فصل 14
تواضع يا إنسان ..و نسى الكبرانية..فينما وصلتي راك عريان..و خليك من العدوانية...نفخو فيك بلا قياسو سحابلك عايق و قافز...تكايس على راسك وعلى لي معاك ... راك غير بنادم بحالك بحال من والاك...
فجهاز التصنت لي فودنيها كان عابد وستيفانيا كايرغبوها ويترجاوها باش ماتنفاعلش وتبقا مسيطرا على اعصابها وتكمل تمتيلية البنت البريئة غمضت عينيها وفتحتهم بنفاد صبر ...
حست من نضرات أسد بشي حاجة ماشي هي هاديك ضارت تشوف شكون موراها وكان هوا بعيونو رمادية يديه لي كاتزير على كتفها قصحتها ولاحضات نضرات اللوم لي كانت متوجها نحو أسد لي كان واقف بهدوء...بعدات عليه اوقفة فالمنتصف بيناتهم بتوتر ...واحد بحال الاسد الهائج وكايتسنا غير الوقت باش ينقض ...والاخر فهد هادئ لاينوي الافتراس حتى...
ياسر-(بغضب) علاش كاتعاملها هاكاااااا
قرب من اسد ونيران الغضب كاتفجر فشرينو بينما أسد كان مكتافي بالابتسامة كلها سخرية وقفت نورسن بيناتهم وماخلاتش ياسر يقرب من أسد وقالت بنبرة حادة
نورسين- عافاكوم مادابزوش بسببي
أسد(بنبرة قاسية وجليدية)وشكون نتي بسلاما باش يدابزو جوج دصحاب على قبلك ...نتي مجرد قدارة غادي نمحيها من بعد شهر
تفاجئة نورسين من كلماتو القاسية ضمت قبضة يديها بغضب باش غادي تردليه جواب لي يلائمو لاكن عابد كان كايرغبها ويترجاها باش تسكت ...مر من قدامها خيال ياسر بسرعة وشنق عليه بعنف
ياسر-ماتهضرش معاها بهاد الطريقة وشنو كايحسابلك راسك هاااااااااااه
أسد-(بنبرة عتاب وبصراخ) ياسرماتصرفش بحال الابطال حنا بجوج بالنسبة ليها للعنة وداهمت حياتها ...وزايدون نتا ماشي حبيبها فمكاينش لاش تستبدلها بوئام
ياسر- انا مابدلت حد بحد ونزيدك ماشي حبيبها بل رئيس عملها مافخباركش بلي غادي نرجعها سكرطيرتي كيف كانت شحال هادي
أسد- لا لا ماعمرها كانت سكرطيرتك وحتى الى رجعات غادي تكون سكرطيرتي انا حيت هي ملكي
ياسر-(بسخرية) فهمت دابا نتا باغيها تخدم عندك وتعيش معاك باش تستبدلها بنهال اولااااااا طحتي فشباكها
أسد- دفعو بكل عنف وشاف فيه بنضرة حاقدة وقال....نهال هي كولشي فحياتي ...وماعمرك تشك فاخلاصي ليها فهتي المرض
تمسكت نورسين بكتف أسد بغات باش تهدنو لاكنو دفعها بقوة وشدها ياسر من دراعها باش ماطيحش شاف فيها أسد باكراهية وضار وطلع فالدروج ديال باب القصر وهوا كايقاد فكرفاطتو لي ترخات كايتمشا بكل ثقة وهوا واضع يديه فجيابو ...ضار ياسر عند نورسين لي كانت شادة فطرف من فستانها لقصير ومصدوما بسبب معاملتو السيئة معاها... بقات فيه بزاف وقال وهوا شاد فكتفها
ياسر- اداك بزاف هداك لحقير
نورسين-(حيدت يديه من على كتفها وشافت فيه باستغراب) هدا هوا مقدار قوة صداقتكم ...برود لوم غضب واتهامات ...من ديما الصديق كايكون دواء وماشي داء اشنو واقعلكم
ياسر-(بتاسم وقال بصوت هادء) ماتقلقيش انا وياه ديما هاكا يالاه ندخلو
نورسين- وكيفاش غادي ترجعني سكرطيرتك شكون عطاك الحق تقرر فبلاصتي
ياسر- سمحيلي انا كنت باغي غير نستافزو وماكرهتش كون ترجعي تخدمي معايا
نورسين- مستحيل انا هاد شهر غادي ندوزو غير بسيف وغادي نستحمل نشوف وجه داك ل.. ومانقدرش نخدم معاك ونبقا نشوف كمارة داك المتملك النرجيسي فكل نهار
ياسر- هههههه المتملك النرجيسي جا معاه هاد اللقب ...سمحيلي وكانعتادر الى درت شي حاجة قلقاتك
نورسين- نتا لي سمحلي حيت نتا كاتحاول تعاوني وانا كانتصدا لمساعداتك كانعتادر
ياسر- الدنية هانيا تفضي يالاه ندخلو...
