فصل 33
تدارك اسد الموقف وشدها من معصمها وسحبها عندو حتى رتاطم راسها مع صدرة ...كلس على ركابيه وهوا معنقها وكايتأكد انها فعلا بين يديه وكايتنفس بسرعة
اسد- ماتخافيش... ماتخافيش انا شديتك نتي معايا دابا
كانت رجليها بين رجليه ويديها على صدرو كاتحس بالاضطراب مابين الخوف والفرح ...بينما راسها متكي على جزء الايسر من صدرو وكان باستطاعتها تسمع نبضات قلبو لمضطارب
حست وكانها غادي تخرج بين ضلوعو بسبب احتضانو لقوي ...قالت بصوت متقطع
نورسين-اسد ماقادراش نتنفس
تدرك الامر وفلت دراعو عليها وقال بشرود..
اسد-سمحيلي...
شافت فيه ببساطة وقالت وهي كاتاشر بصبعها للاسفل
نورسين- خلينا نهبطو من هنا دغيا غانوصلو
عنق وجهها بين يديه لكبيرة وقال بسخرية لطيفة بينما كايتمعن بوجها الطفولي الناعم
اسد- داكساع غانعسو وماغانوضوش..
قالت بصعوبة بسبب ضغطو على خدودها شي لي خلا شفايفها الممتلئة تبرز...
نورسين- ماشي مشكل نعاس زوين...
تلاعب بابهامو بدقنها ومبتاسم بوسامة...
اسد- ماشي نعاس لي كاتعرفي هدا نعاس ابدي..
(قال بعتاب وهوا كايحيد على وجهها خصلات شعرها ) غادي نقتل براهيم غير بلاتي عليه ..نتي كارتة انورسين
نورسين- غادي نشكرو حيت اصلا كنت باغيا ننسى أمر وجودي معاك فنفس المكان
سكت واحد شوية ورجع قال بابتسامة مبهمة
اسد-لهاد الدرجة كاتكرهي وجودي معاك...
رفعت يديها ورسمت ابتسامة على وجهو بسيف عليه وقالت
نورسين- لا ..لان وجودي معاك كايوترني ..لو كان بوسعي نهرب بيك بعيد على ضهري...
ستاغل الامر وتمسك بيديها النحيلة بين يديه وقال
اسد- ماغاديش تتحملي وزني ...
نورسين- ماتخافش.. ماتخافش غادي نهزك على كتف الجمل...
اسد-(رفع حواجبو بتشتت) جمل ...ماغاديش تدي سيارة معاك
نورسين-(قالت بينما يديه بين يديها) لا...سيارة ولات موضة قديمة ...وشنو غانديرو الى تسالا لوقود ...غادي نموتو وسط الصحراء الجافة
اسد-(خرج ضحكة بينما كايراقب مدى جديتها ) جمل...وصحراء...فين باغيا تهربي بيا المشاغبة
نورسبن-(سكتت كاتفكر وقالت بحماس طفولي) مصر ...مصر غادي نشوفو الاهرام والفراعنة..
كتفى بابسامة بسيطة وتفكر الوضع والناس لي لتحت خايفين
اسد- كولهوم خايفين لتحت يالاه نهبطو دابا
بغا يطلق منها باش ينوض حتى تفاجئ من يديها تمسكات بخدودو بقوة حتى برزت شفايفو مستغرب منها وقالت
نورسين- وفقتاش غانهربو...
اسد-(قال بصوت هادئ) نهربو غدا وعد مني...نوضي من الارض ييالاه...
شافت فيه بنضرات عدم الرضى وفكر وهوا كايشوف فيها...
اسد- ماقادرش نصبر حتى نشوفها بوعيها ...مكانضنش انني غانشد ضحكة قدامها غادي نفاجر...جمل وفراعنة ...نورسين الغبية ...
نورسين- اسد ...انا خايفا عليك وباغيا نحميك
اسد-(عقد حواجبو باستغراب) مناش غادي تحميني
قتاحم ياسر وموراه ايلا وعمر وبراهيم الباب بدعر .وقاطعو حديتهم كانت على وشك تفرش راسها لمسخوطا ..شافو فيهم باستغراب بسبب وضعيتهم المخجلة لي كاتزيد الهمس والشكوك حتى نطقات ايلا وهي كاضحك بسخرية ...
