فصل 13
ناضت نورسين امام نضرات التحدي لي فعيون أسد ودازت من قبالتو وخرجت مع ياسر للحديقة باش يهضرو ...تردد بزاف ياسر قبل مايهضر وحدق فعيونها لمدة طويلة وسط استغرابها
نورسين- ياسر واش نتا بيخير
ياسر -نورسين هداك راه صاحبي وانا كانعرفو كتر منك هوا راه كايستاغلك باش ينتاقم من خطيبتو وجداتو وحتى نتي حاطك فلائحة
نورسين-(تنهدت وغمضت عينيها)فخباري
ياسر- ومازالة كالسا فدارو
نورسين-وشنو كاتوقع مني ندير...انا ماشي من داك النوع لي كايتسبب فالمشاكل ويهرب...لهدا انا غادي نتعاقب وبئرادتي وهاد العقاب ماشي خطير لدرجت تخليك تجي لهنا ...
ياسر- مافهمتش شنو كاتقصدي...واش ماعوالاش تمشي معايا نورسين انا جيت نخرجك من هنا...
نورسين-ضيعتي وقتك انا ماناوياش نرجع حتى نكمل هاد الشهر فدار أسد مالك...
__________________
ستيفانيا -برااااافو 👏👏 علييييك هاكا نبغيك شاف علاش ماختاريتينيش انا لهاد المهمة غير تصويرتو هزت كياني اووووه كيوووووت شفتي غلى عوينات عندو
فالمقر كانو كايتصنتو على الجهاز تصنت لي عند نورسين ومتبعين معاها فكل كلمة قالتها قرار انها تكلس ففيلة أسد ماشي قرارها بل عابد وستيفانيا وبويكا لي بززو عليها تقبل العرض وتمتل ضور الخوف والعجز والارتباك امام أسد وتمتل ضور لعروسة زوينة ولمئدبة امام عائلتو باش تكسب ثقتهوم وقلوبهوم ...
بويكا-(بغيض) سكتينا خلينا نسمعو شكايقولو
ستيفانيا-بنادم لمحساد يا لاطيف منو
عابد-سكتو سكتو خلينا نسمعو ...
ستيفانيا- دوك العائلة عندو مسطين والله كاع مكايشبهولو هوا زوييين ورزييين ورجولة اااح اقلبي
عابد-(بفخر) هاد البنت دكية بزااف ودروس لي خدات فتمتيل عرفات طبقهوم ههههه
ستيفانيا- (شافت فركان منزاعج وفالت) ركاان مالك كاتبانلي مبدل واش ضاراك شي حاجة
عابد-ضارو قلبو 💔 لمسكين
ركان- لا راك فاهم لموضوع غلاط حنا غير اصدقاء فقط....
ستيفانيا-(شافت فيه بتمعن) شوف فيا هادو ماشي نضراتك اركان عينيك فيهم الحزن واش بصح دخلاتلك لقليب ياخسارة وانا لي كنت باغيا نجي نخطبك ههههههه
بويكا-بعدي من سيد خليه على راحتو وخلينا نركزو فهادو لي كايهضرو
عابد-سكتوناااا
_____________________
ياسر-(بنفاد صبر) واش نفهم من كلامك انكي ماباغياش تمشي معايا
نورسين-شكرا حيت فكرتي فيا لاكن انا كانفضل نبقا ونطفي هاد العافيا بيدي من الاحسن
ياسر-(تنهد) واخا لي بغيتي تحتاجي شي حاجة قبل مانمشي
نورسين-اه مانكرهش تعيط لصاحبتي وتقولها ماتقلقش عليا وبلي غادي نصافر برا لمغرب لمدة شهر كامل انا نعطيك رقمها اوكي
ياسر-واخا كوني هانيا....
