فصل 44
شافت فيه لمدة طويلة ومامصدقاش داكشي لي قال...واش باغي يبزز عليها تزوج بيه...
حيت هادي ماشي طريقة لطلب الزواج كان امر ماشي طلب .كان خاصو يقولها واش تقبلي تزوجيني ..ماشي غادي تكوني مرتي .هي كاتبغيه اه وعلاش باغي يبزز عليها بهاد الطريقة وبهاد الصوت الغليض والمخيف واش بصح كايكرهها ..اولا باغي ينتاقم منها حيت هانتو وجرحاتو فالحفل
مابقيت فاهما فيه والو انا
حنى راسو وطبع قبلة على خدها شي لي خلاها دفعو لور ومامصدقاش ابتسامتو الساخرة..
نورسين-قولي اشنو سر هاد الثقة كاملة
تقدم عندها وكايراقب خطواتها لمرتابكا لي كاتتراجع للخلف
اسد-انا عارف لاي درجة نتي دافئة وحنينة لهدا انا متأكد انكي ماغاديش تقدري تشوفي بنت عمك فالحبس..
بتالعت ريقها بتوتر
نورسين - مافهمتش كيفاش...وعلاش غادي دخل بنت عمي للحبس
كان تعبيرو حاد وهوا كايقول بصوت كايعبر على خيبة املو
اسد- هي سرقت فلوسي فاش زارتني فمكتبي هادي واحد سيمانا قالتلي انها باغيا تهضر معايا على قبل شي امور كاتخص الشركة وطلبت مني نسلفها شي فلوس .. مابغيتش ولاكن على وجهك قبلت خرجت من المكتب باش نجيب المفاتيح الخزنة لي نسيتهم فسيارتي باش نعطيها داك المبلغ لقليل لي طلبو شي لي خلاني نستغرب انا كنت مستاعد نعطيها اكتر الى طلبات كتر فالنهاية كاتبقا من عائلتك وعائلتك هي عائلتي كانت عارفا طول هاد الوقت شكون انا وبانني ولد خالتك ولد (كليلة) لاكن سكتات ماقالت والو كانت عارفا شنو درت فيها والخسائر لي تسببت ليها ..وفاش رجعت مالقيتهاش ومالقيتش لفلوس لي كنت حاطهم فاسفل الدرج.. لو ماسرقاتهمش كونت نعطيهملها بدون مقابل..
ماقدرتش تستوعب كلمات اتهاماتو او بالاحرى مارضاتش ..وقالت بصوت التحدي
نورسين-واش عندك شي دليل على هادشي لي كاتقول..
ربع يديه وكايشوف فيها بطولو المهيب
اسد--تاكدت من كاميرات المراقبة وتاضحلي انها هي لي شفرتني ..والى بغيتي اتباتات انا مستاعد نوريك التسجيل ..
قالت بسخط وهي كاتدرس معالم وجهو الحادة
نورسين-سمعني شغادي نقولك ..عائلة المالكي ماشي من هاد النوع كاتفهم
اسد-فالحقيقة كونت باغي نرميها فالحبس قبل ماينشر كارلوس خبر الخطوبة الكادبه عليا ...حتى شي واحد مايقدر ويتجرئ يكدب عليا حتى شي واحد كاتفهمي
وقف وهوا كايشوف فجسدها لي كايرجف باستغراب كان باغي يعنقها بقوة لاكن كمل كلامو
اسد- هاد الزواج غادي يكون دو حدين ..اولا باش نعاقب بنت عمك على السرقة فلوسي وثانيا باش نحرج هداك شارف لي سميتو كارلوس ..نتي مازال ماكاتعرفينيش مزيان ..انتقامي مداقو مر..
شافت فيه بضيق وقالت بسخرية
نورسين- كانتمناليك الموت ااسد.... كانكرهك
وضع يديه جنب وجهها لي رفعاتو باش تهضر معاه..
شهقت بحدة فاش شافتو شد خصلة من شعرها وكايضورو على صبعو مرة بعد مرة حتى حست انها كانت مجبرة باش تقرب منو
همس فودنها وقال...
اسد-خليني نعاودها من جديد...تزوجي بيا والا دخلت بنت عمك للحبس
مررت نورسين لسانها على شفايفها لجافين وقالت بصوت جاد
نورسين-اعلى مافخيلك ركبو ..
رفع حواجبو بتهجم ..