بتاسم بدفئ وودخلو لساحة الرقص ...الضيوف والزوار معمرين لمكان الموسيقى لكلاسيكية واحيانا طربية مسيطرا على داك المكان الراقي .... بزاف ديال نساء الانيقات والرجال الوسيمين بالبدلات الرسمية تفرق عليها ياسر ومشا عند بعض الاصدقاء قتارح عليها تمشي معاه لاكنها رفضات بقات كالسا ومرا يجي عندها محمد ويتحدتو ومرا براهيم هداك الولد كوميدي بزاف وغير كايوقف حداها كاتبدا تضحك ...مرو بضع دقائق حتى تفاجئات بعمر جرها من يديها
عمر- نورسيين ماشفتيش ايلا
نورسين- لا ماشفتهاش منين دخلت للحفل مابانتليش علاش واش واقعا شي حاجة
عمر- صراحة تخاصمنا انا وياهاحيت تلاقيت بحبيبتي السابقة لي كنت كانعرفها قبل مانتزوج بايلا ومنين شافتها تعصباش وماعرفتهاش فين مشات
نورسين- ناااري قفرتيها الزغبي
عمر- كانترجاك تعاونيني نقلب عليها
نورسسين- اوكي صافي انا نعاونك
طلعت فالدروج كاتقلب على ايلا لاكن حتى واحد مكاين فالطابق العلوي ...داز من قدامها أسد وتجاهل وجودها كيف العادة نزل من ضروج وهي كانت كاتشوف فيه لدرجة نسات لاش طلعات توكدات وقالت مع راسها
نورسين- عنداك غير يكون كايقلب على آيلا حتى هوا...مشات ولحقت عليه وشدت فكتفو وقالت) فين غادي
أسد-(ستغرب من سؤالها وقال وهوا كايحيد يديها من على كتفو ) كانقلب على آيلا من قبيلة وهي غابرا....
شهقت بخوف ونزلت بسرعة ونسات انها كبرات على هاد الحركات ...اختل توازنها حتى كانت غاطيح لاكنو شدها من يديها وسحبها عندو حتى تقابلو عيونهم وقال بصوت مبحوح كايدل على غضبو وانزعاجو بينما يد كانت محاصرا خصرها الرشيق ويد متمسكا بدراعها ...
أسد-نتابهي لخطواتك الحمقا
نورسين-(توازنت وتعوطت وبعدت يديه عليها وقالت باستياء طفولي بينما هوا عاقد حواجبو)
ديها فسوق راسك اوكي...
نزلت من ضروج بعجلت وسط استغرابو لاكن سرعان ماتدارك الامر ووضع يديه فجيوبو ونزل ببرودا من على ضروج ...لاكن هي ماستسلمتش وكملات البحت ديالها على آيلا دخلات وسط زحام وكاتصطادم باكتاف الناس وتعتادر وفلحضة حلت فمها بصدمة فاش شافت آيلا واقفا مع شاب وسيم وكاتلعب باصابعها بربطت عنقو ...لسبب ما بدات نورسين كاضحك بقوة لانها عاقت بالخطة لي دارت آيلا باش تنتاقم من راجلها عمر ...قرب منها شخص ودييه فجيوبو وكايراقب حركاتها بامعان
ياسر-واش الضحك هيوايتك المفضلة
ضارت عندو بسرعة والابتسامة على وجهها حط يديه على شعرها وداعب خصلاتو الاسوداء الامعة باصابعو شافت فيه بعينيها لغارقة بالضحك ويديها الناعمة كانت كاتمسح دموع من عينيها الزرقاء الواسعة لي ولات براقة بسبب انعكاس اضواء القاعة لكبيرة ....وضع يديه على صدرو وتنفس
بصعوبة وكايراقب نبضات قلبو لي تسارعت فجئة بتالع ريقو وعدل وقفتو وقال بارتباك
(اشنو واقع علاش كاضحكي)
نورسين-هههههه عرفتي هادو اغرب زوجين شفتهم فحياتي ...
راقب ملامح الحياة على وجهها توسعت ابتسامة عريضة على وجهو لااراديا وهوا كايراقب ضحكتها لي تسببت فسرعة نبضات قلبو واخا ماعرفهاش علاياش هضرت بالضبط لاكنو بتاسم بسببها...
