فصل 43 "انا كانكرهك انورسين"

فصل 43


بدات الرياح العاصفية كاتهب بقوة والاشجار العارية كانت كاتتمايل بشدة واغصانها السوداء ممتدة بحزن وكانت اصداء الرياح تهوي داخل جدران المنزل لي مستاقرين فيه نورسين واسد بعدما خبرها انهم كايحملو نفس الدم وبصلة قرابتهم لي ماكانوش عارفينها طول هاد السنين وكانو بجوج بيهم كايضنو انهم مجرد غريبين طلاقاو بالصدفة

اسد خبر نورسين ان شي صاحبو عرض عليه 
لحفل عيد ميلاد بنتو المراهقة ولي ترجات باباها باش يحضر وحش الشركات اسد مالك لعيد ميلادها فهادي هي اعضم هدية ممكن يطلبها الشخص ..رجل بوسامة اسد ورجولته القاتلة كاتخلي النساء يتدافعو عليه ويطلبو ولو ابتسامة باردة من قلبو

رجع اسد للشقة وهاز معاه فستان تركوازي اللون ضيق وقصير ومنفوش من الاسفل فيه كريسطالات على صدرو ومن جانب الخصر

كان دايرو على كتفو وحطو على سرير بجنب نورسين لي ولات هاد الايام مهدنا وماكاتهضرش بزاف ...
حتى انها كاتتجنب تشوف فاسد ..كان الخبر ساعق بالنسبة ليها ...ماتوقعاتش ان ماماها عندها اخت توئم ...ماتوقعاتش ان ماماها لحنينة غادي تخبي عليها سر بحال هدا...
باغيا تعاتبها لاكن كيفاش غادي تعاتب شخص ميت ومابقاش موجود فهاد الحياة ..
كاتتسائل وتتسائل لاكن ماكاتلقى حتى شي اجابة 
ماقدراش تشوف فوجه ولد خالتها لي حباتو وكتاشفات من بعد انه قريبها هادشي بالنسبة ليها مخجل ومثير للسخرية ..
اسد ماكانش عندو مانع تبقا ساكتا وتتجنب الهضرة معاه لاكنها مازالة كاتحس بلالم والعياء ...وهادشي لي كايعصبو حيت كاترفض تعتارفلو انها مريضة

رغم ان اسد مصدوم من صلة القرابة لي بين نتاليا وعصام لاكن ماقادرش يقرر فمن يتيق واش فلبنت لي كاتبغيه ولي خفات عليه سر وجود خوها وكاتقولو انها وحيدة ..او بسكرتيرو الوفي لي تاضح انه عميل...
لاكنو عيا من صمت نورسين 
كلس على حافة سرير كايشوف فنورسين وملامحو متصلبة ومافيها حتى شي تعبير..
شاف فالفستان الجديد لموضوع قرب نورسين لي ماداتهاش فيه ولا فكرات حتى تشوف فيه..

اسد-عارف انكي عيانا وماقادراش حتى تندامجي مع اجواء الحفل ولاكن انورسين 
..انا ضيف مهم فهاد الحفل خصني نحضر باش نطيب خاطر صاحبي الامريكي لي كايعيش هنا ولي ساق لخبار انني هنا ..لاكني مانقدرش نخليك بوحدك هنا وبين هاد لحيوط..

رفعت انضارها لعندو وقالت..

نورسين-كانفضل نبقا هنا بين 4ديال لحيوط على انني نختالط مع غرباء ماكانعرفهمش وماباغياش حتى نعرفهم ولا نبتاسم ليهم بتصنع فكيفما عارف نتا انا كانكره التصنع ونتصرف وكانني مقيدة ..لهدا ماغاديش نمشي معاك ستمتع بوحدك...

رفع حواجبو بحيرة..
اسد-وشنو بغيتيني ندير ادن 
..نتي كاتخافي من الضلام واضواء هاد الدار خافته والجو برا عاصفي لهدا احتمال يتقطع الضوء حتى فهاد المكان الفاخر ..اسبانيا ماشي هي المغرب عواصفها مخيفة وامطارها كتيرة ...عاودي فكري انورسين...

قالت بتلعتم غير تفكرات راسها فوسط الضلام الدامس..
نورسين-غا...غادي نمشي معاك ..ماعنديش خيار اخر ..غادي نتحمل ابتساماتهم المصطنعة واجوائهم المملة
اسد-مزيان نوضي لبسي هاد الكسوة لي جبتليك غادي نعطيك مساحة باش تلبسي فراحتك...
شافت وفالفستان بتشمئزاز
نورسبن-واش كاضحك معايا...هاديك كسوة معرية ماغاديش نلبسها..
اسد-لبستي كسوة افضح من هادي واش نسيتي..

نورسين-كونت مضطرة ومابغيتش نخصر خاطر لختك حيت طلبات مني نلبسو وزيد عليها تهرق عليه لحليب وحيدتو مابقيتش بيه بزاف..

سمعت ضحكة مكبوتة وقال
اسد-الة المشاكل نتي ..اصغيورة ديالي ..