اسد-واش هادشي كايعني انكي كاتقولي خلي بنت عمي تمشي للجحيم ..
بيديها لمرتاعبة حاولة دفعو للخلف بقوة
نورسين-فالنهاية غادي تخسر اسي مالك..
بتاسم بتهكم وبسخرية وهوا كايرجع بلور متعمد..
اسد-ماتكونيش واثقة بزاف..مانصحكش..
نورسين-ماخايفاش لامنك ..ولا من تهديداتك..
لمعت عينيه بتسلية وقال..
اسد-بصح؟ خصك تخافي..
رفعت راسها وقالة..
نورسين-دير لي بغيتي اسي مالك انا ماكانخافش بسهولة..للاسف طلعتي غبي الى بغيتي تهددني هددني بشي حاجة كانبغيها ماشي ببنت عمي لي ماكاتعنيلي حتى حاجة ببساطة ...غادي نقولك نتا وياها ... الله يغبر لباباكوم الشقف ...
بتاسم بسخرية وقال..
اسد-ادن غادي يخصني نفكر فطريقة مؤثرة اكتر تخليكي تتعاوني معايا (بتاسم بمكر وقال) غادي يكون الامر مسلي وممتع..
مابقاتش قادرا نورسين تتحمل اسد المخيف لي واقف حداها بقات كاتراقبو بغيض وهوا كايضور فانحاء الرواق
وقف وهز كتاب وحطو امام معطفو على الطاولة
كانت عندو هالة من العضمة كاضور بيه
مافيهاش الشك السبب كايرجع لثرائه الفاحش هوا مولف يصدر الاوامر وبلا شك هوا ديما كايتمرن فهاد القوام الرشيق وصدرو لعريض وخصرو النحيل كايتبتو هادشي ...
ضار عندها وقال بتملل..
اسد-نتي ماعارفاش شحال المبلغ لي سرقاتو بنت عمك مني ياك..
نورسين-مازال كاترمي اتهاماتك اشنو سرقات بنت عمي ماعمرها تسرق..
شاف فعينها وقال..
اسد-20 ملون درهم الى بغيتي القيمة بالتحديد هزات بالحقيبة بلفلوس وخداتها ببرودا..
ماقدراتش تستحمل تمن المبلغ وشدات فراسها وكانما كانت وسط دوامة
نورسين-ااه ياربي..
تداركها وشدها من كتافها خاف عليها وقال
اسد-ماتضغطيش على راسك نتي مازالة مريضا..
بعدات عليه وغوتات عليه..
نورسين-اشنو هاد لاهتمام ...واشنو هادشي لي كانسمع على كل حال .انا غادي نبيع نصيبي من الاسهم لي عندي فالشركة وغادي نعطيك فلوسك ...ماعرفتش علاش شفرات هاد المبلغ مع انها عندها الشركة كبيرة لاكن مهما كان السبب فلوسك غادي ترجعليك وماتعرفني مانعرفك من هاد نهار..
تردد قبل مايقولها هاد الهضرة لاكن قالها
اسد-نورسين ...شركة باباك ولات....ملكي انا..
ماقدراتش تستوعب داكشي لي قال يحسابها غير كايستافزها...
نورسين-اشنو كاتقول اشنو كاتخربق كيفاش شركة بابا ولات ملكك..
اسد-ختك هي لي خلاتني نهدم اسهم الشركة ونعرضها للافلاس ...انا كنت مضطر بنت عمك كاتمول المجرمين بفلوس الشركة كان ضاروري نتدخل ونمنعها وماكانش عندي شي حل اخر من غير انني نهدم الشركة...
حطت يديها على قلبها مامصدقاش لاحض انها كاتتنفس بسرعة وشادا فراسها جاب كرسي وكلسها عليه بسيف عليها ..
مابغاتش تكلس على الكرسي لي وضعو امامها وقالها بغضب
اسد-نورسين كلسي ...نتي راكي مريضا
نترت يديها وقالت والدموع فعينيها..
نورسين- لا نتا مايمكنش دير هادشي مستحيل ...مستحيل اسد يدمرني اسد عارفني شحال عانيت باش قدرت نرجع شركة بابا..