نورسين-كانتمنا ينتاهي هاد الشجار الصامت بيناتهم فاسرع وقت وبلا مشاكل
اسد كان كالس على احدى المقاعد لخاصة بالشخصيات لكبار توجهت عندو آيلا ختو وكلست حداه بينما هوا كان كايراقب ساعتو بوقار ...ضربت كتفو باش يشوف فيها وقالت
آيلا- واش مكاتشوف راها قرابا طير من يديك شوف كيفاش كايشوف فيها صاحبك
أسد-(بتاسم ابتسامة جانبية كلها سخرية) علامن كاتهضري مافهمتش
شدات فدقنو الملتحي وضوات وجهو لعند نورسين لي كانت كاضحك ...وياسر لي كان واقف بجنبها وكايتفحص ملامح وجهها بامعان شاف فآيلا وقال بسخرية
آسد- اممم ...كايبانلي بدات كاتعجبو
ايلا-ماشي هادشي لي قصدت واش مكاتشوفش كايبانلي وقع فحب خطيبتك الغبي...
أسد-(قال وهوا كايشوف فيهم) ماشي غير حيت ولا يبغيها غادي نخاف نخسرها ...حيت هي ملكي
آيلا-(باستغراب) اشنو هاد الثقة كاملة نوض نوض تكعد
أسد-علاش باغياني نوض
آيلا-(وهي كادفعو ينوض) سير خطف حبيبتك قبل مايخطفها هوا الغبي...
ناض غير بشوية وتوجه عندهم وغير شافو ياسر تبدلو ملامحو فاش شاف أسد كايقرب منهم وقال
ياسر-مالك...
زين-(بنبرة هادئة) ماجيتش باش نهضر معاك (شاف فنورسين ) معاها هي ...
نورسين-(رفعت حواجبها باستغراب) وشنو باغي مني بسلاما....
أسد-(شاف فياسر باستفزاز) غادي تشوفي بعينيك...
شاف فيها ورجع شاف فياسر لي كان بحال شي بركان غادي ينفاجر وجرها من يديها بلامايزيد حتى كلمة...
ياسر-اجي بلاتي بلاتي ...
خرجها جارها امام انضار الجميع و حتى وصلو للسيارة وركبها بسيف عليها وركب حتى هوا وكسيرا بسرعة
نورسين-سي أسد...خفف السرعة رجاء
ماداهاش فيها وكانها مكايناش لانه كان كايسوق بسرعة جنونية بتالعت ريقها بتوتر وهي كاتراقب السيارة لي كانت كاتراوغ السيارات بسرعة خيالية لدرجة مابقاتش كاتشوف طريق بوضوح لان السرعة كانت انتحارية
نورسين-سمعني انا مازال ماتزوجتش لحد الان وزيد عليها كانخطط نسافر حول العالم كيفاش غاندير هادشي كامل الى مت فهاد السن....
وقف السيارة فجئة حتى تسمع صوت الجر العجلات مع الارض بقوة شي لي خلا نورسين تغوت وهي مغمضا عينيها كون مكانش حزام الامان كون خرجات من جاج سيارة الامامي ....قال بصوت هادئ لاكنو عامر بالغضب
أسد-خرجي
نورسين-(شافت فيه باستغراب) شنو قلتي
أسد- (بصراخ) خرجيييي من سيارتيييي
نورسين؛(بصوت مرتعش) فخباري انها سيارتك ولاكن واش غادي تسمح فيا وسط طريق
قرب منها وفتح باب السيارة وشاف فيها بشر وعلا حواجبو بخبث وكايتسناها تخرج
نورسين-(بتالعت الغصة) صافي لي بغيتي
نزلت من سيارة وشافت فالطريق الخاوية قبل ماتسد الباب شافت فيه لاكنو مابادلهاش النضرة سدت الباب ونطالق بسرعة حتى خلى دخان موراه
نورسين -هاد الحقير النرجيسي المغرور كانكرهو ....