ايلا- كانضن ان نورسين كدبات بامر انتحارها باش تنفارد بخويا بوحدو ...ههههههه
بعد يدين نورسين من على وجهو
ووضعهم على حضنو باش ماتعاودش الكرة وتحشمو ...
اسد- كيفاش ...لا
ايلا- (صفقات ايلا وهي كاتوجه لعندها وسط تسمر ياسر ) وااو نورسين ابهرتيني وفقتي توقعاتي تملكتي خويا بسهولة ...(كملة وهي كاطبطب على راس نورسين وانضارها على اسد لي كايتصنع عدم الاهتمام (خسرتي المعركة يا شبلي الصغير...
ااسد-(عقد حواجبو بانزعاج من اخر جملة) حتى شيواحد مايعيطلي شبلي الصغير ...ماتستافزينيش اايلا
ايلا-(قالت قبل ماتخرج لسانها) ماشي صوقي ياشبلي الصغير..(تنهد اسد بتعب وبعدت انضارها لنورسين لي كان اثار لحشيشة باينا عليها) واش غاي تشرحي لينا علاش كونتي قرابا طيحي قبيلة ...لا علاش نتي هنا اصلا...(قاطعها براهيم)
ابراهيم-لا راه لحشيشة لي دارتها ..
ماجا يكملها حتى جمعات معاه ايلا بضربة للراس
ايلا- سكت راني عارفا شنو درتو بيها ...بلاتي وتفاهم معاك ...لاكن دابا خليني نضحك معاها شوية ...نورسين جاوبيني
نورسين- (اشرت بصبعها لاسد بطفولية) باش نهرب من شبلي الصغير..
اسد-(شد فصبعها ونزلو وقال بغيض) ماتعيطيليش شبلي الصغير
نورسين-(شافت فيه بتسائل) علاش مانعيطليكش شبلي صغير...اشبلي صغير
شافت ايلا فنورسين مستغربة وضحكات شي لي خلا اسد يقول بنبرة غامضة ..
اسد-ماتديهاش فيها راها محششة
هدا كايفسر سبب اعترافها بحبها ليك امام 40 شخص ولاكن توقعتها ديرها سواء محششة ولا موكدا حيت كاتبقا نورسين فالنهاية...
سكتات شوية حتى طاحت انضارها على يد اسد لي محاوط خصر نورسين وقالت بسخرية
ايلا- واش خايف نسرقوها منك...
اسد- انا ماباغيهاش تحرج نفسها كتر...
ايلا-(قالت ايلا بحماس) طلقها بغيت نشوف نورسين محششة ههههه...
طلق منها بتملل ومنتاضر ردت فعلها وادا بها شداتو من شعرو ...وقالت بحماس..
نورسين-اوووه بغيت ناكل شعرك ...كايبان لدييد...
طاحت ايلا على ماخرتها من شدة الضحك وسط غيظ اسد لي تمالك نفسو وسط تلاعبها نورسين لمحششة بشعرو...وقال عمر وهوا متكي على لحيط
عمر- قدرة نورسين على اضحاكك فاقة قدرتي اايلا
قال ياسر ببرود وهوا كايشوف فيهم بسخرية
ياسر-نورسين ببرائتها كاتجدب الجميع ليها
عمر-(شاف فيه وقال) وحتى نتا...
ياسر-(بتاسم ياسر وهوا كايشوف فضحكات نورسين) وحتى انا...
عمر-(تنحنح) نتا عارف مزيان انها كاتبغي اخو مرتي ...وكولشي ولا عارف...
ياسر(شاف فيه بابتسامة متكلفة) غادي نكون كادب بحبي الى تراجعت بدون محاولة ...
عمر-(ضحك بسخرية) لنفترض ان اسد حتى هوا ولا يبغيها شنو غادي دير نتا...
ياسر-(تحولات نبرتو مخيفة وقال) غادي نخطفها من بين يديه كيف دار معايا...وعندي بزاف ديال الاسباب لي تخلي نورسين تتحول من الحب للكره اعمى تجاهو...
