فصل 15
ناض من على الارض بسرعة ودخل للحمام لي فوسط الغرفة وعمر الماء فواحد الاناء وهز فوطة صغيرا وقرب لعندها وكلس حداها
أسد-(شاف فيها بنضرات ندمانة )اشنو وقع ليها هادي شكون لي تعدا عليها هاكا...
هز لفوطة لي فزكها بالماء وحطها على جبهتها وهوا كايئمل ملامحها نعسانة ولمريضة رموشها لي كانو نازلين على خدودها خلاوه يحس بنبضات فقلبو كاتسارع قرب لعندها كتر حتى تلاقات انضارو بشفايفها لوردية وتحسس نفسها وطمئن انها مزالة كاتنفس واخا بصعوبة مسح على راسها ويديها ورجليها بالماء البارد لاكن الحرارة مانزلتش بلعكس كاتزيد ترتافع وقف وبقا يضور فالغرفة وماعرفش شغايدير حتى العائلة مكاينينش وكلهم مازالين فالحفل كاينين غير الخدم لي مكايبغيش يحتك بيهم خرج بسسرعة وتوجه لغرفتو حل الدرج لي كان عامر بالادوية ديالو لي كايستعملها هوا ...وزعهم كاملين فالارض وبسرعة كايقرا محتويات كل علبة وكانت فقط وحدا واخا ماشي مختصة بالحرارة لاكن عندها مفعول وتقدر تنزل الحرارة هز ديك العلبة ولفاصمة وخلا العلب لخرين مشتتين فالارض وخرج بسرعة ودخل لغرفة نورسين لي لقاها مرمية فالارض تخلع عليها ومشا هزها ووضعها على السرير وقبل مايتحرك شدت فيه وكانت كاتمتم بصوت خافت
نورسين- ما...ما....الما....
مافهمش شنو كاتقول وقرب عندها وكانت ودنو قريب من شفايفها وسمعها كاتقول الماء بسرعة ناض وعمر كاس ديال الماء وخلط معاه خافض الحرارة لي جاب من غرفتو ورفع راسها بيديه وشربها ورجع حط راسها على لوسادة بلطف و هز لفوطة لفازكا وحطالها على راسها وهز الفاصمة وغطالها مكان الجرح ...
كلس امامها وكايتئمل فملامحها وعيونها وشفايفها ورموشها وقال بهمس
أسد- سمحيلي هم.... سمحيلي حيت مانقدرش نقولك هاد الكلمة ونتي فوعيك كبريائي اللعين ....مكايخلينيش كانترجاك تسامحيني (مرر اصابعو على خصلات شعرها وبتاسم) ونتي ناعسة كاتباني زوينة بزاف لاول مرا غادي نشوف عينيك هادئين ديما كانشوفهم خارجين فيا(بتاسم بلطف) ... عنيدة وقوية ولسانك طويل هديتيني والله مافهمتش علاش مقادرش نكرهك واخا ضربتيني وسبيتيني وتدخلتي فمشاكلي (مسح وجهو بيديه وتنهد) عرفتي مابغيتش هاد شهر يسالي وماكرهتش نزيدك شهر وحداخر واخا عارفك ماكرهتيش تقتليني وكاتكرهيني ولاكن انا عادرك بسيف تكرهي واحد بحالي قلبو عامر بالحقد والكراهية ((((والانتقام)))) ماقادرش نفرح فحياتي واخا عندي فلووس وشركات ... كانحسدك على حياتك الهانية واخا ماعارفش عليك بزاف ديال الامور حدي كانعرف سميتك ولاكن كانواعدك غادي نعرف عليك كولشي (بتاسم) عرفتي كاتشبهي لماما بزااف حتى هي كانت زوينة بزاف بحالك وشعرها كحل وطويل بحال شعرك وكان لسانها طويل بحال لسانك وفاش كانت كاضحك كايصغارو عينيها بحالك واخا مكانشوفكش كاضحكي بزاف يمكن حيت انا السبب دخلت لحياتك بحال شي عاصفة ورونتها سمحيلي كانترجاك ...ستحمليني واخا غير هاد المدة لي بقاتلينا مع بعض انا هاكا وهادي هي شخصيتي من نهار قتلولي واليديا تقلبت حياتي اوليت هاكا كيف كاتشوفي كيف قلتيلي قبيلة رجل ثلج يمشي تحت الشمس ولا يدوب هوا انا عارف راسي ههه ...(لمس جبهتها) الحمد لله حرارتك نزلات نخليك ترتاحي...
