فصل 2
في يوم مطير , في عز الشتا جارح العجاج يصفر ويولول خوات السواق وخلات لمطارح والظلام بالعمى كحل كل من كان هايم وسارح دخل لدارو ودور القفل لي معمر قفتو ولي فرحان بربح بيعتو
لي يشوي في لحم الحمام ولي يشوي خيبتو الارض ارتاحت من خطى السير ارتاحت من خبط بنادم
وبشارة الخير بدات تنزل قطرة قطرة ....
وفهاد الاثناء نورسين خرجات مور المغرب من خدمتها وهي حاملة فيديها لبيسي لي هداه ليها كمال فعيد ميلادها الشتاء كاطيح وهي كاتجري بين الازقة والدروبة ومخبية لبيسي تحت جاكيطتها وحانيا راسها وتجري لاكن غزارة المطر كانت اقوى منها ...تخبات تحت واحد الباش ديال واحد الحانوت وهي كاترجف بالبرد وكاتنشف شعرها بيديها ...بعد مدة نتابهت لشخص واقف حداها... كان لابس حدائين اسودين لامعين..ربطة عنق سوداء وصدرية رمادية فوق قميص ابيض معطفه الاسود موضوع على كتفو ..وشعره الاسود الحريري مبعتر على وجهه المبلول بقطراة المطر و يغطي عيناه الرمادية الهادئة بشكل مثير...
سرحة فداك الانسان لي واقف حداها طويل واكتافو عريضة وصاحب عضلات مفتولة ...شاف فيها وهز حاجب بمعنى لاش كاتشوفي فيا ... خجلة من نضرتو ليها بشكل مستفز وضورة وجهها مع تنهيدة كادل على استيائها ....
حبس المطر وخرجو الناس لي كانو مخبين من شتا وعمر الشارع وكل واحد فين غادي وشي داخل فشي تحرك داك الشخص بسرعة حتى ارتطم كتفو مع كتف نورسن دارت باش تغوت عليه لاكنو ماعارهاش اهتمام كمل طريقو كانه مواقع والو....
نورسين-ياه على بنادم كيف داير دخل فيا بحال طوبيس وحتى كلمت سمحيلي مقالهاش تفووو.....(ضارت باش غادي تمشي لاكن يد استوقفتها)
الشخص- مدموزيل....
نورسين-(ضارت بسرعة)
هوا نفس الشخص كايشوف فيها بعيونو الرمادية الناعسة ولمخبية وراء خصلات شعرو المبلول...
الشخص- مادموزيل ...هادشال واقيلة ديالك...
نورسين-(شافة فالشال لي فيديه وشهقة) هااا شالي كيفاش خديتيه مني اشفار...
الشخص-لهلا يطيح علينا شي باطل...قبيلة فاش قصتك بكتفي لسقلي مع سنسلة جاكيطتي وجريتو معايا بدون ماننتابه...
نورسين-(خطفاتوليه من يديه)طلق لهنا وبعدا كاتعتارف انك دزتي فيا وحتى كلمت سمحيلي ماقديتيش تقولها...
الشخص-(على حاجب واحد وطلع وهبط فيها بطريقة مستفزة ) شالك ورديتولك ...اصلا كان عليا نلوحو فاقرب حاوية قمامة... اووف حيدي حيدي من طريقي...
نورسين-(حلت فمها بقوة الصدمة) كييفاااش اجي لهناااا ....لحقييير انا لي غادي نلوحك فالقمامة ياوجه زبل....
دار جاكيطتو على كتفو وكمل طريقو كانه ماسمع والو...ضار شاف فيها بنصف عين وبتاسم ابتسامة جانبية خطيرة ....خلاتها تضرب كعبها مع الارض وتعتاصر قبضة يدها بقوة الغيض والفقصة....