عمر-(تنهد بملل موضح انزعاجو من ياسر) الصداقة عضيمة ...ماتفرطش فصداقة اسد...الى سرقتيها منو غادي يضيع انا لي عارف معاناتو ...خسر واليديه بجوج فنهار واحد وخسر خوه ...نتا عاقل على محمد الحيوى والمرح ...عاقل ولا لا
ياسر-طبعا كيفاش غادي ننسا.
عمر-.داير بحال شي روبوط ومكايبينش مشاعرو لحتى شي واحد انطوائي وغامض...شاف مشهد قتل واليديه ..ومكاايجني العواقب الوخيمة سيوى صديقك لي ناوي تحطمو ..
ياسر-(شاف فاسد لي كان شاد فنورسين) غادي نكون عادل غادي نخطفها منو قبل مايوقع فحبها..
عمر-انا كانحتارم هاد الشاب...ماعمرو ماخلى شي حد يشوف دموعو ...تخلى على طفولتو باش يسمح لمحمد يتمتع بطفولتو ..ايضا كافح باش يرسم الابتسامة على وجه محمد...لهدا ماتحطمش شي شخص تحطم سابقا ...غادي تخليني نكرهك..
تجاهل ياسر كلمات عمر وقال بلا مبالات
ياسر-مالو محمد ...انا كانلاحض بان الجميع كايهتم بيه بشكل مبالغ فيه...
عمر-(تنهد بغضب وقال) مصاب بالهلوسة
ياسر-اي نوع منها...
عمر (جاوبو وهوا كايشوف فمرتو لي كانت كاضحك بشدة وهي كاتبعد نورسين على اسد) كايتوهم باشخاص لا وجود لهم ...وكايسمع اصوات لا وجود لها ...اثار الصدمة فاش شاف مقتل واليديه فاش كان صغير...كايولي بحال لمجنون الى ماشربش دواه حيت كايقدر يشوف اشياء لا وجود لها وكايتوهم ان قاتل واليديه كايحاول يقتلو حتى هوا ...كايخاف وكايتخبط فالارض وكايبكي بشدة باش الالم لمكبوت داخلو يخرج...اسد عانا بزاف مع محمد ...الاثار الجانبية من الهلوسة لي كاتصيب محمد هي لي كاتأثر على اسد وكاتخليه يحس بالارتباك فجأة حيت كايحسابو ان محمد كايغوت او كايبكي...
ياسر-(زفر بضيق معبر على تأثرو)اوه مكانش يحسابلي ان محمد الهادئ مخبع جرح عميق داخلو..
تحنى اسد امام نورسين وحملها فوق ضهرو وموراهوم ايلا...حس ياسر بغيرة ...
ياسر- هيي علاش هازها على ضهرك ..
شاف فيه اسد بسخرية وسول نورسين لي كانت كاتلعب بشعرو الاسود..
اسد-نورسين واش عندك مشكل حيت هازك ...
نورسين(قالت بحماس معبر على فرحتها) ضهرك دافئ هاهاهاها
ياسر-(تقلق ياسر من جوابها وقال بطفولية) ماتسولهاش راها محششة..
اسد-(قال اسد بسخرية بينما ايلا كاتتمعن بطريقة حديتهم مع بعض ومستغربة) حيت هي صادقة ... وفهاد الحالة ماغاتكدبش..
ياسر-(حس باحراج فظيع ) انا ماقلتش انها كاتكدب..
اسد- اكيد ماغاتقولهاش حيت غادي تفضح راسك واو
ياسر-(رفع حاجب بغضب) اشنو كاتقصد بواو
ضحك اسد بسبب ردت فعل ياسر لي كاتوضح انزعاجو
اسد- واو يعني كاتغير...