خرج وسد الباب موراه وكايحس بالنصر بينما هي الالعاب النارية كاتفرقع فوق راسها وشدات فراسها من شدة الالم وقالت بعتاب

نورسين- لمغانا معاه كاديرلي حريق الراس

حاولت بكل قوتها باش ماتلمسش الفستان لاكن فضولها خانها وهزاتو كاتشوف فيه...عجبها بزاف رغم انه كايبين جزء من افخاضها حيت هي ماكاتبغيش تلبس ملابس قصيرة لانها وببساطة عندها قانون سميتو "ماتلبسيش شي حاجة ماكاتريحكش"..
لاكنها كسرة هاد القانون بسيف عليها لبسات الفستان ورفعات شعرها للفوق وكاتشوف فراسها برضى من لمراية لي كاتبين كامل جسدها..
كعبها التركوازي لي كان مناسب مع الفستان زادها اعجاب ورضى بنفسها..
وضعات اخر اللمسات وصبغات شفايفها باللون الوردي ..وتفاجئة بدخول اسد موراها وستلقة على السرير كايشوف فيها ومركز عليها شي لي زاد توترها

علاش كايشوف فيها هاد الراجل..؟؟واش ناوي يقتلها..؟واشنو سر هاد النضرات لي ماكاتبشرش بالخير..؟؟
قال بسخرية وهوا كايشوف فنورسين لي تسمرات فمكانها امام لمراية لكبيرة لي عكسة صورتها

اسد-واش الاميرة مستاعدا للحضور للحفل الملكي..

حنات راسها بخجل...ومانطقت بحتى كلمة ...قفز اسد من على السرير وقرب منها بخطواتو بينما تكتافو كايتمايلو برجولة..وقال وهوا كايلمس شعرها الحريري بعدما ضورها لعندو ..

اسد-كاتباني بحال شي بريهيشا يشعرك لمرفوع ..

وبدا كايفك ليها شعرها لي نسادل على كتفها ..كانت مشاعر نارية فقلبها قراب يخرج من مكانو فاش بدا كايداعب شعرها ومن بعد عنقها ومن بعد ضغط على ضهرها وقربها منو...ماتجرئاتش ترفع راسها تشوف فوجهو البرئ 
لاكنها تفاجئة فاش حسات بيديه كاطلعو سحابة الفستان للاعلى وستر ضهرها ...ومد يديه الدافئة وغرز اصابعو وسط خصلات شعرها الفحمي 
قرب وجهها من وجهو وسط ارتباكها كاتتمعن فعيونو العسلية ..
لامسو شفايفو الدافئة خدودها الباردين وباسها بهدوء وبلطف وبكل نبل امام دهشتها وهي مسمرا ماقادراش تتحرك بعد عيها فجئة وقال وهوا عاقد حواجبو 
اسد-بقاي بعيدا عليا قبل مايطغا سحر برائتك عليا انورسين..قبل ماندير شي كارثة
بغات تجاوبو لاكن ركبتها خانتها وتمسكات بقميصو بضعف وحواجبها معقودين...

اسد-واش نتي بيخير واش شربتي سوبرادين ولا لا..

نورسبن-واش ماقلتليكش شحال كانكره الطيارات ..

وضحكات بينما ابتسامة واسعة وجدابة ضهرة على وجهو الوسيم..وهوا كايعاونها باش تكلس على السرير..
اسد-فالحقيقة قلتيهالي شحال من مرة..

نزل عند رجليها وحيد ليها حدائها واحد مور التاني ورفعها ووضعها على سرير..

بينما نورسين كانت مغمضا عينيها بتعب غطاها مزيان وكلس على حافة السرير وقال

اسد-ماشي مشكل رتاحي شوية ..ماغاديش ينتاهي العالم الى تعطلنا شي شوية ..

ضهرت ابتسامة بريئة شاحبة على وجهها وعينيها مغمضين لاكنها تلاشات غير داها نعاس..

ناض اسد وتوجه نحو خزانتو كايختار شنو يلبس للحفل...لبس قميص ابيض ومعطف اسود وسروال اسود وحداء اسود 
وضع عطر رجالي وكانت هاديك اخر لمساتو ضار عند نورسين ولقاها غارقا فالنعاس..
شاف فالساعة لي فالحائط تبا..هادي تسعود دليل وماقادرش يفيقها..تردد باش يفاقها لاكنو وقف غير سمع انينها وانزعاجها...يمكن رجعلها الم الرئس من جديد فيقها وهوا كايهز اكتافها فتحت عينيها بتثاقل كاتحاول تشوف فاسد لاكن الرئية كانت مشوشة

رفعت سدها لعندو ومازالة مستلقية كاتسناه يعاونها باش تنوض لاكنو رجع دراعها وغطاها وقال..

اسد- نتي ماغاديش تمشي انورسين...انا خايف عليك ليغمى عليكي تماك ماغاديش تقدري تستحملي...

فاش تاكدت ان اسد ماغاديش يخليها تنوض تمالكت نفسها وناضت بوحدها بصعوبة

نورسين-غادي يبقا بالك معايا ونتا تما ماغاديش تستمتع بوقتك الناس غادي يكونو فرحانين بينما نتا لا ...بالاضافة انني كانخاف من السواعق والضلام لهدا غادي نمشي معاك....

تنهد باستسلام وهز حدائها من الارض وكايلبسولها وسد نضراتها المدهوشة

كانت بحال سندريلا كاتشوف فتشارلز كايلبسليها الحداء...
ولاكن انا جاني بحال روميو واحد شوية ابتسامتو جدابة ومثيرة لي خلات قلبها يهرب من بين ضلوعها

كلماتو رومانسية لاكن فيها شوية ديال السخرية

وكايبان بحال السيد دارسي فرواية (الكبرياء وهوى) من ناحية شخصيتو الصلبة والقوية وكربيائو العضيم

بهدوئو وبرودو وحنكته وايضا وقاحتو وقسوتو..

كايبان بحال رانجا الوفي ولي كايخاف على حبيبتو هير على الدوام..

كايبان بحال زين لي كايحب حب طفولتو لورين فرواية(العشق شبيهك)

كايبان بحال جايك فاحدى الروايات حيت كان ديما عصبي وقيادي وايضا عاطفي..

كايبان متملك بحال ديميتريوس اليوناني فاخر رواية قراتها نورسين وحتى هوا كان متملك ومتسلط

لاكن هوا افضل منهم كولهوم بالنسبة لنورسين..