دخلت للدار وفوجهها ابتسامة ماااكرة وتوجهت للحمام وعملت اتصال بالجهاز لي كايسمعوها بيه عابد وبويكا
نورسين-راكوم هنا
عابد-(بحماس) هنااااا الغزالة براااافو عليك هاكا نبغيك
ستيفانيا-نورسييين حبيبتي تحتاجيني نعاونك نجي دابا نشوف لجمال لي خلقو سيدي ربي ههههه
نورسين-(بسخرية) بغيت ربي يطليك بيييه اش بغيتي بهاد زبل لي عاجبو راسو اوووف كانكرهو
ستيفانيا-شوفي انا وقعت فحبو من اول نضرة يعني كلامك ماغايئترش فيا
بويكا-(كاتعصبو ) نتي غير لي شفتيه تزعطي فيه
ستيفانيا- اه اه ونتا متلك
بويكا-(بابتسامة ماكرة)ايوا تزعطي فيا انا لول
ستيفانيا-الله يستر بقيتيلي غير نتا ...
ركان-شوفي راه قالي بويكا بلي كايخطط يتزوج وكايقلب على بنت الناس
ستيفانيا-واش بصاااح
بويكا-اااه راني كبرت وخصني ندير مستقبالي مع وليداتي ونربيهم معايا
ستيفانيا-(بغيض) ايوا صافي والله لاكانت ليك وانا شكون يبقا معايا...
عابد-لا حول ولا قوة الى بالله واش ماغاديش تكبرو وديرو عقلكوم خليوني نسمعها شكاتقول ....نورسين بنتي
نورسين-بنتااااك دابا عاد وليت بنتك نسيتي ضربة لي عطيتيني فصبح
عابد-ايوااا ابنتي غير كاتعصبوني وصافي الله يهديكم عليا انا راني راجل كبير وفيا سكر عضروني الى تعصبت ...لموهيم ابنتي الله يوفقك وعنداك تغلطي وحضي لسانك
نورسين-اوكي شاف (حيدات السماعة من ودنها وتنهدت بتعب وقالت وهي كاتشوف فلمرايا) واخا اسي أسد هاحنا غانشوفو شكون لي غايستحمل للاخير...كيفما باغي تستاغلني حتى انا غانستاغلك لاكن دابا محتاجا نتحلى بقناع البرائة والغباء ههه...
______________
شافو غادي يركب فسيارة لاكنو ستوقفو بكلامو المستفز
أسد- اشنو رفضات تمشي معاك ديك راس لمشاكيل...كانضن انك مفقوص دابا ....
زدح الباب بقوة وتوجه عندو وشنق عليه وغوت فوجهو بقوة
ياسر-شنو قولتيلها حتى غسلتيلها دماغها ...
أسد-(حيدليه يديه) كيف سمعتي هي متقبلا عقتبها لهدا خلينا ندوزو هاد شهر بسلام....
ياسر-نتا عارف انني معجب بيها علاش كاتحاول تبعدها عليا كيف درتي مع وئام....
أسد-علاش ديما كاتجبدلي هاد لموضوع ...انا مابعدتهاش عليك فقط للتسلية ... بعدتها عليك لمصلاحتك...دير عقلك اصاحبي...
تقدم ياسر عند أسد وجمع معاه بضربة حتى طيحو للاض أسد بقا غير مسمر فبلاصتو من ردة فعل ياسر
ياسر-بصوت مبحوح .....ماغاديش ترجع انا عارف لاكن ماقادرش نصدق انها مشات بهاد البساطة
حس اسد بالدنب وبلي مكانش خصو يناقشو فموضوع وئام مسح الدم من على فمو اوقف
أسد-ياسر واش يديك بيخير
ياسر-انا بيخير
أسد-(شدليه فيديه)كداب شوف يديك كيف ولات زرقا مكانش عليك ضربني ...
تصدم من ردت فعل أسد سحب يديه بسرعة وببرودا بينما أسد كان كايتصرف ببرودة وغموض باش يخفف عليه بادر وعنقو عناق طفيف وقال
أسد-فقط يد الاصدقاء يمكن ان تنزعة الشوكة العميقة بداخل القلب....هادو كلمات ماما الله يرحمها
ياسر- راه نتا لي غرزتي شوكة فقلبي... كوني خليتك تعنقني هدا مكايعنيش انني سامحتك ...نتا قتارفتي دنب عضيم فحقي...دنب مايمكنش للصداقة تغفرو بسهولة ...نتا حرمتيني من سعادتي بعدر انه لمصلاحتي...على اشمن مصلاحة كاتهضر ماقلتيليش حتى السبب لي خلاك تبعدها عليا....
