فصل 21
اغمى عليها وترخى راسها على صدرو وطاحت حتى يديها لي كانت معنقى وجهو وسط دهشتو وعدم تصديقو للي قالت توسعت عيونو لعسلية من جملتها وقال
اسد-مايمكنش.....واش......واش عتارفات ليا عاد دابا.........اولا غير مجرد هلوسة..........اولا يحسابها انا شخص اخر....اكيد غير هلوسة ...غاندير راسي ماسمعتش..
فاقت نورسين ولقات راسها ففراشها ..تسعقت فاش شافت راسها لابسة طريكو رياضي رجالي
نورسين-اووه ياربي اشنو وقاعلي
كلس كاترجع داكرتها واخر حاجة عقلت عليها هداك الموقف المحرج واسد كايسبح تجاهها ...ماقدرتش تتفكر بقية الدكريات ديال داكشي لي وقاعلها ...عنقات نفسها وكاتشم ريحت عطرو لعالقة فقميصو ...وتفكرات انها على خطئ ....ماخصهاش توقع فحبو ...خصها تمنع انانيتها باش ماتسيطرش على كيانها...هوا عندو خطيبة وهدا قاسي بحقها ...مابغاتش نورسين تكون سبب دمار العلاقة بيناتهم...خصها تقتل هاديك المشاعر مهما كلفها الثمن ...ولو كان الثمن قلبها المرهف...ماغاديش تسمح لانانيتها تسيطر عليها ابدا...دخل اسد للغرفة وفيديه كاس ديال القهوة سخونة ولقاها كاتشوف فالفراغ ...كان لابس طريكو ابيض بلا اكمام وسروال اسود ...وضع القهوة على الطاولة وكلس على حافة السرير وهوا كايتمعن بجمالها الطبيعي خدودها الوردية وعينيها الزرقاء الواسعة ومازال ديك الغبية مالاحضت وجودو فرقع اصابعو امامها عاد رجعات لرشدها
اسد-(بابتسامة دافئة) ياااا حريق راس ...ديما كاتسببي بالمشاكل ديما
نورسين-(حنات راسها بحرج) سمحلي بزاف...وشكرا
اسد(ستلقى حداها على سرير وتفوه بتعب) ضهري تهرس معاك خصني نحسب شحال من مرا هزيتك
نورسين- راني عتادرت مسبقا ابنادم
ضار على جنبو الايمن وكايشوف فيها ..بسرعة حمار وجهها وغمضت عينيها وبيديها
نورسين-ماتشوفشش فيا كتر من لازم
اسد-(تدارك نفسو وعطاها بالضهر) اه ...سمحيلي
تفاجئة من ردة فعلو ...وكاتقول مع راسها...هدا مالو.. واش فهم بانها حشمانا بسبب نضراتو ليها..واش عرف بانها تكن له المشاعر ..باتئكيد لا ...فهي كاع مالمحكاتلو ابد فكيفاش غادي يعرف ...تقلقات لسبب مجهول بغات تنوض لاكن سرعان ماشدها من يديها وسحبها عندو حتى تقابلات مع نضراتو الجادة
اسد- خصك ترتاحي مازال شوية ...باش يرتاح بالي ونتاكد بانكي بيخير...