تمشات بخطوات سريعة وهي كاتسب وتشتم فداك الشخص الغريب لمتعجرف حتى وصلت للمحل لي غادي تبيع ليه لبيسي لاكنها لقاتو مسدود تنهدت بتعب وتمت راجعا بحالها فديك اللحضة هب ريح قوي بزاف خلى الشال لي على كتافها النحيلة يطير ويجي فوق واحد الشجرة لي كانت مجاورة واحد المكتبة تنهدت بعمق وكاتنكر وتلوم راسها حيت خرجت فبحال هاد الجو بقات كاتحاول تجبدو لاكن طولها ماسمحلهاش تلحقو نتابهت لشخص واقف وراها وعاطيها بالضهر وكايقلب بين لكتوبة لي محطوطين على الرصيف وقالت مع نفسها هوا لي يقدر يجبدلها الشال حيت طويل وكتافو عراض وقربت عندو
نورسين- سيدي ممكن تجبدلي الشال ديالي طار وجا فوق الشجرة واخا عاونتيني وجبدتيهلي الى سمحتي ....
الشخص-(ماضارش لعندها وقال بكل برودة) انا قلتليك كان خصني نلوحو فاقرب طارو دزبل ماجاني موراه غير صداع الراس...
نورسين-(توسعت عينيها من كلام داك الشخص بصدمة) شنو قلتي مافهمتكش...
الشخص-(ضار عندها ويديه فجيابو وهاز كتافو) كيف سمعتي...
نورسين-(تصدمات ) هدا نتا المتعجرف... كون يحسابلي نتا كاع مانهضر معاك... على بشار كيف داير.... سير سير بحالك لاش مازال واقف....
الشخض-(على حواجبو) ماشي صوقك نمشي ولا نكلس شغلي هداك (ضار وهز كتاب) بشحال هاد لكتاب اشريف....
البائع- ب 50 درهم...اوووه عرفتي تختار هاديك رواية يابانية زوييينة وكاتحكي على بنت اولد لتقاو فليلة مطيرة وتولد بيناتهم الحب والغرام انا قريتها كتر من 10 مرات احسنت الاختيار اسيدي
الشخص-واخا اسيدي شكرا بزاااف (خلصو ومع الضورة تصدم) هييي نتي...نزلي من تم
كانت فوق الشجرة وكاتحاول توصل للشال ديالها وكانت رابطة جاكيطتها على خصرها ولابسا تيشرت ابيض اللون ومكتوب عليه عبارة smail وعنقو كول v مع سروال جينس ازرق داكن وحداء رياضي ابيض .... خصلات شعرها الاسود كان مخبي وراه ملامح وجهها وهي كاتحاول تلحق الشال
الشخص-واش مكاتسمعيش قلتليك هبطي من تمااك...
نورسين-(علات شعرها بيديها باش تقدر تشوفو)واديها فسوق راسك ياك نتا لي مابغيتيش تجبدولي.... شنو لي تغير دابا
الشخص-راه غير....
نورسين-(كاتجبد باش توصل) واش خايف عليا ولا شنو
الشخص-نخاف عليك هههههه انا نخاف عليك نتي وانا اش بيني وبينك...
نورسين-مزياااان ايوا سير درق وجهك (زلقت ليها رجليها وغوتت وغمضت عينيها وفتحتهم غير بشوية ) ااااه مازالة عايشة عايشة عايشة الحمد لللللله...
الشخص-واش غادي تبقاي ضحكي راه يدي عياو سربي جبديه
نتابهت نورسين للوضعية لي هوما فيها وغوتت
نورسين- منحرف حقييييير نزلنيييي
الشخص-(نزلها) دير لخير مايطرا باس...
نورسين-اشمن خييير ونتا شادني من....
الشخص -من...كمليها من مؤخرتكي...اصلا مكانش خصني نشدك كان عليا نخليك طيحي ونشبع عليك ضحك...
نورسين-(الدخان خرج ليها من ودنيها بقوة الغضب وهدداتو باصبع السبابة) منحراااااف حقيييييير من صبح ونتا تابعني وكاتلسق فيا بحال جرانة...اش بغيتي مني
الشخص-سكتي غادي تجمعي علينا عباد الله...