اسد-كونتي غبية انورسين ...علاش تلاهيتي على شركتك وخليتيها فيدين لغريب
كلسات على الارض كاتبكي بحرقة ..وكان سكاكين حادة غرزت قلبها لمسكين
نورسين-اسد نتا شريتي النصف فالشركة وانا وختي عندنا نصف ...وضعة ثقتي فيكم بجوج ..علاش خدلتوني بهاد الطريقة ..علاااش علاااش علاااش.. هئ هئ هئ.
بقات فيه ونزل عندها بغا يعنقها يمسح على شعرها لاكن عارفها غادي تصدو وتغوت من جديد همس وقال
اسد-هدا هوا السبب لي كنت كانقوليك الى عرفتيه غادي تكرهيني ...كونت عارفك غادي تنهاري هاكدا...ولاكن شوفي الامر بايجابية الى قبلتي تتزوجي بيا الشركة غادي ترجع ليك وغادي يولي لي فملكي ملكك حتى نتي ...فكري مزيان وماتكونيش غبية انورسين
مسحت دموعها وقالت..
نورسين-علاش ولأي سبب بااغيني نكون مرتك ياك نتا ماكاتبغينيش
.
اسد-تلفازة والجرائد ..فكل بلاصة كايهضرو عليا وبشئن خطوبتي من دينيز بغيت نرجع الصفعة لكرلوس...بغيت نحرجو كيف دار معايا...
نورسين-ياك قولتي هوا صاحبك
اسد-انا كانستافد منو حيت ومليونير ..ماعمرو ماكان صاحبي بغيت نضف سجلي من ادعأتو الباطلة بشأن الخطوبة بغيت رد يخليه مسعوق باش تتوقف الصحافة من نشر سخافات عليا
نورسين-واش باغيني نمتل انني مرتك.. هادشي لي باغي....
قال بلهجة هادئة وتقيلة
اسد-مابغيتكش تمتلي حتى شي حاجة..بغيتك تكوني مرتي بصح وبغيت منك وليدات انا دابا فعمري 30 ومحتاج نستاقر
فتحت فمها بدهشة
نورسين- مايمكنش تكون كاتهضر بصح
اسد-نورسين المالكي ..مع الوقت غادي تعرفي صحت كل كلمة كاننقولها
بامكانها تصدق كلامو لاكنها ماباغياش تعزز كبريائو وتفاخرو لواضحين عليه وقالت
نورسين-كانتمنى تكون وحدا من نكاتك السخيفة يامالك
اسد-كانضن انني وضحت ليك الامر ..الى ماستاجبتيش لطلبي غادي تلقاي بنت عمك فالحبس وشركتك غادي تفقديها للابد ..وافقي وغادي نسقط كل الاتهامات عليها وشركتك غادي ترجعليك..
كانت كاتشوف فالفراغ ...
عينيها داخلين ...كاتبكي...
هي كاتبغيه اه....كانت كاتمنى لو انه طلب منها الامر بشوية ديال اللباقة وماشي التهديد
كانت غادي تقبل بدون تردد
هي عارفاه مكايبغيهاش
لاكن كاتأمن ان كولشي مع لوقت يقدر يتبدل
ممكن يتغرم بيها ...ممكن يكونو عائلة سعيدا
فقط لو انه طلب يتزوجها بلاباقة وبدون تهديد
حست براسها ضعيفا ...لاول مرا غادي تجرب هاد الشعور المقيت ....شعور الضعف والتهديد
لوا دراعها ...ضغط على الوتر الحساس برجليه ...حطم قلبها
...جرحها ....
هي ماتستاهلش كل هاد القسوة
تجنبت النضر فعينيه العسلية الفاتنة وقالت
نورسبن-محتاجا شوية ديال الوقت باش نفكر فعرضك...
ااسد-غادي نعطيك اسبوع رجعي لعند بنت عمك وهضري معاها وتاكدي انني ماكانكدبش وماترجعيش الا ومعااك الموافقة..