_________________
*******في الزنزانة*****
حطني هداك المتملك النجرسي فوسط طريق ومشا تصورو مالتافتش حتى يشوف فيا ولا كاااع نقولو يتنادم معاه لحال ويرجع مورايا...كانت ديك طريق خاوية ومع جنبها بعض المخازن ماعرفتهمش ديالاش وفالجنب تاني غير لخلا اواحد لمزراعة كبييرة لاكن بعيدا وانا واقفا كانتسنا دوز شي سيارة لي توصلني بقيت كانتئمل فديك الطبيعة لخلابة حتى شفت مجموعة من الخيول كاتجري وحدا وراء الثانية فرحانين حيت واخيرا خرجوهم من الاسطبل لي كان حابسهم بقيت كانشوف فالحركات ديال دوك الاحصنة وشفت فساعتي كانت الساعة 4 مور لعاصر وحتى شي سيارة مادازت تفكرت جهاز التصنت لي كنت ناسياه وعملت اتصال مع عابد وقلتليه يجي يوصلني مكان لاش نعطيه العنوان حيت هوما اصلا مراقبين تحركاتي وكايسمعو كل كلمة قلتها...كلست تماك على واحد الحجرا كانتسنا عابد لاكنو تعطل عليا شوية كايبانولي جوج رجال خارجين من واحد المخزن ماديتهاش فيهم وبعدت انضاري عليهم حتى تفاجئة بواحد قرب مني وقالي
________________________
الشخص- اشنو كايدير زين بوحدو هنا
نورسين-(بارتباك) ماشي سوقت ديها فراسك وبعد مني
الشخص الثاني- مال زين مقلق ...اجي يالاه نوصلوكي معانا
نورسين - لا شكرا مكاين لاش
وقف الشخص الاول من وراها وتفحص كامل جسمها فستانها الاسود لقصير مع الكعب العالي وكدالك شعرها الاسود لامع لمطلوق على ضهرها بشكل مثير خلى داك الشخص يبتاسم بمكر وبدا يصفر بطريقة كادل على اعجابو بيها شاف فصاحبو وغمزو ودار حركة بيديه وقال
الشخص الاول- واو واو واو قرطاسا مع راسك بشحال حنا بجوج
نورسين-(بغضب) مافهمتش شنو كاتقصد
الشخص الثاني- بغا يقولك بشحال كاتخدمي للواحد يعني (&&&) لليلة
نورسين-(فهماتو شنو قصد وغوتت) انا ماشي ديال هادشي سيرو شوفولكم شي بنت زنقا
الشخص- لاكن لحوايج لي لابسا ديال بنات زنقا شوفي غادي تمشي معانا بلخاطر ولا بسيف عليك
______________________
بغاو يديوني معاهوم بزز مني واحد شدني من يد وتاني شدني من يد وبداو جاريني وانا كانغوت باش يطلقوني ماستحملتش حركاتهم وضحكاتهم المقرفة وكلماتهم الساقطة وقررت انني ماغاديش نستسلم ببساطة حيت انا ماشي ضعيفة كيف يحسابلهم ...بديت نطبق داكشيي لي تعلمت ليه بعض الحركات القتالية البوليسية حيدت طالوني ولحتو ودرت حركة للاستعداد للقتال لاكن هوما شافو فيا بدهشة مامصدقينش عينيهم وشويا بداو يضحكو بهستيريا وقالي واحد منهم ( واش باغيا ضاربي) جاوبتو( الى ضطرت غادي نقتلكم ومانخليكمش تقيصوني) بداو يضحكو بجوج وتقدم عندي واحد وعطاني بسقلة حتى ضار وجهي تما البركان لي هايج فقلبي وكاع الاعصاب والفقصة لي كنت كاتماها فقلبي بسبب داك النرجيسي خرجتها فيهم هوما ماكانوش بشي بنية قوية فيهم غير طولة وصحة الله يجيب بقيت نضرب فيهم ويردولي ضرب حتى انا تسخسخت داك نهار لاكني ماستسلمتش ليهم ببساطة نطيح ونوض لقيت واحد لعود مليوح فلارض هزيتو وبديت كانشحط فيهم حتى تهرس فلحضة واحد منهم نساحب ودخل للمخزن لقريب منا وتاني بقا كايضارب معايا ويسبني بكلمات ساقطة كان يحسابني بلي الشخص الاول نساحب لاكني كنت غالطا ماكملش دقيقة وشفتو خارج وفيدييه جنوي كبير ومتوجه عنديي ووقف قبالتي وعلى وجهو ابتسامة الانتصار بدا يقرب مني وانا نبعد هوا يقرب وانا نبعد عيني كانت غير على الشفرة الحادة ديال داك الموس غفلني وعطاني ضربة ليدي حتى بدا يسيل منها الدم بغزارة بقيت شادا فيها وكانترقب الضربة التانية فين غاتجيني هز الموس حتى لسما باش غاينزل عليا لاكن صاحبو لي كان معاه شدليه يديه وقالو بلي الضربة لي خدات كافياها وقالو خلينا نهربو بحالنا لاكن داك الشخص مارضش عليه وتم جاي عندي فاش شفتو انا بديت نجري باقصى سرعة عندي وبلحفا وهوا تابعني بحال ضلي وكانطلب من الله توقاع شي معجزة او ينقدني شي حد ....فلحضا سمعت لغوات وداك والخطوات لي كانو تابغيني مابقاوش ضرت مورايا لقيت بويكا شاد واحد وبارك عليه بركبتو للارض والتاني كايجري موراه ركان حتى قرب منو وضربو بالصاعق الكهربائي حتى طاح للارض ودارليه لمينوط فيديه طحت للارض وكانتنفس بسرعة قرب مني عابد وشدني من يدي ونوضني وكلسني على واحد الحجرة ومشا كايجري للسارة جبد قرعة دلماء وجا عندي عطاني شربت وتفحص الضربة لي جاتني فيدي ماكاملاش 20 دقيقة حتى كانت سيارة الاسعاف وسيارة الشرطة واقفين طلعو دوك المجرمين لسيارة الشرطة وانا طلعوني للاسعاف