نورسين-خليهم يتجمعو انا بغيتهم يتجمعووو(شافتو كايشوف فصدرها وخباتو بيديها...)هيييي فاش كاتشوف...
الشخص-شدي الشال ديالك وستري صدرك كولشي مفضوح ...
نورسين-(بتالعت ريقها بخجل) ارا لهنا.... وصختيه ليا بيديك لمعفنين
الشخص- معفنين ياك المعفنا ديال بصح اشنو خارجا ديري فهاد الوقت هااا بنات الناس مخشين فديورهم ونتي كاتسركلي فنصف الليل....
نورسين-(شافت فساعتها وبتالعت ريقها) هههادي عاد 9 وزايدون نتا لي لهيتيني انا كنت خارجا باش نبيع هاد لبيسي وبسبابك انا تعطلت...
الشخص-لا ماشي بسبالي بسبب داك شال لمعفن
نورسين- ماتقولش عليه معفن هداك الشال ديال ماما الله يرحمها مانسمحليكش تقول عليه معفن كاتسمع...
الشخص-(تاثر من نبرت صوتها وبتالع ريقو) احم ككانعتادر الى جرحتك... انا غادي نمشي بسلامة
التاجر-اسيدي....نسيتي ماديتيش لكتاب لي شريتي..
الشخص-(رجع وهوا كايمرر اصابعو بين خصلات شعرو باحراج) شفتي تلفتيني (شد من عندو لكتاب) شكرا اسيدي
نورسين-ها ...قالك تلفتو بنادم كيداير..(ضارت باش غاتمشي وستوقفها بيدو على كتفها شافت فيديه لي على كتفها لاكن مضارتش عندو)...شنو بغيتي عاود....
الشخص-(وقف قبالتها)بالمناسبة انا سميتي ياسر...
نورسين-(علات حاجب واحد وشافة فيه) ومن بعد..
ياسر- شنو سميتك نتي...
نورسين-سميتي نورسين...
ياسر-تشرفت بمعرفتك ...
نورسين-امممم
ياسر-(بتاسم )تفضلي هاد الكارط فيه عنوان شركة ديال واحد صاحبي... محتاجين لي يخدم الى كنتي محتاجة للخدمة ممكن يساعدك...
نورسين-(بتالعت ريقها )وشنو غاندير بيها انا خدامة الحمد لله
ياسر-(فتحلها يديها وحطلها الكارط على كفها وغلقو ) لموهيم هاهي لكارط عندك الى غيرتي رايك اجي للعنوان
بتاسم حتى تسدوليه عينيه ومرر اصابعو على خصلات شعرو وضار مشا ...وبقات هي مصدومة من الحركة لي دار حتى فيقها كلاكسون ديال واحد السيارة لي كانت فالشارع شافت فداك الكارط بغات تلوحو لاكن حاجة من داخلها منعتها لبست جاكيطتها وخشات الكارط فجيب ورجعت ادراجها متوجها لمكان لي ساكنة فيه... غي وصلت وحلت الباب لقات لمار كاتسناها وهي خايفة
لمار-فين تعطلتي شحال وانا نصوني عليك تلفونك طافي واش باغيا تقتليني بالخلعة...
