فصل 3
ضرب البرق فقلب نورسين وهي كاتشوف خيالو كايقرب شوية بشوية عطست العطسة الثانية لي خلات أسد يهز الفاز لي كان عامر بالورد خواه وشدو وكايقرب غير بشوية وضع يدو على مقبض باب الخزانة وفتح غير بشوية وهز داك الفاز حتى لسما وتفاجئ فاش لقا بنت غااية فالجمال والانوثة مغمضا عينيها وسادة فمها بيديها ...نزل داك الفاز غير بالشوية وسط دهشة على حاجب واحد بكل خشونة وعيونو العسلية كاتشوف فيها بكل شر ونطق بصوت خشن كولو غضب...
أسد- شكون نتي وشكاديري فوسط خزانتي....
فتحت عينيها غير بشوية وهي خايفة حيدت يديها على فمها وبتالعت ريقها بخوف ...
نورسين-( كانت حانيا راسها ونصف فيه مكايبانش بسبب الشال ديال مماها لي كانت دايراه فاش كانت شتاء كاطيح نزلاتو على وجهها حتى ختفات نصف ملامحها) ااااانااا....
قاطعها شخص دخل عليهم بعجاجتو ...
ياسر-اووه واخييرا لقيتك كونت كانقلب عليك جبتيلي لميلف لي قلتليك....
تصدمات ملي شافتو قدامها هوا هداك المغرور بعويناتو رمادين وشعرو الحريري كايشوف فيها بابتسامة جانبية ...
ياسر-اه نسيت ماعرفتكش هدا هوا صاحبي مسيتو ((أسد تاج مالك)) صاحب ورئيس هاد الشركة ... أسد هادي سكرتيرتي مدموزيل نورسين...
أسد- (شاف فيه والغضب مالي عينيه العسلية)ممكن تقولي اشنو كادير سكرتيرتك فخزانتي...
ياسر-ااام احم .... انااا قلتليها تقلب على واحد الملف عندك فالمكتب ديال مجموعة اسهم شركة النصر كنت باغي نتأكد من بعض الامور...
نورسين-اه داكشي لي وقاع اووو فاش كنت كانقلب ااام ...احم...
ياسر-(قاطعها) أسد محتاجها ضروري من بعد ونشرحوليك اوكي باي..
جرها وخرجها تحت نضرات أسد لي مافاهم والو والغضب مسيطر عليه والدخان كايسوط من ودنيه...
نورسين-(وقفاتو) بلاتي بلاتي... كيفاش انا سكرتيرتك وانا مادوزتش حتى المقابلة...
ياسر-فاش كنتي كاتهضري مع موضفة الاستقبال دزت من حداك وماشفتينيش ....
مورسين-ولاكن كيفاش انا نجحت هدا سميتو غش
ياسر-اه بصح تقدري تسميه غش انا لبارح عطيتك لكارط وكنت متاكد انكي ماغاديش تجي لاكن تصدمت فاش شفتك فاااامابغيتش نردك بلا خدمة فهمتي دابا الغزالة....
نورسين-(بتاسمة بطفولية وحطت يديها على كتفو) اااه شكرا بزاااف كنت محتاجة بزااف لهاد الخدمة والله اسي ياسر...
ياسر- بلاش الرسميات عيطيلي غير ياسر باراكا...
نورسين- هههه اووكي بما اننا تعرفنا على بعضياتنا البارح بطريقة خايبة ...دابا غادي نتأدب معاك
ياسر-ههههههه صافي لاكن بلا سبان قهرتيني لبارح
نورسين-ههههههههه(شافت حوليها) شوف دوك لبنات كيف كايشوفو فيا...
ياسر-غيرانين منك شوفي سميتك وصورتك فالطابلو قداااش
نورسين-(اغتاضت بطفولية وضرباتو على كتفو) اممم كان خصهم يتعرفو عليك قبل بنهار ههههههه
ياسر-اااه هههههههه عفريتا نتي
زاد هوا وقالها تبعيني لاكنو كان كايتمشا بخطوات سريعة وهي تابعاه ومالحقاتوش بسبب الطلون لي لابسا
نورسين- حرام عليك كاتعدبني فاول نهار عندي فالخدمة
فلحضة وقف شي لي خلى نور سين لي كانت ملاهيا مع طالونها وكاتمشا تدخل فيه بلى ماتحس حتى كانت غاطيح وشدها بيديه بجوج حتى جا راسها على صدرو لعريض وستامعات لنبضات قلبو السريعة وبسرعة تداركت الموقف وتعوطات تحت نضرات البنات المسمومات ...
