فصل 45
تصلب وجهو وارتدى قناع القسوة وقال
اسد-تحركي خرجي..من غرفتي
نتاليا-حتى تقولي..شنو هادشي لي ناوي دير
لاحض بانها ماغاديش تخرج الى ماقالهاش الحقيقة لي عرفها مؤخرا وقال ببرود
اسد-يمكن نسيتي واحد الحاجة .. طول ديك الفترة لي كنت معجب بيكي فيها كانت سراب ... مستقبلي ماشي معاك ونتي عارفا هادشي من الاول وقايلهالك
شافت فنورسين لي كانت كاتشوف فيها باستغراب من هاد الموقف..
نتاليا-واش نتي ناويا تزوجي براجل كايبغي مراة اخرى
وقفت نورسين امامها بثقة كادبة وهي ماناوياش تخليه يبغيها..اصلا مابقا عندها غراض فيه
نورسين-بإمكان القلب يحب من جديد ...كانواعدك انني غادي نركل المشاعرو برجلي خارج قلبو...امممم.واش باغيا تحضري فحفل خطوبتنا غدا..
غوتت نتاليا بغيض موجه لاسد لي بتاسم كايراقب جدية نورسين
نتاليا-انا ونتا غادي نهضرو .ودابا والا درت شي فضيحة هاد نهار..
تنهد بملل وقال
اسد- طلقي هضري..
نتاليا-على انفراد..
غمض عينيه بعصبية وقال
اسد-ماغاديش نخبي حتى شي سر على خطيبتي لهدا هضري قبل ماضيعي فرصتكي..
قالت نورسين بعدم اكترات وهي كاتخرج من الغرفة
نورسين-ماشي مشكل ...مازال ماوليت خطيبتك..واسراركم ماكايهمونيش ...ولاكن ديري فبالك من بعد ماغاديش نخليك ختى تشوفي فيه..
نتاليا-حقيرة..اشنو كادير واش كاتلعب بالحبلين..هاا
اسد-سبقلي وقلتليك انا ونتي ماكايجمعش بيناتنا مستقبل..
نتاليا-وهاديك لحقيرة...بنت لمالكي...
اسد-بغيت نتزوج بيها ونستاقر بعيد على المنضمة وعليك وعلى زهير وعلى اي جنون
نتاليا-ايوا وانتقامك ...تخليتي عليه حتى قربتي..
اسد-مانسيتش وماغانتخلاش على انتقامي ..وبالنسبة لحياتي فهي كاتشمل نورسين باغيها تكون مرتي وام ولادي بغيتي ولا كرهتي..
نتاليا-وحبك ليا...
اسد-ماكايعنيلي والو انا مكانأمنش بالحب..
نتاليا-نتا كاضحك على راسك ااسد...
اسد-كونت كانضحك على راسي فاش ضنيت انني كانملك مشاعر ليك لاكن تاضحلي العكس من نهار شفت نورسين مابقيتيش كاتبانيلي..
نتاليا-وزوجتك المستقبلية كاتبغيها
اسد-ماكانبغيهاش وماناويش نبغيها نقدر نتزوج بلا مانحب مرتي الحب ماشي مهم الاستقرار هوا الاهم ..نكون عائلة ونتخلص منك ومن المنضمة كاملة اما بالنسبة لانتقامي فهادي هضرا وحداخرا كاتخصني بوحدي ومادخليش ..
نتاليا-غادي ندير شوها صدقني ماغاديش نسكت
خرجت وزدحات الباب بقوة..
_______________
كانت نورسين كاتتمشى فالحديقة الخلفية بهدوء وهازا احدى رواياتها لي قراتها عشرين مرة بدون ملل او كلل..
كلست على العشب الاخضر ستلقات وغمضت عينيها براحة ..
رخات يديها ومددت رجليها وكاتشوف فالسماء فالغيوم المكدسة وخمنت انها غادي طيح شتاء هاد نهار
كانت كاتستامع لصوت الاشجار
وصوت العصافير كاتغني فوقها اما نباح الكلب يمكن ديال محمد ..حست بالنعاس ...وستسلمات ليه..جفونها علنت على استسلامها..
خرج اسد من الدار لابس قميص رمادي ملسق على جسمو وكايبرز عضلات صدرو وسروال اسود..
الرياح قوية واحد الشوية لاكنها كاتدخل الراحة فالنفس..