___________
****في الزنزانة****
نورسين-لقيت لمار كاتسناني وهي مخلوعا عليا حيت تعطلت عليها كانت هي حياتي كاتخاف عليا بزاف وكاتبغيني وكدالك انا ....عنقتني كانها فقدت شي حاجة عزيزة ولقاتها من بعد ...زيييرت عليها وغمضت عيني ماعرفتش داك الاحساس لي حسيت بيه كان اقوى مني كانحس بقلبي مقبوط عليا لكرا والمصاريف ديال قراية لمار والضوء والماء والماكلة والمواصلات ديك المبلغ لي كانشدو من المكتبة مكايكفينيش وكانضطر نتسلف باش نكمل شهر ماتعشيتش ديك الليلة لمار نعست وانا بقيت فايقا ماجانيش النعاس وانا كانفكر فحياتي من بعد ماكنت من اغنى الاغناء لي فلمدينة وليت لنقطة الصفر من جديد حياتي غاديا وكاتعقد غمضت عيني وحليتها كايبانلي داك لبيسي لي كنت باغيا نبيعو نضت وجبتو لحدايا وكان فازك بالشتا حليتو وبديت ننشف فيه وجربتو واش مازال خدام ولا لا وياااااريييتني ماشعلتو يااريت ....😢😢
شعلت داك لبيسي وجربت لكونكسيون وكانت خدامة مزيان بلويفي ديال جيران طالقينو بلى كود... تصفحة بعض المواقع ديال الطبخ والافلام والموضى لاكن حتى حاجة ماخلات قلبي يرتاح... حتى شفت واحد الاعلان ديال واحد الموقع سميتو (((جحيم الالغاز)))دخلت ليه ... حيت كايعجبوني الالغاز وكانحلهم برمشت عين كنت دكية بزاااف...دخلت ليه فإذا بي اجد الكتييير من الالغاز..واخييرا وفديك الحضة رجعت ليا الحياة من جديد كنت كانحماق على الالغاز وعشقي ليهم بووحدو...بديت كانجاوب بحال المجنونة حتى قلت ان ازرار الحاسوب كانت كاتبكي من قوة ارتطام اصابعي .. اجبت على كل الالغاز بشكل صحيح...وفديك اللحضة تفتحت صفحة سوداء كاتهنئني على اجتياز اسهل مرحلة كيفما قالو وفعلا الالغاز مكانوش باشئ مهم ...انهيت قرائة الرسالة وضغطة على زر تم للاتمام... فطرحو علي سؤال اي الامرين تختارين... الذكاء ام السعادة...وبدون تردد او تفكير ضغطة على الدكاء وماحسيتش بداكشي لي درت حتى ضغطت على زر موافق... وبقيت كانفكر مع راسي علاش ختاريت الدكاء وانا افتقر للاهم ولي هي السعادة وانا حايرا وكانفكر وصلتني رسالة اخرى على الصفحة السوداء كاتقول ((اكتبي لغرا)) فماكان علي الى انني بديت نفكر ونكتب فاللغز لي طلبو مني..وكتبت: رقيقة الملمس جميلة المنظر، رموشها المخضرة كالبستان، شكلها ينادي مذاق الحب من آلاف الكيلومترات...
فهاديك اليلة ماقدرتش ننعس مافارقش عقلي لي وقعلي هاد النهار داك الشاب الغريب وحكاية جحيم الالغاز...لاكن في النهاية استسلمة للنوم...
______________
في الصباح
فاقت لمار ومشات للجامعة كانو عندها امتحانات ونورسين بقات حتى خملت الغرفة ورتبتها وفطرت ولبست حوايجها وخرجت وهي كاتقفل الباب وقفت عليها مولات لكرا...
نورسين-صبح لخير اخالتي
الحاجة-صبح النور ايوا ابنتي ماعوالينش تخلصوني فلكرا راني صبرت عليكم 5 اشهر راه بزاااف...سمعيني ابنتي الى ماكنتيش غادي تخلصيتي مانحتاجش نجري عليكم الباب راكم عارفينها...
نورسين-(بتالعة ريقها)غير صبري عليا الحاجة غير نتخلص ونسبقك نتي لولى
الحاجة-كل شهر كاتقوليلي نفس الهضرة وماشفت حتى حاجة
نورسين-(شافة فالساعة) خالتي سمحيلي غادي نتعطل خلي من بعد ونكملو لهضرة....(خلاتها كاتغوت ومشات)
وصلت للمكتبة وبدات الخدمة كيف العادة كاترتب الكتب وتنضفهم من الغبرة...سالات شغالها وكلست بتعب ة حشات يديها فجيب الجاكيطة ديالها وحست بشي حاجة فيها وجبدتها ...
