فصل 42
كان اسد كايشوف فالساعة كل دقيقة حتى مل وحاول يخرج ...من المكتب لاكن نتاليا فاجئاتو وفتحات الباب ..قالت بصوت مرتعش وكاتحاول ماتبكيش..
نتاليا-واش كانشكل خطر عليك وعلى خويا..
تحولات نبرته اكتر صلابة وهيبة بعد عليها وتكا على المكتب
اسد-انا ماغاديش نخلي خوك يربحني ...غادي نهزمو شر هزيمة وغادي نشوفو لجانب من غادي تنحازي..
نتاليا-اسد ..عصام كايكرهني ..وكايلومني على موت ماما ..ولهدا كانضن انه باغي يضمرني حتى انا وماغاديش يتردد فهادشي..
تنهد بملل
اسد-ومن بعد فين باغيا توصلي..
قربت منو كتر حتى ولات قادرا تسمع تنفسه وكان مرتابك بسبب قربها منو
نتاليا-خليني ننضم ليك..
بما ان اسد رجل والرجال كايقدرو يضبطو مشاعرهم قال ببرود تام..
اسد-هه ضد خوك... اي نوع من البشر نتي..ماعندكش تقديس للاخوة ابدا
نتاليا-لسوء الحض انا ماشي بحالك ...نتا ضحيتي بسعادتك من اجل خوك ولاكن انا وعصام مختالفين عليكم..ماما كانت مختلة عقليا ..واحد نهار كانت كاتحاول تخنقو فاش كان ناعس ..ماقدرتش نتمالك نفسي وضربت مأخرة راسها بمزهرية خوفا عليه...ولاكن هوا ولا كايكرهني حيت كنت سبب موتها
اسد- دابا نتي كاتقولي انكي ضربتي راس موك دفاعا عن خوك وكاتقولي مختالفين ...نتي مهما قلتي انكي كاتبغيني بجنون ..لاكن عصام خوكي كاتشاركو نفس الدم ...انا رجل كانخدم المنطق وماكانتيق فحتى شي واحد واخا تكوني نتي ..
تعصبات لان اسد فطن ودكي وعندو خبرة هي دائما كاتتمنى كون كان غبي باش تقنعو يخرجو من لبلاد ويتزوجو ..
نتاليا-واش خايفني نغضرك مع عصام..واش كاضحك..مايمكنش
ضم قبضم يديه داخل جيبو
اسد-وعلاش مايمكنش ماشي غير نتي الوحيدة لي عندك ماضي كايبرر كره خوكي ليك
نتاليا-مافهمتش شنو كاتقصد...
اسد-حتى نورسين فاش غادي تعرف سبب خسارة ختها للشركة غادي تكرهني وتكره ختها للابد
نتاليا-نتا ماشي مجبر تقولهالها..
اسد-ونزيدك عرفت شكون هوا السفاح وفين ساكن وفاي منطقة لهدا فاش غادي نسالي من مشكلة عصام غادي غادي نقضي عليه بعدما ناخد اسم لي سيفطو باش يسلب سعادتي وبهدا غادي نقضي عليهم بجوج ونكمل حياتي ..
نتاليا-(بقلق) نتا ماغاديش تقتل عصام ياك
اسدانا ماكانقتلش الابرياء هادي قاعدتي ...فقط غادي نعلمو درس
نتاليا-وهداك السفاح..اشنو غادي دير الى هربليك من بين يديك
اسد-غادي نقتلو بنفس الطريقة لي قتل بيها واليديا انتاليا ..غادي نضوقو طعم الموت المر...
غير تفكر شي حاجة مهمة وناض وهز معطفه باش يخرج وبالو مشغول لاكنو تفاجئ بنتاليا تمسكت بكتفو من لور..ضار عندها بتسائل ولقاها مبتاسمة قربت منو ورفعة اصابع رجليها وهمست فودنو..
نتاليا-لطالما ادهلني جانبك اللطيف ...فاش كاتتوتر بسببي
طلع فيها وهبط بعدها عليه وخرج وقالت هي بحماس..
نتاليا-حبيبي كايحشم..
