فصل 31
كلست ايلا بملل وهي كاتزفر بضيق ...رغم ان اسد مغابش بزاف الا انها توحشاتو ...رائحة سجائرو ختفات ..صوتو الدافى رغم برود ملامحه ختفى ايضا ..كما ان العنصر الاساسي نورسين مكايناش
ايلا- ملل قاتل
قاطع تمللها دخول ابراهيم لي كان كايشوف فالارض ووجهو كان مضلم ناضت بسرعة عندو وقالت وهي كاتوقفو وماسكا فكتقو
ايلا- هادي اول مرة غادي نشوف هاد الوجه التعيس ...اشنو كاين احبيبي
ابراهيم- (ضور وجو بعيد) انا بيخير...
ايلا-(عنقات وجهو بيدها وقالت بنبرة قلقة) انا دابا مكانشوفش براهيمو المرح ...قولي شنو كاين
ابراهيم-(نزالقات دموعو برقة على خدودو وقال بنبرة مرتعشة) توحشت لواليد...بغيت نسمع صوتو اايلا ...بغيت نحس انني ماشي يتيم الاب
ايلا-(وقفاتو بارتباك ومسحات دموعو ) نتا ماشي يتيم احبيبي
ابراهيم-(سكت وهوا كابح ما تبقى من دموعو وهمس بضعف) تاصلي بيه...توحشت نسمع صوتو
ايلا-(شداتو من يديه وجراتو معاها)اجي غادي نعيطوليه دابا
كلسو بجوج على الاريكة امام الهاتف وتاصلات برقم شركة سماعيل لموجودة فامريكا
ايلا- (كاتكلم بالانجليزية) مرحبا...اريد التكلم مع السيد اسماعيل
سكرتيرة-(جاوبتها سكرتيرة بلهجتها العامية الامريكية بغير اكتراث) انه مشغول
تملكت ايلا اعصابها لاكن سرعان ماغوتت فوجهها غير شافت وجه ابراهيم لي كان كايتسنا بطفولية وهوا كايمسح دموعو
ايلا-(كاتهضر بالانجليزية) تبا لك ايتها الحقيرة ساتوجه الى امريكا لاضع قدمي داخل فمكي الكريه اريد التكلم مع السيد اسماعيل والان
سكرطيرة-(بارتباك). انتضري لحضة
ايلا-(بغضب) رغما عن انفك
دقائق من الصمت حتى جاوب بصوتو الخشن
اسماعيل- مرحبا... من المتكلم
سكتات ايلا بدهشة ..حيت شحال هادي ماسمعات صوتو ..وقالت بتحفض
ايلا- ايلا ...
اسماعيل-(صرخ بحماس) اهلا بنتي لاباس عليك كيف حال العائلة
ايلا-(بنبرة هادئة) بيخير ماعادا شخص واحد
اسماعيل-شكون هوا
ايلا-(شافت فبراهيم وقالت بنبرة جافة) ولدك الوحيد...ابراهيم
ايماعيل-(بصوت قلق) اشنو وقاع ليه؟...واش تادى؟...واش محتاج للفلوس؟
ايلا-لا محتاج ليك نتا
اسماعيل- واش هوا حداك
ايلا- اه حدايا
عطات سماعة الهاتف لابراهيم لي عدل جلسته بحماس...واخيرا غادي يسمع صوت باباه
اسماعيل-سلام اولدي...لاباس عليك... واش كتاكل مزيان؟...ماماك لاباس عليها ؟
ابراهيم-مالاباس والو ..بغيت نشوفك
اسماعيل-(سكت واحد شوية )كانواعدك غادي نشوفك قريب ...لاكن ماشي دابا اولدي
ابراهيم-(قال ابراهيم ببرود وختفت ملامح الحماس من وجهو) ديما مكاتوفيش بوعودك حتى نسيت نحسبها ...واش كاتسطا عليا..واش وجودي فحياتك جحيم ...الى كنتي كاتكرهني غير قلها سحقا..