فنضرها ماكرهاتش تعطيه جائزة افضل رجل رومانسي شافتو فحياتها..
رغم انه قليل فاش كايكون هاكا..
فنضرها واخا ماكايبغيهاش وماكايحملش ليها مشاعر من دون التملك 
الا انه كايبقا اول حب فحياتها لي حباتو وغادي تبقا تبغيه للمدى البعيد..

لاحض شرودها فيه وخرجها من افكارها فاش عنق وجهها الشاحب بيديه وقال بنبرة قلق واضحة

اسد-واش نتي بيخير اصغيورا ديالي..

توردو خدودها فاش تفكرات انها كانت كاتفكر فيه وغمضات عينيعا بيديها بخجل..

ستغرب منها لاكن قلقو زاد يحسابو عيانا وبعد يديها على عينيها بتسائل..
اسد-جاوبيني واش نتي بيخير

غير شاف وجهها حمر توسعو عينيه ولمس جبينها بيديه 
اسد-الله ياربي طالعتليك سخانة..
رمات راسها على سرير وعطات وجهها بيديها..وقالت

اسد-واش ناوي تقتلني ياشبلي...
بقا شارد كايشوف فيها مستغرب
اسد-انا ماغاديش نخليك تحضري للحفل...غادي تبقاي هنا على مانرجع..
ناضت من مكانها...
نورسين-اداك لمسطي انا بيخير...
شاف فيها بعتاب..
اسد-وجهك حمر بقوة سخانة..

ماعارفش ان وجهها حمار بسبب الخجل وقالت بتلعتم..
نورسبن-راه غير....انني....اام

اسد-كايبانلي انكي مخبعا عليا شي حاجة...نأجلو هادشي من بعد يالاه نمشيو للحفل اجوليت..

مد يديه ليها بنبل وبابتسامة مثيرة وصلت لعينيه لي لمعت وهوا كايراقب خجلها الانثوي..
رفعت يديها وبسطاتها على راحة يديه لي ضمها هوا بقوة ..
شعرنت بينما كانت واقفا بجنبو بيديه لي عنقت خصرها وصولا للاسفل 
لقاو سيارة سوداء طويلة (ليموزين) كاتتسناهوم بينما السائق كايبتاسم بلباقة امامهم 
نورسين وسط دهولها حلت فمها 
ضار اسد لعندها وتفاجئ من ردة فعلها العجيبة
بتاسم بسخرية وباصابعو سدليها فمها وقال..

اسد-مازال بكري باش تنباهري اصغيورة ديالي...

دارت عندو بحرج وقالت..
نورسين-ماتبقاش تقولي صغيورة ديالي انا ماشي صغيرة..
اسد-اكيد ماشي صغيورة... مايمكنش صغيرة غادي يكون عندها جسم مشدود ومثير بحال جسمك اصغيورة ديالي..

شعرت بالغيض وبعداتو عليها..

نورسين-ماعمرك تبدل مازال اكبر منحرف ...يامنحرف مالك..

قابلها بابسامة جانبية ساحرة وقال..

اسد-شكرا على المديح ياااا مثيرة مالكي..

سبقاتو للسيارة والسائق بغا يحلها الباب لاكن اسد سبقو وفتح ليها الباب وكايشوف فيها بابتسامة بينما هي قابلاتو بغيظ ودخلات للسيارة دخل وسد الباب من وراه ...وفاش تحركات سيارة وبعدات شاف اسد فالمسافة لي بينهم وقال..

اسد-واش انا حيوان جامح باش تبعدي عليا بهاد الطريقة 
شافت فيه ببرود
نورسين-الله اعلم شنو تقدر دير الى كسرت المسافة لي بيناتنا يامنحرف مالك..

طلق ضحكة وقال..
اسد-ماتتوقعيش بزاف باش مايصيبكش الاحباط 
برزت شفايفها 
نورسين-ماكانتوقع غير الاسوء ياسئ منحرف مالك..

وقال متضاهر بالغضب..
اسد-نتي كاضلميني هاكدا..
نورسين-يامسكين..
اسد-اشمن مسكين الغزالة..شحال من واحد غادي يحسدني لكونك رفيقتي هاد الليلة..
شافت فيه وضحكات بمكر ن

ورسين- غادي يشفقو عليك حيت غادي ناكل لحشيشة ونشرب لويسكي...

راقب وجهها الجاد وقال بحدر وهوا كايتفكر اخر مرا كلات لحشيشة 
اسد-عنداك انورسين..
قالت بتحدي
نورسين- ماغاديش تقدر تمنعني..
قال بغضب
ن
اسد-من الاحسن تنساي هادشي لي قلتي لانكي كارثة بام عينها...

لاكنها ستامرات فالتحدي لاكن بحماس اكبر..

نورسين-ولهاد السبب غادي نشرب الويسكي ..باش مايحسدوكش
قال بجدية.. 
اسد-غادي نراقبك طول الوقت ماغاديش نخليك...غادي تحرجي نفسك..
نورسين-اووو واش كايحسابلك راسك حاضن اطفال ديها فشؤنك.
اسد-فالحقيقة من نهار لي طلاقيتك وليت كانحس براسي حاضن اطفال وشؤنك ولات هي شؤني لانكي جايا معايا للحفل اوكي..
__________

وصلت سيارة امام قصر كبير ومضئ نباهرت نورسين وهي واقفا قرب اسد لي كان مراقب ردة فعلها المضحكة 
اسد-غادي نتشغل شوية عن مع ضيوف لهدا غادي نخليك وحيدة الى تبسل عليك شي حد اولا حسيتي بشي الم ماتردديش واجي عندي

نورسبن-وعندمن غادي نمشي فنضرك عند النادل ولا عند الساقي...ولا...
قربت منو وهمست بمكر
نورسين-اولا لعند لويسكي...
شاف فيها بشك
اسد-ادن غادي نكون مجبر نجرك معايا طول هاد لليلة...