وصلنا للمستشفى العسكري وغرزولي الضربة لي فيدي وعطاوني بغض المسكنات للالم وبعض لبومضات للكدمات لي فجسمي كولي وليت مزرقا سيوا وجهي لي كنت مانطاكي عليه بيدي وكاع يديا زراقت سالاو الاطباء شغالهم وجبدت من صاكي صغير واحد لفيست رقيق كونت هازاه معاها حيت قلت احتمال يتغير الجو لبستو وغطيت بيه مكان الجرح والكدمات دخلت للحمام وغسلت حالتي ونضفت شعري من لغبرا ودالك فستاني الاسود لي تحول للون الابيض نضفتو وقاديت حالتي كانه عمر شي حاجة ماوقاعتلي حليت الباب باش نخرج ولقيت فوجهي ركان عابد بويكا وستيفانيا
___________________________
عابد-على سلامتك ابنتي باش كاتحسي دابا
نورسين- (بغضب ) لارد
ستيفانيا- واش كنتي باغيا تخرجي انورسين لا ماتقوليهاش خصك ترتاحي
نورسين-(الغضب على وجهها) لارد
بويكا-ختي باش كاتحسي كاتبانيلي ماشي هي هاديك
ركان-(شدها من دراعها وبغا يدخلها) اجي معايا ترتاحي لداخل
شافت فيهم واحد بواحد ودموع الغضب والحكرة على وجهها نترت يديها بقوة من ركان وغوتت بقوة عليهم كاملين
نورسين-(بصراخ) بعدو منيييييييييييي هئ هئ هئ (طاحت فالارض كاتببكي وتغوت) بعدو منييي هئ هئ هئئ
عابد--(نزل عندها ومرر يديه لحنينة على شعرها) بنتي تهدني الله يخليك نتي راكي مريضة وخصك ترتاحي اجي نوضي معايا خلينا ندخلو لداخل
نورسين-(شافت فستيفانيا لي كان باين الخوف على وجهها وقالت ) مازالة باغيا تاخدي بلاصتي هم اجي خوديها وتمتعيلي فالنضر لداك الشاب الوسيم الحقير النرجيسي (حنات راسها ستيفانيا بأسف وهزت راسها بمعنى لا ضحكت نورسين بسخرية وناضت من الارض ) كانقسم ليك غادي ننتاقم من داك لحقييير هوا السبب فالكابوس لي عشتو اليوم 😢 هئ هئ
بويكا- ختي عافاكي هادشي لي باغييا ديري ماشي فمصلاحتنا
نورسين- بلعكس دابا عاد تقوا فيا الحقد من جيهتو وغادي نتبع كامل حركاتو حتى نطيحو فشباكي ونخليه يتعدب هئ هئ هئ
ركان- ماتبكيش كانترجاك انا كانعرفك اقوية مايستاهلش تبكي عليه
نورسين- انا مكانبكيش عليه اركان كانبكي على راسي حكرني ولد لحرام عيت من تمتيل هئ هئ هئ غادي نضمرو هئ هئ
عابد- كانترجاااااك حافضي على هدوئك معاه وكملي على تمتيلك هادي اول مهمة عندك وخاصك تبتيلي بانكي قد الثقة لي وضعت فيك
نورسين- (مسحت دموعها وتنهدت بتعب) اوكي غادي نكمل فهاد تمتيلية السخيفة وكانتمنا مانقتلوش قبل ماتنتاهيى المهمة
عابد- انا كانعرفك بعقلك ومايمكنش ديري حاجة بحال هادي انا تايق فيك ابنتي (صونا تلفونو وناض يجاوب و قربات منها ستيفانيا)
ستيفانيا- ختي سمحيلي انا عاد عرفتك علاش كاتكرهي داك الرجل الى حتاجيتي شي حد يعاونك عليه غير قوليهالي والله حتا نعاونك انا نحفرليه قبرو
نورسين-(بتاسمت رغم التعب) شكرا على عرضك المغري
عابد-(قرب عندها ) بنتي نتي دابا دخلي ترتاحي حنا غاديي نمشيو جاتنا شي خدما
ستيفانيا -اشنو كاين
عابد-جريمة قتل والضحية راجل كبير فالسن خصنا نتحركو دابا لمسرح الجريمة
عابد- اوكي شاف
نورسين- حتى انا غادي نمشي معاكوم
عابد- ماتنسايش نتي عميلة سرية وماشي محققة باش تتدخلي فهادشي وزيد عليها نتي مريضة وخصك ترتاحي
نورسين- انا بيخير ديوني معاكم واخا نشوف غير من بعيد
عابد-(شاف فركان) ركان بقا معاها مابغيتهاش تخرج من هنا
نورسين- ولاكن ولاكن اشاف بلاتي ماتمشيوش
خرجو وخلاوها مع ركان بسرعة ودعاتو وقالتلو بلي غادي ترجع لفيلة اسد وخرجات من المستشفى اوقفة سيارة طاكسي...