رمى الهاتف فحضن ايلا وتوجه لغرفتو بتثاقل بينما هي تعصبات من باباه ...هزات الهاتف ببرود
ايلا- سمحلينا الى صدعناك...نتا مشغول لدرجة ماقادرش تقول كلمة توحشتك اولا بغيت نشوفك لولدك
غلقات الهاتف وتوجهات لغرفت ابراهيم ودقات الباب بقلق
ايلا- ماتديهاش فيه ابراهيم ...انا كاينا والعائلة كلها معاك ...نتا مامحتاجش ليه
ابراهيم- ايلا سيري كانترجاك ...بغيت نبقى بوحدي شوية
ايلا- انا هنا الى حتاجيتي تهضر
شاف فالفراغ بينما كان كالس على سريرو ...تساقطو دموعو حرقة خدودو ...ضم راسو بين يديه وهوا كايفكر فكلمات باباه ...اوعودو لي عمرو ماوفاها
___________________________
لاحضت نورسين ان شي حاجة ماشي هي هاديك لتافتت يمين وشمال ولاحضت لوحة معلقة على الحائط لي فغرفة المراقبة وقربت من اللوحة وطلات من موراها وبتاسمت غير شافت الخزنة لي مور اللوحة
نورسين- ستيفانيا اجي تشوفي (جيدات الطابلو وضهرات الخزانة على الحائط)
ستيفانيا-(بتاسمة بسخرية) عابد باغي يستمتع بدكائنا ... فتحيها نشوفو شنو فيها
نورسين-اريلي الدبابيس لي فشعرك
حيدتهم وعطاتهوملها بحماس وبعد دقائق من المحاولة تفتحات الخزانة وكان فيها.. جهاز للوحي صغير(طابليط)هاتف محمول ... الة تسجيل الصوت...نضارات طبية.....كاتم الصوت للمسدس...علبة مكياج ...شعر مستعار ...مخدر ...رسالة تهديد من المجرم مكتوب فيها ( في غضون اربعة ايام سينتهي مشوارك كانسان ...سترى عالم السماء سيكون دالك عندما تكون 9 اصغر من 3 ليلة سعيدة )
ستيفانيا- (ستغربت من الرسالة) كيفاش 9 اصغر من 3 مافهمتش
نورسين-(صحكت بحماس) انا اش وصلني ليكم من غير الالغااز عقلتي على صفحة (جحيم الالغاز) ...عابد مطور وعارفني عندي مع الالغاز هدا لاش كلفني بيها انا
ستيفانيا - ايوا يالاه شرحيلي شكاتعني
نورسين-(كاتشوف فالفراغ )هاد خينا كايحاول يتحدا الشرطة بهاد اللغز ولاكن مكلخ من ساهل تحل لغز بحال هدا ... كايقصد 2:20 دقيقة مور ضهور...لان فهاد الساعة كايكونو العقربين على شكل 3>9 لاحضي هاد العلامة > ولاحضي عقارب الساعة ونتي غاتفهمي
ستيفانيا-(خلات فمها بدهشة ) ولد لحراااااااام دكي مع راسو شحال ساعة دابا ....
نورسين-(شافت فساعتها) هادي 1:30 دقيقة
ستيفانيا- سربي وجدي راسك مابقالو والو ويوصل ..
لبسات نورسين زي عاملين فالفندق وعملات مكياج وشعر مستعار ونضرات طبية ...وبانت مغايرة على شكلها الحقيقي بزاف ...اما ستيفانيا وصلات الجهاز اللوحي مع الحاسوب الرئيسي وخلاتو يراقب كل الكامرات ...غادرت نورسين الغرفة باش تبدا التحقيق وتوجهات لمقهى الفندق وكلسات على احدى الطاولات وهي على تواصل مع ستيفانيا ..لحد الان كولشي طبيعي ...حتى لواحد اللحضة لفت انتباهها شاب اوسيم كالس قرب النافدة طريقة حملو لكوب القهوى كانت مختالفة على بقية الناس الموجودين زيادتا انه الشخص الوحيد لي طلب قهوة كحلة ...
ناض من مقعدو وخلى نورسين فقمة فضولها وتبعاتو ...كان متوجه للمصعد وفاش وصل سطادمات رجليه بباب المصعد ...سمعات صوت غريب ونتابهت لرجليه كان فيها انتفاخ وكانه مخبي شي حاجة فرجليه ...قربات منو وركبات معاه المصعد وفاش بغا يضغط على زر سبقاتو بيديها وصطادمات يديها بيديه وبحركة خفيفة لسقاتليه جهاز تسجيل على كم قميصو بلاما يحس وسحبات يديها باعتدار..
نورسين- سمحلي اسيدي ...كانعتادر لاكني مزروبا بزاف...
الشاب-ماشي مشكل ..غير بعدي
نورسين-واخا سمحلي بزاف ...
