فصل 26 "اقسى اواع البكاء"

فصل 26


لحضة صمت سادت بيناتهم وعيونها الزرقاء كاتراقب لهيب الرياح لي تغلغلات وسط خصلات شعرها الاسود وخلاتو يتهز تناغما مع الرياح الباردة وهي كاتسنا اجابتو..

تحرك باتجاهها شي لي خلاها تتراجع بسرعة للخلف حتى سطادمات مع باب سيارة ...قرب منها وهمس بانفاسو الدافئة داعب ادنيها وسط تفاجئها وهمس بكلمات خلاتها تتسمر فبلاصتها ...دفعات صدرو بيديها بخجل...توردو خدودها بينما ابتسامة طفولية داعبة وجهو الوسيم..
راقبت استمتاعو بازعاجها واحراجها شي لي خلاها تبعد عليه وتتوجه للفيلة ودقات الباب...

_________________

فتحت لخداما الباب وصرخة بحماس...
الخادمة-(شدات فيدين نورسين) لالة نورسين توحشتك بزاف..
ضحكت نورسين بالفرحة حتى وقف حداها اسد وقال بصوت مهيب...
أسد- دخلي نتي انا غادي نعيط لأيلا...

تزحزحات الخدامة احتراما لاسد لاكن بسرعة ضارت عند نورسين وكاضحك معاها بفرح ..طلع اسد مع دروج ولاحض ان شي حد جرو ودخلو لغرفة وسد الباب ...
اسد-اشنو كادير المجنون واش حماقيتي انا مازال مانسيت ريحتك المقرفة وحلفت ماتهضر معاك سيمانا كاملا
ابراهيم-اشنو كاتقول مافهمتش اشمن ريحا
اسد -لوباء لي نشرتيه علينا فصبح ...
ابراهيم -الى فهمت شي حاجة الله يعطيني غبارا..
اسد-(بصوت خافت) اميين
ابراهيم-اشنو قلتي 
اسد-(شاف فيه ببرود) اشنو بغيتي مني لاش جارني
ابراهيم- انا شفت نورسين فاش جات وهي لتحت مع لخداما
اسد-(باستغراب) ايوا ومن بعد
ابراهيم-(بابتسامة شريرا) بما انكم مامرتابطينش ونتا عندك خطيبا انا فكرت ...فنورسين...اااا بغيت نقول نكونو انا وياها ... زعما غانكونو ثنائي رائع وزيد عليها هي من نوعي المفضل ...جسم رشيق وعيون كايهبلو شفايفها لموردين كايجيبولي تمام شعرها طويل كايحطمني ...شخصيتها المرحة كاتكملني ...كانضن انا وياها غاناسبو بعضياتنا كاينا ولا لا...(شافو كايضور على شي حاجة) اسد شكادير علاياش كاتقلب شنو رئيك فلهضرا لي قلتليك...

اسد-(هز واحد سمطا) هاهي لقيتها...( لواها على يديه)
ابراهيم-(تخلع) اشنو كادير اصاحبي ...
اسد-هادشي كامل لاحضتيه فيها فاش كانت خطيبتي 
ابراهيم-(تصدم) هاه ااا... ايوا راك عارف حنا رجال كايعجبنا زين وهي زوينا ضمرت كياني اللطييف

اسد-(جمع معاه بضربا بديك السمطا لمئخرتو حتى غوت بلالم ) انا غادي نقتلك على هاد لهضرا لي كاتقول ... مستحيل نخليها ليك الله يجعلها تبقا بايرا طول حياتها ومانخليهاش مع حزاق بحالك حياتو كاملة وهوا ناعس...

ابراهيم-(كايهرب من سمطا ويغوت) ااااه صافي صافي ...غير قولي حاجا وانا نحيد هاد الافكار من دماغي...
اسد-(وقف وهوا كاينهش) نطق طلقني سربي هضر
ابراهيم- كاتبغيها...
اسد-ماشي صوقك كاتسمع...
ابراهيم-(طلع فوق ناموسيا وهاز خديا فيدو باش يدافع على راسو) لنفرد انك مهتم بيها ...دكرلي شي حاجة درتيها معاها زوينا

اسد-(بارتباك) اااام...احم...اااااا.... خرجتها من طاكسي وسمحت فيها تحت شتاء....ااام ..هددتها ندخلها للحبس...سمحت فيها بنص طريق....تعرضو ليها شمكارا بسبابي...شحال من مرا دفعتها وطيحتها...اووو....بززت عليها تكدب عليكوم...واحد نهار كونت غادي نلوحها من سطح...اه اواحد لمرا عضيتها من ودنيها.....