نورسين- (عضت علي شفايفها بدهشة) نسيت امر هاد الكارط....(وقفة وبقات كاضور حتى وكدها صوت)
الشخص- سلام عليكم...
نورسين-وعليكم السلام اش حب الخاضر اسيدي
الشخص- عطيني شي جوج دفاتر ديال 100
نورسين-واخا اسيدي....
عطاتو داكشي لي بغا وكلست كاتشووووف فديك الكارطا ...
نورسين-ماعنديش شي حل اخر خصني نخرج من هاد الازمة باي طريقة ممكنة غادي نمشي لهاد المقابلة ونخدم فاش ماعطاوني
*** في الغد****
فاقة فالصباح بكري ولبست وتعطرة للمقابلة ...خرجت وتوجهت نحو موقف الباصات وهي تفاجئ بالناس لي كايمشيو فجنبها جبدو مضلاتهم ستغربت منهم وهي تتفاجئ بقطرات المطر تصطدم باجبينها
نورسين-اوووف ياربي ماجبتش لمضل ديالي...
بدات كاتجري بين الناس وتصطادم بالمضلات ويديها فوق راسها كاتحاول تحمي شعرها لي دوزت فيه وقت وهي كاتسرحو حتى وصلت تحت سقف موقف الباصات بعدما ولات كاتقطر بالما وقالت باستياء طفولي وهي كاتشوف فالسماء الممطرة ...
نورسين-اووف بداية سيئة لاول يوم عندي فالخدمة...تفووو
وقف الباص وركبت فيه وهي كيف دجاجة لمريشة كاااع داك العناء لي دوراتو وهي كاتلبس مشا فرمشت عين لبست كسيوة فاللون الباج حد ركابي مزيرة وكاتبرز معالم جسمها الرشيق وفوق منها فيست سوداء وليبة فاللون الاسود وحداء بكعب صغير وعملت تسريحة بسيطة فاشعرها ....وصل الباص امام باب الشركة نزلت منو وقربت امام باب الشركة الزجاجي لي كايتفتح اتوماتيكيا بدون لمسه تنفسة الصعداء بعد ان حبست نفسها لتدخل الشركة والتوتر مرافقها ...دخلت ولقات تجمهر كبييير امام مكتب التوضيف تقدمات ليه وهي كاتقلب على رقمها وستقبلاتها الموضفة بلباقة ..
الموضفة-رقم ديالك 200 تفضلي الورقة...
نورسين-اشنووو ولاكن انا جيت بكري علاش 200
الموضفة-(بتاسمة بارتباك) انيسه ...كيف كاتشوفي هاد الشركة كايجيو ليها الكثييير من الموضفين كيف كاتشوفي...لانها كاتنتامي لاحد شركات القابضة وصاحبها واحد الشاب مازال صغير ورت منصبو من الاب ديالو المتوفي....
نورسين-(تنهدت بتعب) هي اصلا كاع مامشهورة عمري سمعت بيها
الموضفة-(بتاسمة بتواضع) ماشي اي حاجة ماسمعتيش بيها مامعروفاش...هاد الشركة كاتحتل المرتبة الاولى عالميا... ماعمرك قريتي عليها فالجرائد والمجلات...
نورسين-(بتاسمت باسخرية) حنا دابا فجيل الهواتف الدكية مابقيناش كانقراو الجرائد...
الموضفة-(كاتضاهر باللباقة) كيفما قلتليك رقمك 200 كون تعطلتي غير نصف ساعة كان غادي يولي 2000 لهدا سربي شدي الصف
نورسين-اوييلي ...هانا غاديااا
الموضفة-(غوتت باش تسمعها)من هاد الناس كاااملين غادي يقبلو غير جوج ديال الموضفين..لي غادي يكونو سكرطير الرئيس ومساعد سكرطير الرئيس...حض موفق البنت...