خرجات الجهاز اللوحي وضبطاتو على مراقبة هاد الشاب وبسرعة ستقبلات ستيفانيا الاشارة ديال جهاز التتبع وصفقات بحماس وهي كاضحك..... فجئة رن هاتف نورسين هزاتو وفتحات الخط
الضحية- الاستقبال...
نورسبن-(جاوبت على انها موضفة استقبال)نعم تفضل اسيدي
الضحية- وجبة غداء لشخصين للغرفة 118 الى سمحتي
نورسين- اوكي مسيو في الحال...
قطعت المكالمة وكانت فرصة ممتازة باش تدخل لغرفة الضحية تاصلت نورسين بالاستقبال بعدما خرجات من المصعد وطلبات نفس طلب الضحية وتوجهات امام باب غرفة 118 اوقفت كاتسنا الغداء حتى بانتليها واحد الموضفة وهي جارة عربة صغيرة وعليها صينية الاكل ...
نورسين-(وقفات البنت) سمحيلي واش نتي هي (شافت فالبطاقة لي معلقة فملابس البنت) واش نتي هي فاطمة الزهراء العلوي
البنت-اه هي انا
نورسين- راه طالبينك فالاستقبال
البنت- واش بصاح...واش نتي موضفة جديدة
نورسين-اه عاد دخلت اليوم
البنت-مرحبا بيك معانا
نورسين-بارك الله فيك ...سيري بلاماتعطلي عليهم
البنت - واخا هانا مشيت...بلاتي هادي هي الفاتورة ديال الغداء ماتنسايش تاخدي لفلوس..
مشات البنت بينما نورسين عرات غطاء الصينية وداقت من كل الاطباق باش تتاكد ان الاكل خالي من السم .. 3سنوات فدراسة مادة التغدية مامشاتش هاكاك ولات قادرة تميز اي طعم غريب فالاكل ولحسن الحض كان الاكل سليم ...طرقت الباب على انها النادلة وفتحت ليها شابة شقراء باهرة الجمال وتبين ليها انها زوجة الضحية من كلامها ...
الضحية-(بدا ينكر عليها)الخدمة اليوم عندكوم ضعيفة من قبيلة وانا نتسنا تعطلتو علينا بزاف...
كانت هادي هي جملة الضحية والمهدد بالموت ... الوقار لي كايتاصفو بيه الاغنياء مكايتغيرش مهما كانت الاوضاع ...تربيتهم مشددة لدرجة كبيرة ..
خرجات من الغرفة بعدما ضبطات جهاز التتبع لزوجة الضحية الشابة لان نورسين سمعاتها كاتخاصم معاه بعدما خرجات من الغرفة ..بنت شابة وزوينة ومزوجة برجل غني احتمال تكون طامعا ففلوسو ..وهدا دافع كافي باش تقتلو لانها غاتورت فيه فلوس التأمين الخاصة براجلها ...الموعد قرب لاكن مازال ماكتاشفت المجرم ...بعدات نورسين على الغرفة اوقفات كاتسنا حتى سمعات ستيفانيا...
ستيفانيا- نورسين ...الشخص لي طلاقيتيه فالمصعد حاليا هوا متواجد فعرفة 118 سربي تحركي
خرجات نورسين المسدس المجهز بالدخيرة وركباتليه كاتم الصوت وتحركات للغرفة 118 وصلات لمكان المجرم ودفعات الباب بيديها غير بشوية وتخبات ..فديك اللحضة كان المجرم كايغوت ويسب فالضحية بينما كايجهز مسدسو بالدخيرة ..نورسين كانت في ابهة الاستعداد دخلات بالحس وموجها المسدس ناحية المجرم وطلقات رصاصة لي صابت مسدس المجرم وطاح من يديه للارض ...رفعات سلاحها فوجهو وقالت بصراخ..
نورسين- لبوليس...الى تحركتي غادي نقتلك...