توسعت عينيها ومدهولا من تصرفاتو اللطيفة...كلست على ركابيها امامو على سرير بتهالك...وكأن مشاعرها تهزمات امام نضرات القلق لي بين ليها ...عنقت وجهها بيديها وراسها باتجاه الارضية شعرها الحريري كايلامس السرير... مازالا شادة راسها بيديها وهمست معلنة استسلامها
نورسين-صافي.. ماعندي ماندير
اسد(تجاهل نبرت صوتها المريبة وقال وهوا كايبعد يديه على يديها) مزيان بزاف ادن شربي قهوتك قبل ماتبرد ...غادي تحسن مزاجك
تقادت وكلست على سرير وشربت من القهوة رشفة وعينيها كاتسرق النضر لجمالو الملائكي سرعان مالتقات انضارهم وزولت عينيها بسرعة ...بتاسم ابتسامة جانبية مبهمة وخرج وسد الباب الغرفة موراه
شربت من كاس القهوة وبعد ربع ساعة ناضت برجليها حفيانين فتحت باب غرفتها وتوجهت لغرفت اسد حطت يديها على مقبض الباب باش تفتح الباب لاكن رجعت سحبت يديها وغمضت عينيها سمعت الحركة فالممر وخافت لايشوفوها وهي لابسا قميص رجالي ويفهمو غلاط بسرعة حلات الباب وقفلاتو بهدوء وراها وشافتو مستلقى على الاريكة في سبات عميق وسط ضجيج تلفازة ...طفات تلفازا وقربت حتى وقفت امامو والتلفاز موراها ...شافت فيه بشغق وكاتراقب خصلات شعرو ورموشو الكثيفة لي غطات عيونو ...شكلو وهوا ناعس بحال شي بيبي صغير ..بقات كاتفكر وقالت
نورسين- ماقادراش نصدق ان هاد الملاك كايخرج من بين شفايفو كلمات قاسيه(ركعت على ركابيها لعريانين حتى لامسو الارض قبالة اسد الناعس وفداخلها صراع بين مشاعرها وانانيتها صورت عابد وصورت نهال بين عينيها هاد الجوج هوما لي واقفين فطريق قلبها المسكين باغيا تمسح على شعرو باغيا تلمس خدودو وداعب رموشو باغية وباغية لاكنها ماتقدرش ...لان هاد التصرف مخل بالاخلاق ...لانه ماشي ديالها ديال نهال ...ماتقدرش تخونها همست بصوت مسموع بلا ماتحس براسها
نورسين- مابغيتكش تكون ليا...لا انا مابغيتش ...كانواعدك غادي نقتل هاد المشاعر..... ماتخافش
منعت يديها من الوصول لوجهو وناضت خرجات بعدما تنهدت بعمق ... بعد ثواني من رحيلها اسد فتح عينيه ..نضراتو كئيبة ...ضم وجهو بين يديه وناض كلس وتنهد بضيق ..كايفكر فياسر وفمشاعرو...وبنهال وفمشاعرها قاطع تفكيرو صوت انكسار جاي من غرفتها ناض مخلوع وبلامايشعر دخل لغرفتها وقال بدعر
اسد- اشنو واقع
لقى لكاس ديال القهوة مهرس وعلى الارض ..تحنات باش غادي تجمع الزاج من الارض حتى دفعها اسد
اسد- عنداك وماتحاوليش حتى تفكري
شافت فيه باستفهام حتى قرب امامها وشدها من معصمعا وجرها باش تنوض وغوت وكايعاتبها
اسد-علاش كانحس بيك بحال القنبلة الموقوته عندك ميات طريقة باش تئادي نفسك
نورسين-(همست وحانيا راسها) صافي باراكا عافاك
شاف فيها باستفهام وكايحاول يشوف ملامح وجهها او اي تعبير غوتات بغضب ودفعت صدرو بيديها بجوج بسخط
نورسين- (بصراخ) صافي باراكا ماتبقاش تخاف عليا... نتا غير كاتزيد تعقد الامور
اسد(شاف فيها بانكسار) اشمن امور ...انا غير عاملتك بلطف...شنو دنب لي درت
نورسين-(بصراخ) تصرفاتك كولها كاتعصبني ...ماتبقاش تهتم بيا
اسد-(توسعت عينيه بدهشة) علاش هاد اللئم كامل...واش باغياني نكرهك كيف كنت من قبل...واش باغياني نمحي اللطف من قاموسي ...واش هادشي لي بغيتي
نورسين-(شافت فيه ببرود تام) اه...دير معايا هاد لمعروف كانترجاااااك
سكت وكايحاول يعرف سبب وقاحتها معاه وقال بنبرة مبحوحة ومكسور
اسد- مهما كان السبب لي خلاك دفعيني لبعيد وغواتك فوجهي ماغاديش يبرر افعالك مهما كان السبب
نورسين-(قابلاتو بنبرة جافة) مكاتسنى حتى شي تبرير
اسد-(بتاسم بتصنع وكايحاول يخفي تاثرو من نبرة صوتها) لي بغيتي...ماغاديش نبقا نضحك حتى فوجهك
قابلاتو بملامح باردة وخلاها وخرج من الغرفة ...غير سمعات صوت الباب تسدات وطاحت فالارض ضمات راسها بيديها وكاتحاول تمنع دموعها مايخرجوش ... لاكن ماقدراتش تقاومهم ونسابت الدمعة على خدودها وحدا وراء الثانية وكاتقول بصوت خافت ( اديتو ...ادية مشاعرو ...سمحلي بزاااف)
______________
حينما نحب بـــــــــــــــــــــــــــــــــــصمت
أحياناً ... نلتقي بمن نشعر فجأة أنهم نحن , وأننا هم .. يشدنا حنيننا اليهم .. الى رنين أصواتهم .. الى نكهات ضحكاتهم .. نبحث عنهم بشغف ان غاب طيفهم لثوان !!!