توجهت نورسين نحو الصف ولقاتو طويييل بزااف لدرجة ان اكترهم اجلو المقابلة ورجعو لديورهم...القاعة كانت عامرة بالرجال والشبان وكلهم بالبدلات الرسمية السوداء...رائحة معجون الحلاقة ممزوجة برائحة العطر ...انواع والوان من ربطات العنق ...تنهدت بعمق وقررات تبحت على الحمام ...دخلت للمصعة حتى وصلت للطابق العلوي وخرجت حبست نفسها بصعوبة خصها تلقا الحمام فاسرع وقت ممكن ...لاكنها تلفات الطريق...تنفست بتملل وهي كاتحبس نفسها بسيف عليها تزيرات بزااف بدات كاتجري شافت باب حلاتو ودخلات ...يحسابلها الباب لي كايدي للحمامات ...لاكنها تسعقات فاش شافتو كالس على الكرسي ورجليه فوق المكتب لابس حدائين اسودين لامعين سوميج ابيض مفتوح منو بعض الازرار وربطة عنق مرخية على صدرو ومعطفه الاسود محطوط على الطاولة امامه وشعرو الاسود المجعد والمصفف بطريقة جميلة جدا وعيونو العسلية الهادئة بشكل مثير ...وعينيه مسدودين بالنعاس عاقد دراعيه وكايبان ناعس بعمق والشحوب يعانق ملامحه بامعان...بتالعت ريقها وقالت وهي كاتنفس بقوة
نورسين -شكون هاد الرجل لي قتاحمت مكتبو على غفلة
خرجت من مكتبو باش تشوف شنو مكتوب على الافته ولقاتو مكتب الرئيس Atm...بتالعت ريقها فاش عرفت انها فورطة كبييرة وهي قتاحمت مكتب رئيس الشركة لي غاتعمل مقابلة فيها...
نورسين-انا على حافة الهاوية شنو غادي نقولو يحسابلي مكتبك طواليط اوووف
ترددت واش ترجع للداخل اولى تهرب حتى سمعت صوت نسائي بسرعة دخلت للمكتب وتخبات فواحد الخزانة قديمة كانت وسط المكتب ...
ريهام-اوووه حبيبي ناعس فوقت الخدمة...
دخلت واحد المرأة حسناء ...لابسة ثوب احمر ضيق بزااف وقصير ..شعرها اشقر ومسرح بشكل جميل ..وعاملة مكياج جاي ملائم لطلتها السحرية....حست نورسين بالغيرة شوية من جمالها...رغم ان نورسين كاتنافسها فالجمال والانوثة ...بقات نورسين كاتراقب الوضع من خلف باب الخزانة
حنات وحطت يديها بجوج على المكتب وهي كاتراقب ملامحو وهوا ناعس...رتاسمة ابتسامة راحة على وجهها وهي كاتتاملو
كان ((أسد))عاقد حواجبو بانزعاج اثناء القيلولة وعاقد ايضا دراعيه وعينيه مسدودين...بتاسمة رغما عنها وهي كاتراقب مدى لطافته اثناء النوم قربت وجهها مع وجهو وهمست بصوت خافت..
نهال-حتى ونتا ناعس عاقد حواجبك يالك من رجل يعشق الغضب...
فتح عينيه بتثاقل لاكنو سرعان مالاحض وجهها القريب منو ...رجع عقد حواجبو باستغراب
أسد-نهال فقتاش جيتي..
فاجئاتو بيديها لي عنقاتو وهي كاتحاوط بيديها ضهرو العريض غمضت عينيها اكتر باستمتاع وهي كاتستنشق رائحة العطر لي كاينباعت عبيرو من شعرو المجعد لقريب منها ...سمح ليها تعنقو وحاوط يديه مع ضهرها النصف عاري
نهال- اووه توحشتك بزاف ماقدرتش نتسناك حتى ترجع للدار..