ابراهيم-(قاطعو وعلى وجهو صدمة) صافي صافي صافي اويلي هادشي كامل درتيهلها ومازالة كاتشوف فيك....اوكي لنفرض نتا مامزيانش دكرلي  لمواقف الرمنسية لي داتهم معاك اكيد هي غاتكون حسن منك..

اسد- اااام خليني نفكر ...اول مرا لقيتها مخبيا فوسط خزانتي كانت كاتجسس عليا....اووو... قالتلي نتا حمار ..وضربتني للمنطقة الحساسة

ابراهيم....اوووووووه ههههههههه (جمع ضحكا فاش شافو مخنزر فيه ) صافي صافي غير كمل...

اسد- واحد لمرا كبات عليا كاس ديال لحليب سخووون ...واحد لمرا مشيت نجيب ليها دواء وشداتني لحملة ديال شتاء وضاعتلي سيارة وبسببها مرضت ...اواحد لمرا بغات تضربني بالموس...اواحد لمرا بدات كاتغني بصوتها لمزعج وعصبتني حتى كونا غانديرو حادثة...اواحد لمرا عاود كانت غادي تغراق وبسبابها دابزت مع شي دراري ...اواحد المرا كبات عليا سطل ديال الماء من سطح ...

ابراهيم-(قاطعو بصدمة) صافي صافي صافي باراكا...انا قصدت شي حاجا رومنسية ماشي لكسايد

اسد-اشنو مازال باغيها ... 
ابراهيم-ماعرفتش ...واقيلا بلاش...
اسد-(بنبرا قاسية) دير عقلك واخر مرا تجرني لغرفتك لمعفنا...(خرج وسد الباب من وراه وقال فنفسو وهوا كايبتاسم) 
اسد-قصتي مع نورسين كايجمعها الغباء والجنون بلا هاد جوج ديال العناصر مكاين والو...

ضار وشاف ايلا دايزا من قدامو كاتجري وغاديا عند نورسين ..بتاسم بسخرية وهوا عارف من البداية انها غير كانت كاتكدب...
اسد-واش ماشي كانت مريضا؟؟؟
ايلا-(بصراخ) نورسيييين

بتالعت ريقها وهي كاتحس بالخطر لي جاي عندها ...نقضات عليها بحال شي فريسا وطاحو هي وياها فالارض وهي مازالة معنقاها ...تالمت نورسين من طيحة لاكن بسرعة لاحضت صمت ايلا وحطت يديها على ضهر ايلا كاطمائن عليها...

نورسين-اي...ايلا واش تاديتي...
ايلا-(زيرات عليها) لحمقا ..لحمقاااا...( ناضت ونوضاتها) شهر....شهر كامل..
نورسين-سمحيليا كان يحسابلي غاتكونو مقلقين مني...من بعد داكشي لي وقاع...
ايلا-(عنقاتها عاود) ..لا.. ماتقوليش هاكا...غادي نحماق الى بعدتي كتر ...ومابقيتيش تسولي فيا..
نورسين-(تفاجئت من ردها وعنقاتها وغمضت عينيها براحا) شكرا...ماتصوريش شحال فرحت..

تخلعات نورسين فاش شافت الخالة مريم  كاتشوف فيها ببرود...
مريم-علاش جيتي لهنا...
ايلا-خالتي انا لي طلبت منها تجي...
مريم-الى ماخرجاتش هي من هاد الدار انا لي غادي نخرج...
دارت نورسين باش غادي تخرج وتفاجئت بواحد منهم شدها من معصمها وجرها عندو...ضارت ولقات اسد كايشوف فيها بعصبية عنق كتافها بيديه لكبيرة وقال
اسد-انا ماجيتش بيك لهنا باش تمشي بحالك...
حاولت تبعد يديه لي شادا فيها بقوة لاكن هوا تمسك بيها بقوة ورفض يطلقها...
نورسبن-مابغيتش نتسبب فمشاكل اخرى خليني نمشي بحالي...