ناضت بلاماتشوف فيه ودخلت لغرفتها هزات حقيبتها وخرجات بينما هوا شد فقلبو وغمض عينيه
رجعات نورسين للمغرب بالضبط لفاس ديك الليلة توجهات عند لمار حطت حوايجها ورتاحت بسبب التعب والمرض صهطاتها سخانة مسكينا
وفالغد قاومت راسها ومشات كاتقلب على سماح لي قلبت عليها بصعوبا لي كاتسولو ماكايعرفش مكانها 3 ايام وهي كاتقلب عليها مالقاتهاش
مشات للشركة باش تتاكد ان فعلا الشركة مابقاتش لعائلة المالكي وصبحات الشركة لعائلة مالك تحرق قلبها مليون مرا داك نهار
وشحال لامت راسها حيت هملات شركتها اوضعة ثقتها فديك الحية لي سميتها سماح
فاليوم اللخامس لقات سماح وكانت ساكننا فواحد لاوطيل رخيص طلعت لعندها وهضرات معاها وشحال غوتات نورسين ونهارت وحتى تضاربت معاها ريشتها ماخلاتش فيها كاع اعصابها خرجتهم فيها بينما سماح ماهزاتش يديها مع نورسين خلاتها تفش اعصابها حيت مازال عندها غاراض فيها..حنات عند رجلين نورسي وتمسكت بيهم وكاتبكي وشعكاكتها فالسماء
سماح-هاالعار اختي ..على قبل الدم لي شاركينو ماتخليهش يدخلني للحبس..هالعااار هئ هئ هئ
دفعات ننورسين سماح فالارض وغوتات بسخط
نورسين-تستاهلي لحبس الكلبة ماكاتهمينيش سيري تموتي الله يغبرليك الحس تفوو
سماح-وترضايها اختي ليا ترضايني ندخل للحبس على اخر ايامي..
نورسين-اري لفلوس لي سرقتي وغادي نرجعهالو وغادي نرغبو مايدخلكش للحبس ماشي على قبلك نتي فقط على قبل الصمعة ديال واليدينا لي وسختيها ..
حنات راسها سماح كاتبكي وقات بضعف
سماح-خسرتهم اختي كانو عليا بزاف ديال لكريديات كانو كايهددوني يقتلوني اختي الى ماعطيتهمش فلوسهم
نورسين-شكون هوما هادو
سماح-شي ناس ماغاتعرفيهمش ناس صعاب بزاف..
غوتت نورسين بنفاد صبر وقلت
ننورسين-الله ياخد فيك الحق الحقيرة
خرجات نورسين بعدما فرقت جوقا من حدا لباب لي كانو مجموعين عليها الناس بفضول باغين يعرفو شكون كايدابز ....
ناضت سماح وعلى وجهها ابتسامة نصر شيطانية وقالت وهي كاتشوف فالفراغ..
سماح-بهاديك لفلوس غادي نحطمك اختي لعزيزا لفلوس لي سرقتهم من حبيبك هوما لي غادي يحرقوك بالنار.. كانقسمليك بالدم لي كايجمعنا يابنت عمي ماغاديش نخليك تفرحي فحياتك مادامني على قيد الحياة ياتقتليني يانقتلك ... واحد فينا غادي يموت واكيد ماشي انا ...
خرجات نورسين وشدات طاكسي للمقر عند عابد فاجئتهم فاش دخلات ومعاها خبر ساعق ...
جبدات ورقة مكتوبا بخط اليد وفيها طلب استقالتها من المخابرات المغربية ...خلاتهوم مسعوقين ومامصدقينش داكشي لي دارت ..
عابد خااب ضنو فيها بزاف بينما ستيفانيا بكات وهي كاتعنق نورسين مابقاتش غاتشوفها لا هي ولا الفرقة كاملة عابد ركان وبويكا وحتى ستفانيا غادي يختفيو من حياتها وكانها عمرها شافتهم وهادشي محتم عليها ...واخا تشوفهم وجها لوجه خاصهم يتضاهرو انهم ماكيعرفوش بعضياتهم صداقتهم لي دامت 3 سنوات انتهت بلمح البصر وانتهى ضورها كعميلة رتبتها رقم 7 ..
بعد يومين من استقالتها رجعات لاسبانيا عند اسد لي كان كايتسنا جوابها وفيديها حقائبها لي رماتهم على اللارض وكلسات على وحدا منهم حانيا راسها ومغمضا عينيها...
هوا كان واقف امامها ومتكي على الجدار وعاقد حواجبو بانزعاج بينما هي مالاحضتش وجودو قرب منها ورفع دقنها بيديه باش يقابل ملامحها الحزينة بعيونو لمهتمة
كانت يديها على حضنها وضعيتها طفولية وكانها كاتشكي عيله حالتها واخا هوا السبب
قال بنبرة دافئة وعينيه كاتتمعن فوجهها المرهق
اسد- نتي ماشي مجبرة باش تعيشي الجحيم معايا انورسين..بغييتك ليا وبغيت زواج يسمحلي بالاستقرار ..نتي ماشي مجبرة تعيشي خايفا مني..انا درعك الواقي فاكيفاش الدرع غادي يادي مولاه ..