___________
وصل عصام للموقع لي من المفروض يصفي فيه بعض الاوراق ...لاكنه تفاجئ بان المكان معزول ومهجور راودو شعور ديال شي تحالف ضدو...
درس المكان بحرص
حتى سمع ديك الخطوات لي موراه كانت خطوات واثقة ولتافت موراه بحدر..
وادا به اسد واقف موراه ورديه فجيابو وعلى وجهو ملامح السخرية
تفاجئ من وجودو لاكن قال عصام بنبرة عادية..
عصام-لاي سبب جبتيني لهنا اسيدي...
زفر اسد بسخرية ووقف امامو مباشرة وكايشوف فيه وكايدرس عينيه كايحاول يعرف شنو مخبي مور دوك لعينين لكحلين
وادا به رفع قبضة يديه ووجه لكمة لعصام حتى طاح للارض هز عينيه بصدمة وشاف فيه بينما كايتفحص شفته لي كاتنزف بالدم ...
هبط عندو اسد وشنق عليه وقفو ورجع جمع معاه بضربة اخرى وطيحو عاود عصام ماكانش كايقاوم من شدة الصدمة رجع نزل عندو نوضو وفاش بغا يوجه ليه ضربة افاداها عصام تفاداها بسهولة شاد فيد اسد وعلى وجهو تعبير التفاجئ
ضحك اسد بصوت عالي بينما عصام كان محتار...
اسد-سريع كيف عادتك ...توقعتك تتفاداها بسهولة
عصام-اشنو كاتقصد اسيدي...
شنق عليه اسد من قميصو وقال بغضب هادئ..
اسد-ماتعصبنيش وعتارف ...
لاكن عصام واصل الانكار..
عصام-مافهمتش..
غوت اسد بغضب
اسد-ختك فضحاتك اسي لعميل المتخفي..
عقد عصام حواجبو مستغرب ومصعوق..
عصام-نتاليا فضحاتني؟؟؟
بتاسم اسد ابتسامة جانبية
اسد- هادشي كايضحك ياك..ختك لعزيزة هي لي فرشاتك..
عتاصر عصام يديه بغضب وهاديك اول مرا غادي يشوف اسد غضب عصام بهاد الشكل...
عصام-(بصراخ)هاديك الحقيرة ..غادي نقتلها...اه انا عميل سري اش فجهدك مادير...ولاكن انا ماجيتش باش نتجسس عليك نتا..
تدهش اسد من رد عصام وكايحاول يستاعب كلام عصام
عصام- انا تابع ختي نتاليا...كونت كانراقبها لانني عرفت ختي كاتبغي راجل غني بحالك...فاخفت على سلامتك خوفا عليك منها..انا ماعارفش شنو قالتلك لاكنك تخدعتي بقناعها البرئ ...نتاليا قتلات ماما اسي اسد قتلتها بدم بارد
اسد-هي قالتلي انها قتلتها عن طريق الخطئ دفاعا عليك لانها كانت كاتحاول تخنقك فاش كونتو صغار قالت ان مكوم كانت مختلة عقليا..
ماستحملش عصام اتهامات نتاليا وكدبها وغوت بصوت مبحوح وعينيه تغرغرو بالدموع...
عصام-لا لا لا..ماما كانت كاتفضلني عليها شي لي خلاها تحماق وتحس بالغيرة راها طعناتها عدة مراة فاش كان فعمرها 13 لعام ..نتا راك ماشفتيش وجهها الشرير وكانما ابليس كايتلبسها ..ختي مريضة عقليا اسي اسد ...لهدا بغيت نرجعها للمصح العقلي..المكان لي كاتنتامي ليه ...
اسد-سمعني هاد الهضرة لي قلتي ماكاتهمني فحتى حاجة خليك بعيد عليا وعلى حياتي والى عرفت انك كادير شي حاجة مور ضهري صدقني ماغاديش نرحمك لا نتا ولا ختك ...خليكم بعادين على حياتي
خرج اسد من ديك الدار لمهجورة وكلام عصام كايضورليه فدماغو نوعا ما تاق فيه لاكن عصام ماكدبش بشأن ختو نتاليا هي فعلا قتلات مماه ...