_________________________
بالنسبة ليه هوا يوم هادئ كيف غييرو ...فمكتبو لكبير الحس مقطوع مكاين لاصوت ولا حركة سوى صوت اصابعو لي كاتنقر على لوحة المفاتيح لي على المكتب ... هدوء يعم المكان والسلام يطفي الاسترخاء.... حتى دفعات الباب برجليها بقوة لدرجة رتاطمات مع لحيط ,,,وقالت بصراخ
نورسين- مئكد بلي نسيتي انك خليتيني بوحدي فنصف الطريق ...ونتا كالس هنا فمكتبك بكل برودة دم (كمل خدمتو كانها مكايناش وعمرها دخلات لعندو) علاش ساكت هاكا جااااوبني واش عارف انني تمشيت على رجلي طريق كاملة باش قدرت نوصل لمحطة طوبيس
بتاسم أسد ابتسامة جانبية كلها سخرية وهوا كايمرر اصابعو على خصلات شعرو الاسود وشاف فيها
أسد- فالمرا جاية غادي نكون حريص باش ماتوصليش حتى للمحطة
نورسين-(بتالعت الغصة فقلبها) علاش ماتخلينيش نمشي بحالي وترتاح مني ونرتاح منك
أسد- ماشي بهاد السهولة...نتي ماغاتحركيش من بلاصتك
نورسين- اهاه بصااااح ...انا غادي نمشي بحالي...ودير لي قديتي عليه ماتقصرش من جهدك
أسد-(بنبرة هادئة هزت كيانها خلاتها تتسمر فمكانها) مكانصحكش تمشي
نورسين-(شافت فيه بتحدي) ادن حضيني ...
خرجات خارج المكتب اوقفة امام عتبت الباب كاتشتم راسها وزهرها البائس لي جعلها تتورط معاه ...فاش بغات تمشي سمعاتو كايهضر فتلفون
أسد-نهاااال...اديك الحمقا
نورسين- هاديك الزعرا لي ورطاتني
أسد-صافي باراكا من لبكا ماغاديش نسامحك بهاد السهولة ....ماتعاوديش تتاصلي بيا
نورسين- تفو على بنادم قاسح القلب (همست باستحقار بينما كانت كاتتصنت على مكالمة أسد حتى سمعات صوت من الخلف خلاها تتسمر بالخلعة
الشخص- اشنو كاديري تما
ضارت بسرعة عندو بدعر ولقاتو عصام السكرطير واقف امامها بكل نبل ونزاهة
عصام(بدهشة) نورسييين فين غبرتي هاد المدة كاملة توحشناااك... بلاتي علاياش كنتي كاتصنتي
نورسين-...هاه ....اااااا...امممم......وااالو
هربت منو ونزلت مع دروج بسرعة وخلاتو غير كايشوف فيها ودخل لمكتب الرئيس
عصام- سي أسد بغيتي مني شي حاجة
أسد-( كان كايشوف فلوراق حطهم وشاف فيه ) اه السكرطيرة لي كانت خدامة هنا قبل 3سنين سميتها نورسين عرفتيها
عاصم- عقلت عليها راه طلاقيتها برا
أسد- مزياااااان بغيتك تبحتلي عليها وتعرفلي شكون هي ومنين هي اصلها فصلها فين ساكنا وشكون عائلتها جيبلي كاع لمعلومات عليها بالتدقيق والبتفصل الممل
عاصم- ولاكن علاش اسيدي وااش دارت شي مشكل
أسد-(شاف فيه وعلى حواجبو ) دير داكشي لي قلتليك وباراكا عليا من كترت الاسئلة
عصام -واخا اسيدي سمحلي
______________________________
في الخارج
الرجل- الحمقا نزلي من تماااااك
نورسين- ماشي دابا بلاتي شوية
الرجل- غادي نتاصل بسي اسد ....لا ...غادي نتاصل بالشرطة الى ماهبطتيش
نورسين- بلاتي شوية
الرجل-اديك لمجنونة نزلي من تماك غادي يقتلك سي اسد
نورسين- اشريف واش تبغي تسمع واحد اللغز
الرجل- ماشي المكان ولا زمان المناسب للالغاو اانسة نتي كاتحاولي توصلي لصورة سي أسد وباغيا تقطعيها بلمقص ...بلا شك حماقيتي
نورسين- اه اه عاااارفا راسي حمقا هاهاها
الرجل- عااااافاك نزلي قبل ماتموتي ونتبعك حتى انا
نورسين- حتى تسمع اللغز ديالي.... رجل ثلج يمشي تحت الشمس من غير ان يدوب ما هوا...