أسد-(بنبرا جليدية) من بعد كاع هاد سنسن مازال مابغيني تشكرني...انا درت لي عليا فقط لمصلاحتك
عتاصر ياسر قبضة يدو وتمالك نفسو باش مايزيدش يضربو وقال ببرودا...
ياسر-مازال كاتكرر نفس الجملة....نفس الجملة لمصلاحتك علاش ماتقوليش السبب فعلتك لي ضمرتني ...بغيت نعرف وعندي الحق نعرف السبب ...قولي شنو هوا السبب وريحني وريح راسك
أسد- مانقدرش نقولك سمحلي بزاف
ياسر-حتى بعد موتها ماباغيش تقولي....تفو شحال كانكرهك ....
تراجع للخلف بدون وعي وركب فسيارتو وزاد مع طريق...وخلى أسد وسط الشارع لمضلم بحال قلبو بصوت ضعيف همس وقال
أسد-سمحليا بزااف اصاحبي كرهك ليا احسن من انك تتألم بسبيي
____________
في منتصف الليل رجع أسد للدار لي كانت ملئة بالاضواء الملونة ...ملابس العمل الفوضوية ربطة عنقه لمفكوكة ولمدلية على صدرو ...عينيه نعسانة ..والحزن يعانق ملامحو ...نزل شخص من السلالم بسرعة ومخلوع لاكن الرئية مكانتش واضحة بالنسبة لاسد ماقدرش يعرف الشخص لي قبالتو حتى قرب ليه
محمد- دوكس من قبيلة وانا نتسناك ترجع (شاف فيه بدهشة) واش دابزتو شنو وقاع قولي
أسد (بتاسم ببلدة ورفع يدو ببطئ ومسح على راس محمد) محمد سير تنعس
تمشى أسد بتمايل وسط قلق محمد وطلع فدروج بصعوبة وبتثاقل ...بقوة التعب كان غادي يطيح جرى عندو محمد وعاونو على الوقوف قال محمد وهوا كايراقب ملامح أسد وسولو
محمد- أسد واش شربتي دواء ديالك
دخلو للغرفة بصعوبة وعاونو كلس على سرير وقال قبل مايخرج من الغرفة
محمد- غادي نمشي نجيبلك دواء ديالك ونرجع
سد باب غرفة أسد وتوجه لغرفة نورسين لي كان فيها ضو مازال مشعول وعرفها انها مازال فايقا ...ضق فالباب بخفة باش مايفيقش لوخرين ...وفتحتلو هي باستغراب وفضول وهي كاتشوف فكاس دلماء لي هازو فيديه
نورسين- اهلا بالاخ صغير دعدوي
محمد-(بتاسم بسخرية) سميتي ماصعيباش على كل حال
نورسين-(لوات شفايفها) اوه سمحلي ولاكن كانرتاح فاش كانعيطلك بهاد اللقب
محمد-ومابانليكش انه طويل بزاف
نورسين- همم داكشي لي بانلي ...واش فخبارك انني لقيت لقب زوين ويليق بخوك واش تبغي تعرفو
محمد-(بصوت خافت) كبر مني وخا هكاك برهوشا
نورسين- هاه قولتي شي حاجة ماسمعتكش
محمد- سولتك على اللقب لي ختارعتيه لخويا
نورسين- المتملك النرجيسي..شنو رئيك
محمد- كايدل على مدى جادبيتو فالحقيقة
نورسين- اممم يعني نبدلو ياك ...اشنو بانليك نلقبو بالدجاجة لعاكرا
محمد-(بصدمة) لا لا لا المتملك النرجيسي احسن وجاي معاه
نورسين-(باستغراب) اوووه مزيااان...ولاكن علاش جيتي تشوفني فهاد الوقت
محمد- خويا كايبانلي مقلق
نورسين- ايوا وشنو بغيتيني ندير
محمد- بغيتك تبقاي فجنبو ... غوتي عليه ...او شي حاجة بحال هاكا يمكن يتحسن ...حيت مابغاش يقولي على المشكل لي مخليه مقلق ...حاولي معاه كانترجاك
نورسين-محمد سمعني...حنا غرباء على بعض
محمد- ولهاد السبب ختاريتك نتي ...حيت غرباء