عقد حواجبو بعد كلماتها وبيديه لكبيرة شد فكتافها حتى تقابلت مع ملامحو الملائكية الجادة ...
أسد-نهال ماغانقدرش نجي عندك ليوم مشغول بزااف وعندي مانقضي هاد لعشية...
نهال-(استائة بطفولة)اووف ماغاديش نخلي لخدمة تسلبك مني كتر
نورسين-(همست بصوت خافت وهي فالخزانة)خخخخخ وكانه قطها الاليف🐈🐱...
وقفت نهال من على المكتب عنقة وجهو بيديها وقبلة خدودو الملتحية بشكل خفيف بينما ردة فعلو كانت هادئة..
نهال-واااو غريب طبعك ...عادتا مكاتبغي حتى واحد يبوسك
أسد-(بصوت خافت ومبحوح) ماتستافزينيش...
نهال-(بتاسمت وهي كاتشوف فيه)توحشتيني ياك...همم
أسد-(تنهد بتعب) علاش جيتي عندي ونتي يالاه وصلتي من ايطاليا خصك ترتاحي ...
نهال-(حطت يديها على خدودو بلطف) كيف قلتليك ماقدرتش نصبر توحشتك بزاف ولحسن حضي لقيتك ونتا ناعس بشكل لطيييف اااووووه...
أسد-(وضع يدو على خدها بشكل لطيف) سيري للشقة لي كريتليك قبل ماتجي وانا غير نسالي اشغالي غادي نجي عندك(جبد السوارت اوضعهم هلى راحت يدها ) كلسي فيها علما نسالى اعمالي ونعرفك على عائلتى
نهال-علاش ياك انا خطيبتك من لمفروض نسكن مع عائلتك فنفس الدار...
أسد-(تنهد بتعب) ماجاتش نعرفهم عليك بهاد الطريقة..خلي من بعد
نهال-علاش واش ماغاديش يبغيوني حيت انا امريكية ومتحررة ...واش غادي يكرهوني...
أسد-(جرها وخرجها من المكتب) عائلتي ضريفين بزاااف ماتخافيش دابا سيري يالاه...
مشات وهي كاتلوح بيديها ليه ورجع هوا للمكتب وكلس على الاريكة لمجاورة لمكتبو وحط رجليه على الطاولة المجاورة مرر يدو على لحيتو لخفيفة وربع يديه بتعب غمض عينيه العسلية الناعسة وقال بصوت خافت
أسد-مانعستش مزيان البارح...
رجليه طوال ماتساعوش على الطاولة ودراعو خلف راسه ورجع للقيلولة ديالو الشئ لي خلا نورسين تتعصب وهي داخل الخزانة
نورسين-عرام ديال الموضفين كايتسناوه ينزل وهوا هنا مجبد وداير القيلولة...يخخخ على راجل..
كلست كاتفكر كيفاش غادي تخرج من الغرفة الى بقا هوا ناعس وامر المقابلة لي خصها دوزها
نورسين-ياربي كايبانلي غادي نبقا هنا حتى لغدا...اوووف
بعد 20 دقيقة وهي كاتسناه ينوض عطست نور بصوت عالي الشئ لي خلى أسد ينوض من الاريكة بتفاجئ باستغراب...
أسد-(همس بصوت خشن) واش كان صوت مراه لي عطسات لكن منين جاي هاد الصوت
سدت نورسين عينيها و فمها بذعر وارتباك وخايفا ليتكشف امرها شتمت نفسها وهي غالقة نيفها بصباعها ...ناض أسد بتردد من الاريكة نحو الخزانة وكايتمشا ببطئ غمضت عينيها فورا وكاتدعي الله انه مايفتحش الخزانة تخنقات وهي سادا نيفها بيديها اولات حمرا حيدت يديها باش تخلي العطسة الثانية تخرج على راحتها ايوا لاش تكشفت تكشفت حط يديه أسد على مقبط يد الخزانة وكايحلها ببطئ ...توسعات عينين نورسين بالصدمة ...