ياسر-انا مكانغيرش
عمر-(كمل عمر بسخرية قبل مايضحك وسط تبسم ايلا) عنداك دابا غاتفضح راسك ههههع
نزلو بينما كان اسد حامل نورسين فوق ضهرو وشعرها مدلي ...ومشات سيدا نعسااات...ويديها كايتشايرو ...لقا محمد وابراهيم واقفين وكايراقبو بعينيهم ...وقال محمد
محمد- واش ولات بيخير
ابراهيم- حريق راس خلعاتنا على والو
وهوما كايهضرو حتا حسو بسواريخ كاينزلو عليهم ...كانت مي عيشة هازا واحد تيو وكاتصوط فيهم وهوما يغوتو ويهربو ...
مي عيشة- والله والله ونشدكم ياقلالين لحيا...مكاتحشمو مكاترمشو ...بسببكم البنت مسكينة كانت غاتموت
ابراهيم-(كان كايحك فمئخرتو وتالم وقال وهوا كايراوغ الضربة باش ماتنزلش عليه) واجدااا والله ماعطيتهالها بخاطري راها هي لي خطفتهالي من يدي وكلاتها يحسابها شكلاط
مي عيشة-(كانت مي عيشة كاتنهش بسبب المجهود لي دارت) ايوا نتا يامول لعقل ...ماتوقعتش منك دير هاد لفعايل ...
محمد- جدا حشوما عليك لمار كاتشوف فينا ...والله مانعاود
مي عيشة- خليها تشوف ...خليييها باش تعرف راسها معامن ...شوفي ابنتي ماعمرك تيقي فهاد جوج شلاهبيا ....غادي نقتلكم اليوم غير بلاتي عليكم...
لمار-(شدت فمها لمار وهي كاتحاول تمنع ضحكتها وقالت ) شكرا الحاجة على النصيحة ...غير عطيهم حيت محني محمد عاد باش رجع لوعيو شربتو طيرموس ديال لقهوة والحامض
محمد- (شاف فيها بغيظ مصطنع) واخا غير بلاتي حتى نشدك
ابراهيم- يالقساوة الحياة صديقة ولد خالتي كاتأمر علينا ...واخا غير بلاتي ونشدك
محمد-(شهق محمد بصدمة من براهيم وغوت بغيرة) براهيييم مكاينش لي يهضر معاها بديك الطريقة من غيري ...
الخالة مريم كانت كاتبتاسم وكاضور راسها يمين وشمال على حالة نورسين ومي عيشة لي كاتضرب فمحمد وبراهيم ياسر كان غير كايضور فعينيه وماحاملش راسو بينما عمر ...كايضرب على ركابيه حيت كايشوف عدوو اللدود ابراهيم كايتبهدل وهداك هوا يوم فرحتو ايلا كانت كاضحك على عمر لي كايضحك بينما براهيم كايتحلف على عمر وكايواعدو يضحك عليه حتى هوا....سماح كانت واقفا وغير كاضور عينيها بحال شي شيطانة
بينما اسد كان كايموت بالضحك قربات لامار عند اسد لي هاز نورسين وهي كاتمسح على راس نورسين وقالة
لمار- حبيبتي كون وقعاتلك شي حاجة كونت غادي نتسطا..
تدخلت ايلا وحست بالغيرة من كون لمار صديقة نورسين وقالت ...
ايلا- غادي ندخلوها لغرفتي غادي ترجع لطبيعتها الى شربات القهوة ...اسد نتا دخلها للغرفة وانا غانوجد ليها القهوة
توجه اسد لغرفة ايلا وحط نورسين على سرير وهي نعسات فسبات عميق...كلس بجنبها ومعنق راسو بين يديه وزفر بضيق...
اسد- اش هاد الارهاق ...عيت بزاف اليوم
حس بالحركة وضار وادا بيديها شادا بطرف قميصو ...بتاسم ورفع يديه وبعد شعرها الاسود ...وهمس بعدما هبطت يديه على جبينها...
اسد- مانستاهلكش انورسين ....
شاف فيها لثواني وستلقى على ضهرو وراسو على رجليها ...وقال وهوا كايضم وجهو بيديه
اسد-5 دقايق ونوض ماتصدعينيش
كانت نورسين في سبات عميق وكدالك اسد لي ستسلم للنوم من شدة التعب ..زلقات يديه فالهواء من فوق سرير وكان وجهو النائم الجميل مرهق...