بينما عصام فالحقيقة ماعارفش ان ختو حتى هي من اعضاء المنضمة ولا حتى عابد ولا بويكا عندهم شكوك فقط على اسد ...
مشا اسد بينما هوا بقا فديك الدار ودار مكالمة
عصام-وي شاف عابد
عابد-امدرا كاين شي جديد
عصام-(تردد قبل ماينطق بلي وقاع) بغيت نقوليك اشاف بلي مهمتي فشلات وتكشف امريم
عابد-(تسمع صوت صراخو من تلفون) كيفاااااش مايمكنش كيفاش تكشف امرك
عصام-ماعرفتش اسيدي
عابد-مايمكنش ...لعفو واش لهاد الدرجة مطور مايمكنش لا نتا ولا نورسين قدرتو تشدو عليه شي حاجة...لاش صالحين نتوما لاااش....اغبياء ..حمقى..اجي عندي وعاد غادي نتفاهم معاك ...
عصام-(بتالع ريقو بغيض) واخا اشاف وسمحل...(ماكملهاش وقطع عليه)
______________
في المساء رجع اسد للمنزل بروح مثقلة ومشاعر ملخبطة فتح الباب وعيان باغي غير يوضع راسو على وسادتو
لاكنو تفاجئ بنورسين ناعسا على الكورسي لي مواجه طاولة عامرا بالماكلة لي كان مغطي بعناية باش مايبردش
كانت كاتسناه طول داك الوقت ..وعاد انها طيباتليه لعشاء ..عنق وجهو براحة يديه وزفر بضيق..
كلس على الكورسي لي مقابل مع نورسين ولفارق بيناتهم طبلة صغيرة ديال لعشاء..
رمى دراعو فالهواء وكايشوف بشرود والتعب معنق ملامحو
اسدء-عييييت...
هز عينيه لعند نورسين لي غارقة فالنعاس وهمس بروح متعبة بينما هاز لمعلقة بملل
اسد-إما غادي نقتل هداك السفاح ..وياإما نهرب من جسدي..
نزل لمعلقة فزلافة ديال الحساء ووضعها بين شفايفو المرتجفة ...حتى رتاطمو دموعو لي الطاولة ..تهزو كتافو كايبكي بصمت باش مايفيقهاش
مر صباح جديد والشمس والشمس رسمت خيوطها الدافئة في الارجاء
فاقة نورسين ولقات راسها على السرير
نورسين-فوقتاش نعست على السرير..
علات عينيها ولاحضت ان الطاولة والاكل ختفاو..ضارت لمكان اسد ولقاتو ناعس ...بتاسمت وهي ماتتأملو
نورسين-واش عجباتك لماكلة..
همس بصوت ناعس وهوا كايتجبد وصدرو عريان كاع مامكتارت لمشاعر نورسين والحرج لي داعب خدودها لمتزردين..
اسد-الملح كان قليل..
تخلعات وقفزات من مكانها بحال لقطة وبتالعت ريقها
نورسين-ديما كاتفاجئني ..
قرب من سرير وإتكئ بكوعه على حافة لغطاء وقال وعينيه نصف مغمضين
اسد-وحتى نتي اشنو قضية لعشاء ديال البارح..علاش تعبتي يديكي زوينين لاجل شخص مايستاحقش لطفك هدا؟؟
زفرت بملل وقالت
نورسين-علاش ااسد ...علاش كاتكره راسك لهاد الحد..
اسد-اديتك وماعارفاش حجم ديك الادية لانك غبية
(كايقصد الشركة باباها لي تسبب فافلاسها)
نورسين-اشنو درتي قولي وريح بالي وبالك..
اسد-ماشي الوقت المناسيب حتى تكتاشفي بنفسك..
نورسين-واش غادي تغير شي حاجة الى كتاشفت ...واش هاد الامر خايب بزاف ..واش غادي نكرهك..
اسد-ماعارفش بالضبط ...لاكن كانترجاك ديريها وتكرهيني..