شدها بيديه بجوج وجرها عندو وهزها فوق كتافو بسرعة ...تمسكت بيه وخافت لاطيح وقال وسط صدمة ايلا ومريم...

اسد-نتي معكسا بزاف...ماغادي ينفع معاك والو من غير هاد الاسلوب
نورسين-  نزلني الحمق الحمق...

طلع بيها فالدروج حتى وصلو لغرفة ايلا ...ورماها على سرير وسط تفاجئها

نورسين-هي نتا ابنادم انا ماشي برهوشا باش ديرلي هاكا...
اسد-(بابتسامة) بصااااح مكانضنش
نورسين-راك كاتعصبني...
اسد-كيف قولتليك ايلا لي طلباتني نجيبك معايا...نتي ماغاديش تتحركي من مكانك حتى تجي ايلا..
نورسين-(ناضت وقفات وببرود قالت) بعد ...حيد من طريقي...
عطاها ضربا بصبعو لجبهتها وتاوهات بالالم وطاحت على سرير 
اسد-واش تقصحتيي
نورسين-واش تقصحتي
اسد-(بسخرية) واش نتي ببغاء..
نورسين-واش نتي ببغاء
اسد-(رفع حاجب) ماتعاوديش هضرتي الهبلة...
نورسبن-ماتعاوديش هضرتي الهبلة
اسد-(بسخرية وبصوت عالي) نورسين لحمقا
نورسين-نورسين لحمقا...(دارت يديها على فمها وهوا كايضحك عليها) هادا سميتو الغش...

اسد-(سكت واحد شوية..تنهد وشدلها فمها...) فمك مصدر للازعاج...صافي سكتي ..
نورسين-(غمضت عينيها ...وحيد يديه على فمها) نضراتك مخيفة..
اسد-(بتاسم)ونتي عندك عادات غريبة
نورسبن-(بسخرية) وحتى نتا عندك نضرات مخيفه..
اسد-(صونا تلفونو) شنو كاين...(غوت بالصدمة) اشنوو...(طاحليه تلفون من يديه وسط صدمتو ...بتالعت نورسين ريقها بخوف وهي كاتراقب ردة فعلو ) ماقادرش نصدق

نورسين-(ناضت لعندو وشدات فكتفو) اسد شنو كاين...
كلس فالارض وكلست معاه بدعر وعنق خدودو بيديها بجوج ...هادي اول مرا غادي تشوف هاد الجانت منو.. وبلا وعي همس بكلمات مامفهومينش...ونزلو على خدودو دمعات كريسطالية دافئة لي لمسات اصابع نورسين...همس بترجي وهي كاتراقب ملامح الخوف لي على وجهو ودموع كايتساقطو من عيونو لعسلية...
نورسين- اسد عافاك ماتبكيش
رمى راسو على صدرها وعنق راسو بيديه ...حتى هي عنقاتو بقوة بينما هوا كايشوف بصدمه ..مسحت على شعرو بلطف ...
نورسين-قولي شنو واقع...
اسد-(همس بصوت متعب) انا خايف....خايف...عافاك بقاي فجنبي...ماتخلينيش بوحدي...
نورسين-(عنقاتو بقوة وماتوقعاتش يعنقها حتى هوا وفاجئها بطريقة عناقو ليها راسو على صدرها ويديه رغم انها قوية الى ان ملمسها كان حنين درعانو محاوطا ضهرها ودموعو كاتساقط على كتفها..شحال كان حضنو مريح تعمد مايزيرش عليها بشدة لانه لجئ ليها..ولحضنها الدافئ ..
شعر بالجليد على قلبو غير سمع دوك لكلمات البسيطة ولي خلات صدى على مشاعرو خلات اسد يتمسك طول ديك سنين ويطيح فلحضا ...همس بصوت مبحوح...
اسد- لملميني...انا خايف انورسين...خايف...
كان صوتو كصوت الاطفال باغي الامان...زير عليها وهمست هيا بصوت حنين ودافئ
نورسين- انا هنا ماتخافش...
مرت عدت دقائق بغات تبعد باش تشوف وجهو ...لاكنو ماطلقش منها...بلعكس زاد زير عليها اكتر وهمس فودنيها بصوت منخفض

اسد- ماشي دابا مازال بغيتك...