المجرم -(بصراخ) هييييييي ماغاديش نخليه يفلت من يدي بعدما لقيتو
نورسين-(دارت اشارة للضحية وزوجتو باش يهربو )
المجرم- شنو هوا الدليل لي كايتبت انني مجرم ...هداك الحقير ضمر عائلتي وهرب من العقوبة حيت دفع الرشوة ...لاكن شكون غادي يصدقك يمكنلي ننكر وشوفي كيف ديري تبتي عليا هادشي ...المجرم الحقيقي هوا لي خليتيه يهرب
نورسين-ماتخافش حسبت حساب هادشي عندك جهاز تسجيل الصوت على كم قميصك وهوا لي غادي يشهد عليك ماشي انا... اااه والمسدس مكايدارش فالرجل وحتى الى فكرتي ديرو كون حريص باش ماضربش رجليك مع حتى شي حاجة
صافر وجهو من الصدمة وجرا بسرعة باش يهز مسدسو من الارض لاكنها طلقات رصاص فالهواء باش يتخلع ويوقف مابغاتش تصيبو لاكن المجرم ماستسلمش غمضت عينيها وفتحتهم بتعب وضرباتو برصاصة لرجليه حتى طيحاتو للارض واغمى عليه بسرعة نزلة عندو وبركت على ضهرو بركبتها وكبلة يديه بالمينوط...
نورسين- ستيفانيا ... تاصلو بالاسعاف ...نتاهات المهمة والمجرم مصاب...
تسنات جوج دقايق حتى حضر عابد وستيفانيا...
عابد-(كان جاي وكايتمختر وعلامات الفخر على ملامحو) مبروك عليك ...برهنتيلي انكي رائعة وقد المسؤلية ...تبارك الله عليك
ستيفانيا-(قربت ليها وعنقاتها) برافوووو
نورسين- (بابتسامة) برافو عليك حتى نتي احبيبتي ..شاف المجرم مصاب فرجليه خصو الاسعاف قبل مايموت...
عابد-(نزل عند المجرم وتحسس نبضو) مازال عايش لاكن نبضاتو ضعاف ....تاصلت بالاسعاف شوية ويوصلو....
هبطات نورسين وستيفانيا لغرفة المراقبة وبدلات حوايجها ومسحت داك المكياج ولبست حوايجها ..ستيفانيا كانت كالسا حداها سكتات شوية نورسين ونطقات...
نورسين-ستيفانيا...عندي واحد الفكرة
ستيفانيا-(بتسائل)اشنو هي ...
نورسين - اشنو بانليك نعرفو ركان على شي بنت تكون زوينا وتعجبو
ستيفانيا-هههههههههههه صافي تخليتي عليه خطفليك اسد لقليب
نورسين-(بخجل) ماتبدليش لموضوع استيفانيا ..كون كنت كانعرف شي بنت ماكنتش غانتشاور معاك
ستيفانيا- ماتحتاجيش عاد تعرفيه احبيبتي نعار لي رفضتي طلبو ديال زواج تقلق بزااف
نورسين-(تصدمات) واش قالهالك ...
ستيفانيا- ركان مكايخبي عليا والو ...من هادي مدة دخلت معانا واحد المحققة جديدة سميتها صوفيا ولاحضت من كلامها وحركاتها بحالي بداك كاتميل ليه...
نورسين- وهوا
ستيفانيا-حاليا كايبانلي عادي معاها بحال الاصدقاء ولاكن ماتعرفشي شنو يقدر يوقاع من بعد
نورسين- كانتماليه يفرح فحياتو مع البنت لي تستاهلو ....عزيز عليا بزاف ركان لاكن بحال خويا...
ستيفانيا-(نتابهات لتلفون نورسبن شاعل ضوء) نورسين واقيلة تلفونك كايصوني...
نورسين-(هزاتو بحماس وبتاسمات غير شافت الرقم ) اهلا حبيبتي لاباس عليك
ايلا-مالاباس والو مشيتي صبح بلامانشوفك
نورسين- غير فقت صبح وهوا يخرج فيا داك براهيم لمسطي كان خارج وقالي يالاه نوصلك وبيني وبينك مكان فيا مانشد شي شي طاكسي جاتني من الجنة والناس...
ايلا- ههههههههههههه حمقا والله لابقات فيك بلاتي غير نشدك....اه قبل مانسا...غدا دايرا حفلة بمناسبة دكرى زواجي انا وعمر وجدي راسك واجي نتي وصاحبتك ..وبنت عمك سماح انا غادي نعيط ليها...
نورسين-( جاوبتها بسخرية ) قوليلي كاين شي شطيح راني باغيا نحيح اايلا الى ماكنتيش غاديري شعبي غير ماتعيطيليش
ايلا-(تسمع صوت قهقهاتها من تلفون ) ههههههه على قبلك غادي ندير شعبي وعنداك ماتحيحي وتقوليلي كانحشم
نورسين-مكاينش اسد لي غايضحك عليا غادي نشطح فراحتي ههههههههه
ايلا-تمنيت لو كان معانا لاكن ماشي مشكل نتي وياه واحد الى حضرتي نتي بحالي حضر هوا...