تغرغرت الدموع فعينيها ونسابة هربانة على خدودها ولقات طريقها لللارض شافت فيه بطفولية وهمست ..
نورسين-انا موافقة لهدا سمح لبنت عمي كانترجاك ماكنتش متوقعاها تسرق منك حيت هي ماشي من هاد النوع .. مابغيتش اسد يكون عدوي
ماقدرش يتحمل دوك النضرات ونبرتها الراجية وسحبها وسقط راسها على كتفو وعاض على شفتو السفلية عقابا لنفسو وحاوطها بدراعو لقوية
اسد-سمحتلها ...صافي ماتبكيش..
مسحت دموعها وبعدت على احضانو وقالت بحزم وبرود
نورسين- تيق بيا ماعمري غادي ننسا تهديداتك .. ماغاديش نتغاضى على هادشي ابدا ..ماغاديش نعتابرك زوج ليا ياااا مالك...
شاف فعينيها لي ملتاهبة بالكره وبدهول بسرعة تغيرها المفاجئ عاد دابا كانت كاتبكي على كتافو ودابا كاتشوف فيه بلوم ناض وقال
اسد- ولا حتى انا ..على الاقل بجوج بينا متافقين على حاجة وحدا ..نقطة عادلة..
سير الله يمسخك يا اسد الى زدتي كدبتي انك ماكاتبغيهاش غادي تحطم الرقم القياسي للكدب وتحتل المرتبة الاولى فموسوعة جينيس..
هبطات الطائرة على مطار المغرب و رجعات نورسين لوضعها الاول مرحة ومجنونة ...
مارجعهاش لدار باباها رجعها لدارو هوا مازال اسد كايحس بالغضب من فعلة سماح لهدا مستحيل يخليها تحط رجليها فدار سماح حتى من بعد زواج لاكن هدا جنون من قلبو هوا عارف شحال نورسين متعلقة بديك الدار
فاقت نورسين بسرعة ولقات راسها على سرير اسد وريحتو الرجولية لسقات فملابسها الصوفية والصباح رحب وهلل ..شدات فراسها بتثاقل بعدما عرفات المكان لي هي فيه
نورسين-فقتاش وصلنا للمغرب
اسد-لبارح فالليل...
ضهر صوتو تقيل والرزين وسبب فخفقان قلبها بسرعة وهي كاتشوف فيه فاش خرج من الحمام وكايبتاسم ببشاشة وجادبية ..
اسد-صبح الخير وربح..
كان لابس ملابس النوم السوداء وتوجه حداها وكلس على طرف السرير كايتامل عيونها ناعسا وكايبتاسم
اسد-راني قولت لمالين دار بامر الخطوبة لي غادي تقام غدا تفاجئو كاملين بالخصوص ايلا لي كانت كاتنقز بحال المجنونة ..
بعدت انضارها الغاضبة عليه وناض هوا توجه للخزانة وجبد ملابس خدمتو ودخل للحمام يلبس..
خرج من الحمام بعدما لبس ملابسو الرسمية السوداء ولاحض ان نورسين رجعات نعست ..يمكن من شدة العياء لي لازمها طول السفر خدا مفاتح سيارتو لي كانت على الطاولة
همس وكايهضر مع نفسو .
اسد- كاينا شي حاجة ناقصة ..اشنو هي؟
توجه عندها وحنى كايتأمل وجهها النائم وهمس
اسد-نسيت قبلة الصباح..
وباس خدها لمتورد وهمس بايتسامة جدابة باش مايفيقهاش..
اسد-تقبيلك ونتي ناعسا ..ولات وحدا من عاداتي
ناض وتوجه لخدمتو وبعد ساعات طويلة كانت ايلا كاتوجد لحفل الخطوبة على بكري كانت مزينا القصر بالاضواء والورود الملونة فالارجاء كاينين لي فاللون الاحمر والابيض والبنفسجي الالوان لمفضلة عند اسد اه وحتى الوردي..كانت قرابة تدفن الارضية من كترة الورود حماسها الشديد اكتر ملي غادي يتخطبو..