لــــــــــــــــــــــــــــــــــــــــــــــــــــكن ... !!!!
هم ليسوا لنا !!!
ونحن لســـــــــــــــــــــــــــــــــــنا لهـــــــــــــــــــــــــــــــــم !!!!
حينها
فتؤثر أن تحبه بصـــــــــــــــــــــــــمـــت فلا طريق آخر !!!!
ويح نفسي .... ماأقسى أن تحب بصــــــــــــــــــــمت !!
اين ستذهب ببركان مشاعرك المتأججة !
أين ستلقي باحساسك الذي يخنقك لحظة بلحظة !
هيهـــــــــــــــــــات
ماذا ستفعل حينما
يصبح الاحساس بداخلك وحشا كاسرا لا تقوى على السيطرة عليه
حينما تقول الااااه فتذبحك وتحسبها دواءك
سيعلمك صمتك
أن تتقن ابتلاع الموت
بل تتقن الموت البطئ
ستصرخ فلا تسمعك الا آهاتك
ستبكي فلن يدرك حرارة دموعك الا عينيك
ستختنق فلن يشعر اختناقك الا روحك
ستموت في اللحظة ألف مرة .. ولن يربت على كتفك الا ألمك
لن تجد حتى من يعزيك الا احتضارك ذاته
ألا لهفي على من يلزم الصمت مجبراً .. أي موت هذا
ضاقت عليا وكأنها تابوت
ضاقت عليا فما أراني الا
حيا ميتا متماسكا مبتسما
صمتي أسكت حروفي
وأخرَسَ ضحكاتي.......
___________________
ركب فسيارتو وبعد عن المكان باقصى سرعة حتى توقف امام الشاطئ لي كانو امواجو كايضربو على الرمال وصوت صراخ الامواج دخل على قلبو الراحة ...كان متضايق بزاااف
كيفاش تجرئات على معاملتو بديك القسوة...؟؟ مكاينش لي تجرء ولو مرا على معاملتو بديك الطريقة ...غادي يحماق ...باغي يضرب شي حاجة ...اي حاجة المهم يحرر داك الغضب لي كاين داخل قبضة يديه
كان مستاء؟ نعم....غاضب؟ نعم....مجروح؟ نعم....
لطالما كانت نورسين بشوشة ضاحكة وكاتكره تئدي اي حد الى مأدهاش
واش يحسابها ماعندوش مشاعر؟
كايحسابها بارد ومكايشعرش بالاهانة والاستياء؟
واش غوتات عليه حيت يحسابها ماغاديش يتاثر؟
غلطتي بزاااااف اختي نورسين
شعر بشوية من الامل لانه ضن انها حاسة بيه وبانها هي الوحيدة لي قادرة تفهم جرحو لي بين ضلوعو كونهم عاشو نفس التجربة طفولة كئيبة وحزينة ومريضة
تفكر احتضانها الدافئ ليه ...كيفاش سمح لراسو يخضع لسحرها ....لحضنها...علاش مابعدهاش عليه داكساع؟؟ ... علاش ماعتارضش؟؟ ...تاضحلو فلخر انها بحال لوخرين مجرد بنت غريبة كان قراب يوقاع فشباكها ...