نورسين-(مررت اصابعها على خصلات شعرها باحراج) احم ...سمحلي هاد الطالون محني هاد نهار غادي نزولو ونرتاح...
بتاسم ياسر بطفولية وهوا كايشوفها كاتمشا حداه حافية القدمين حتى دخلو لمكتبو...
كلسات نورسين على الكورسي لمجاور لمكتب فخم وبدات كاضور بيه وهي كاضحك بصوت عالي...حتى وقف ياسر الكورسي برجليه ...
ياسر-ماتمشيش غالطا ماشي هدا هوا مكتبك فابلى ماتحلميش بزاف
نورسين-(استائة بطفولية) حرام عليه مالي مانستاهلش علاش قاصح معايا صافي حيد داك القناع ديال الغرور والتسلط ماجاش معاك..
ياسر-(جرها ونوضها وكلس فمكانو وعلى رجلو وحطهم على المكتب وكايتفوه) هاااااه ...سيري دربي شي دويرة وقلبي على مكتبك عيت بزاف غادي نعسلي شوية...
نورسين- خصكم تبدلو اسم هاد الشركة وتسميوها شركة القيلولة ....واش كاتجيو تخدمو ولا تنعسو..
ياسر-(ضحك وهوا مغمض عينيه) دابا نشوف واش هاد الحماس لي فيك غادي يبقا فاش تخدمي مع سي أسد ولا لا....اااه سيري خرجي وسدي الباب بغيت نرتاح شوية
نورسين-بلاتي فهمني انا شنو مهمتي بالضبط راه عمري خدمت سكرتيرة
ياسر-(حل عينيه وتنهد)انا مساعد الرئيس الشركة أسد مالك... ونتي غاتكوني سكرتيرتي وفنفس للوقت مساعدت سكريتير الرئيس يعني الى طلب منك أسد شي حاجة ماتردديش فتنفيدها تفاهمنا...
نورسين-فهمت مزيان كانتمنا مانخيبش ضنك ...
ياسر-لا باينا غادي تحمقيني وتحمقيه.. بغيت نحدرك مسيو أسد مالك صعيب بزاف ماتخليش قسوتو تاثر عليك ...
نورسين-(بتاسمت) اكيد ...كون شفتي قبيلة زعزعني بشوفاتو و نضراتو الحادين والقاسين بزااف..
ياسر-هههه قوليلي كيفاش حتى تحشيتي فديك الخزانة
نورسين-دخلت غير بالغلط لقيت راسي تورطت وانا نتخبع تما هههههههههه
ياسر-هههههه عفريتا نتي ...واسيري دابا خليني ندير القيلولة
نورسين-قيلولة ولا غيبوبة
ياسر-هههههههه غيبوووبة واصافي سيري
نورسين- (تنهدت بغيض وهي خارجة) كسول منحرف...
على راسو بكسل كايمسح على شعرو وهوا كايراقب كيفاش كاتمشا حافية القدمين بلاماتحس...ضحك بسخرية عارمة ورجع نعس
___________
***في الزنزانة***
نورسين- ياسر كان واحد الشاب ضريف قدر يعتقني وسط عاصفة هايجة...أسد تاج مالك...وكايختاصرو الاسمو ب أسد مالك فقط عندو نضرات حادة كايزعزعو كياني المسكين ماكنتش نقدر نكمل فيه الشوفة طبعا غير فالاول...بقيت كانتمشا فالاروقة وكانقلب على مكتبي فين جا لقيت واحد القاعة عامرا بالمكاتب والطاولات والموضفين .. وانا ندخل ليها ستغربت كيفاش كلهم كايتشاركو قاعة وحدا وعلاش ماعندهمش غرف خاصة بكل واحد بحال غرفة ياسر...
___________
نورسين- علاش كانحلم بزااف...اممم على كل حال دابا وليت سكرتيرة مساعد الرئيس..