نورسين-ايوا صافي هادشي لي بقالي نكلس نسمع لهضرتهم المملة ... باش تبزز عليا نستامع لهضرتهم بحالي كاتعدبني..كاااع هضرة الاغنياء دائما كاتعاود اخبار الطقس. الاسهم.المبيعات.شكون خسر الاسهم وشكون ربح فالكورة بلا بلا بلا بلا...تخربيق تخربيق تخربيق طالعلي فراسي...
وضع صبعو على شفايفها باش يسكتها...
اسد -نتي ماشي مجبرة تسمعي تخربيقهمم...المهم تخلي الشغب ديال ديما تفاهمنا..

هزات راسها بالموافقة وبابتسامة شيطانية 
جرها معاه لعند مجموعة من الناس كلسة حول البار ..بينما واحد الراجل كبير فالسن قرب من اسد وعنقو بمودة وكايشكرو على الحضور وقال وهوا مستغرب من وجود بنت زوينة كالسا امام اسد لي ماداياهاش فالعالم

الرجل-(كايهضر بالانجليزية) لم تعرفني على انستك يا اسد..
ضار اسد لعند نورسين لي كانت شاردا بملل ضغط على معصمها بلطف وجرها عندو ويديه معنقا يديها

بينما هي متفاجئة من وجود رجل اصلع كاتتأمل راسو لي كايلمع بسبب انعكاس الاضواء عليه شي لي خلاه ناصع...كتمت ضحكتها وقال الرجل وهوا كايمد يديه لنورسين باش يسلم عليها...

الرجل- انا كارلوس يا انستي..

قالت بسخرية وهي كاتسرق النضر لملامح اسد الجادة وكانه كايحدرها باش ماتصرفش بجنون بينما هي ناويا تحمقو هاد الليلة ..

نورسين-(كاتهضر بالانجليزية)رأسك يلمع بشدة اي نوع شامبو تستعمل...

بعد يديه وكايمسح على صلعة ديالو بخجل من سخريتها وسط كبحها لضحكتها...
شاف فيها اسد بنضرات بحالي كان نواي يدير شي حاجة لي يندم عليها
بينما هي شافة فيه وبتاسمة متجاهلة تهديداتو الصامتة..
قاطع كارلوس شجارهم الصامت وقال 
كارلوس -دعني اعرفك على ضيف مهم يريد التعرف عليك..
رشدو امام شاب كايبان وسيم وشعرو بندقي اللون وعينيه خضرين صاحب مستوى مخملي كايبتاسم فطرف القاعة وفجنبو بنت زوينة صاحبة الشعر الاحمر ونضرات مغرية..
كارلوس-هاهوا السيد إيوز تعال لاعرفك عليه..

سلم عليه اسد ومد يديه باحترام وقال إيوز
إيوز-مرحبا سيد مالك لطالما رغبت بمقابلتك..

قالت نورسين لي كانت واقفا خلف اسد بتملل
نورسين-اسمك يدكرني بالاوزة...

لحضة صمت سادت على وجوههم كايشوفو فنورسين بدهشة رفعات عينيها مستغربة وشهقة ويديها على فمها وقالت ..
نورسين-هل قلت هاذا بصوت مرتفع..

سرعان ماشافة فاسد لي دار يديه على وجهو كايحس بالحرج المميت..
وادا بإيوز ضحك حتى دمعت عينيه وسط استغراب الجميع بالخصوص نورسين..
مسح دموعو وقال وهوا كايحاول مايضحكش وسط نضرات اسد ...
إيوز-يالك من فتات مثيرة للاهتمام..ماهوا اسمك؟
بتالعت ريقها مامصدقاش..
نورسين-نورسين...نورسين المالكي..
تنهد اسد وقال
اسد-اه هادي من عائلتي..
تحنى الرجل بادب وقال
إيوز-تشرفة بمعرفتك انستي الجميلة ..
بتاسمة ليه بسخرية ..
نورسين -انا انسة السيد مالك للاسف الشديد..لاكن سيكون رائعا لو اتيت برفقتك

ضحك بشدة وسط تمعن مولات شعر لحمر بيها ومدات كاس ديال شراب لاسد وهي واقفا قدامو..

المرآه-ما رئيك في الحفل اراهن انك لم ترى مثلهه في حياتك..
لاكن اسد بتاسم بلطف وقال ببساطة..
اسد-شكرا على عرضك يا انسة لاكنني لا اشرب..

تضاهرت انها ماشعرتش بالاحباط ونقلات نضراتها لنورسين ..ومدات ليها كاس ديال شراب وقالت..

المرآه-تفضلي..

علات ابتسامة بريئة على وجه نورسين حتى هي ماكاتشربش لاكن غير ضد فاسد مدة يديها باغيا تشد الكأس ..لاكن اسد سبقها وخدا الكاس من يد المرآه لمتفاجئة 
وقال ببرود وعينيه لمعاتبة مرتاكزة على نورسين
اسد-هي ايضا لا تشرب شكرا

نتاقلت نورسين بانضارها لباقي الناس الموجودين فالقاعة وشعرة بالغثيان وسولت اسد 
نورسين-اسد انا كانحس بال..

ماكملاتهاش قاطعها كارلوس وقال وهوا كايشير لبنت دازت من حداهوم وكانت موضوع الحديت وسط القاعة..
كارلوس- او ابنتي الجميلة صاحبة الميلاد

عنقت باباها بشدة وقالت مولات شعر لحمر لنورسين لي كانت كاتشوف فديك البنت..