ناض وخلاها تايهة فدوامة من الاسئلة
نورسين- علاش ديما نتا غامض ..علاش مازال مابغيتيش تفهم ليا...
سمعت صوت الدش فالحمام وتاكدة انه كايستاحم استعدادا للخدمة ...بعد دقائق خرج اسد من الحمام ولابس بينوار وشعرو كايقطر وقالت..
نورسين-ماعنديش الحق نقول هاد الهضرة لاكن ماكرهتش نرجع نخدم عندك ..
شاف فيها للحضة وضور وجهو وتوجه ناحية الخزانة كايختار بين ملابسو ...ناضت هي معصبة من تجاهلو لسؤالها لي صارعة نفسها باش نطقة بيه ..
نورسين-ماتصرفش بغموض ااسد ...لانني نسيت هاد الجانب منك
ضار عندها حتى هوا معصب
اسد-ماكانش عليك تنسايه ....نسيتي انني متسلط وتملك نرجيسي ..هدي هي جوانبي السلبية ..ماعمرك تنسايها..
عطاتو نضرة عتاب قاسية
نورسين-اسد ماترفعش امالي...تارة عاشق مغرم...وتارة بارد بحال الجليد..
اسد-اوكي كانعتارف انكي غويتيني ببرائتك لاكن نتي السبب لي كايخليني نحاول نتملكك...
شافت فيه ومامصدقاش..
نورسين-كيفاش غويتك..؟؟ فقتاش؟؟
ضحك بسخرية
اسد-تصرفاتك كاتعجبني ...نتي ادرى بجادبيتك انورسين ماتتغابايش..
نورسين-واو اسد مالك كاتغويه بنت بحالي...
اسد-واش عندك نقص بالثقة فنفسك..
نورسين-لنفترض هدا...كانتوقع يميلولي جميع الرجال انا ادرى بجادبيتي كيف قلتي ..الا نتا ..نتا رفضتي مشاعري وعلاش كاتنجادب ليا مافهمتش..
لبس قناع القساوة لي لطالما ولفاتها نورسين داكساع تاكدات انه ماعمرو يبتدل ولو قد النملة
اسد-صافي باراكا من تخربيق ...انا ماكانبغيكش ....كاين فرق بين الانجداب والاعجاب وانا نجادبت ليك شكليا فقط...
شافة فيه بغيض وكاتخفي الجرح لي سبباتو كلماتو القاسية..
نورسين-هكدا ادن يا سيد النبيل صاحب الشخصية الصلبة ..نتا كاتستاغل مشاعري تجاهك فقط لانك شعرتي بالانجداب ليا شكليا..
تسمر فبلاصتو واحد شوية وستغربة من هدوئه ورفع انضارو تجاهها وقال بحدر..
اسد-ماشي غير هادشي....نتي ...طبق الاصل على لوالدة ديالي الحقيقية..كاينين فروق قليلة لاكن كاتشبهيلها بزاف...
نورسين-ماماك...واش عندك شي صورة ليها ..بغيت نشوف الشبه لي بيناتنا..
غمض عينيه بضيق ..وتوجه لخزانتو وفتحها وجبد صندوق قديم كايحتاوي على صور متنوعة لاسد ومحمد وحتى ايلا والدا به لتاقط صورتها ضار عندها وقال
اسد-نفس الجمال وللون العينين والشعر وبشاشة الوجه ..هادشي كايعصبني..باش تتجسد بنت بشكل ماما كايخليني نتحقن حتى نمرض...
مدت يديها بفضول ووضع الصورة على راحة يدها وكانه خايف ضيع صورة ماماه الوحيدة..
اسد-هاهي...
غير طاحت يديها على الصورة شهقات بتفاجئ وهمست مامصدقاش..
نورسين-اسد..
رفع حواجبو باستغراب..
اسد-مالكي...
تلعتمت ماقادراش تهضر..
نورسين- هادي...
نفد صبرو وشد فكتافها كايهز فيها..
اسد-قوليلي شنو كاين...
لاحض ارتطام دموعها على الصورة ورفق دقنها بقلق وقابل عينيها لغارقة فالدموع وهمست هي بضعف
نورسين-هادي راها ماما ااسد...