بدات كاتمشا حداهم وتشوف فالشاشات حواسيبهم وتشوف هنا وتشوف هناك...بحال شي جاسوسة بنضر الجميع...لفتت انتباهها الة بيع القهوة جنبها طابعة الاوراق وسلة المهملات وفجنبهم طاولة كتب معلق عليها ورقة مكتوب فيها اسمها تسعقات مسكينة من موقع مكتبها السئ وطاحو معنوياتها وحماسها الزايد للارض.. كلست على مكتبها لعامر بالغبرة وسهات وهي كاتشوف فشاشة الكمييوتر حتى فاجئها صوت ارتطام مع الطاولة دارت وكاتشوف ...موضف كايشوف فيها باستهزاء
الموضف-اش غانديرلك مكتبك لي جا امام طارو دزبل وانا معكاااز ومافيا مانوض لوحي هاد لوراق حداك
عضت على شفايفها بغيض وقرر تتمالك اعصابها وتتغاضا على هاد الموقف لاحت لوراق وشعلت لبيسي كاتشوف جدول الاعمال...
الحضور مع الساعة 8 صباحا والمغادرة في الساعة 3مساء
بتاسمت وكاتحاول ترفع معنوياتها وكملت قرائت الجدول...
يجب على السكرتير ان يكون دقيق في حساباته
نورسين-(حطات يديها على خدها باستياء فضيع) اناا فاشلة فالحساب...
كملت لقراية وغيمة الكئابة فوق راسها
نقل الملفات المهمة...اخد توقيع اي اتفاقيات تعاون مشترك.... طبع الاوراق...الخ...
حطت راسها على الطاولة المربعة بيأس...
نورسين -انا ماعارفا والو ومابغيتش نعرف بحالي كاتبين داكشي باليبانية... كيفاش غادي نجح فهاد الخدمة واسهل حاجة هي الطباعة وانا مكانعرفش حتى نخدمها ....هداك المنحرف غادي يجري عليا مافيهاش الشك...على كل حال علاش وضفني وهوا يالاه عرفني لبارح...
مدت رجليها تحت الطاولة وتكات وغمضت عينيها..
نورسين-ماعارفاش ومابغيتش نعرف ...انا كسولة لدرجة اني ماقادراش نخدم دماغي ...
ماجاهاش نعاس وهي كاتسمع حديت و ضحكات وصراخ الموضفين بحال لبراهش ...وفيقها رنين الهاتف...هزات السماعة بتملل وجاوبت...
نورسين-هممم
الشخص-جيبيلي الملف الاسود رقم 10 غادي تلقايه محطوط على الطاولة...
نورسين-(قالت بخمول وهي كاتفوه) على اشمن ملف كاتهضر ...وشكون نتا على اي حال...
غوت فالسماعة وخرجها من دوامة الكسل لي هي فيها ...
الشخص-انا رئيسك فالعمل ونتي سكرتيرتي الخاصة الحمقاء....
غلقت السماعة بالخلعة وضربت على المكتب بقوة اوقفة حتى نتابهولها كاع الموضفين لي فالمكتب...وخرجت كاتجري برجليها حافين...
البنت- شفتيها مسكينا بقوت الخلعة نسات تلبس سباطها طلعت بالحفا...
البنت الثانية-غادي تبقااا فيا هاد البنت مسكينة غادي يبهدلها هاد النهار
الرجل-خصنا نعاونوها مسكينا باينا فيها ضريفة
قاطعهم صوت موضف
الموضف-انا كاييانلي ماغاديش تقدر تكمل الخدمة
الموضف الثاني-ضارووري خصنا ندوقوها الجحيم هادو هوما تقاليد شركتنا الموضف جديد يعني الحكرة حتى نعياومنو كاينا ولا لا
البنت-ااه اه عندك الحق انا متافقة
الموضف-غادي نديرو رهان كل واحد يحط لفلوس ولي ربح غادي ياخدهم كاملين ها 500 درهم ديالي انا كانقول ماغاديش تقدر تكمل الشهر
البنت-(حطت لفلوس)وانا كانقول ماغاتكملش سيمانة....
بقاو كايحطو فالفلوس ويتخاطرو عليها
______________
نورسين(فاتحت الباب ودخلت) حرام عليك طيرتيها مني خلعة ....