نورسين-(حمارت نورسين من كلمات ايلا ) انشاء الله انا غادي نجي ...هاااه غادي نضربليك شي كسوة نطيح كاع تيتيز لي فلحفلة ههههههه
ايلا-هاهاهاهاهاااااا الله يلعن جنونك انورسين كاتقتليني بالضحك ...يالاه احبيبة بسلامة عليك...
نورسين-تهلاي فراسك احبيبتي....
قطعات الخط ولتافتت لستيفانيا لقاتها كاتشوف فيها وعينيها خارجين ... تعجبات منها نورسين وعقدت حواجبها بتسائل...
نورسين-ستيفانيا مالكي...
ستيفانيا- مكانش كايحسابلي عندك هاد الجانب المرج من شخصيتك ...علاش مكاضحكيش معايا حتى انا بهاد الطريقة
نورسين-(بتاسمت بمرح ) حيت فوقما كانطلاقاو كانكونو كانهضرو فالخدمة ولا فشي مهمة مكاتجيش نضحكو فوسط لخدمة...
ستيفانيا-(شافت فيها بغضب طفولي) عندك الحق لاكن باش ماتعرضيش عليا لعيد ميلادك هادي لا بقا فيا الحال
نورسين-(قرصاتها من خدودها وكاتلعب بيهم بحال المطاط) يخليلي لي كايغضب ...هاديك الحفلة كانت مفاجئة من صديق اسد ياسر وانا براسي مكانش فخباري ...ونزيدك
ستيفانيا-(غوتت وهي كاتحيد يدين نورسين من وجهها) ااااه غير كانضحك معاك اصلا ماخصناش نطلاقاو من غير فالخدمة وماخص حتى شي حد يعرفك خدامة معانا....
______________________
رجعات نورسين لدارها وغير دخلات مع لباب طلاقات مع ابتسامة سماح الكادبة...
سماح-حبيبتي على سلامتك من لبارح ماشفتك توحشتك...
حست نورسين بان شي حاجة ماشي هي هاديك لاكن بادلتها نفس الابتسامة...
نورسين-مقالتليكش لمار انني بت فدار اسد...
سماح-(كحزات من الاريكة لي كانت كالسا عليها وطبطبت على الاريكة براحة يديها ) اجي كلسي حدايا ..من نهار لي جيتي ماكلسنا انا وياك وتعاودنا...(كلست حداها نورسين بتردد بينما سماح مسحت على شعر نورسين بحنية وعلى ملامحها ابتسامة بريئة) كبرتي بزاف ... ماعمري تققت فيك ...نتي ختي وكانحس بيك بحال بنتي لي ولدتها من كرشي ...
نورسين-(تنهدت بملل) علاش كاتقولي هادشي دابا
سماح-(تعوطات فجلستها وهي كاتشوف فالفراغ) ماكرهتش نبدا معاك صفحة جديدة ...ماكرهتش ترجعي تيقي فيا ...كيف كنتي صغيرة كنت انا هي كولشي بالنسبة ليك ماكرهتش حتى دابا نرجعو كيف كنا
نورسين-(تنهدت بتعب) بصح ماكدبتيش كونتي نتي هي كولشي فحياتي وسندي بعد واليديا لاكن ماتنسايش بلي نتي لي خدلتيني فيك طمعتي فرزق بابا وجريتي عليا
سماح-(شافت فنورسين بعيون دبلانين ونزلو دموعها على خدودها بحرقة وتمسكت بيد نورسين وطبطبتوعليهم براحة) انا ماجريتش عليك...انا تعاملت معاك بقسوة حيت خفت عليك ونتي مازالة صغيرة بديتي كادخلي فمسائل الشركة ...خفت لابتهورك نخسرو الشركة انا هاديك لمليار ماشفرتهاش من الشركة انا تبرعت بيها لعدت جمعيات خيرية وللمساكين ترحما على روح واليدينا بابا تعب باش قدر ياسس شركة كبيرة لحال هادي لاكن قدر الله ومات واش مايستاهلش نصدقو على روحو ولو ربع من فلوسو لي تعب عليها ...نورسين لفلوس غير وسخ الدنية وانا صدقتها عليهم وكانتمنى تكون وصلاتهم وفرحو بيها...