الرجل-سي أسد....
نورسين-برافووووووو احسنت
الراجل-سي أسد سمحلي من قبيلة وانا نقولها تنزل ومابغاتش
أسد- هبطي نتي من تماك شكاديري
نورسين-رجل الثلج من فقتاش ونتا هنا
أسد- من لي بديتي هاد السخافات
نورسين-اشنو بان ليك...انا كانكرهك لدرجت انني قطعت صورتك
أسد- لا بانلي انكي حمقا وبلوراق
نورسين-اووه ملل ملل ...كايبقاو فيا عائلتك مساكن وحبيبتك زعرا
أسد-سميتها نهال ماشي زعرا
نورسين- وكأنني اهتم
أسد-خصك تهتمي الى بغيتي تحمي عائلتك من التشرد
نورسين-صافي باراكا راك عصبتيني
أسد-غادي نبقا نعصبك حتى ديري عقلك وتنزلي من تما....
نورسين-هادي هي شخصيتي سعيدا ومرحة ...وهادشي لي كايعصب امتالك الكئيبين..لهدا انا وياك ماعمرنا نتافقو واخا طلاقا سما مع الارض ... كانكرهك وكاتكرهني
أسد- اوكي على الاقل كانتافقو على هاد القضية شعور متبادل ...صدقيني
نورسين-(سكتت لواحد اللحضة ...تنهدت بغضب ونزلت من على السلم حتى وصلت للارض وقالت..)كانعتادر اوكي...كانعتادر حيت تدخلت فشؤن غيري وتعاطفت مع نهال وفكيتها من شخص مريض بحب الدات بحالك
أسد-(خرج سيجارة من جيبو وشعلها ونفخ عليها الدخان وقال ) غادي نمشيو لدار زيدي
نورسين-(بغضب)لا ماغاديش نمشي...
أسد-قرب عندهاا حتى رتاطمات مع لخيط ...حست بالخنقة منو وضات لقات لحيط موراها وقال بنرة غاصبة) مازال ماخلاقش لي يتجرء ويقولي لا...
نورسين- لا راك غالط خلاق وهانا حداك ونقدر نقولهالك ببساطة ...
أسد-(هز يديه وتمسك بدقنها بقوة حتى تقصحات وقال بنبرة شر بينما الابتسامة طاغية على وجهو وقال) ودابا واش تقدري...
نورسين-(عقدت حواجبها بغضب ويديها كاتحاول تبعد يديه وقالت ) راك كاتقصحني ابنادم طلق مني..
أسد-(طلق منها ودفعها مع لحيط حتى طاحت على الارض وجات كالسا على مؤخرتها وشدت فدراعها فلمكان ديال ضربة وتأوهت بالم وقال وهوا كايشوف فيها بنضرة دنيئة ) غبية مكلخة واش نسيتي انكي ماعندكش مؤهلات باش ترفضي اوامري....
نورسين-ماتفتاخر بجبروتك على الفقراء امتالي ... شخصيتك خايبة ومثيرة للغثيان...
أسد-ماطلبتش منك تحللي شخصيتي...
نورسين-واخا هكاك ماغانمشيش معاك...
أسد- غادي تمشي بزز منك ...
نورسين-وريني شطارتك ...
تحنا عندها وسط استغرابها وسحبها من دراعها حتى وقفات وفرمشة عين لقات راسها فوق كتافو ... خدات نصف دقيقة باش تستوعب انها فوق كتفو وفلحضة داخل السيارة خرجت من صدمتها فاش كسيرا وبعد على الشركة وبسبب خيالها الواسع غوتات
نورسين- انا كانتعرض للاختطاف😠 كانتعرض للاختطاااااااااف عتقونيييييييي
بقات تقول وتعاود فهاد الجملة طول طريق وهي كاتغوت حتى وقف أسد السيارة ولقات راسها لاصقا مع الزجاج الامامي ديال السيارة حيت مادارتش حزام السلامة اما هوا غوت باعلى صوتو
أسد-سكتييييييي....( شاف فيها ولقاها شادا فيديها وكاتتألم حيت تقاستلها اليد لي فيها لغراز وشد فيديها) وااش تقصحتي فيديك ...
نورسين-(غوتت وسحبت يديها وقالت) ماتلمسنيييش ...ماتقيسنيش( حيدت شعر من على وجهها وشافت فيه بكره وزادتو صدمة على صدمة وقال)
أسد-نورسين عندك الدم فجبهتك
نورسيت-(لمست جبهتها وشافت الدم تنهدت بتعب وغمضت عينيها وقالت) ياربي بغيت هادنهار يتسالا دغية عيييت بزااااف عيييييت ...