حس بالضياع...الغضب...وتسائل عن سبب صراخها فوجهو ...من دموعها لي كانت قريبا تخرج...من نبرتها لمرتعشة ...اشنو سبب فعلتها؟؟ ...كاتعصب منو الى قسى عليها ..وكاتعصب منو الى هتم بيها...بسبابها غادي يحماق ...فلحضة حس بانها قريبا تغيرو ..ولاكن ضن و خاب ضنو ..صافي مابقاش باغي يفكر فيها مازال ...كره سميتها كره كل حاجة زوينة دارها معاها ...لانها قابلاتو بالسيئة ..ماتوقعهاش منها...وماتوقعش يغضب على حاجة بحال هادي ...تنهد بارهاق من كترت التفكير وكلس على صخرة كبيرة كاراقب المد والجزر وسمح للهواء الرطب لي كايعانق وجهو الفاتن والمخدول ...غمض عينيه بارتياح حتى تفاجئ من صوت خلفو وبتاسم قبل مايضور عندو
الشخص- واش ماباغيش دير عقلك امتى غادي تكبر خلاص
ضار اسد والابتسمة تعلو وجهه الوسيم قرب عند هداك الشخص وعنقو بقوة...
أسد- عمي سماعيل ...عاش من شافك
سماعيل رجل فعمر الخمسينات متوسط القامة شعرو اسود ممزوج بالابيض كايدير نضارات طبية ..هوا زوج خالة اسد مريم واب ابراهيم وكايعيطلو اسد عمي )
هي منضمة تسعى لقتل المجرمين لاكن اساليبها في دالك قاسية وموحشة ..المنضمة تضم اقوى القتلة في العالم مدربون لمواجهة اي عدو يؤمرون بالتخلص منه.لكل فرد اسلوب عمله ورتبته وطريقته ولقبه الخاص لاكنهم يشتركون في القتل
هي منضمة يعمل بها اسد تاج مالك كاخطر واقوى وامهر قاتل تفتخر به المنضمة لقبه... الوحش المضلم...لشراسة طريقة قتله اثناء عمله رتبته A ..انضم لها في عمر 13 سنة حين تم قتل والده امام انضار اخيه اقسم على الانتقام لاكن لسوء الحض اسد لم يعرف سوى شكل الرجل ووشمه تم تعليمه استخدام جميع انواع الاسلحة من قبل عمه اسماعيل احد رئساء المنضمة فاصبح ماهر في الدفاع عن النفس ...لدى المنضمة رئساء 12 شخص لهم القاب فقط حتى عم اسد له لقب ايضا لاكنه لا يضهر وجهه وشخصيته الحقيقية الى لاسد فقط)
اسماعيل-كيف راه ولدي براهيم لاباس عليه
اسد- ابراهيم لاباس عليه محتاجك غير نتا ...ايوا كيف جرا وطرا اعمي خرجتي من امريكا سخيتي بيها
اسماعيل-(بنضرات حنينة) انطونيو خبرني عليك وقالي دويتي معاه ونفاعلتي عليه هدا لاش جيت نردليك عقلك...
اسد-(دار يديه فجيابو ببرود) عمي حالة محمد خويا مكاتحسنش ...هاد الاعوام كاملة وانا صابر صافي عيت
سماعيل-(غمض عينيه بتعب) انا حاس بيك وعارف باش كاتمر لاكن اولدي ماخصكش تتصرع باش نلقاو شخص عندو وشم نجمة فيدو هادي صعيبا واش غير لي لقيتي عندو نجمة فيديه غادي تقتلو...
اسد-اه متافق معاك ولاكن ..
اسماعيل-مكاين حتى شي ولاكن كانواعدك وعد شرف غير نلقاه غادي نقولهالك ...وانا ابتداء من غدا غادي نبدا البحت ديالي بدون علم الرئساء الباقين وغادي نعلمك غير نلقاه....