المرآه-هل ترين هذه الفتاة التي ترتدي ثوبا ابيضا انها دينيز ابنة الثري كارلوس التقيت بها مرتين في الفندق انها فاتنة اليس كدالك..

تجمد قلب نورسين بعدما شافة دينيز وشافت كيفاش كاتتمعن فاسد باعجاب لاحضوه جميع الحاضرين..
وعتاصرها الم غير شافة دينيز سرقة قبلة وطبعتها على خد اسد لي ماضهرش ردة فعل مرضية كان متفاجئ وماتوقعش هاد الحركة..

رجعات لرشدها بعدما سمعات إيوز كايهضر مع البنات وكايقول
إيوز-هاده الابنة المدللة للمليونير كارلوس يقولون انها تلوي الرجال كما تلوي اصبعها الصغير صدقاني هدا لا يفاجئني ...

فجئة سمعة ضحكة قوية وموراها صوة كايقول
"انه اجمل حفل ميلاد لي سيد اسد شكرا لحضورك "

وسط تصفيق الحضور وتصوير الصحافة بكامراتهم اللمعة
شافت دينيز بين يدين اسد ومعنقاه بقوة...
ضرها خاطرها المسكينة نورسين وكلست على مقعدها باستياء...

كان كايبان جداب وعلى وجهو امارات القلق ولاكنه ماقدرش يمنع دينيز فاش قربات منو بشدة امام الحضور ودارت ديها على دراعو وداتو معاها بينما باباها خلاها تنفارد باسد بوحدها..بينما إيوز ضهرت على ملامحو امارات الغضب..وفلتت منو جملة

إيوز-الوغد عرفت الان مادا يخطط.لقد اصبحت عقود كارلوس كلها تحت تصرفه وهكدا سيكون اغنى واغنى واغنى .هدا ما ينوي عليه قريبك المغتر بنفسه ان سرق الاضواء مني..

شافت فيه ببرود وجراتو من ربطة عنقو بقسوة امام دهشتو تسببت بانحناء ضهره..
نورسين-انا لم اتي الى هنا لاستمع الى شكواك..لدا توقف عن شتم قريبي امامي ولا تتوقع مجددا صمتا مني..

تلعتم وماقدرش يكمل هضرتو وطلقات منو وكلسات فبلاصتها ماكانتش كاتسمع هضرة ديك المرآه لي فجنبها حيت كانت مشغولة حاضيا دينيز لي لاسقا فاسد لي كان وجهو خالي من اي تعبير وكان واضح انها كاتقلب على شي طبلة خاوية ليهم 
ومنين وصلو لقبالتهم قال اسد بصوت عميق..

اسد-وجهك صفر...واش نتي بيخير..

هزات راسها بمعنى اه لاكنو ماقتانعش ...شاف فالبنت لي حداه وقال

اسد-دينيز هده قريبتي نورسين ...نورسين هده دينيز صاحبة الميلاد

حاولت نورسين تصنع ابتسامة كادبة وقالت
نورسين-مرحبا دينيز ..ميلاد سعيد 
دينيز-شكرا..

ردت دينيز ببرود بينما متمسكا بدراع اسد ومن بعد شافت فإيوز وقالت..
دينيز-اهلا إيوز مازلة مشغولا بصفقة ابي ..عليك ان ترى مكتب إيوز يا اسد انه رجل مدمن على العمل..
ضحك إيوز وقال ...
إيوز-شكرا وايضا ميلاد سعيد يا انسة..

ماجاوباتوش دينيز وقالت بحماس وهيا كاتشوف باباها كايعيط ليها من بعيد...
دينيز-اه انضر يا اسد ابي يريدنا..

جرات دينيز اسد موراها باش يمشي معاها فين واقف باباها لاكنو شاف موراه فين كاينا نورسين وطلاقات عينيه بعينيها ..ومن بعد تكلم مع باباها وخرجو بتلاتا من الصالة لوجهة مجهولة...

إيوز-لقد كان عليا ان ارمي دينز بشباكي قبل ان يقوم قريبكي بهده المهمة ..الان اصبح هوا السيد في كل شئ...
شعرت ننورسين بالغثيان لاكنها سولات بسخرية والغيرة تملكة عقلها وكيانها وهي كاتتفكر قبلة دينيز 
نورسين-ولمادا لم تفعل..
توجهت نحو الحديقة وقالت..
نورسين-اريد الخروج من هدا الجو الخانق هنا..لا لا تأتي معي اريد ان ابقى وحدي لبعض الوقت..

خرجت من ديك الدار لكبيرة وتوجهت للحديقة الواسعة وكلست على واحد الكورسي خشبي وهي كاتفكر فاسد ودينيز لي سيطرت عليه كليا وفجئة سمعت صوت انثاوي موراها كاتقول

المراه-مرحبا..
ضارت موراها وادا بها دينيز واقفا موراها وكاتشوف فيها

دينيز-رايتك تخرجين الى هنا فاردت التحدت معك هل تمانعين؟؟

نورسين-ولمادا امانع ..
دينيز-اريد ان اشكرك لانك وافقتي على القدوم ..فاسد اخبرنا للتو انكي سبب مجيئه..

قالت نورسين فنفسها 
نورسين-كداب علاش كايكدب ..

خرجاتها من تفكيرها فاش قالت دينيز

دينيز-اسد رجل رائع واضن ان اي فتاة لن تتركه وحيدا...اتسائل ادا كان مرتبطا باحد..
اه وهناك شئ اخر انا استطيع مساعدة اسد في عمله بواسطة والدي كما تعرفين وعندما يصبح اسد في عائلتنا فلن نبخل عليه بشئ ..انه يتحدت مع ابي في موضوع الصفقة التي ينوي ابي اعطائها لاسد وهي مرتبطة بفندق ملكي..