قبل ماينوض تفاجئ بيد نورسين الدافئة تمسكات بيه بتالع ريقو وهوا كايشوف فملامحها تعبانة رجع كلس فجنبها ووضع يديه الثانية على يديها لي متمسكا بيه
نورسين-(كاتحلم) ماتقيصووونننش ...(كاتنفس بسرعة) لا ...لا ....لاااا... لا بعدو مني لا لا
أسد-(توسعو عينيه بدهشة وكايحاول يفيقها) نورسين .. نورسين فيقي نورسين ...هدا غير كابوس ... فيقي
نورسين-لاااا ماتقيسونيش لااا لااااا لااااا(حلت عينيها فجئة وبسرعة وقفت كالسا وكاتنهش وعنقات أسد لي كان كالس حداها وبدات تبكي) هئ هئ هئ
تفاجئ أسد من تصرف نورسين وهي فحضنو هز يديه باش غادي يضمها لعندو حتى هوا لاكن بسرعة سحب يديه وماقدرش يضمها بحالها هي لي معنقاه
أسد- نورسين واش نتي بيخير
بسرعة غير سمعت صوتو فتحت عينيها وبعدت عليه بقوة وشافت فيه بنضرات كلها كراهية وقالت
نورسين-شنو كادير نتا هنا ....
أسد-(وقف ودار يديه فجيابو اوقف حدا سرجم كايطل)تهدني راه اغمى عليكي وهزيتك وطلعتك لغرفتك بقيتي فيا ودرت فيك خير وهزيتك ...ماكفانيش حريق الراس لي دايراهلي زدتيني حتى حريق ضهر ....ضهري تهرس خصني شي حصة ديال المساج...
نورسين-لاء شكرا على كرمك ...ماتفتاخرش براسك بزاف اسي حتى كون شافني لعساس غادي يهزني ويعاوني...
أسد-بلعكس خاصني نفتاخر حيت هاد القضية من احدى انجازاتي باش نهز بنت سخفانا ونعاونها حاجا ماشي بهاد السهولة
نورسين- اه بصاااح انجاز عضيم تستاهل تصفيقات عليه ...ببساطة كان بامكانك تخليني تماك حتى نفيق راسي مجرد فكرت انني كنت بين يديك كاتجيبلي الغثيان وكانبغي نرد ...
نتابهات لراسها وشافت فيديها عريانة ومكان الجرح والكدمات باينين فهاد اللحضة ضار أسد لعندها وبسرعة هي تداركة الامر وغطات راسها بليزار وشافت فيه كلس على لكنبة ودار رجل على رجل وشاف فيها بنضرات غامضة...
أسد- شنو السبب ديال دوك الكدمات
نورسين-(حنات راسها بغضب) ماشي سوقك فيا
أسد- واش ضربك شي حد
نورسين-(علات راسها وشافت فيه بحقد) تفكر راسك فين خليتيني وستنتج شنو وقاعلي...
أسد-(تفاجئ) مافهمتش
نورسين-(بصراخ مع دموع) سمحتي فيا فنصف طريق ولخلا وبسببك تعرضولي جوج ديال شماكريا وبغاو يتعداو عليا وضربوني بالموس
أسد-(توسعو عينيه بدهشة) ولاكن انااا
نورسين-(بصراخ) شنو نتاااا بسببك كانو باغين يغتاصبوني ...لقيت الخير غير فالناس كانو دايزين غير بالصدفة وعاونوني ودافعو عليا ....
أسد-(ماقادرش يشوف فيها) هوما لي داوك للمستشفى
نورسين-طبعا حيت فداخل قلوبهم واحد لحاجة سميتها الانسانية لي مكايناش فيك...
أسد-(كايشوف فالارض ) لارد...