حاول معاه عمو حتى قدر يقنعو بصعوبة ...رجع اسد للاوطيل والغضب مالي عينيه مانساش ديك الهضرة لي قالتلو نورسين ...سيفطلها ريسالة فتلفونها وطلب منها تجمع حوايجها باش يرجعو للمغرب فنفس الطيارة لي جاو فيها الرحلة كانت قصيرة وبالنسبة لاسد غير ضيع وقتو على الخاوي...نورسين لمشيا ديالها لبريطانيا حتى هي كانت بلا فايدا بلعكس عقدات الامور مع اسد بعدما كان بدا الجو يصفى بيناتهم...نورسين عاطفية بزاف وبحال هاد الخدمة خصها %90 عقل و %10 عاطفة لاكن هي عكست الامر وخلات قبها يتحكم فيها والى بقات هاكا المهمة ديالها غادي تلقى فشل ذريع...
________________
بعد مرور اسبوع
رجعو اسد ونورسين للمغرب ومعاملتهم كانت سطحية ...خرج اسد من الشركة وركب فسيارتو وهوا فطريق حتى جاه اتصال مهم جاوب وفلحضة وقف السيارة حتى تسمع صوت احتكاك العجلات مع الارض ...
اسد- واش نتا متئكد بانه نفس الرجل...
الشخص-اه نفس الضربة لي فوجهو ونفس الاسم...
اسد-مزيان قول للرئساء بلي غادي نتكفل بالامر انا والزميل (سفيان)
الشخص-لا مانقدرش نعصى الرؤساء سبق وعطاو المهمة لسفيان...انا كلفوني غير باش نوصلك لخبار... بما انك المدرب ديالو..
اسد-قوليهم بلي انا هوا لمسؤل على المتدرب سفيان
الشخص-علاش نتا مهتم باش درب هداك المبتدئ...
اسد- دابا واش كاتحقق معايا....
الشخص-لا اسيدي سمحلي اسيدي...
_________________
في مكان مجهول...
كلست وحدا من عملاء المنضمة وسميتها (نتاليا) ولقبها الحسناء المميته...بسبب كونها زوينة وكاتقتل رجال بسحرها وكاتستاغل هاد النقطة باش تقتلهم ..
لطالما كانت معجبة بقدرات اسد ولي لقبو هوا (الوحش المضلم) هي كاتبغيه لاكن هوا ديما كايبعدها عليه ببرودا واخا هي كاتقرب منو ...كانت دايرا رجل على رجل وكاتلعب بالمسدس بين اصابعها..
نتاليا-اسد قرر يتولى مهمة هداك المبتدئ لحمق سفيان ...اووه جاتني لغيرة...
الشخص- اه امادموزيل...
نتاليا-هداك لحمق ..لمهمة ادنى من مستواه علاش تولاها...
الشخص-المتدرب سفيان فشل فالمهمة...
نتاليا-كيفاش فشل ..
الشخص -هداك المجرم لي كان من لمفروض يموت خطف رهينة وهرب بيها بسبب عدم كفائة المتدرب سفيان فشل وطلب المساعدة من الوحش المضلم..
نتاليا-هدا لاش كانموت عليه.. من ديما كايصحح اخطاء غيرو...
الشخص-شنو نديرو امدموزيل نخبرو الرئساء ونوقفو اسد مانخليوهش يتولى مهمة غيرو
نتاليا-ماغادي يقدر حتى شي حد يوقفو ... الى صمم على شي حاجة كايوصلها...
دخل للقاعة رجل شعرو اسود وعيونو زورق بحال سماء ...ملابسو كحلة جلدية ونضراتو مخيفة..وكايضحك بطريقة مثيرة للشك...قال و يديه فجيابو...
الشخص-اسد مالك لقبه الوحش المضلم قاتل وكايخدم باوامر المنضمة وكايغتال المجرمين ...رتبته "A" غايتو الاولى الانتقام من قاتل ولديه وغايتو الثانية قتل الاشخاص المعروفين بفسادهم وتهديدهم لامن وسلام البلد....اووه انا مهوس بيه غادي تصدقوني الى قلتليكم كانعشق قوتو بجنون...هداك الراجل قدوتي ...نضراتو فاش كايغضب كايحمقووني يااالروعة...