نورسين-(وهي كاتعض فصبعانها) غادي يقتلني مافيهاش شك راه كاييكرهني
محمد- كانترجاااااك
نورسين- اوكي اوكي خليني نشهد بعدا
قربت من الباب وفيديها كاس دلماء ومترددة واش تدخل ولا تهرب
نورسين- ماعرفتش شنو دارلي حتلى وافقت ...احم احم احم بسم الله
فتحت الباب ببطئ ولقاتو كالس على السرير وعينيه على الارض ويديه مور عنقو ...عينيه العسلية الهادئة حزينة ...حس بدخولها ورفع انضارو لعندها ...وقال ببرود بنضرات غامضة
أسد- اشنو كاديري فغرفتي
نورسين-(لوات شفايفها وهمست بصوت خافت) الرد المتوقع ( سعلت بلعاني وهي كاتتقدم لعندو وفيديها كاس دلماء) انا رئيسة الاطفاء قالولي ان شي عافية شاعلة هنا ...
أسد-(بسخرية) ادن يارئيسة الاطفاء شنو جيتي تطفي
قربت منو وحطت الكاس على الارض وركعت قدامو وبابتسامة جانبية بينما هوا كان كالس على سريرو ورجليه متباعدين وكايشوف فيها باستغراب تمسكات بيديه وسط انضارو ..وحطتها على صدرو ...شاف فالمكان لي وضعت يديه عليها وشاف فيها كاينتاضر الاجابة ...همست بابتسامة دافئة كافية تخلي عينيه لعسلية تتوسع بدهول من اجابتها لقصيرة
نورسين- جيت باش نطفي الجزن لي فقلبك
غمض عينيه بهدوء وتنهد بضيق وفتح عينيه ببطئ وانضارو على عيونها الزرقاء ..كان كايتمعن فعيونها البريئة ...شافت فيه شوفة سريعة ولاحضت الاستياء لي بادي عليه
أسد-(همس بصوت غير مسموع) نتا...نتا لي غرزتي الشوكة فقلبي
نورسين-( باستغراب) هاه ...
أسد- والو صافي خرجي
شافت فيه بتسائل من كلامو وبتاسمات فجاة وقفات ودفعات راسو غير بشوية حتى ستلقى على السرير بسيف عليه وغطاتو
نورسين- بسلاما تصبح على خير
فتحات الباب وهي تتفاجئ بالجدة مي عيشة كاتشوف فيها بامعان وغضب ...تصدمت نورسين من شوفتها قبالتها وفهاد الوقة وفهاد المكان بالضبط ...شاف فيها اسد وقال
أسد-علاش مازالة واقفة
ضارت عندو بخوف شي لي خلاه يستغرب من ملامحها لي كايبان علهم الخوف وزيد عليها مازالة متمسكا بقبضة الباب ويديها كايترعدو سولها شنو كاين لاكن ماجاوباتوش وقف وتوجه عندها وفتح الباب اكتر باش يشوف شكون الشخص لي كاتشوف فيه وادا به كايشوف فجداتو لي كان على وجهها ملامح الغضب وعدم الرضى وقالت وهي باركا على سنانها بعصبية
مي عيشة- اووه سمحولي قاطعت ليلتكم الرمنسية ..واش نجيب شموع
جرات يد نورسين وخرجاتها معاها ...لاكنها تفاجئة بأسد مسك يديها وجرها لعندو بقوة لدرجة انها صطادمات بصدرو ...شاف فجداتو بتحدي وقال ويديه شادة فكتف نورسين لي كانت مصدومة وماعارفاش شغادير
أسد - ماغاديش نقدر ننعس مزيان وهي مكايناش فجنبي
قربات منها مي عيشة وباغيا تسقلها لاكن أسد شد يدها بلطف بينما نورسين غمضت عينيها كاتسنا الصفعة
أسد-تو تو لا ماغانخليحش ضربيها
غوتت وهي كاتراقب الدعر لي على وجه نورسين وقالت لاسد
مي عيشة-واش عاجبك هادشي ...واش باغي تعصيني...