نورسين-كون كانو تعداو وعليا كانقسم ليك كونت غادي ننتاقم منك شر انتقام ... كانكرهك ...كانكرهك
أسد-لارد
نورسين-لي معصبني ومخليني نموت هي اعصابك الباردا ...عطاك قلبك تخليني بوحدي وسط طريق وتكلس فمكتبك ببرودة دم .. وقدرتي تخدم مائنبكش ضميرك هاه كون كانت ختك غادي تخليها وسط طريق بوحدها تواجه لوحوش جاوبني ماتبقاش ساكت
أسد- اناا مافكرتش فهادش شي كاع وقلت بلي نتي انسانة قوية وتقدري ترجعي بوحدك ...
نورسين-واخا نكوون قوية كانبقى بنت ويقدرو يطمعو فيا لوحوش هئ هئ هئ
أسد-(تقطع فيه نفس فاش شافها كاتبكي) صافي ماتبكيش انا غادي نقلب عليهم حتى نلقاهم وكانواعدك غادي نغرقهم فلحبس
نورسين- ماكاين لاش اسي افندي راهوم فالحبس دابا وكيف قلتي انا قوية وماكانسمحش فحقي بسهولة.......
أسد-لارد
نورسين-(ضحكت بسخرية) اكيد قلتي واخا نخليها وحدها فطريق هي صيادة دلكنوز وغادي تقدر تسلك راسها... اسيي انا بنت شريفة الحمد لله (قاطعها)
أسد-انا ماقلتش هاكا...
نورسين-ادن انا شنو درتليك جريتيني من وسط لحفلة بدون سبب ...واش دنبي انني طلبت منك تخفف السرعة
أسد- ماشي هكاك انا كنت معصب ونتي ستفزيتيني ...هدا لاش...
نورسين- دابا هاحنا معادلين انا درتلك مشكلة ونتا نتاقمتي مني شر انتقام مكانضنش كاينا شي حاجة لي غادي تشفي غليلك كتر من هادشي لي وقاعلي صافي خليني نمشي بحالي مابقيتش قادرا نشوف فوجهك....
أسد-(وقف فجئة ودار يديه فجيابو وعطاها بضهر) نتي ماغاديش تتحركي من هنا ابدا ...
نورسين-مسكين واثق من نفسك بزااف...بغيت نعرف واحد الحاجة كيفاش عائلتك قبلو نكلس عندهم بلامايشوفو عائلتي ولا يعرفو شكون انا ولا منيني اصلي ...علاما كايبانلي عائلتكم عندهم عقلية غربية باش يقبلو تكلس معاهم بنت غريبة ...شنو قلتيلهم هاه.... باش قنعتيهم
أسد-(ضار عندها وكلو ثقة فالنفس) قولتلهم بلي نتي يتيمة وماعندكش عائلة ومقطوعا من شجرة هدا لاش ماسولوش فعائلتك
نورسين-(توسعو عينيها باصدمة وضحكت بسخرية) هاهاها اصلا ماكدبتيش هادي هي الحقيقة
أسد-(بدهشة) هاه....وااش بصح نتي يتيمة...
نورسين-اممم كون كانو عندي عائلة ماكنتيش غادي تستاغلني هاكا ماشي الفقر لي خلاني عاجزة امامك بل العائلة والسند لي غادي يدافع عليا ماعنديش ...
أسد-(تنحنح وعطاها بضهر) انا غادي نمشي رجعي نعسي ورتاحي غادي نقول للخدامة توجدليك شي حاجة تاكليها...
خرج وسد الباب وتكا عليها واحد المدة فك ربطة العنق لي كانت خانقاه وفك بعض من زراير سوميج وغمض عينيه بتعب ...
بقات كاتشوف فديك الباب وفلحضة تعصبات وهزات ديك الفوطة لي كانت محطوطا حداها بغات تضرب بيها الباب لاكن فلحضة وقفت وشافت فيها
نورسين- فازكا هاد لفوطا ...لا مستحييل داكشي لي كانفكر فيه مستحيل هوا ماشي من داك نوع لي كايعاون بنادم مستحييل...
_____________________
بعد 3 ايام.....