ياسر-هههههههههههه بغيت نشوف ردت فعلك كيف غاتكون فاش يعيطليك أسد ههههههه اجي مازالة كاضوري برجليك حفيانين...
نورسين- (كلست على الاريكة باستياء) اووف نتا خليتيني نفكر بعدا خرجت من الباب بلى مانحس كون لقيت قدامي سرجم كون تلاحيت منو عاد نفكر فرجلي...
ياسر-هههههههههههههه عفريتااا
______________
****في الزنزانة****
داز عليا اول يوم فالخدمة سئ بنضري بزاف ومتعب رجعت مع 3 دلعشية للمكتبة لقيت سي سعيد معصب حيت ماجيتش نخدم هضرت معاه وقلتليه بلي غادي نسالي معاه باش نتفرغ لخدمتي جديدة بقا فيه الحال بزاف لاكن ماعندي مانديرلو لخلصة ديالو مكاتقضيلي والو رجعت لدار وتسنيت لمار حتى جات وعاودتلها على الخدمة جديدة فرحت بزااف وحتى هي كانت دايرالي مفاجئة ...وقالتلي انها لقات واحد الخدمة مع اب صديقتها عندو مخبزة و غادي تخدم فيها فاش تخرج من لافاك فرحنا حيت احوالنا اخيرا غادي تقاد شوية...ضحكنا ونشطنا وعاودتلها على ياسر وهي تزعط فيه بنت لحرام هههههه اما كون شافتو غادي توفا ليا ههههه صوبنا كيكة صغيورة ودهناها بشكلاط وحتافلنا بحالي كنا حاسين ان هاد الاحتفال غادي يكون اخر احتفال فحياتنا وحنى مجموعين...تعشينا ولمار نعست وانا كيف العادة غير كانحط راسي على لوسادة كانبقى نفكر ونفكر وكايطيرلي نعاس ...تفكرت داك لموقع المشؤم لي دخلت ليه لبارح فالليل ديال الالغاز وكان اسمو ((جحيم الالغاز)) دخلت كانقلب عليه على الله نلقاهم عطاوني شي مرحلة تانية ونلعب شوية علمايجيني نعاس ...لاكن هداك الموقع ختفى قلبت عليه فكوكل فليوتوب وااالو ختفى فمرة قلبت علي مواقع ديال الالغاز جداد لاكن مالقيتش بحال هداك جحيم الالغاز طفيت داك لبيسي وانا مستائة لحيتو فالارض وغميت راسي بالملاية وكانتفكر داك الشاب رئيس الشركة وبديت نضحك على راسي فاش كنت مخبعة فالخزانة وتفكرت نهار تخبعت لماما فالخزانة ديال المطبخ وشبعات عليا تقلاب مسكينة ماحسيتش براسي حتى فقت ولقيتها 10 ديال صبح وانا خصني نكون فالشركة مع 8 صافي قفرتها اليوم يجري عليا هداك المنحرف....
_______________
فاق أسد وبغا يهز يديه باش يشوف شحال فساعة لاكن حس بيد على يديه وكانت يد نهال حيد ليها يدها غير بشوية وشاف فالساعة وغوت حتى فاقت نهال
نهال-مالك احبيبة لاش كاتغوت
أسد-تعطلت وعندي مؤتمر صحفي ... علاش مافيقتينيش...
نهال-اوف احبيبي مايمكنش نستمتعو بوقتنا بعيد على الخدمة والشركة...
أسد-(ناض بسرعة كايلبس حوايجو ) قولتلك عيطي لمالين دار عيطتيلهم قلتيلهم ماغايجيش..
نيهال-حبيبة نسيت سهيت وانا كانشوف فيك حتى نعست...
أسد-اوووف منك انهاال...
خرج بسرعة ونسا الحاسوب ديالو فدار نهال اما هي رجعت تغطات ونعست...
خرج كايجري لسيارتو لاكنها مابغاتش تخدملو سمح فيها كانت شتاء كاطيح بغزارة فشوارع مدينة فاس المليئة بالسيارات والطاكسيات وهوا كايجري وقطرات المطر كاتصطادم بجبينو وقف طاكسي حمراء وفتح الباب لورانية وقال لمول تاكسي
أسد-واش ممكن تتوجه للتقاطع الثاني وضور على ليمن وبعدها ت..