حاولت نورسين تبتاعد عليه لاكن هوا واصل عنادو ودفعها للداخل وحاصر الباب بيديه مارضاتش بسبب تحكمو الدائم فيها ودفعاتو بغات تخرج وقالت
نورسين- خليني نمشي بحالي مابغيتش ندخل فالمشاكلك
أسد- فات الفوت نتي صبقليك تدخلتي فمشاكلي
مي عيشة-(شافت فيه بغضب) قليل ترابي (ومشات وخلاتهم)....
سد الباب وضار عندها مربع يديه وشاف فيها مباشرة بنضرة سخرية وقال
أسد-اشنو دابا امدموزيل نهال...
نورسين-حيد من طريقي خليني نخرج...
أسد-كيفاش غادي يطاوعك قلبك تخلي حبيبك ينعس بوحدو ليلة
نورسين-اولا انا ماشي حبيبتك ...ثانيا...
قاطعها بصوتو الساخر وهوا كايقرب منها شوية بشوية
أسد-اممم مابيكش زوينة ماشي كيف كان يحسابلي..
شعورها كان كارتي بينما كانت كاتتراجع للخلف لا اراديا وبحركات وبطيئة متناغمة مع خطوات تقدمو كانت عينيها كاترجف بينما هوا مستمتع بالمنضر وشاف فرجليها لي كايرجعو للخلف وقال
أسد- واش خفتي...
نورسين-لا ابدا
أسد-(بتاسم بمكر) ادن علاش كاتنفسي بصعوبة
نورسين- هاكاك رشقتلي...
أسد-(دار يديه بجيوبو مع ابتسامة جانبية) مزيان غادي ننعس دابا
نورسين- (تمتمت بكلمات مامفهوماش وقالت) حتى انا غاديا
أسد-(كايتفوه وهوا على سريرو) طريق السلامة سدي الباب وراك
هزات لوسادة لي كانت على الكنبة ورماتها على وجهو بعصبية وخرجة وسط نضرات أسد لي حط لوسادة لي ضرباتو بيها تحت راسو ونعس
___________________
في الغد
كانو الكل مجتامعين فالبوابة الرئيسية عمر كان واقف بملل قدام سيارتو ولابس بدلة رسمية سوداء ابراهيم كان لابس حتى هوا بدلة محترمة وانيقة لبسها بسيف عليه ولكرافاطا مضايقاه اما زين كان واقف امام الباب ولابس بدلة رسمية فاخرة وفاللون الاسود القاتم واخيرا غير نوع ملابسو ومالبسش الصدرية كتفى غير بالقميص ابيض وربطة عنق زرقاء قاتمة شعرو مرفوع للفوق والجيل لي تبتو جا بحال شي امير وسيم الجدة مي عيشة كانت لابسة جلابة فاللون الترابي مع خياطة فاسية ملائمة لسنها اما محمد مازال ماولفش بالملابس الرسمية وحتى هوا بززو عليه يلبسها بحالو بحال ابراهم وصاحبة الضل الطويل ايلا كانت لابسا فستان فاللون الدهبي لامع قصير وكاتشوف فعائلتها واحد بواحد وتتحقق ملي ناقصين
آيلا-كولشي كاين ...لاكن فين هي نهال...
وضع أسد يديه فجيبو بعدم اكترات وهوا كايشوف فلخوا قربات منو آيلا وشداتليه فكتفو وضار شاف فيها...
آيلا-فين هي نهال
أسد-وباش غادي نعرف انا
آيلا-نتا راك خطيبها زعما طلع شوفها شكادير تقدر تكون تلفتلها شي حاجة وكاتقلب عليها...
أسد-علاش ختاريتيني غير انا لي نعيطلها...شوفي محمد ولا براهيم ماشي ضروري انا...