فاش تأكدت ان الجميع مكاينينش فالاسفل
تسللت فاسلالم للطابق السفلي... وفاش جات تحل الباب شعرت بالقشعريرة فكامل انحاء جسمها فاش تكلم بصوتو البارد وهوا واقف فالدروج
أسد-واش ماتفرجتيش فالاخبار غادي تهب عاصفة فلمدينة من دابا شوية...
ضارت وشافتو هوا أسد كايشوف فيها بنفس ديك النضرة الفارغة...ترددت لاكن قالت..
نورسين-هدا لاش خاصني نخرج دابا...
أسد-(نزل من دروج ومربع يديه وقرب منها)... دابا عاد عرفتك حمقا بالمعقول (طاحت عينيه على العلبة لي فيديها وشاف فعينيها) قوليلي شنو سبب هاد التهور...
سكتت...مجاوبش...ماباغياش تجاوبو...عطاتو بالضهر وحطت يديها على مقبض الباب البارد باش تحل الباب ...لاكنو سد الباب بيديه وهوا من وراها ..وكان مكايفرقش بيناتهم سوى فراغ بسيط ...كان موراها بالضبط ...غمضت عينيها بنفاد صبر..وكانت قادرة تشم ريحة عطرو الفريدة ...وانفاسو لقريبة منها خلات بعض خصلات شعرها تطلع وتنزل تناغما مع انفاسو شهيق وزفير...قال بصوت مبحوح وخشن ولي كايدل على هدوئو..
أسد-ماتخافيش كاع مامعصب ...ولاكن ماغانخليكش تخرجي حتى تقوليلي فين بالضبط...
ضارت لعندو وحست بالشجاعة باش تخبرو وجها لوجه حتى لو كان الفاصل بيناتهم بعض سنتيمات فقط...بما انه كان طويل عليها رفعت انضارها لعينيه العسلية لي كانت كاتئمل مدى جمال عيونها الزرقاء...هوا مابعدش ولو انش واحد وكايتئملها وهي كانت مشغولة فحاجة اهم من قربو ليها
..قالت بنبرة قلق...
نورسين- دوا ديالي تسالالي....خصني نمشي نشريه دابا...
أسد-لاكن اليوم السبت غايكونو صيدليات سادين..
نورسين-هدا لاش خصني نمشي دابا...غادي نقلب على شي صيدلية تكون بيرمانونس
ضارت وحلت الباب لاكنو رجع سدو بسرعةوقال
أسد- انا غادي نمشي...
توسعو عيونها زرقاء الجميلة وضارت عندو بصدمة
نورسين-شنو قلتي...
أسد-(بنبرة اهتمام) انا غادي نمشي فبلاصتك عطيني العلبة ديال دواء
نورسين-(مقادراش تصدقو) علاش فجئة وليتي كاتصرف هاكا...
أسد-(قاطعها بصراخ) سربييي....
صطادمات انفاسو مع وجهها بسبب الغوتا وبسرعة عطاتو العلبة دفعها وحل الباب وخرج وخلاها وسط دوامة من الاسئلة ماعندهمش حل بالنسبة ليها ...انا غادي نقولك يمكن القلب بدا يحن ااااه ياقلبي كايقولو ان البنت عندما تحب تفضحها الغيرة والشاب عندما يحب يفضحه الاهتمام... ❤❤
______________________
فديك الليلة الرعدية ..المطر يعانق زجاج النوافد ويروي ازهار الحدائق ويعلن رطوبته في الارجائ معلنا اقتراب فصل الشتاء ...هبت رياح غربية معتدلة السرعة تنشط في مدينة فاس ....وتسببت فاغلاق الناس سراجمهم وبيبانهم الحديدية وخايفين لاتئديهم ديك الرياح لي ماجاتش بالخير....
عائلة اسد كانو كالسين مجموعين فغرفة المعيشة لكبيرة ولمتعددة الاثاث والديكور الراقي.. عم الصمت زواية الغرفة وتكلم محمد بنبرة كلها قلق وهوا كايطل من سرجم
محمد-من المفروض ان أسد يكون وصل دابا...علاش تعطل هاد الوقت كامل ...وقفت آيلا وقربت منو اوضعت يديها على كتفو وبتاسمة
آيلا-ماتخافش ...اكيد هوا غادي يرجع لينا...