نتاليا-(باشمئزاز) زهير... هاديك الحيوانات المنوية كان خصها تقذف في الهواء الطلق ماشي في الرحم. ولكن وقع خطأ وا ستقرت في الرحم و نتج من خلالها كائن غريب لمجرد ماتشوفو تقدر تصاب باكتئاب حاد و كاتجيك موجة من الغثيان إلى درجة كاتكون على وشك تقئ... ماتحاولش تفكر فيه حيت اسد مكلي انا بوحدي...
زهير- (وهوا شاد فدقنها لسخرية) لا ماتقوليهاش واش كابحسابك انا شاد...
نتاليا- (دفعات يديه وغوتات فوجهو) المهم انك مهوس بيه وهاد الامر كايعصبني فاش كانشوفك كاضور عليه بحال دبانة...
زهير-هههههه كاضحكيني...شوفو شكون كايهضر.
نتاليا-صحيح ان اسد رفض حبي ليه اوخا هكاك كانبغيه وماشي مهوسة بحالك...
زهير- نتي لي مهوسة كاتقلبي على اي طريقة باش تخليه يبغيك ...كاتبقاي فيا...نتي عارفا ان اسد منضم للمنضمة باش ينتاقم ماشي باش يداعبك اسافلة..
نتاليا-(ماكملها حتى جمعات معاه بسقلة )نتا بنادم مريض ماتقربش من اسد كاتفهم...
خرج مسدسو وحطو بين عينيها ونار الغضب خارجة من عيونو الزرقا ...بينما هي حطت يديها على خصرها وبكل ثقة قالت
نتاليا-قتلني شنو كاتسنا...باش تولي مجرم وتكون فريسة فيدين اسد غادي يترصدليك حتى يقتلك...
نطفات نيران الغضب وضحك بسخرية وهوا كايرجع المسدس لمكانو
نهير-ماغاديش نخلي اسد عدوي بسبب سافلة بحالك...
_____________
في منزل اسد
كانت نورسين كالسا مع آيلا وعمر وابراهيم فغرفة الجلوس وكايضحكو على ابراهيم بسبب تصرفو الطفولي...اما محمد كان كالس بملل وكايشوف فيهم
نورسين-(ناضت وكلست حداه) مال لبوكوس دلحومة مقلق...
محمد-لبوكوص ههههههههه ضحكتيني...
نورسين- ومالك بوكوس شوف غير عويناتك لكحلين شحال فنين (شدات فشعرو بحالي شي وليد صغير) وعلى شعيور وينوووو
محمد-( دفع يديها) شحال كانبانلك فعمري ماتبقايش تعامليني هاكا راني ماشي صغير وماتنسايش اننا قدقد فلعمر..
نورسين-(بسخرية) ههههه واخا هكاك كاتبقا فعيني صغييييور...
محمد- عرفتي بغيت نقولك شي حاجة...
نورسين-(بحماس)اه اه قول...
محمد-شووو غير بشوية غادي تفضحينا ماشفتيش براهيم كيف كايشوف فينا...
نورسين-(حطت يديها على فمها) صافي صافي انا نسكت غيرو قولي...
محمد-واحد البنت كاتقرا معايا...
نورسين-مالها...
محمد- انا كانبغيها....
نورسين-(صرخت بحماس) واااااااو محمد نتا خطيييير ...بديت كانكتاشف اشياء عجيبة فعائلة مالك...الاخ لكبير ولا كايعرف يضحك والاخ صغير واقع فالحب وااو واخا مابقا والو ويتسالا شهر بديت كانتعرف عليكم عن قرب (سكتات شوية ورجعات غوتات ) مكانش عليا نقول هادشي ياك...
محمد-(شاف فيها وبتاسم بسخرية ) نتي مجنونة من نهار لول لي عرفتك فيه
نورسين-(قرسات وجهو) ونتا غزيييول وينووووو...
محمد-(كايحيد ليها يديها) صافي باراكا راه قصحتيني...
نورسين-(طلقات منو وهي كاضحك) صافي واخا كمل..
محمد- (بصوت خافت) غادي تجي غدا...هدا لاش بغيتك تعاونيني...
نورسين-فااااش...
محمد-نعتارف ليها بحبي...
نورسين-(رجعت قرصت وجهو) هادا لطيف لطيف لطييييف ...امحمد يخليك ليييلي..