حس اسد وكانما اعصار نزل عليه وداه معاه ...ماقادرش ينطق...تسمر فبلاصتو...ماقادرش يتحرك..لاكنو تدارك نفسو وغوت بانفاس متقطعة..
اسد-لا نتي غالطا...مايمكنش ..هادي راها ماما انا كانعرفها ملي كان فعمري 6 سنين وماتت ماكانوش عندي العائلة لهدا خداوني للميتم ..مستحيل تكون ماماك ...هادي ماما انا
غوتت حتى هي ورجليها كايرجفو ودموعها بحال شلال..
نورسين-اسد...هادي راها ماما واش ماكاتفهمش...
بتالع ريقو وضم راسو بين يديه وقال وهوا كايضور فالمكان بضياع..
اسد-نتي غير كاتخربقي ...مستحيل..
توجهت لحقيبتها كاتقلب على صورة ماماها بعترت حوايجها بهستيريا وكاتبكي ...حتى لقاتها هزات يديه ووضعتها على راحت يديه بينما هوا كان ماقادرش يشوفها غمض عينيه وفتحهم وكايتمنا يكون العكس لاكن فاش شافها زاد تصدم صورة لمرأة نصخة طبق الاصل على ماماه ...
نورسين-واش هدا كايعني اننا خوت...ولاكن انا كانبغيك اااه ياربي ...
كان مصدوم فالصورة ماقادرش يهضر لاكن تمالك نفسو وقال بصوت مبحوح...
اسد-شنو سميت ماماك انورسين
نورسين-ماجدولين وماماك..
زفر بضيق وكلس على سرير بتهالك...
اسد-ماعاقلش على سميتها ...كيفاش غادي نعقل عليها كونت صغير وكانعيطلها غير ماما..
ناضت بحماس على الله تكتاشف شي حاجة
نورسين-الحالة المدنية ديالك...اكيد هي معاك...
لاكنو خيب ظنها....
اسد-ضاعتلي بسبب تنقلي من ميتم لاخر...ماعنديش من غير سجل الحلة المدنية لي طلعاتولي الخيرية بكنية جديدة يعني حتى كنيتي الحقيقية ماعارفهاش.
من هاد النقطة تماما ناضت نورسين تبكي...
نورسين-غادي نحماق ااسد غادي نحماق...
توجه عندها وشدلها فمها بارتباك خاف لايسمعهم شي حد..
اسد-ماتخافيش انورسين ..غادي ندقق فالامر ..ماغاديش نسمح نكونو خوت كانواعدك...
شافت فيه بطفولية ونيفها حمار بلبكا بعد يديه على فمها وقال...
اسد-واش كاتيقي فيا
غمضت عينيها بتعب
نورسين-كتنتيق فيك...
مسح دموعها بكم لبينوار لي كان لابس
اسد-تهدني دابا اوقفي هاد شلال...
خرج من خزانتو ملابس عشوائية سروال اسود رياضي ممزوج باللون الياقوتي لمخضر وقميص ابيض بلا كمام ..دخل للحمام لبسهم وخرج لقاها معنقا راسها بضياع وكاتشوف فالصوة وارهقها البكاء
زفر بضيق وماعارفش اشمن نوع من المشاكل هادي لاكن هادي اكبر مشكلة غادي يواجهها ...
شدلها فيديا وعاونها باش تنوض ...شافة في هيا بنضرة فارغة..
نورسين- فين غادي
اسد-نمشيو نسولو سماح ممكن تكون عارفا شي حاجة..
جرت يديها منو منزاعجة..
تورسين-ماكانضنش ان سماح غاتكون عارفا شي حاجة
اسد-هي راها كبر منك ب 17 لعام اكيد غاتكون عندها شي معلومات تفيدنا...
نورسين-لا مابغيتش ...
تنهد وقال
اسد-يالاه نمشيو للميتم ...نحاولو نعرفو الحقيقة لمخفية علينا بجوج ...
حنات راسها
نورسين-صدقني ااسد غادي نكره راسي الى تبين انك خويا..
شدليها فكتافها وقال
اسد-شحال فعمرك...