مكانتش متئكدا من كلامها حيت حتى هي تقلقات عليه .بينما نورسين كانت كالسا على الكنبة وكاتقرا رواية بوليسية وماداياهاش فهاد العالم وقالت بينها وبين نفسها وبصوت خافت..
نورسين-مافهمتش علاش مقلقين عليه هداك راه الرجل الخارق 😏
حست بالندم من كلماتها فاش شافت الخوف على وجوه عائلتو الجدة مي عيشة لي كانت ديما كاتعاتبو هاهي دابا رافضا تشرب دواها حتى يرجع حفيدها خالتو مريم (ام ابراهيم)لي جات قبل يوم هي الوحيدة لي كالسا بهدوء وقالت بسخرية
نورسين-دابا عاد عرفت منين ورت هاد برودة الدم ...
ابراهيم كان ناعس بهدوء بحال الاطفال ..عمر كان خايف على مي عيشة لي رفضت تاكل دواها همست بصوت خافت
نورسين-ماعرفتش علاش خايفين عليه لهاد الدرجة
حطات لكتاب على وجه براهيم لي كان ناعس وتوجهت لواحد النافدة وحلتها بيديها وبسرعة دفعتها الرياح لجاية ...حاولت تسدها بيديها لاكن الرياح تغلبت عليها حتى تفاجئت بيدين موراها دفعو سرجم وتسد ضارت لقاتو عمر لي بتاسم بسخرية على ضعفها ...بتالعت ريقها بخجل وشافت فمي عيشة لي بدات كاتبكي على حفيدها حدرت عينيها بتعب وفجئة شي حاجة دخلتلها فعينيها وخرجت للدروج كاتحك فعينيها وكاتحاول تزول ديك الخشة لي خلات عينيها تدمع ... كلست فالدروج ...شافتها آيلا وقربت عندها وكلست حداها ومسحت على شعر نورسين بلطف شي لي خلاها تستغرب من تصرفها..
آيلا-ماتخافيش غادي يرجع بيخير وعلى خير...
ماقدرتش تجاوبها وبتالعت ريقها ومسحت دموع لي كانت سبابهم خشة
آيلا-عافاك ماتبكيش هداك راه خويا وانا عارفاه قوي وغادي يرجع
نورسين- لا انا مكانبكيش
آيلا--(بتاسمة) ماتحشميش هوا خطيبك طبيعي تخافي عليه
نورسين- هاه ....ااااه بصح خايفا عليه بزاف
آيلا-مسحي دموعك ويالاه ندخلو البرد عليك هنا...
نورسين-سمحيلي انا غادي نطلع لغرفتي ...
طلعت لغرفتها وكلست على الارضية الباردة وتفكرت عائلتها وتمنات كون كانو مازالين عايشين ويخافو عليها حتى هي شعرت بالدنب حيت الجميع كانو لطيفين معاها بينما هي قابلتهم بالسوء
سمعت اصواتهم فالاسفل وسارعة فالنزول لقات أسد واقف وجداه معنقاه...نزلت اوقفت امامهم كاملين حسو بالطمئنينة من بعد رجوعو قربت كتر ولاحضت ان ملابسو كاتقطر بالماء على الارضية وشعرو فازك
نورسين-أسد...نتا فازك...
عطاها نضرات باردا وحيد لفيست ديالو ولاحو على الاريكة كانو فرحانين لدرجة ملاحضوش حوايجو لفازكين لي لاحضتهم نورسين غوتت مي عيشة وهي شادا وجهو بين يديها وقالت
مي عيشة-ولدييي غادي تمرض الى بقيتي هاكا ...
نفسها نضرات عدم الاكترات ماتبدلاتش رغم ان الجميع كانو فانتضارو بلهفة هز لفيست ديالو وبغا يطلع لغرفتو ..لاكن يد محمد تمسكات بيه وضار عندو أسد باستغراب
محمد-فين كنتي هاد المدة كاملة ...وعلاش نتا فازك
أسد-(تنهد بملل) انا ديما كانتعطل...اشنو لي تغير دابا...اما حوايجي تلفت سوارت سيارتي وضطريت نمشي على رجلي باش لقيت سيارة طاكسي...