تفاجئة من ردة فعلو لاكنها دارتليه خاطرو فكرات يمكن مابغاهاش تشوف نقطة ضعفو ...رائحة عطرو لسقت فحوايجها ..مسح دموعو وبعدها عليه فجئة وكايتجنب النضر ليها ...تمعنت فالنضر ليه كانو رموشو فازكين عينيه مازالين غارقين فالدموع ...اووه لطيف...ناض غير بشوية من الارض وهمس بصوت بارد

اسد-ماتقولي لحتى واحد على هادشي لي وقاع...

تسمرت للحضة ...وهزت راسها بالموافقة خرج من الغرفة ببطئ وشاد راسو بيديه من شدة الم الرئس ...ناضت بخوف متوجها لعندو حتى وقفها ومنعها تقرب ليه

اسد- لا...ايلا عيانا وكاتضاهر انها بيخير...طلباتك تجي باش تعتاني بيها...لهدا خافي عليها هي ماشي انا ...
بتالعت ريقها بصعوبا وختفى من انضارها وهمست باستياء وبنبرة معاتبة
نورسبن-انا مكانشوف حتى شي حد محتاج لي يعتاني بيه من غيرك... نتا محتاج هادشي...علاش ماطالبش بيه الحمق...

________________

مشى ببطئ لعند غرفتو ...وكلس امام سرير ومتكي على باب الغرفة ..وضع راحت يديه على وجهو الحزين ...عيونو مغمضين بتعب ...مازال كايحاول يستوعب انه نهار امام نورسين وبكى على صدرها...ونكاسر امام البنت لي كان باغي يكسرها ..تغلغلت فاعماقو هاديك اللحضات ...فاش عنقاتو ..شعر بالغيض لان عناقها لملمو وتعصب حيت كان مرتاح ومستسلم ولاجئ ليها...عنق وراسو بيديه وكايشوف فالارض وتفكر هاديك المكالمة لي جات من عمو اسماعيل... وناض ونزل من دروج بسرعة فتح الباب وخرج متاجه لعند سيارة ...سد الباب وكلس كايشوف فالفراغ ضرب راسو مع المقود ودموعو نزلت على خدودو وضرب راسو مرارا ومرارا وتكرارا  وطلق صرخة خرجت من اعماق قلبو ...مابقاش عارف شنو يدير

اسد-علاش انا خايف هاكا ...مابقيتش عارف راسي شكاندير...من لمفروض نطير بالفرحا لانني واخيرا لقيتو ...
ضرب المقود بيديه وكايحاول يتمالك نفسو ..مسح دموعو وقال
اسد-تلفوني...

نزل من سيارة بسرعة ودخل للدار ولغرفة ايلا ...ولقى تلفون فالارض ...تنهد براحة وهزو وضار باش يخرج وتفاجئ بنورسين كاتشوف فيه وغير شافت الدم لي على جبهتو بسبب ضربو لراسو بالمقود قربات منو كتر...

نورسين-جبهتك فيها الدم

حاولت تلمس جبهتو لاكنو صدها...ولمس جبهتو مستغرب ولقى الدم على اطراف اصابعو ...وشاف فيها بابتسامة

اسد-وإن يكن ماشي صوقك
بتاسمت بتصنع وكاتحاول تخفي تالمها من كلماتو الجليدية...
نورسين-عندك الحق سمحلي...ولاكني ماقدرتش نشوف شخص كايغراق قدامي...يمكن تكدب وتقول انك بيخير لاكن نضرات الانكسار لي على وجهك صادقة...