آيلا-(دفعات ضهرو لعريض للداخل وقالت) خويا نتا عندك نقص فالرمنسية اكيد هي غاتكون كاتسناك ....يالاه وماتنساش تعطيها المفاجئة
تنهد بملل ودخل للدار كايقلب عليها طلع مع ضروج وتوجه لغرفتها لواسعة ...لقا الباب مفتوح ونورسين واقفا امام لمراية لكبيرة لمعلقة على الحائط كانت كاتبان بحال الاميرات بفستانها الاسود المرصع بالألئ الشفافة قصير ومنفوش واصل حد الركبة ...وشعرها الاسود الطويل مطلوق على ضهرها لعريان بسبب سنسلة ديال الفستان العالقة لانه بعيد على يديها كانت كاتحاول تسدو بسرعة وارتباك وعارفا راسها تعطلات عليهم بينما أسد كان واقف وراها بشموخ ومتكي على الباب ويديه فجيوبو وكايشوف فيها بوقار وهدوئ...قالت بعجلة بلاماضور وتشوف شكون واقف وراها...
نورسين-آيلا ختي عافاك اجي سديلي سنسلة ...
تقدم لعندها بهدوء ووقف وراها وتقابلت انضارو مع ضهرها العاري المثير كان مكايفرق بيناتهم سوى الفراغ ...مسك السحاب وطلعو حتى تسد بهدوء ...ضارت علندو بسرعة ورتاطمات بصدرو لعريض وطلاقات عيونو العسلية مع عيونها الزرقاء
نورسين-(بتوتر) هدا نتا...
أسد-اممم هدا انا لسوء حضك .... (تفحص ملامحها بتمعن وقال) ناقصاك شي حاجة...
شافت فيه بادهشة مخلطة مع الاستغراب بسبب تصرفو اللطيف بان انسان ودود واخا عارفاه لعوب خرج واحد الشوية وخلاها كاتشوف فالفراغ ومامصدقاش و ماهي الا لحضات ورجع اسد وبين يديه عقد من الالماس كانت كاتشوف فيه بدهشة ودهول .....بتاسم ابتسامة جانبية وقال بكل جنتلمانية
أسد-ضوري باش نلبسوليك ....
ضارت بتوتر وهي كاتشوف فالمرأة وعينيها على عيونو وضع العقد على صدرها بينما هي رفعت شعرها باش تساعدو(انا كايبانلي بلي نتي لي غادي طيحي فشباكو اختي مااشي هوا والمهمة ديالك حاليا 0/0 هوا ربحان صراحتا😟) نزلات عينيها عليه ورخات شعرها على اكتافها وضارت عندو .... بصوت رخم وخشن كايدل على مدى رجولتو وفخامتو
أسد-هاد العقد عطاتولي آيلا ..وقالتلي نعطيهلك سربي خرجي انا غانتسناك....(خرج)
نورسين-(شافت فلمرايا وحطت يدها على قلبها) اااه قلبي الصغير لا يتحمل ...بلاتي نورسين تفكري هدا عدوك عندااااك ثم عندااااك تحسي بشي حاجة من جيهتو كل الاحاسيس خصها تكون عبارة عن الكره في الكره...اوكي
وقف فالباب كايشوف فيها وعلامات الاستفهام على وجهو تكلم الشي لي خلا نورسين تقفز بالخلعة
أسد-هي واش غادي تبقاي تهضري مع لمراية بحال لمجنونة (شاف فالساعة بشموخ) تعطلنا زيدي غادي نوصلك بسيارتي ...
نورسين-(رتابكات وهي كاتشوف فهاد الشخص الغريب وكاتقول فنفسها اشنو وقاع فالعالم باش يتصرف معايا بلطف هاكا )حم احم واخا
(انا غادي نقولك هدا ما يسمى هدوء قبلة العاصفة تقبلي مروري 😘)
نزلو من الدروج حتى وصلو لبرا لاكن كولشي ختافا مشاو وخلاوهم بتاسم بسخرية وقال...
أسد- هاديك آيلا كانت مخططا لهاد شي ....