سالا هضرتو وداز من حدا نورسين وهوا كايشوف فيها بنضرات مامفهومينش بعد 20 دقيقة طلعات نورسين فادروج متوجهة لغرفة أسد كانت معصبة وباغيا تعاتبو لانه تصرف ببرود مع عائلتو واخا ماشي صوقها لاكن هي عزيز عليها تحشي راسها فكلشي فتحت الباب بقوة وكدالك فمها حيت كانت باغيا تغوت لاكنه تفاجئة بصدرو لعريان وكان كايشوف فيها باستغراب ومافاهم والو كان لابس فقط فوطا على خصرو لي كانت قرابا طيح 😉ههه كان واقف امام خزانت ملابسو وعاد خرج من الحمام وكايشوف فيها ..بقوة الصدمة نورسين ماتحركاتش وبقات واقفا وشادا فقبضة الباب وحالا فمها ماقدراتش تهضر كانت بحال شي صنم من الاصنام لي عندنا فلكروب ...تنهد بسخرية وهوا كايشوف فوجهها لي ولا حمر ..قرب لعندها كتر وجرها دخلات ودفع الباب برجليه حتى تسدات..باغي يستمتع فازعاجها😉...تجمدت كتر وهي كاتشوف فيه قرب منها وعلى وجهو ابتسامة ساخرة كلما قرب كتر بعدت هي كتر بتالعت ريقها بصعوبة قرب وجهو من وجهها ...وقال بصوت خافت وساخر...
أسد- واش قلتي لجدا بلي راكي تبعتيني..تو تو تو ...غادي تعصب بزاااااف...
نورسين-(وهي كاتحاول ماتشوفش فيه) سم...سممع ...انا ماشي منحرفة......
أسد-(وهوا كايشوف فعينيها لمرتبكة)امممم... وشنو تسمي راسك ...
نورسين-(وهي كاتحاول ماتشوفش فيه) سيئة حض.... ماعندي زهر...
سكت اواحد شوية نطق وقال بينما كان كايرفع شعرو باصابعو...
أسد-كاينين شي بنات اكتر امنياتهم يشوفو صدري عريان ومالابس سيوى فوطا على خصري علاش كاتقولي سيئة الحض
نورسين-(بعدم اكترات) بصاااح لاكن انا لا اسوء كوابيسي نشوف صدرك عريان
ضحك اسد ...ولاول مرا غادي تشوفو كايضحك ...ماقدرتش تمنع نفسها من شوفت صف اسنانو البراقة ...وهوا كايضحك ياااالها من ضحكة فاتنة 😍 عيناه كانت كضوء القمر يضئ بحيرة تمشا نحو الكنبة وهز لفيست ديالو وخرج منها علبة الدواء ورجع قرب منها ووقف بنفس الوقفة وهوا قرييب منها ...
أسد-شدي دواك
نورسين-(عينيها فالارض) شكرا ...تعطلتي بازاف تقول مشتي تجيبو من لموزنبيق الشقيقة...
أسد-ههههههههههههههه عرفتي داك لسان ديالك خصو لمقص (سكت للحضة ورجع تكلم بهدوء) كيف بقا الجرح ديالك..
نورسين-الحمد لله هاد صبح طاحت ليا غرزة وعقبا للباقي ...
بينما كان منحاني لطولها ...لاحض انها كاتهرب من النضر ليه ...وكاع نضراتها فالارض ..وقال بصوت جاد
أسد-علاش مكاتشوفيش فيا...
غمضت عينيها بسبب هيبة صوتو الجادة والمفاجئة
...فجئة انفاسو ولات تقيلة ...شعرت باقترابو الشديد منها لدرجة ولات كاتحس بانفاسو المتسارعة...حرقها كتفها بسبب راسو لي تكا عليها على غفلة
وتشبت بيها وفجئة سمعت صوت ارتطام قوي ترددت واش تحل عينيها ولا لا وحلتهم تفاجئة فاش شافتو طايح فالارض امامها وكايتنفس بصعوبة ...
للتوضيح اسد مريض بفقر الدم ....
دابا انا لي فكرت فيه هي الفوطة واش ماطاحتش حتى هي ههههههههههههه تبا لتفكيري المنحرف ههههههههههه.....😛😎