سرحة نورسين وكاتحاول تخفي تأثر كيانها من شي لي قالت دينيز وقالت فنفسها
نورسين-واش ناوي يتزوج بيها..

قربات منها دينيز وقالت..
دينيز-شكرا لاستماعك لي واتمنى ان نصبح اصدقاء فيما بعد وشكرا لكي..

حنات دينيز وطبعات قبلة على خد نورسين وقالت
دينيز- اتمنى لك السعادة ..

نورسين-شكرا ارجوكي ان تعدريني ..فانا لست على مايرام واشعر بالتعب الشديد

ناضت نورسين من على الكرسي الخشبي وشعرات بالدوخة كانت غادي طيح لاكن تداركت نفسها وشدات فالكرسي...وقالت دينيز

دينيز-ياالاهي ..لم انتبه الا لنفسي كم انا غبية 
وبسرعة دخلات البنت للقاعة وبعد دقائق خرجات مع اسد والسيد كارلوس وإيوز
قرب منها اسد بطولو وفيديه كاس ديال الماء ودواء وقال وهوا كايقرب الكاس لشفايفها بعدما بتالعت الدواء لي ماعرفتش منين جابو وقال اسد بقلق...

اسد-علاش جيتي ونتي ماشي بيخير..كونت خايف عليك لوقت كامل ..
قالت وهي كاتشوف فوسط عينيه مباشرة باغيا تعرف شنو كايخفي مور دوك الرموش الكثيفة

نورسين- ادن طول هاد الوقت ونتا مراقبني..

نزل الكاس على الكرسي ووقف بجنبها بشموخ وقال وهوا كايحيد معطفه الاسود وعنقها بيه باش يدفي جسدها لي كايرجف...

اسد-وجهك صفر واضح وضوح الشمس ... وباين انكي مريضا بزاف...
ضمت المعطف بيديها..
نورسين-هادشي كايضحك هاديك البنت ماخلاتلكش فرصة ترجع ليا

اسد-واش كاتغيري انورسين..
نكرات بسرعة ودفعاتو من طريقها ودخلت
نورسين-اكيد لا..وعلاش غادي نغير .. نتا اصلا ماشي ديالي..

دخلت وهوا مراقب طيفها حتى ختفات حنا راسو وغمض عينيه بتعب...
اسد-علاش ديما كاتبعدي عليا..ماقلت باش قدرت نهرب من ديك الغبية دينيز فقط باش نطمن عليك وهانتي كاصديتيني بسهولة .. حمقاء

المرأه -لمدا لم تقل لها هدا العتاب الجميل قبل ان ترحل ..
رفع راسو وشاف مولات شعر لحمر كاتشوف فيه اوقفت فجنبو 
تنهد بملل وقال
اسد-هل لي ان اطلب معروفا..
المراه-بالطبع فانا لا ارفض الوسيمين امثالك قل مافي خلدك..
اسد-هل لكي ان تراقبي تصرفات نورسين ..تبدو غريبة بعض الشئ ..وهدا لا يريحني البته..

المراه-ساكون عيناك كما انني استلطفت تلك الفتاة حسنا اراك لاحقا ايها المثير..

دخلت وتوجهت للطاولة لي كالسا فيها نورسين وتوجه اسد للطاولة لي كالسا فيها دينيز وباباها 
طول الوقت كانت نورسين كاتراقب اسد بشوق لي كان وكانه كايهضر فامور الخدمة وكالس امام كارلوس وبنتو..

سئمت من هاد الوضع وناضت خرجات للحديقة بلاماتشوفها مولات شعر لحمر ..
فرشات معطف اسد فوق العشب الكثيف والبارد وستلقات على الارض وسندات راسها بيه بينما شعرها نتاشر على العشب الاخضر كايداعب خصلاتها الفحمية المعطرة ..كانت نضراتها متوجها للسماء لكحلة لمزينة بنجومها اللمعة غمضت عينيها شئ فشئ ونعسات بسبب التعب وبسبب حرارتها لمرتافعا 
كانت يديها على بطنها ويجليها مطلوقين براحة على الارض بينما حدائها مليوح قبالتها ..
الهواء العليل البارد تغلغل فروحها ودخل عليها السكينة ونسى كيانها امر اسد ودينيز 
كانت سخونة بزاف وبسبب برودة الجو تحسنات حالتها ونخافضت حرارتها ومشات نعسات في سبات عميق..
بعدا حسن ماتبقا تشوف فديك السخيفة لي سميتها دينيز غير لاسقا فيه بحال العلقة..

في الداخل اسد كان كايضور بعينيه على نورسين لي ختفات لمدة طويلة ومابقاتش بانت تهول عليها بينما كارلوس شادو بالهضرة ناض فجئة شي لي خلا كارلوس يستغرب ...
عتادر منو وقالو انه غادي يرجع بعد لحضات ومشا عند مولات شعر لحمر سولها على نورسين وعتادرت منو حيت خدلاتو ماشافتهاش فاش خرجات ...
بقا كايقلب بين الحضور مالقاهاش وخرج للحديقة كايقلب عليها مالقاهاش خرج تلفونو من جيبو كايتاصل بنورسين لي كانت كاتما صوت تلفونها ولايحاه على العشب هوا وصاكها الصغير الانثاوي بقا يصوني ويعاود ويعاود لاكن ماجاوباتوش وتعصب حتى لتف على ليمن وشاف ضوء هاتف مضوي فواحد القنت مضلام بحال قلبو وقرب غير بشوية لعند الهاتف وتنهد براحة فاش شافها مستلقية على العشب وناعسا فسبات عميق..هز الهاتف وقرب منها هز كتفها حتى فاقت..