خلاها مسمرا فبراصتها ومشا لسيارتو البيضاء ...فكرة انها وحيدة معاه بوحدها كاتخلع...بتالعت ريقها بتوتر وضغطت على حقيبتها الانثوية البيضاء لاحض أسد انها ماتحركاتش حتى سانتيم من مكانها وعيطلها باستهزاء...
أسد-مادمزيل نهال واش ماغاديش تجي
نورسين-(ختفى التوتر وخدا مكانو الغضب) كانضن راك نسيتي سميتي الحقيقية
أسد-(قال وهوا كايحل باب السيارة ودخل) كيفاش غادي ننساه وهوا كايداهم كوابيسي....👻💀
نورسين-(بصوت خافت) عقبال ماندخل لاحلامك الوردية ونخصرها يااا شبلي الصغير🐯
تقدمت لعندو وتمشات ببطئ بسبب الارض المايلة وهي لابسا كعب عالي ...فتحت باب السيارة بغيض وركبت حداه بلاماتشوف فيه وقالت
نورسين-اشنو هي المناسبة ديال هاد الحفل لي غادين ليه...
ماجاوبهاش وخلاها جن كايطلعها وجن كايهبطها بينما هوا كان كايشوف بهدوء وراحة وبغضب سولاتو
نورسين- واش بصح ماعاقلش على سميتي
لاكنو كاع ماجاوبها تجاهلها كانها مكايناش ودوك جوج جنون ديال قبيلة لي كانو شادينها طلقو منها وبدات كاتغني وصوت مرتفع ومزعج....
نورسين-اليوم الجو جميييل ونحن داهبون الى الحفل يالالهوووول يالالهووووووووول يالالهول يالالهول يالاهول ياااااااااااااااااللللهوووووول 🎤🎵
شاف فيها بنضرا زيزنتها عقد حواجبو بانزعاج ورجع شاف فالطريق سكتت لبضع دقائق ورجعت تغني
نورسين-المشكلة مشكيييييلتي وماعندهاش الحل الى غبر اسااااااد نفرح ولا نرحل ايوااااااااا ستك ستك يويويويويوييووييووووووي الغادي لعلوا اجي نقولك بعدا وصلتي سلاااااااااااااام وعلى اسد لا تكلم.....يااااااا😎
وقف اسد السيارة فجئة شي لي خلاها تتمسك بكتفو لعريض شاف فيها بغضب جامح وقال بصوت هادي رغم ان وجهو مخيف
أسد-صافي باراكا من لغنى انورسين المالكي...
بتالعت ريقها وحيدت يديها من على كتفو وقالت
نورسين- مزيان الخطة ديالي نجحات وطلعتي ومازال عاقل على سميتي
غوت فوجهها شي لي خلى فمها يتحل وعينيها تحل وقال بصوت خشن
أسد- غادي تسكتي🔇 وغادي تسدي داك الفم المزعج..
نورسين-(نورسين) والى ماسكتش شنو غادير
أسد-(ببرودا) غادي نخرجك من السيارة
نورسين-(لوات شفايفها ) صافي واخا المتملك النرجيسي
أسد-(ضار لعندها وعلى وجهو الاستفهام ❔ ) شنو قلتي عاد دابا....
نورسين-(شافت القضية حماضت وسحبت كلامها) وااالو ماقلت والو
أسد-مزيااان ...بقاي هاكا للابد....
فتحت فمها كتر وكتر شاف فيها باستغراب وقال
أسد-سدي فمك...الموت كاضور
سدات فمها وشافت فالطريق وبعد دقائق تكلم اسد وهوا مشغول فالقيادة
أسد-شنو قالو عائلتك... ماشعروش بغيابك
نورسين-(بتمتمات) اممم امممم
أسد-(عقد حواجبو مستغرب من ردها) مالكي كاتمتمي هضري....
نورسين-(شافت فيه وهي كاتهز فحواجبها بسرعة وكاتمتم بلعاني باش تعصبو) اممم اممم امم امممم
أسد-(تنهد بملل ) مكانش يحسابلي كانتعامل مع برهوشا كبيرة(تنهد) واش ممكن تهضري خلاص
نورسين-(غوتت باعلى صوتها) المشكلةةمشكييييييلي وماعندهاش الحل ...