محمد-(بعد يديها بغيض طفولي) ماتبقايش تقرصيني والله حتى حشوما عليك...
نورسين-غادي نعاونك ولاكن بشرط....بغيتك تعرفني عليها ..بغيت نشوف البنت لي سلبت قلب محمد لغزيول واللطيف
محمد-ولاكن عنداك تقوليلي حداها ..وينو ولا لاطيف ولا غزيول غادي نتقلق منك
نورسين-اممممم غادي نحاول ولاكن مانواعدكش (قاطع حديتها صوت تلفونها كايصوني وغير شافت الرقم خرجات من الغرفة باش تهضر فراحتها...) الو ستيفانيا لاباس...
ستيفانيا- خليك مني انا نورسين فين راكي...
نورسين-خلعتيني ياك لاباس انا راني فالدار كالسا مع خوت أسد...
ستيفانيا-واسد فين هوا...
نورسين-مانعرف واقيلا فخمدتو...
ستيفانيا-وانوضي من لكلبا على سلامتك ..
نورسين-(تخلعات) واش وقعتليه شي حاجة عافاك اختي قوليلي وريحي قلبي...
ستيفانيا-مؤخرا طلب مني عابد نراقب مكلامات أسد حيت شافك تهاونتي ونسيتي خدمتك...
نورسين-ايه ومن بعد ...
ستيفانيا- أسد عندو مهمة اليوم سمعت انه غادي يعاون شي واحد سميتو سفيان باش يقتلو شي مجرم...
نورسين-(شدت فمها بصدمة) لارد
ستيفانيا-نورسين....نورسين....نورسين ...واش كاتسمعيني...
نورسين- كانسمعك
ستيفانيا- انا غادي نعلم عابد وغادي نتحركو لمكان ومعانا الشرطة...
نورسين-عطيني العنوان استيفانيا...
ستيفانيا-من الاحسن بلاما تجي...
نورسين(طلت من الباب على عائلتو وشافت السعادة على وجهوم وغمضت عينيها بتعب) عطيني العنوان استيفانيا كانترجاك....
ستيفانيا-(تنهدت بنفاد صبر) واخا جبدي ورقا وستيلو وقيدي
نورسين- اوكي....ستيفانيا....سيارة وسلاح مازالين فلكاراج ..
ستيفانيا-اه مازالين علاش....(غوتت) بلاتي نورسين عنداك دي....(قطعت عليها)
ﻓـﻲ ﺍﻟـﺤـﺐ ، ﻳﻠــﻐـﻰ ﺍﻟـﻤـﻨـﻄـﻖ ، ﻭﻳــﺘـﺮﻙ ﺍﻟــﻘـﻠـﺐ ﻟـﻴـﻨـﻄـﻖ ♥. .. ﻓـﻲ ﺍﻟـﺤــﺐ .. ﻧـﻨـﺴـﻰ ﻣـﻦ ﻧـﻜـﻮﻥ .. ﻧـﺠـﻬـﻞ ﺫﺍﺗــﻨـﺎ ، ﺗـﻘـﻒ ﻋـﻘــﻮﻟـﻨـﺎ ﻣُــﻜــﺒـﻠـﺔ ﺃﻣــﺎﻡ ﺟــﻨـﻮﻥ ﻗــﻠــﻮﺑـﻨــﺎ ! ♥ . ... ﻓـﻲ ﺍﻟــﺤـﺐ ، ﻳُـﺼـﺒـﺢ ﻟـﻠــﺒــﻜــﺎﺀ ﻟــﺬﺓ .. ﻭﻟــﻠـﺸــﻬـﻘــﺎﺕ ﻓـﻦ ، ♥. ﻓــﻲ ﺍﻟـﺤــﺐ ، ﻛـﻞ ﺧــﻄـﻴـﺌـﺔ ﺗـﻐــﺘـﻔـﺮ .. ﻛـﻞ ﻋـﻴـﺐ ﻻﻧــﺮﺍﻩ ، ﻭﻟـﺬﻟــﻚ ﻳــﻘـــﺎﻝ ﺃﻥ ﺍﻟــﺤــﺐ ﺃﻋــﻤــى