اسد-علاش مخبعا هنايا عيت مانقلب عليك كونت غادي نحماق يحسابلي مشيتي...علاش كاديري هاكا انورسين...

ناضت اوقفت ونفضت شعرها من العشب لي لسق فيه وتجاهلة سؤالو ...غمض عينيه بنفاد صبر وناض حتى هوا وجرها من يديها حتى لسقها معاه..

اسد-جاوبيني انورسين علاش كاديري هاكا واش لهاد الدرجة ماقدرتيش تستحملي هاد الساعات لي بقاو

نورسين-توحشتك... نتا خليتيني بوحدي مع هداك الأوزة مليت..انا ماجيتش لهنا باش نشوف بنت هداك لقرع وهي كاتداعبك وتغزل فيك...مقرف ومثير للاشمئزاز ...وزيد عليها كونت عيانا...

قاطعها بابتسامة واسعة ساخرة لاكن ساحرة
اسد-كاتغيري ياك...عتارفي..

غمضت عينيها بتعب وفتحتهم
نورسين-علاش كادير هاكا ااسد...والى كنت كانغير اشنو لي غادي يتغير مثلا..

تكات براسها على كتفو بتعب بينما هوا همس
اسد-والو..

شعر بوجهها مدفون على صدرو وهمست بصوتها المكبوت والمرهق...

نورسين-بغيت نمشي بحالي ااسد ...توحشت نشوف ايلا ونهضر معاها..ولبراهيم ومحمد وصاحبتي لامار انا كانكره اسبانيا خلينا نرجعو للمغرب

وضع دراع خلف رجليها ودراع مور ضهرها وهزها بحال الريشة وقال بنبرة لطيفة ودافئة

اسد-غادي نرجعو بجوج انشاء الله..

وقفهم إيوز كان كاينهش حيت كان كايجري شاف فاسد بحقد وقال..

إيوز-كيف لك ان تصبح خطيب دينيز بهده السهولة مادا فعلت لتقنع ابيها كي ينشر خبرا كهدا للتو امام الملآ و الصحافة ؟؟اي حيلة استخدمت ايها السافل!!

لحضة صمت....

فكت نورسين راسها بصدمة وطاحت على ركابيها فالارض
كرهت هداك الشعور حيت شدات فاسد باش ماطيحش بسبب الدوخة لي جاتها 
علات راسها كاتشوف فاسد لي كانت ملامحو باردة وهادئة لي نشرت الرعب فقلبها ...

عاودت نفس الهضرة لي قالتها فنفسها فاش نقدها من الغرق هاديك ساع كانت نهال ودابا دينيز حست بيه كايستاغل مشاعرها ...حقا حقا شعور قاتل ومميت ...هي بغاتو من قلبها

علاش كايتصرف معاها هاكا

ماباغيهاش يطلق سراحها ..

علاش كايعطيها امال واهية

وفلخر يقلب عليها ويخطب بنت اخرى

علاش هاد القسوة كاملة

علاش مكتب عليها تبغي راجل ماكايبغيهاش

علاش مانكرش..

خطيب مراة اخرى

علاش كانت مكلخة لهاد الدرجة.. اكيد غادي يجي هاد نهار لي غادي يتسلب اسد منها..

بلاتي بلاتي واحد شوية غادي نعاودها تاني

اسد عمرو ماكان ليها..باش يسلبوه منها..

كاتحس بالنار كاتحرق قلبها...

حست بانها حمقا هبيلة كيفاش قدرات تبغي واحد بحالو سافل..

علاش خاصو يكون اسد بالضبط

علاش مايكونش هداك الاوزة هوا خطيب دينيز

علاش ماشي شخص اخر علاش اسد باضبط علاش علااااش...

شعرت بيديه عتاصرت كتفها النحيل فجأة ..

لاكن بلمسات نبيلة

تجرأة وشافت فيه من جديد...
عينيه وكأن ضوء ملتهب ساكن وسطهم

علاش كايبين ليها هاد لملامح

هدا مالو ..
ماشي من لمفروض يتعصب لهاد الدرجة

وعلاش كايفرغ غضبو على اكتافها النحيلة..

سحقا يا اسد منحرف مالك ...

شافت نورسين فاسد وملات من برودو بعدت يديه على كتفها باغيا تمشي لاكنها تفاجئة من دراعو حاصرت خصرها وجرها عندو وسط دعرها واجهت نضرات إيوز المستغربة وقال اسد بنبرة قاسية

اسد-حنا غادين نمشيو دابا..

ضار وسحب نورسين لي رفضات تمشي معاه ولي نفضات يديها منو وغوتات وبعدات.

نورسين-ماتلمسنييييش...

شاف فيها باستغراب وقال

اسد-كيفاش..

كبحت دموعها وحزنها وقالت بغضب..

نورسين-سير عند خطيبتك ...وماتبقاش تصرف معايا هاكا..

تنهد بملل وقال وهوا كايدير يديه فجيوبو

اسد-واش صدقتي هادشي لي قال هاد لحمق..واش غيرتك عمات بصيرتك انورسين..

وضعت يديها على خصرها كاتفكر عناق دينيز ليه

نورسين-كانت كاتبوسك وتقبلتي كاع مامنعتيها علاش دابا كاتنكر امر خطوبتكم...هاااه...

توجه عندها وشد فكتفها وغوت...

اسد-غادي نقتلك الى ماسكتيش..

إيوز شعر بتوتر الجو لهدا تراجع ورجع للحفل..
دفعات صدرو بسخط وقالت بسخرية وعلى ملامحها تعبير الاشمئزاز..