السائق-(قاطعو) واش نتوما غادين فنفس الطريق...
أسد-(بغضب)كيفاش انا وشكون ...
تحنى أسد يشوف شكون ولقاها كالسا وكاتقلب فصاكها بدون اكترات...شاف فيها ببرود وقال بلهجة امر...
أسد-نزلي من طاكسي...
دارت شافت فيه وهي كاتنشف شعرها بالمنديل لي جبداتو من صاكها...وقالت بصوت عالي وبغيض...
نورسين-اشنووو.....ننزل من طاكسي....وشكون نتا بالسلامة....زوايدون انا لي ركبت فيه الولا
عض على شفايفو المبللة بالمطر وهوا كايشوف فيها بازدراء ونضرات الاحتقار تعتلي وجهو
أسد-انا لي شيرتليه باش يوقف ...تحركي نزلي دابا...
نورسين-التاكسي وقف ليا ماشي ليك...وزايدون ماشي غير حيت لابس بدلة محترمة وانيقة غادي نطيع اوامرك...
خنزر فيها بشر الشئ لي خلاها تحل فمها بالصدمة وحدقتي عينيها توسعو...
أسد-ماغاديش تنزلي...
بتالعت ريقها بتوتر وهي كاتراقب نضرات الغضب فعينيه العسلية ...وهوا فازك من راسو حتى لرجليه...
نورسين-ركب حتى انا معطلة...بلاماتشوف فيا ماغاديش ننزل...
طاحت عينيه على حقيبتها ..خطفها منها ولاحها على الرصيف المبلل وسط صدمتها ودهولها غوتت بصوت مرتفع
نورسين-الحقييييير علاش لحتيلي صاكي يعطيك موصيبا
أسد-نزلي هزيها قبل مايسبقك ليها شفار...
شافت فيه بنضرة حاقدة بينما هوا شاف فيها بعدم اكترات دخل تاكسي وكلس حداها ومتجاهل القنبلة الموقوتا لي قريبا تنفاجر حداه
خرجت من السيارة وهي كاتسب وهزت حقيبتها لي فزكت بالشتا ضارت موراها ومالقاتش سيارة التاكسي...
نورسين- هااااااي الله يلكيهاليك ياولد لحرام...
بقات واقفة مسمرا فبلاصتها حتى فيقها اصوات اصحاب السيارات قالت بتشائم وهي كاتراقب ازدحام المرور...
نورسين- عاوتاني نهار فيه شتاء ...ونسيت ماجبتش مضلي ...كيفاش غادي نلقى تاكسي فهاد زحام ...ناس كاتقاتل على طاكسي وانا خداوه مني دابا تفو على زهر... (كاتمشا بسرعة) هداك المغرور لحقير ...ماعرفتش فين شفتو من قبل...
___________
دخل للشركة والغضب مالي عينيه شاد فكرفاطتو وكايقطر بالماء من راسو حتى لرجليه...غوت فوجه عصام (عصام هوا السكرتير ديال أسد هوا ونورسين نجحو نهار المقابلة)
أسد- (بصراخ) علاش واقف هنا بحال الاغبياء ...جيبلي شي حاجة نشف بيها راسي
عصام-(بتاسم بدون انفعال)واخا اسيدي...
ضار شاف فالموضفين كايشوفو فيه ومصدومين وهوا يغوت حتى بانو لعروق لي فوجهو...
أسد- (بصراخ)كملو خدمتكم الاغبياااااء...
عم الهدوء فالقاعة وهوما كايشوفو فيه بصدمة..كمل طريقو للمكتب دخل ولاح راسو على الاريكة والغضب مسيطر على وجهو لمضلم وقطرات المطر تعانق ملامحه الملائكية الجادة...حوايجو فازكين ولحيتو كايقطر منها الماء على الارض ..وراسو غادي ينفاجر بالغيض كولما تفكر كلمات نورسين وهضرتها كاتعاود فدماغو عشرين ثلاثين ربعين مره ...غادي يحماق بالغضب والسخط ....ناض من مكانو وكايضور وسط الغرفة والغضب ماخلاهش يرتاح ..كايبان بحال شي بركان غادي ينفاجر مرر اصابعو وسط شعرو الاسود المجعد وعينيه العسلية الهادئة تحولت لعيون مشرارة وجامحة ...