شاف فيها بارتباك وتفكر احتضانو ليها وحقيقة كونها شافت جانبو الضعيف بغا يخرج من الغرفة لاكنو تفاجئ باحتضانها ليه من الخلف بيديها الناعمة ..
نورسين-ماعارفاش شنو هوا سبب انهيارك لكني ماغاديش نخليك كيف قلتليك..
اسد- (ضار لعندها)ماتفتاخريش براسك بزاف ...حتى لو كان اللذ اعدائي موجود فديك اللحضة كنت غادي نتصرف بنفس الطريقة ..ماضعفيش بسبب كلماتي لي خرجات بسيف عليا ...لهدا ماتفتاخريش حيت لجئت ليك..
تفاجئة من تغيرو المفاجئ لاكنها مالامتوش ...عرفاتو كايحاول يخفي داك الجرح العميق عليها وعلى العالم اجمع بتاسمت بسداجة

نورسين-مكانفتاخرش ...انا فديك اللحضا فكرت غير نهدئك 
اسد-انا ماشي ولدك صغير... وزيد عليها انا بيخير مكاين لاش تقلقي على والو
نورسين-(سكتات شوية وجاوباتو بثقة وعينيها على عينيه) مكايبانليش انك بيخير ...عينيك كايخفيو الم قاتل...كانحس وكانك فقفص مضلم وبعيد على حياتك الزمردية ...نصيحتي هي...تحرر...قبل مايموت شغفك فالحياة..

اسد-(غوت شي لي خلاها ترتابك..) نتي ماعمرك غاتعرفيني ...انا بيخير..خير بعدي مني وخليني عليك....(خرج وخلاها) 
نورسين-(تنهدت بحزن)ماعمري مغانسى كلماتك لي قلتيهملي فكل لحضة مكنتيش فوعيك طلبتي مني نعاونك ونخرجك من ضلام لي نتا فيه وانا واعدتك وغانبقى عند وعدي....

نزل من دروج وخرج من دار وتكا على سيارتو خرج سيجارا من جيبو وشعلها ...كايتنفس بخارها من شدة برودة الجو .. جبد تلفونو ودوز نمرا وقال بصوت بارد مافيه حتى شي مشاعر ...

اسد-نتاليا فينك...
نتاليا-(وسط صداع والموسيقى الصاخبة لي من خولها) انا فلبواط ديال ديما...واش غادي تجي..
اسد-  عيطولي وخبروني  بان لي قتل واليديا كاين فهاد لمدينه...
نتاليا-(غوتت بدهشة) اشنو...هاد لخبر كايخلع...واش نتا بيخير...
اسد-(بتاسم) بفضل ديك البنت تهدئت بشكل عجيب ...عناقها ليا خلاني نرتاح...مزيان حيت كانت قريبا ليا ...ماقادرش نفكر شنو كنت غاندير بوحدي فاش نسمع هداك الخبر...
نتاليا-شكون هي هاد البنت...
اسد-(تجاهل سؤالها) ماشي مهم...
نتاليا-اشنو غادي دير دابا...بما انك لقيتي هدفك من بعد سنوات ..
اسد-(بصوت حدر) غادي نلجئ لزهير...
نتاليا-(توسعت عينيها مامصدقاش) عنداك تمشي عند هداك لمريض ...كانترجاك بلاماتحماق اجي عندي وغادي نلقاو الحل الافضل...
اسد-(تنهد بضيق) لمنضمة ماغاديش يعاونوني باش نشدو بلا امر الرئساء ....نتي عارفا كتر مني شحال هوما معكسين...ماغاديش يأمرو بقتل مجرم ماشي تحت سيطرتهم وماعندهمش دليل ضدو . وحتى الى قبلو وطالبو بالدليل ماعندي ماتعطيهم ضد هداك الرجل لي قتلي واليديا ...مجرد وشم سخيف وشوية من داكرتي ماغاديش نقدر نشدو ...زهير هوا الوحيد لي يقدر يعاوني ...عندو نفود مع لمجرمين لكبار..غادي يخرجوه ولو من تحت الارض وبسهوله...ماعنديش خيار اخر انتاليا...

نتاليا-(غوتت بنفاد صبر) اسد كانترجاااك غير على قبل ديك ذرة الحب لي كاتحس بيها من جيهتي ..ماديرهاش...

اسد-(شغل محرك سيارتو وهمس ) قالي واحد الشخص  ...الا ماتحررتيش ... شغفك فالحياة غادي يموت ...غادي نتحرر بمجرد مانقضي على هداك السافل ومن بعد غادي نعيش بحال طير بلا ريش

نتاليا-(عارفاه عنيد وماغايسمعلهاش) اسد...هداك راجل حمق...يوقاع لي يوقاع عنداك تتعامل معاه وماتخليهش يجرفك للبعيد ...
اسد-(همس بنبرة متألمة) سمحيليا انتاليا...