نورسين-(بصراخ)باغي تقتلني اشنو كاتسنا ماضيعش هاد الفرصة...سي اسد مالك معصب يااك ..نتا زير نساء ااسد هادشي لي نتا عليه ..اولا نهال وبعدها كنتي كاتميل ليا ومن بعد المعالجة الفيزيائة نتاليا ودابا...ودابا هاد البنت المراهقة دينيز..اسد نتا فقتي كاع توقعاتي نتا مقزز..

خيبة امر داعبة عيونو وهوا كايشوف فيها وهمس بغيض واحتقان..
اسد-انا كانكرهك كيف ماقبل انورسين ..كانكرهك لانك الشخص الوحيد لي عارف نقاط ضعفي الوحيدة لي خبرتها باموري الخاصة..لاكنكي مازالة ماكاتيقيش فيا علاش انورسين..

ضربت صدرو بقبضت يديها وغوتت وقلبها كايحرقها حيت نطق بكلمة الكره موجهة ليها..

نورسين-نتا كاتستاغل مشاعر النساء هادشي لي نتا عليه .... ودابا كاتقولي كاتكرهني ...غير كرهني وخليني نكرهك.. حتى انا بغيت نرجع نحقد عليك ونشوف فيك بكره ولوم واسمئزاز بحال لي كنت من قبل ...كرهني حيت الى ماكرهتينيش غادي نكره نفسي.. حيت ماقادراش نكرهك

تمسك بمعصمها بخشونة اللمتها وهي كاتشوف فيه بعينين دامعة..
اسد-اه انورسين متافق معاك هاد المرا انا كانستاغل مشاعر لبنات لمصالحي..

سحبها عندو حتى رتاطم راسها بصدرو وعنقعا وهمس فودنيها بنبرة خلات القشعريرة تسري فجسمها.
اسد-هاحنا يابنت خالتي رجعنا لنقطة الصفر..

حاولت تبعد عليه لاكنو شاد فيديها بقوة بينما هي كاتلوى بسخط وعينيها عامرين دموع

نورسين- انا كانعيف منك...

تصدم ودفعها بعيد عليه شي لي خلاها طيح للارض على مؤخرتها وكاتشوف فعينيه الحاقدة بدهول وصدمة..

اسد-سيري رجعي لهاديك بنت عمك شفارة المجرمة..

ناضت ولحقات على اسد لي كان خارج وقالت بصراخ
نورسين -كيفاش شفارة وضح كلامك ..ماتمشيش هاكا..

ماجاوبهاش وركب فسيارتو الكحلة وخلاها غارقا فتفكيرها وعقلها مشوش بالكامل ...

رجعات للدار بعدما شدات طاكسي فتحات باب الدار بالمفاتيح الاحتياطية لي عطاهم ليها اسد دخلت وسدات الباب موراها بهدوء 
توجهت لعند غرفتو بغات تطمائن عليه لاكن كبرائها وقفليها فالطريق سحبات يديها وبقات واقفا قدام الباب كاتتأملو بفراغ...

بينما هوا كان مازال لابس ملابس السهرة لاكن معطفو كان مرمي فالارض وقميصو مفتوح لاخر زر وصدرو وبطنو عريانين حتى بان وشم القلب لي اسفل بطنو فالجانب الايسر

واش كان عيان لدرجة نعس وهوا كايحيد حوايجو

واش اداتو بكلماتها الجارحة؟

واش بالغت بسبب غيرتها؟

واش بصح كايكرهها...؟

اولا قال ديك الهضرة غير حيت كان معصب..؟

كلها اسئلة لا اجابة ليها فعقلها ..سوى اجابة نعم فراسها..

هي ماباغياش ترجع عند بنت عمها

هي مستاعدا تواجه كره اسد وسخطو بدال ماتواجه الشخص لي تسبب فعدابها طول هاد السنين..

ماشي مشكل...ماشي مشكل..

غادي تتحمل بعض الكلمات الجارحة منو وربما يطردها ..ماعارفاش شنو يقدر يدير

لاكنها متأكدا من حاجة وحدا فقط....

انها اداتو بزاف..

فاجئها فاش حل الباب بينما هي قفزات فجئة خلعها .. كان واقف ومتكي على الباب وعاقد يديه كايشوف فيها بشر...
نورسين كانت كاتحاول ماتشوفش فيه كانت باغيا تعنقو وتعتادر منو على الكلمات القاسية لي قالتلو لاكنها ماقدراتش كبريائها العضيم ماخلاهاش حتى نطق هوا بصوت مبحوح

اسد-رجعتي.
جاوبات بدون تفكير.
نورسين -لا مازال ...
اسد-مزيان..

كان حديتهم مجرد كلمات خاوية لا معنى لها حتى نطقات هي باغيا تستافزو

نورسين- كيفاش قدرتي تخلي خطيبتك فأول يوم ليكم ...دابا تغضب عليك..

شاف فيها بغيض وهوا رافع حواجبو عرفها باغيا تستافزو وقال..

اسد-انا ماغاديش نسكت على اشاعة كارلوس ..غادي نحرجو قدام العالم...باش ماعمرو يألف اقاويل عليا وعلى بنتو قررت قرار نهائي غادي يحسم الامور وغادي ويكون سيف دو حدين..اما القبول او التهديد ..لي غادي ياكد القبول او الارغام

تاضح ليها ان اسد خدعوه ولواو دراعو باش مايقدرش ينكر او يجاوب ...غفلو هدا لحقير لي سميتو كارلوس.. قالت هي بفضول

نورسين-وشنو هوا..

توجه لعندها ولمس يديها لي تفاجئة وشافت فيه ببرائة ..حنى عندها وهمس ليها

اسد-غادي تكوني مرتي وحلالي قانونيا....