أسد-(جبد منديل ورقي وعطاهلها )هاكي مسحي الدم
ياااا اسد على قل عتادر منها اضعف الايماااان مالك عاجبك راسك هاكا وابزاف على هادشي بسيف غادي تكرهك البنت ونتا داير بحال شي وحش اووف سمحولي راه عصبني والله ...نكملو ...
نورسين-(شدات من عندو لمنديل) شكرا على كرمك بلا هاد المنديل لي قدمتيلي كونت غادي نموت ...
شافت فيه وتفاجئت منو لمس جبهتها ودفعها بلطف حتى تكات على الكرسي وكمل القيادة بهدوء مرو دقائق ولاحض الهدوء وصوتها مقطوع وقف السيارة امام باب الفيلة وشاف فيها كانت ناعسا تنهد بسخرية وبتاسم ابتسامة مجهول معناها
أسد- عيات بقوت لغوات بحال لمجانين اكيد غادي تنعس بعد كاع هاد لحيحا لي دارت ...(شاف فجبهتها) ماشي شي ضربا كبيييرة غير صغيرة زعما تكون كاتقصحها... اووف مكايهمنيش
خرج من سيارة وتمشى حتى للباب الرئيسية وتوقف فجئة وتفكر بلي نسا المجنونة فالسيارة ناعسا ورجع موراها حل الباب وعيط بسميتها لاكن ماسمعاتوش هزها من كتفها حتى حست بيه وفاقت
أسد-خرجي راحنا وصلنا ...
قال هاد الجملة ودار يديه فجيابو وزاد مع طريق حتى وصل للباب ركب المفتاح فالباب وماحسش بيها موراه وضار كايقلب عليها وهوا يشوفها وكانت المسكينة طايحة فالارض ومغمى عليها امام باب السيارة بلامايشعر جرا لعندها وتحنى هز راسها حطو على ركبتو وكايحاول يفيق فيها بضربات طفيفة على وجهها لاكن هي كانت غايبة عن الوعي تماما...
شاف فرجليها وكان كعب من حدائها مكسور ومازالة بنفس الملابس لي مشات بيهم للحفل حس بشعور خايب مابقاش حس بيه ملي ماتت الام ديالو وضع يد من وراء ضهرها ويد لملمت رجليها وهزها وتمشا نحو المنزل لكبير ونورسين بين يديه طلع بيها للفوق متجاهل نضرات الخدم لي قتلهم لفضول فتح الباب ديال الغرفة غير برجليه ودخلها وحط جسدها الرشيق على سريرها وجا خارج لاكن شي حاجة وقفاتو تنهد ورجع ضار لعندها وقرب منها حيدلها الحداء من رجليها وتلمس رجليها لي كانت سخونة تخلع عليها وقرب من راسها ووضع يديه على راسها وكانت حرارتها مرتفعة بزااف
أسد-اوووه طايبا بسخانة هاد البنت مالقاتش فقتاش تمرض اوووف شغانديرليها دابا نحيد ليها هاد لفيست بعدا باش ترتاح ....لا لا الى فاقت ولقاتني كاتحيدلها حوايجها غادي تشنق عليا تقتلني مجنونة وديرها
تردد واش يحيد لها لفيست ولا لا لاكن فلخر سند ضهرها على صدرو وحيدلها لفيست لاكن تما كانت المفاجئة والصدمة لكبيرة.... الفاصمة لي كانت مضورة على يديها ولكدمات لي لي فيديها صدماتو وضع جسمها على سرير بلطف وضورها على جنبها وتبع اثار الكدمات فتح السحابة ديال فستانها غير بشوية وكايشوف فالكدمات لي كاتضهر وحدا مور وحدا كل مافتح سنسلة حتى تعرا ضهرها كامل وكلو كان مزرق وقف ودار يديه على فمو وكايتنفس بصعوبة ومامصدقش لي كايشوف بعينيه ثارت انتباهو ديك الفاصمة وجاب مقص وحلها غير بشوية وزااادتو صدمة على صدمة 6 غرزات وحدا مور وحدا متابعين طاح للارض على ركابية باصدمة ويديه على فمو ومامصدقش لي كايشوفو بين عينيه البنت غير صبح هوا لي سدلها سحابة ديال لفستان وضهرها كان عادي وخالي من الكدمات شاف فاالجرحة لي فجبهتها بسبب توقفو المفاجئ بالسيارة احساسو فديك اللحضة مايتوصفش بلكلام ...
الى اللقاء وانتضرو ردة فعل أسد واش غادي يعاونها ويعالجها ولا غادي يتجاهلها كيف العادة ....