دخل عمر للدار بعدما رجع من خدمتو كيف قلنا من قبل هوا دكتور كان كايشوف فالورد بسخرية
عمر-واش انا فداري اولا فالحديقة الخلفية
جاوبو محمد بنبرة سخرية وهوا كايتجبد على الاريكة
محمد-وشكون عرف ماقادرش نفرق مزيان انسيبي
قالت ايلا بغيض وهي كاتقاد فلورود
ايلا-ماكايهمنيش رئي لحماق انا فرحانا حيت خويا غادي يخطب اجمل بنت فالعالم...
خرج ابراهيم ناعس وشاد فالخدية ديالو البيضاء
ابراهيم-كولشي ملون دخلت عليكم بالله شنو واقع هنا ...واش قتاحمو تيتيز دارنا بلورود..
توجهات ايلا لعندو خدات الخدية وضرباتو بيها بغيض
ايلا-درتيلي حريق راس بهاد تيتيز
ابراهيم -نتي راكي ماعارفاش انا ومحمد وقعنا فحب صحابات نورسين اية ولمار لهدا سمحت فتيتيز
عنق محمد وجهو بيديه من شدة الخجل وكايتلوى على الاريكة وجرات ايلا ودن براهيم وقالت
ايلا-واش بصاح..واش باغيني نعمر دار بلورود فاش تنوي تخطبها
تالم من شدة وقال
ابراهيم-نتي ديما ضدي واش فنضرك اية تستاحق رجل غيري..
طلقات منو ورجعات لخدمتها وقالت بسخرية
ايلا- تستاحق راجل ماكايقدسش نعاس بحالك ومايعنقش وسادتو فعاوطها
قال بغيض
ابراهيم-كولشي كايعجبو نعاس
ضحك عمر وقال
عمر-اكيد غير لمعكازين فقط؟؟
ومن بعد كمل كلامو وهوا كايشير لمحمد لي مازال كايتلوى على الاريكة
عمر-ديالمن هاد لفعة لي كاتجبد هنا..؟؟
نزلت نورسين من دروج شادا فراسها كاتمشي بحال الاموات الاحياء الزومبي
شافتها ايلا وتوجهات لعندها بسعادة قسوى وهي شادا فكتافها بسعادة وقالت
ايلا-انا فرحانا بزاف بزاف .كيفاش خليتيه يوقع فشباكك همم..
شافت فيها نورسين بابتسامة مصطنعة..وقالت
نورسين-ماكانش صعيب..
كلست نورسين بجنب محمد لي مخبع وجهو مور لوسادة..وقالت مستغربة.
نورسين-مالو محمد كايتصرف بغرابة..
قال عمر مستغرب حتى هوا
عمر-يمكن المراهقة ..هاديك غير المراهقة ماتديهاش فيه ..
ضربت كتفو بمرح حتى تأوه
نورسين-اييه على ديك ليام ...ههههه كونت كانلبس ملابس سماح لكبيرة عليا وندير لمكياج على وجهي وكانبان بحال المهرجين وكانشطح على انغام شعبي حك جر عدا عدا هههه
ضحكو كاملين بهستيريا حتى محمد لي كابت ضحكتو خلف وسادتو وكتافو كايتهزو من شدة الضحك ..وبراهيم لي كايضحك وشاد فكرشو
اما محمد وبراهيم ماتو بالضحك وهوما كايتخيلو منضر نورسين وهي دايرا بحال المهرجين بينما ايلا تخيلاتها زوينا ولطيفا والالوان ملطخا وجهها..
دخل اسد للدار بينما مستغرب من وجوههم المليئة بالسعادة وقال بتهجم ووجهو كايدل على مدى ارهاقو من شدة العمل..
اسد-اشنو واقع..
تنحنحت ايلا وشدات فيدين نورسين ونوضاتها بسيف وهمست بخفة
ايلا- اديك لحمقا لبريئة ..نوضي وشديه من يديه وهربي بيه وغازليه كيف كادير اي خطيبة عادية..
شافت فيها ببرود وهادشي مستحيل ديرو واخا حتى تزوج بيه وقالت ببرود
نورسين-انا ماشي خطيبتو
لهدا ناضت متوجهة للمطبخ وفطريقها ماقدراتش تمنع راسها وماتشوفش فيه
وادا بها دارت ولقاتو كايشوف فيها حتى هوا ...ضورت وجهها ببرود ودخلات للمطبخ..