تصدمات نورسين من الكلام لي سمعات ومابقاتش علرفا شنو هوا الغلط من الصح كلام سماح اتر عليها بالخصوص فاش ضغطت عليها فالوتر الحساس لي هوما واليديها ..هزت راسها يمين وشمال وكاتحاول تنفي كلام سماح وقالت بنبرة غاضبة
نورسين- لنفرض انني صدقتك فهاد لهضرة وشنو تشرحي حبسك ليا فغرفة لمدة شهراين وكلامك لي قلتيلي مازال كانسمعو فودني كايضرب بحال البرق قلتيلي انني مجرد دخيلة وبلي ماعندي حق فرزق واليديا باش غادي تبرري هادشي
حست براسها حصلات وبقات كاضور فعينيها يمين وشمال ونزل شلال من الدموع وخدودها خمارو وقالتلها بصوت مخنوق كايدل على حزنها الدفين...
سماح- عندك الحق تقلقي مني ماتنساش انكي كنتي صغيرة وكوني تكبر منك كان لازم عليا نمتل ضور الام ونقسى عليك شوية باش ديري عقلك انا قلتليك ديك الهضرة حيت كنت متئثرة بزاف وعانيت بعد موت بابا وماما... مشاكل الشركة ومرضك خلى الضغط يتراكم على قلبي ومرضت بالاعصاب...قولتيلي علاش حبستك فغرفة شهراين انا غادي نقولك علاش....الدكتور النفسي لي كنتي متبعا معاه قالي بان حالتك النفسية خصها مستشفى المجانين وبانكي حماقيتي ومابقيتيش فوعيك ....انا خفت عليك مابغيتكش ضيعي مني ضطريت نحبسك خوفا عليك باش ماضيعيش من يدي نتي هي الحاجة الوحيدة لي بقاتلي من ريحة واليديا ومابغيتش نخسرك اللهم تبقاي فغرفتك ...ولا ندخلك لمستشفى المجانين ...لاكن تفاجئة فاش فقت صبح ومالقيتكش فغرفتك بغيت حماقك بلبكا عليك وندمت حيت حبستك ...لاكن صدقيني انا درت هاكاك غير من خوفي عليك...
تاثرة نورسين من كلمات سماح ونزلو دموع من عينيها لكريسطالية على خدودها لحومر مع الاسف صدقات كلام سماح لاكن كان باقيلها حاجة وحدا باش تتاكد من صحة كلامها وقالتلها بنبرة جليدية...
نورسين- وشنو تبرري الصفعة لي عطيتيني فاش مشيت عندك للشركة
سماح-(مسحت على شعر نورسين بيديها) حبيبتي انا كانعتادر وعارفا راسي غالطا ..لاكن نتي تهجمتي عليا وهنتيني قدام اعضاء شركات كبار انا مارضيتش وبلاما نحس ضربتك لتكن قسما بالله الى بكيت بحرقة وندمت حيت عرفت انكي غادي تكوني حقدتي عليا كتر ...نورسين صدقيني انا كانبغيك ونتي ختي ناديك ومانخليش لي ياديك خلينا خلي قلوبنا تصفا باش باش ماما وبابا يفرحو فقبرهم ويتهناو علينا انا وياك ماعندناش من غير بعضنا ...نورسين توحشتك اختي وماكرهتش نعنقك...هئ هئ هئ
مع الاسف نورسين نصاحت لكلماتها المخادعة وتأثرة من دموعها شيطانية وعنقاتها بحرقة كانت محتاجة لهاد الحضن من زمن طويل شمت فيها ريحت باباها وحضن ماماها عنقاتها بقوة وهي كاتبكي على كتف سماح ....وقالت
نورسين- سمحيلي اختي حيت فهمتك غلاط ....سمحيلي بزاف هدا مجرد سوء تفاهم وانا لي غلطت مكانش عليا نهرب سمحيليا ....
سماح-(كاتبكي بحرقة) وحتى نتي سمحيلي اختي كانبغيك بزاااف ونتي هي عائلتي وكل شئ فحياتي..