نورسين- 20 ونتا...
اسد-30 هادشي كايعني...
غوتت فجئة
نورسين-اويلي توام...
ضحك بلهلا يطريهليه وضرب جبهتها بصبعو
اسد- يالخيالك الاحمق انورسين ..تهدني مازال ماكملة كلامي...هادشي كايعني باننا من العائلة..
فتحة فمها
نورسين-مافهمتش..
كان واقف قدامها بحال شي محقق وسيم ..كايحاول يستجمع كاع تعقيدات...
اسد-غادي نبحت فسجلات ماماك..وغادي نشوف الى كانت عندها شي اختها توئم..انا ونتي عندنا نفس لمرا لي فصورة ...لاكن هدا ماكايعنيش اننا تولدنا من نفس لمراه
تعجبت من دكائة
نورسين-نتا دكي ااسد ...لاكن هدا مجرد استنتاج ..ويمكن يتاضح اننا خوت ممكن تكون ماما ولداتك مع شي راجل اخر يعني تكون تزوجات براجل قبل من بابا...
بتاسم من طريقة تفكيرها
اسد-ربما ...ربما اه وربما لا...لاكن كوني ايجابية غادي نسول بنت عمك عطيني رقمها...
تضلمات ملامحها وقالت..
نورسين-ماعنديش علاقتي مع بنت عمي راك عارفها ومأخرا تأزمات بزاف ..
اسد-فهمت ...قوليلي دابا فين غادين نمشيو
خطرت فبالها فكرة
نورسين-عرفتي سي قاسم كان صاحب بابا ويدو ليمنيا واكيد غادي يكون عارف شي حاجة حيت انا مازالة عاقلة مرتو كانت صديقة ماما ...يانسولوه هوا يانسولو مرتو ...
اسد-واخا وفين غادي نلقاوه
نورسين-غادي يخصنا نسافرو هوا دابا فاسبانيا...
اسد-شنو مشا يدير تما..
نورسين-ماعرفتش بالضبط... ماعنديش معاه شي علاقة قوية ...
عطاها بالضهر ودار يديه فجيابو ..
اسد-ماشي مشكل غادي نلحقو...لاكن خصني نعرف فشمن فندق كالس..
نورسين-سمعت سماح واحد نهار كاتهضر معاه وقالت بانه كالس فشي دار ديال شي صاحبو سميتو جعفر كانعرفو هاد الراجل كان صاحب بابا ورباني بحال بنتو تماما...
شدليها فيديها بقرار نهائي..
اسد-ادن غادي يخصك تصافري معايا..
نورسين-كيفاش..
اسد-واش ماباغياش تعرفي الحقيقة لمخفية مرت قاسم كانت صديقة ماماك ..اكيد عندها شي معلومات لي تفيدنا...
نورسين-(جاوبت بقلق) صافي واخا..
اسد- وجدي جواز سفرك وحقيبة صغيرة ...غادي نحجز طيارة هاد الليلة..
جهزو بجوج بيهم الحقائب وماقالو لحتى شي واحد انهم مسافرين سوى ورقة مكتوبة بخط اسد..
☆☆الى اختي ايلا ...لقد اختطفت نورسين كما كنتي تتمنين سنعود بعد بضعة ايام ..اهتمي بمحمد حتى عودتي☆☆
وصلو للمطار وركبو فنفس الطائرة الخصوصية لي مشاو بيها لبريطانيا لاكن هاد المرا الوجهة كانت اسبانيا نورسين كيف العادة تعدبات بزاف الدوخة والم الرئس عدبات اسد لي كان مراقبها وراد ليها البال حتى وصلو وكانت فاستقبالهم سيارة الوكالة لي كان حاجزها وهاد لمرا مشاو لدار صديق اسد لي تاصل بيه وخلاليه المفاتيح ديال دار ..طول طريق ونورسين ناعسا على كتف اسد لي كان محاوط خصرها بيديه وراسها على كتفو ..
وصلو للدار وبعد فترة فاقت ولقات راسها على سرير وشعرات بالام الشديد فراسها شحال كاتكره طيارات هاد البنت..