ضور حتى هوا وجهو وستأدن باش يطلع لغرفتو يرتاح..كان محط انضار الجميع بالخصوص ايلا لي كانت غاتنفاجر ناضت ودخلات عند نورسين للمطبخ لي كانت كاتشرب الماء..
وادا بها بزقاتو غير شافتها كاتراقبها بحرص وقالة بغضب وفقدات السيطرة على اعصابها لمجرد التفكير انها غادي دوز معاه شوية دلوقت..
نورسين-ايلا عنداكي طلبي مني نمشي عنو حيت ماغانمشيش
شداتها من يديها وجراتها معاها طلعاتها مع دروج وسط مقاومة نورسين..
لي كاتهمس بصوت منخفض باش مايسمعهاش عمر وبراهيم ومحمد لي كانو كايطلو بفضول..
نورسين-هادشي لي كاديري خطئ خطئ فضيع اايلا عافاك ماديريش هادشي فيا...
ايلا-الى خليتكم بلاما نتصرف كانئكدليك غادي تشرفو بلا اي نتيجة ...ولا تقدم
فتحت ايلا الباب على اسد لي كان مستلقي على السرير وقالت وهي شادا فيد نورسين لي كانت مخبعا مور الباب وباغيا تهرب ماحدو ماشافهاش
ايلا-خويا نسيتي واحد الحاجة مهمة لتحت..
عقد حواجبو مستغرب وناض متوجه عندها
اسد-بصح يمكن حيت كونت عيان ومالاحضتش ..اريهلي...
مد يديه لعندها بينما هي جرات يد نورسين لي كانت مخبعة وحطاتها فوق يد اسد وقالت بابتسامة خبيثة
ايلا-بقا تحافض على املاكك الخاصة قبل مايسرقوها منك شي نهار..
خرجت وسدات الباب موراها وفاش بغات نورسبن تهرب تفاجئة بيديه لي تحطات على الباب باش يشدو مزيان ويمنعها ماتهربش ولي عرفات انه مستحيل يطلقها..
كانت عاطياه بالضهر ووجهها فالباب ترددت مابغاتش ضور عندو وقالت بصوت هادئ.
نورسين-خليني نمشي بحالي...
رفع دراعو التانية وحاصرها ويديه بجوج على الباب وقال بابتسامة مرهقة لاكن جدابة ..
اسد-من بعد ماتولي ملكي ماغاديش نخليك تهربي..ونتي عارفا هادشي مزياااااان...كاينا ولا لا
ضارت وكاتتحاشا تشوف فعينيه العسلية كاتشوف فكولشي لا فيه شي لي عصبو وخلاه يهمس بطريقة خلات رجليها ترجف..
اسد-تبا نورسين شوفي فيا ...
وضعت يديها على عينيه وقالت بارتباك
نورسين-نتا كاتطلب المستحيل ..
ضهرت ابتسامة ساخرة لاكن ساحرة على شفايفو وشد فيديها بنعوما وبعدها على عينيه وقال..
اسد-ايلا لحمقا...واش يحسابها غادي نتبادلو القبل..اولا نتعانقو ونتغزل فيك ؟مافخبارهاش ان خطيبتي المستقبلية بريئة وصافية القلب..
قالت بصوتها عامر غيض ماخفاش على اسد انها ولات كاتكرهو وهوا مايلومهاش
نورسين-اشنو كاتقصد ...
نزل يديه ووضعهم خلف ضهرها وقربها عندو وقال بابتسامة جانبية
اسد-هدا هوا السبب المميز فيكي..بريئة هادي افضل صفاتك ..لو انني فهاد اللحضة مع مراه وحدا خرى كانت غادير امور مخجلة مع رجل مثير ووسيم بحالي وفغرفتي لاكن نتي...
عنق وجهها بنعومة وهمس فودنها بصوتو الرجولي
اسد-خجولة وبريئة لدرجة كاتخليني باغي نحميك لسبب ماعارفوش ..
بتالعت ريقها بتوتر وجاها شعور عميق وهي كاتتأمل هادوك لعينين لعسلين
شدلها فيديها وقبل راحتها وعينيه مغمضين وادا بالباب تفتح...
شاف اسد فالشخص لي واقف امامها وقال بدهشة
اسد-نتاليا ...شانو كاديري فداري
سدت الباب موراها وكاتشوف فيهم بسخط وجرات نورسين من يديها ببرود
نتاليا-نتا كاتبغيني انا...علاش باغي تتزوج بهاد الحقيرة؟؟...