________________
ختي ،انت يا ختي
حنش كبير ،نياب حية
ختي، انت يا ختي
دموع و احزان و كية
قطعت بلاداتك عرض و طول
و بنتي لي ف شلة وجوه
مرة حمامة ضعيفة مرة غول
قلب صافي و قلب مشبوه
طرزتي الهم ف القلوب الباكية
و رسمتي دموع و ف دواخل الاولاد
كل دمعة من همومك شاكية
راكبك غول طاغي جلاد
___________________
بعدما كانت سماح معنقا نورسين وكاتبكي على كتفها وكاتمتل ضور البرئية للاسف تاقت بيها ...نورسين مشكلتها كاتتحكم بالعاطفة وهادشي لي غادي يخرج عليها كتر ..كيفما دكرات فالفصل الاول قالت انا مكانتعاملش بالعاطفة حيت تأدات بزاف من هاد الناحية كانت كاتقصد بنت عمها سماح ...وهوما معانقين قاطع بكائهم صوت قاسم وهوا داخل...
قاسم-(بتاسم ابتسامة كلها مكر من الداخل لاكن من الضاهر كانت ابتسامة حنينة وقال وهوا كايتقدم عندهم وهاز يديه لسماء) ياااربي ياربي يحفضكم وينجيكم لبعضياتكوم
سماح-(بعدات على حضن نورسين وقالت وهي كاتبتاسم وتمسح دموعها) عمي قاسم انا وختي تصالحنا وتصافات لقوب بيناتنا ..ياك اختي
نورسين-(بتاسمة ببرائة) اه وماعمرنا غادي نتفارقو اختي ...
قاسم -(قري من نورسين وباسلها راسها بحية) الحمد لله شكرتك ياربي واخيرا تجمع شمل (بدا كايبكي ويطيح دموع التماسيح ماستحملاتش نورسين دموعو وقربات منو )
نورسين-عمي قاسم ماتبكيش دموعك غالين ...
قاسم-انا كانبكي بالفرحة هئ هئ هئ
سماح-عمي قاسم سمع من غدا غادي توجد لختي احسن مكتب فالشركة وغادي تعطيه ليها ...بغيت ختي تبدا خدمتها ابتداء من الغد
سماح-(رتابكت من ديك الهضرة وبتاسمت ببرائة) لا اختي ماغاديش نعرف حسن منك فامور الشركة خليك نتي تكلفي بيها نتي اولا مني واكبر مني وعندك تجربة عليا ...
سماح-(عنقاتها بقوة) اووووه حبيبتي لي بغيتي انا ماغادي نحرمك من حتى حاجة لي بغيتيها طلبيها مني هادشي لي كاتشوفي كولو رزقك ورزق واليديك...
نورسين-(بابتسامة) عندك الحق اختي ولهلا يخطيك ...سمحولي انا غادي نطلع نرتاح فغرفتي...
طلعات نورسين مع دراج بينما سماح وقاسم كانو مراقبين كل خطواتها حتى غبرات ضارت سماح عند قاسم وعلى ملامحها ابتسامة شيطانية وقالت وهي كاتلعب بخصلة من شعرها...
سماح- قاسم....كيف جيتك ...
قاسم-(بدا يسفق بيديه بجوج وعلى ملامحو اثار الفخر ) تبارك الله عليه ممثلة بارعة ...(كلس على الاريكة براحة ودار رجل على رجل) شفتي ...وقفتي على كلامي قلتليك غير سايسي معاها وهي غادي تسمحليك فكولشي
سماح-(كلسات قبالتو ) عندك الحق ولاول مرة خططك غاتجيب نتيجة...ولاكن حتى نتا راك ممثل خطير كاتبكي من نيتك
قاسم-(بتاسم بشموخ) كون شفتي نتي كونتي كاتقطعي لقلب تنا تاثرت
سماح- هاهاها ...لموهيم اشنو درتي فداكشي...
قاسم-(تقاد فالكلسة وقرب عندها وقال بصوت خافت باش مايسمعو حد) لقيتلك واحد سفاح خطير هوا لي غادي يهنينا منها ...كايقولولو سلاوي غير سميتو كاتخلع
سماح-(بصوت خافت) مزيان طلاقيتي معاه
قاسم- لا مكايبغيش يبين راسو هضرت معاه غير فتلفون وتافقنا على المبلغ وكايتسنا غير اشارة منا ويغبرها من هنا ...
سماح- واخيرا غادي نتهنا من ديك البرهوشا عطيه لمبلغ لي بغا ملون جوج عشرة عشرين ريعين لموهيم يقتلها ونرتاح منها....