مانعسش مزيان ...وحلم بكابوس ...زادت عليه لخلعة لي دارتليه نورسين
لو مارجعش من امريكا ...كون رفض المهمة باش يرتاح ... لاكن غادي يموتو الابرياء بسببو..وهوا ماباغيش هادشي يحصل...صراحة انا غيرت رئي فهاد المنضمة لانها مكاتقتلش الابرياء بلعكس كاتخلص من المجرمين لي كايهددو امن لبلاد ..هوا صحيح ان داكشي لي كايديرو ماشي قانوني لاكنو فصالح الناس...الفرق لي بين المنضمة والشرطة هي ان المنضمة كاتقتل المجرمين بينما الشرطة كاتسجنهم هدا هوا الفرق لي كاين 😏😏
دخلت ايلا للغرفة ولقات اسد ناعس على رجلين نورسين الممددة...
تمشات بخطوات هادئة اوضعات القهوة على الطاولة وهزت كتف نورسين ناعسة ...ساعدتها على النهوض وشرب القهوة ..غير شرباتها ورجعات نعسات ...تراجعات ايلا وسدات الباب وطفات الاضواء وقفلت باب غرفتها وعلى وجهها ابتسامة اريحية
طلاقات مع ياسر لي كان كايحاول يسترق النضر ...
ياسر-علاش طفيتي الضوء ...اسد مازال لداخل
ايلا-طيبت القهوة اجي غادي تشرب معايا ..يالاه يالاه...
دخل ياسر للمطبخ ولقى محمد وابراهيم ولمار وسماح وعمر كايشوفو فيه باستغراب...
عمر- علاش غير صاحب اسد لي هنا ...اسد ماغديش يجي ولا شنو ...
ايلا- اسد عيان شوية ماغاديش ينزل
ابراهيم- هاهاها راه حشمان روميو مابغاش يجي عندنا ويخلي جوليت بوحدها...هاهاها
ايلا-(جمعات معاه بضربة للراس خلاتو مسمر) باينا فيك مازال ماتوكدتي عطيوه لقهوة محمد شوف فيها
محمد- هاه شنو بغيتي...
ايلا - كايبانلي تحسنتي...
ياسر- على الاقل شرحولي شنو واقع...
ايلا- يالاه نتفرجو فشي فيلم فغرفة الجلوس ...ومن بعد نوريكم صور عرسنا انا وعمر ...ومن بعد نطيبو لعشاء على شوء الشمع بعدها نشطحو لاكن ماشي قبل ماتفيق نورسين والى ماناضش اسد حتى هوا غادي نركل مؤخرته ...(انا عاوزة جملة مفيدة)
ابراهيم- اه اه مشاو ضياف خلينا نستمتعو بوقتنا
ياسر- الامر غادي يكون ممتع حسن مانرجع للدار نتفرج فماتش قديم
سماح- سمحولي انا غادي نمشي ...كايبانلي نورسين مازال ماغاتفيقش...لمار غادي تمشي نوصلك معايا
بغات تنطق لمار لاكن محمد سبقها وهوا كايكلسها
محمد- لا هي غادي تبقا معانا مايمكنش تخلي نورسين وتمشي ياك المار
لمار-(شافت فيه بتوتر) هاه...اه اواخا ..عندك الحق
سماح- اوكي بسلاما عليكم ... ايلا تهلايلي فختي صغيرة ماعنديش ماغلا منها ...
ايلا- (بابتسامة مصطنعة) اه ماتخافيش هاديك راها ختي حتى انا ...(غير شافتها خرجات وهي تجمع الضحكة) يخ ياربي تسمحلي مكانرتاحش ليها ...
عمر- عندك الحق احياتي حتى انا مارتاحيتش ليها ...
تقلبات نورسين بانزعاج باغيا تحرك رجليها ..وفتحت عينيها بتكاسل وادا بها كاتحس بتقل على رجليها ...ناضت ولقاتو اسد ناعس بطفولية والتعب بادي على ملامحو بسبب انعكاس ضوء القمر على وجهو ليكتمل جمال القمر النائم😉.