أسد-(بسرعة سدلها فمها بغضب) ماقلتليكش غني...
شطحات حواجبها بسخرية وهي كاتراقب غضبو وانزعاجو حيت نجحات وخلاتو يتعصب اولات كايعجبها تضايقو حيت ارغمها على بزاف دلحوايج وحاان وقت الانتقام ... شافها سكتت وحيد يدو على فمها وتكلم
أسد-جاوبيني على سؤالي (تكلمت وفمها مسدود وكاتمتم وتنهت بنفاد صبر) واش كاتستمتعي فاغضابي (هزت راسها بالايجاب وبتاسمت بخبث و بسعادة غامرة شاف فيها وضور وجهو) صافي ماشي صوقي ...(وبعد دقائق وقف سيارة وقال) وصلنااا
نورسين-(بصدمة) بهاد السرعة ....ماحسيتش بالوقت
اسد-ماحسيتيش بالطريق حيت كونتي مستمتعا باعصابي....
خرج وخلاها وسط السيارة شافت فيه وكان كايتمشى بخطى ثابتة اواثق فراسو...
نورسين-هوايتك تتعصب وهوايتي نخليك تتعصب
غادي نخليك تحماق بسببي...
ضحكت ضحكا شريرة وخرجت من السيارة وتبعاتو ...تمشات موراه وهي كاتتفحص داك القصر لكبير
نورسين-هيييي نتا (كمل طريقو وكانهو ماسمعهاش وهي تغوت) هيييي اصمك
توقف فجئة شي لي خلا نورسين ترتاطم بضهرو لعريض ضار عندها ببرودة ويديه فجيابو وقال
أسد-لداخل ماتصرفيش بغباء كيف عادتك وتحرجيني مفهوم
نورسين-(باستياء) اشمن نوع من رجال نتا...
أسد-(ببرود غامض) من نوع لي كايكره نساء لبسيطات امثالك ....تفكري انني كانعاقبك على افعالك لهدا ماتفرحيش بزااف لانني وببساطة(استحقركي)
بووووم 💣انفجرت القنبلة ماقلتليكش قبيلة ماتفرحيييش حيت هداااك غيير الهدوء ما قبل العاصفة ...خسئت يا اسد 😡 خيبتي ظني فيك...تبا لك
نورسين-(بتالعة الغصة فقلبها) هييي علاش غادي نحرجك انا اصلا مكاتربطني بيك حتى شي علاقة...
توجه لعندها وشاف فيها مباشرة وعلى راسو قرون الشيطان ياعودو بالله 😈...
أسد-نتي نهااال...ماشي نورسين...فهمتي؟!
نورسين- لاااا انا نورسين المالكي وبسيييف عليك...
باراكا ماتعصبني وتعاملني بحال شي خدامة عندك
شدها من دراعها بقوة وجرها عندو لدرجة صطادمات بصدرو ولاحض فعينيها زرقين الغضب وقال وهوا بارك على سنانو
أسد-ماتستافزينييش كتر من هاكا...
دفعها بقوة للخلف شي لي خلها تفقد توازنها بسبب كعبها العالي وحتى كانت غادي طيح وشدها من يديها شخص
كان لابس بدلة رسمية على جسدو العملاق شاف فاسد بغضب و ازدراء بينما نورسين كانت متمسكا بطرف من كوستيمو ....
الى اللقاء ونلتقي في الفصل التالي...
سؤال ...
1كيف جاتكوم شخصية اسد واش
2 كيف جاتكم نورسين فهاد الفصل مع ان شخصيتها قوية لاكن اسد قالها ماكاتعرفيييش فالقوة
3 شكون فنضركم لي شد نورسين وماخلاهاش طيح
جاوبو على اسألتي فالرد باش نشوف واش متبعين معايا ولا غيييير كانضيع فوقتي حسسوني بالحماس وشجعوني على المضى قدما وكانتمنى تكون الرواية عاجباكم والى لاحضتو شي حاجة ماعجباتكومش قولوهالي ماحدي مازال كانكتب نصحح الاغلاط غير باش تعجبكم شكرا على المتابعة 😚😚😚😘😘