أسد-(هز سماعة الهاتف) جيبلي قهوة بلا سكار لمكتبي دابا...(حط السماعة وبتالع ريقو ) ماعمر شي حد ماتجرئ يعاملني بديك الطريقة حتى جات ديك البنت ..وقللت من احترامي و مكانتي ...
ضرب بقبضة يديه على الطاولة والغضب عامي عينيه العسلية ...وقال ببرود
أسد-فزكتلي بدلتي الرسمية كلها بسبب ديك ال...
تمالك نفسو وكلس على الاريكة وسمع دقان وغوت
أسد-شكون ...
عصام-(كايهضر من برا) جبتليك القهوة ولفوطة اسيدي
أسد-(تكا على الاريكة) دخل...
عصام-(حل الباب ودخل) تفضل اسيدي..(رجع بخطوات لور ) سيدي كيفاش حتى فزكتي هاكا...
أسد-(شاف فيه بغضب) ماشي صوقك وديها فصوق راسك ....
هز فنجان القهوة وشرب منها رشفة وبزقها وضرب الفنجان مع الحيط بغضب....
أسد-اشنو هادشيييي
عصام-(بتالع ريقو) شنو اسيدي ماعجباتكش
أسد-انا طلبت قهوة بلا سكار واش كاضحكو عليا ولا كيفاااش...
ياسر-(سمع لغوات ودخل)مالك اصاحبي تهدن
أسد-(تنهد بغضب) والو سيفطلي شي حد ينضف هاد الفوضى...
ياسر-مكاينش لي غادي يقدر يدخل عندك ونتا غاضب هاكا راهوم خايفين منك
أسد- اذن جيبلي شي حد ماشي جبان
ياسر-(بتاسم بمكر) لقيتلك لي ماغاديش يخاف منك
أسد-ادن سربي راسك وجيبو...
خرج ياسر بسرعة بعد 5دقائق رجع عند أسد وهوا شادها من كتافها ...أسد كان كالس على مكتبو وكايخدم فكمبيوترو وياسر كايهضر
ياسر- هادي سكرتيرتي زوينة نورسين
نورسين-علاش جبتيني لهنا
ياسر-(عطاها لمكنسة ليديها) غادي تنضفي هاد الفوضة واخا (غمزها وخرج)
ستغربت نورسين وضارت بتململ وهي تصدم فاش شافتو كالس على مكتبو ومشغول فكمبيوتر ديالو
نورسين-(ضارت وعطاتو بالضهر) ويلي ويلي لمغرور ديال طاكسي هواا... غادي نهرب مشيت فيها..
ضارت باش تهرب وفاجئها بصوتو.. تسمرت مسكينة فبلاصتها بدعر
أسد-ودابا...عرفتي شكون انا
قال بعدم اكترات وماكلفش راسو يشوف فيها وعينيه مسمرة على شاشة الكمبيوتر
أسد-ادن كايبانلي ان سكرتيرة مسيو ياسر جبانة
ماهماتهاش كلماتو اكتر من عدم اكتراتو ولهجتو فاش هضر... شي لي خلاها ضور عندو بغيض
نورسين-وشكون لي قالك انني خايفة ...
بتاسم ابتسامة مستفزة وهوا كايبرك على ازرار لابتوب...
أسد-حاس بتوترك واخا ماشفتش فيك
تنهدت بغضب وشدات المكنسة وبدات كاتنضف حتى تفاجئة منو غلق شاشة الابتوب وناض كايشوف فيها مباشرة بعينيه العسلية لمسمرة فيها من شدة الصدمة ماتوقعهاش تكمل تنضيف شيرلها بصبعو بينما هي مكانتش داياها فيه
أسد-هي نتي كيفاش عرفتي مكان عملي...
علات راسها شافت فيه قريب وبتالعت ريقها وبتاسمت باخوف وبدات كاتتراجع للوراء وهوا كايتقدم عندها حتى طاحتلها المكنسة من بين يديها والمفاجأة هي فاش....