شعرات بيه فاش تحنا فوقها ولمس راسها وسمعات صوتو فاش قال..
اسد-نتي بيخير اصغيورا ديالي غير رتاحي..
نورسين-فقتاش...فقتاش وصلنا..
قاطعها..
اسد-سكتي بلاما تهضري ورتاحي..
بعد دقائق بدات كاتغوت وتتقلب من جنب لاخر باش تطرد الم الراس لي كان كايقتلها لاكن ماقدراتش وشعرت فغيبوبتتها ان اسد كايهضر مع شي واحد فتلفون بعجلة ومن صوتو كايبان خايف
ومن بعد شعرت بفوطا باردا تحطات على راسها باش يبرد حرارتها لمرتافعة..
بعد نصف ساعة انطرقة الباب وفتح اسد كان شخص جاب معاه المسكن خداه وسد الباب وساعدها على شرب حبات المسكن
فاقة بعد داكشي ولقات ضلام مخيم على المكان ولمحت طيف اسد مستلقي على الكرسي وراسو بين يديه
اسد مسكين..
واش هي مهمة لهاد الدرجة باش يخلي نعاس ويسهر فجنبها ...ناداتو بصوت ناعم ومرهق..
نورسين-اسد
بسرعة قرب لجنبها ..وسولها..
اسد-مسكن ..ماء..شنو بغيتي انورسين
همست وهي شادا فراسها بالم...
نورسين-راسي ااسد... غادي ينفاجر...
اسد-كحزي شوية ...
ستلقى حداها على السرير ...وساعدها باش تنوض وسمح لراسها باش يستسلم على حضنو...
غطاها بالغطاء ودلك راسها باصابعو باش يطرد المها المميت... سرعان مانجح المفعول لمساتو ونعست براحة وراسها على حضنو
بينما كان كايداعب شعرها المتحرر بحال شلال على سرير صونا تلفونو وجاوب بتملل وبصوت خافت باش مايفيقش نورسين ...
اسد- الو ...سلام واش لقيتيلي رقم مرت سي قاسم...
ضهر صوت نسائي وقالت...
المراة-انا هي مرت قاسم ...بغيتي تهضر معايا على قبل صورة ياك..
وضع اسد يديه على جبين نورسين وقال باهتمام واضح..
اسد-اوه..كانترجاك تقوليلي شنو كاتعرفي على المرحومة ماجدولين..
المراة-هاديك الصورة لي سيفطتيلي ماشي ديال صديقتي ماجدولين الله يرحمها...
تصدم اسد من كلامها...
اسد-بصح ..ادن علاش نورسين كاتقول انها ماماها..
المراة-لان نورسين ماعارفاش بان ماماها عندها اخت توئم ...طلاقيتها عدة مرات فاش كونت صديقة ماجدولين الله يرحما ولاكن ماتت شي لي خلا ماجدولين مسكينا تتأتر بموتها ولات بحال الروح بلا توئمها...هاديك راها ختها اسي اسد مالك
بتالع اسد ريقو بتوتر وناض ببطئ وخلا نورسين على سرير بوحدها وخرج للشرفة...وقال بصوت شغوف..
اسد-وشنو....شنو سميتها..
المراة- كانت سميتها (كليلة) كانت مراه زوينة وناجحة ...كانو عندها جوج وليدات بحال الملائكة سمح فيها راجلها لاكنها مانكاسراتش ..كانت اسعد امرأة لان ولادها غناوها على اي راجل.. صغير كان سميتو اسد... ولكبير واياد .. ولاكنها مسكينة ماتت بسبب بمرض فرئتها ...ولهدا تنقلو ولادها لمياتم مختلفة ... صديقتي ماجدولين لي كانت اختها قلبات على ولاد خوتها لاكنها مالقاتهومش حتى يأسات مسكينة ماتت ولغصة ديال ولاد خوتها فقلبها الله يرحمهم بجوج...
ضم اسد وجهو بصدمة وقوتو تزعزعات وهمس بينو وبين نفسو..
اسد-ادن نورسين بنت خالتي...وعندي خويا ماعمري شفتو ولا عرفتو...