...نهال وضعاتك فموقف محرج ...لهدا ستخدمتي نورسين باش تنقد نفسك وفنفس الوقت تحقق انتقامك من نورسين ونهال فدقا كاينا ولا لا...
أسد-(بتاسم بمكر) تخمينك فمحلو ...مانتعجبش كونك اعز صديق عندي ديما كاتفهم عقليتي (رفع 3 اصابع وقال بسخرية) قول تلات عصافير ماتنساش جداتي حتى هيا والمجموع 3
ياسر-(ببرودة) واش كاتستمتع بانتقامك...هاه؟؟
أسد-(ربع يديه ببرودة) غادي نكدب عليك الى قلتليك لا ...😏
ساير-(بنفاد صبر) انا غانمشي نخرجها من تما
أسد-(ببرود )الى قديتي ديرها
ياسر-(بتحدي) ادن راقب وشوف
خرج ياسر بخطوات متسارعة وتبعو زين بغضب وسخط...
___________________
الضار خوات والخادمات كاينضفو المكان والعائلة كانت مجموعة فعرفة الجلوس وكلهوم كايشوفو فنورسين لي كانت كالسا بديك لكسيوة لقصيرة ديال نهال
ابراهيم(من عائلة اسد)-(باستغراب) لعجب كيفاش أسد حتى لقا بنت بحال هادي ...؟ كانقصد ...دخلت عليكم بالله كيفاش راجل بلا احاسيس ومشاعر غادي يرضي بنت زوينة بحال هادي...
آيلا-(ضرباتو لراس باش يسكت وقالت وهي كاتشوف فيها) بلعكس خويا انسان دافئ من الداخل عكس داكشي لي كايضهر ليكم كاينا ولا لا انهال....
نورسي- هاه ...ااه
عمر-للون عينيكي زوين بزاااف
آيلا-(زطمات على رجليه بغيض وقالت ) واش كاتغازل فخطيبت خويا قدامي مابقيتيش تحشم
عمر-(بتاسم) لا لا احبيبتي كيفاش نقدر نشوف فنسا ونتي حدايا
آيلا-(شافت فنورسين باستياء) شفتي انهال ...شدي فأسد بيديك ورجليك والى ضطريتي سديليه عينيه رجال طماعين بزاااف
نورسين-(بسخرية) كانفضل نقتلو هادي هي الطريقة الوحيدة باش نخليه غير ليا بوحدي...
ضحك ابراهيم وسط دهول العائلة لي كان باين على ملامحها الجدية طبيعي حيت كاتكرهو بزاف وقالها ابراهيم
ابراهيم-(فعمرو 25) عرفتي بديتي كاتعجبيني....هاهاهاها
بتاسمت نتاليا بتصنع لاكن مازال ماولفات بعائلت عدوها اللدود ..
عمر-كايبانلي من شكلك انكي انسانة لاطيفة لاكن لسانك خطييييير....
آيلا-كانتمنى ماتقلقيش من جداتي حيت ماكلساتش معانا ... راه غير مزالة مقلقة من أسد
عمر-(وهوا كايشوف فرجليها) امم واش نتي عارضة ازياء
نورسين-لا
ابراهيم-من الاحسن تولي عارضة لان جسمك جداب 😍
هبطات نورسين كسوتها باحراج حيت مامولفاش هاد النوع من الملابس الفاضحة حست بيها آيلا محرجة من كلمات ابراهيم وعطاتو ضربا لصدر مع غوتا
آيلا-براهييييييييم
ابراهيم- اااااااه علاش كايعجبك ضربيني علاااش
تنهد محمد من سخافة حديت عائلتو حشم حدا نورسين حيت واخا عائلتو اغنياء لاكنهم فالحقيقة مجموعة من الحماق ...شوية تفاجئ من أسد داخل هوا وياسر لي كان كايقلب بعينيه على شخص حتى طاحت انضارو على نورسين لي كانت كالسا بتوتر شافت فيه بنضرة سريعة ورجعت شافت فآيلا والجميع مكانتش مهتما بشوفتو عكسو هوا بينما أسد كان كايبتاسم بسخرية
ياسر-نور....نهال ...بغيت نهضر معاك ...
شافت فيه باستغراب ورجعت شافت فأسد لي كان متكي على الحيط وكايشوف فيها مباشرة وناضت بارتباك من جيهت محمد لي كان حتى هوا باغي ينوض لانه حس بلي شي مدابزا غاتبدا بين هاد جوج ومن جيها ابتسامت أسد الساخرة مقابل نضرة ياسر الغاضبة ....شدلها محمد فيديها وقالها
محمد-واش عارفا انكي غاديا للجحيم برجليك...
نورسين-(تحنات عندو) مافهمتش شنو بغيتي تقصد ...