دفعاتو ببطئ بعيد على رجليها حتى عطاها بالضهر بانزعاج
تحررت اخيرا وخرجات من سرير مستغربة من وجودها ومن وجود اسد ايضا .....وهي كاتمشى فالضلام دازت فقطعة من ديكور حتى طاحت للارض و تهرسات عن طريق الخطئ
وضعات يديها على فمها تناغما مع ردة فعل اسد لي ناض مخلوع
اسد-اشنو ...اشنو وقاع...
ندمت اشد الندم فاش شافت الخلعة على وجهو
نورسين-سمحلي..فيقتك
رمى راسو على سرير وتنهد بضيب
اسد- يوم سئ... لانكي في
قالت بغيض طفولي وهي كاتمرر اصابعها على شعرها
نورسين- غادي تبدا تنعتني بالالقاب السخيفة ...اااه انا ماشفتكش من لبارح ...هكا كاترحب بشوفتي
اسد-خرجي نتي دابا كاع مامحششا....لا...انا لي غادي نخرج
ناض وهوا كايمرر يدو على شعرو بضجر ...وقالت بحدر
نورسين- اسد الضوء مطفي...
ماجات تكملها حتى ضرب صبع رجليه بحافة سرير ااااه شحال قاصة ..تألم شي لي خلاها تتوجه عندو وتقول بقلق
نورسين- واش نتا بيخير..
اسد-(لتافت عندها بانزعاج) واش مازالة محششة
نورسين-(رفعات حواجبها بغباء) كيفااااش واش كاضحك عليا...
اسد-(برك على سنانو بغضب) اذن ماعاقلة على والو ...والو حتى حاجة..
قالت بسخرية وهي كضرب كتفو بيديها ..
نورسين- ماتعصبش اصاحبي ...تكول خليتك تحماق ...
اسد-(جاوب بغيظ) وهادشي لي درتي بالضبط وليت كانتصرف بحالك تماما...
صفقات بيديها بحماس وسط استغرابو
نورسين- تاترتي بيا غير بلاتي نشد براهيم ومحمد غادي نقطعهم ...هههه واخيرا وقاع
اسد-(كلس بملل امامها ) شنو لي وقاع
نورسين-(صفعت وجهو بشعرها بحماس باش تعصبو) خليتك تنصاب بالجنون ...
تسللت رائحة عطر شعرها وتغلغلة فانفو وقال بصوت هادء النبرة
اسد-نتي كاتسلبي العقول المجنونة
نورسين-(بتاسمة بسخرية) بجمالي...
اسد-(عقد حواجبو باستهزاء) لا بجنونك ...ماتسلبيش مني كلام معسول ...لانني ماغاديش ننطق بيه...
نورسين-(غمزاتو بتلاعب) وااو واشنو نقولو على جمالي الملائكي...
توسعت عينيه بدهشة وسفار فوجهو وقال
اسد- اشنووو.... كونتي موكدا...
ستغربات من ردت فعلو الغريبة
نورسين- هاه....انا غير فكرت وصافي ...واش تفكيري صائب ...لان لونك صفار الجبان
اسد-(قال بتملل وعقد يديه) بغيت نورسين لمحششة..
نورسين-(خرجات لسانها بتلاعب) مشااات ...
سكت شوية ...وخطرات فبالو فكرة وقال بنبرة ساخرة...
اسد-كانت قريبا تاكل شعري ...وقالت انه لديد
نورسين-(فتحت عينيها بدهشة) اشنووو
كتم ضحكتو وقال وهوا كايعدل كلستو وكايراقب تسمرها ...
اسد- وبغات تهرب بيا وتركبني على جمل وتهرب بيا لمصر لعند الفراعنة
نورسين- اش...نو...شنو قولت عاود
سكت وهوا كايشوف فعينيها مباشرة وناض متاجه لعندها وسمح لاصابعو تتسلل بين خصلات شعرها لمضلم بينما هي كاتسنى ينطق بالكلمات .قال قبل مايطبع (قبلة) على خصلة من شعرها ...
وقلتيلي عاود...
شافت فيه بارتياح بينما هوا كايلعب بخصلات شعرها
اسد- انكي وقعتي فحبي.....