بعد على المكان بسرعة جنونية من بعد ماقطع الخط بقات نتاليا مسمرا فمكانها من شدة صدمتها ...
نتاليا-اسد وزهير...مجرد نتخيلهم بجوج كانتخلع

_______________
دخل اسد لاحدى المطاعم الفاخره ومشا للقاعة وكان اول شخص قابلو هوا زهير وتقدم عندو وقال...
زهير-واخيرا طلبتي مساعدتي...كان يحسابلي غانموت قبل مايجي هاد نهار ..واو واو ...ماقادرش نصدق...

كان اسد صفر بقوة العصبية لاكن تماسك اعصابو وكلس على ماجات قهوتو بعد دقائق من طلبها ...كان غير ساكت وكايشرب فقهوتو لبضعة لحضلت وقال بنبرة فيها الندم لانه ضطر يتعامل مع شخص مهوس بحال زهير لاكن مكايهمو حد سوى يلقى هداك السفاح باي طريقة

اسد-سبقلي وشرحتليك بغيت نلقى هداك سفاح لي ضمر حياتي...
زهير-(لعق شفايفو بحماس) لقيتلك خطة جنونية ...غادي نخلي واحد من رجالي ينشر الخبر على مواصفات هداك الحقير بين المجرمين وندير مكافئة لي يقطع راسو ...اشنو كيف جيتك..

اسد-(بنضرة لئم) لا ...ماغاديش يقتلو حتى واحد من غيري...غادي نقطع راسو ونحرقو بيدي ...
زهير-(ضحك بحماس) هنا بديتي تعجبني...غادي تقطعليه راسو هههه ..واو واو
اسد-(تنهد بملل وناض من على الكرسي) انا غادي نمشي...
زهير- بلاتي تسنا...كاين واحد الضيف مهم بغيتك تشوفو...
حس بحركة موراه وضار باش يشوف شكون ...وغير شافها زير على يديه بغضب وشراينو بغاو ينفاجرو بالغضب همس بغيض وكايحاول يتمالك نفسو

أسد-وئام..... اش هاد الجرئة كاملة الحقيرة 
وئام-(بتاسمت وكلست على لكورسي قدام زهير) ماتكونش قاصي بزاف على حبيبة صاحبك لميتا...

اسد-(غوت حتى بانو عروق وجهو ) قولتليك مابقيتش بغيت نشوف وجهك فالمغرب علاش رجعتي...
وئام-(وضعت ساق على ساق) نتا مجبر تشوفني لسوء حضك ...قالي زهير بلي طلبتي منو المساعدة..
اسد-(شاف فزهير بسخرية) لمن قولتيها عاود الاداعة الوطنية...
زهير-(بتالع ريقو ولاحض انزعاج اسد) تهدن اصاحبي هي راها فصفنا وغادي تعاونا...
اسد-(ضرب طبلة بيديه بقوة حتى تخوات لقهوة) نفضل نموت علي يديك هداك سفاح على انني نكون فصف هاد الحقيرة...

ربعة يديها وشافت فلخوى شي لي خلاه يشوف فيها بلوم ويخرج من المطعم ناض زهير تابعو
زهير-اسد بلاتي تسنا اصاحبي...
وئام- (جراتو من يديه) خليه يمشي فاش يبرد غادي يجي يطلبني نعاونو ... هوا السبب لي خلاني نتضاهر بالموت على قبل هداك صاحبو الغبي..

زهير-كيفاش هي كونتي كاتستاغلي مشاعر ياسر مسكين...
وئام-واش عقلتي فاش قلتليك على الرئساء ...فاش كلفوني بمهمة مراقبة اسد...
زهير-اه عاقل ومن بعد
وئام-مكانش ملاحض مراقبتي ليه  فالبداية ...المنضمة مكانتش كاتيق بيه بزاف..وفاش كنت كاتراقبو مليت لانني ماوصلت لحتى شي نتيجة ...فاضطريت نتعرف على صاحبو باش نقدر نراقبو عن قرب...

زهير-ماتوقعتش منك هاد اللؤم كامل ...
وئام -ادن نتا مكاتعرفنيش مزيان....