ولف يمشي للحديقة فهاد الجو زوين.. وضع يديه فجيوبو وتوجه للحديقة
بينما كان كايتمشى لمح جسد انثوي لابس فستان زهري اللون وحريري ومستلقى والشعر الاسود مفرش بنعوما على العشب..
اه اه هي..
قرب منها ووقف امامها ولقاها في سبات عميق ..
بتاسم بلطف وكلس بجنبها وستلقى حداها..
وتكى براسو على راحت يديه وكايتأمل فتفاصيل وجهها النائم..
تنهد براحة ولمح كتاب على بطنها هزو غير بشوية وبدا يقراه بفضول وغير حلات عينيها بشوية شافت فهداك الشخص لي فحنبها..
اسد-احبك ياجميلتي ..كحبي للنجوم والبدر المضئ
ناضت مخلوعا وخطفاتليه لكتاب من يديه وقالت بارتباك..
نورسين-شكون لي سمحلك تقرا كتابي..
اسد-واش عمر شي حد ماقالك كاتباني زوينا ونتي ناعسا
توردو خدودها وضمت لكتاب فحضنها باش مايخرجش قلبها من مكانو
نورسين-شكرا على اطرائك ماشي مجبر تجاملني.
خطفليها لكتاب من يدها فاش كانت مشغولة فخجلها...وقال بلطف
اسد- انا ماكانجامل حد
شافت فيه بغيض وهي كاتمد يديها بحدر..
نورسبن-عطيني كتابي..
ضهرت ابتسامة لعوبة على وجهو الفاتن وبتالعت ريقها بتوتر ومستغربا من مزاجو الغريب هاد صبح .
اسد-غادي نرجعليك كتابك لاكن بشرط
رفعت حواجبها بشك
نورسين-شنو هوا..
ناض كلس باريحية ولكتاب فيديه ولمعت عيونو الساحرة
اسد-بغيتك تمشي معايا فموعد غرامي..
ضحكت بسخرية وقالت وهي كاتنوض
نورسين-شكرا لاكن مابغيتش..بامكانك تحتافض بلكتاب ..بلمناسبة قريتو كتر من 20 مره..
بقا مبتاسم بمتعة ناض تبعها حتى دخلات للدار بغيض وسخط حتى شدها من يديها..
اسد-كايبانلي انكي كاتبغي القرائة ..نديك لواحد المكتبة ..اشهر مكتبة للروايات..
ضارت وقالت بحماس طفولي..
نورسين- بصاح بصااااح...
بتاسم كايراقب طفولتها لي هي احد تسباب انجدابو ليها...وقال بفخر..
اسد-خطيبتي المستقبلية بإشارة وحدا من صبعها نجيبلها لي بغات ..ماشي غير المكتبة ..
عاقت براسها هي من المفروض تكون غضبانة منو وشتمت راسها بسبب تهورها وحماسها
المفاجئ وقالت وهي كاتعطيه بالضهر وكملت طريقها..
نورسين- وليت كانكره القراءة بفضلك..
تقلق وهوا كايراقبها كاتبعد وفتح لكتاب بفضول وتكى على الشجرة لي كانت كاطيح وراقها..
رجعات لغرفتو وتوقفات فجئة كاتشوف بغيض
نورسين-خصني نهرب من هاد الغرفة مستحيل نبقى فيها ...كان قراب ويقع بيا عاد دابا
فتحات الخزانة وجبدات الاغطية اووضعات الحقيبة فوق الاغطية باغيا تهزهوم وتخرج ...وبينما كانت كاتسحبهم بتعب وتفاجئة وهي كاتشوفو من بين رجليها بالمقلوب هداك الرجل الخطير واقف امامها ومستغرب وقال
اسد-خطوبتنا غدا ونتي باغيا تسمحي فيا..يالقسوتكي..
قالت وهي مازالة كاتشوف فيه بالمقلوب
نورسين-مازال ماشفتي والو فقسوتي...
شافت انه كايقرب ليها وبرجليه دفع مؤخرتها بلطف وطاحت على الاغطية وادا بشعرها طويل دفن وجهها زوين وسط ضحكات اسد الشرييير..
بينما هي كاتحاول تستوعب داكشي لي دار وناضت بغضب..
نورسين-علاش دفعتيني هاااه..
لوى فمو وقال باستياء وهوا متكي على الحيط
اسد-حيت رفضتي تمشي معليا فموعد..
زفرت عاود وناضت وكاتحاول تهز الاغطية مع الحقيبة وادا بها كاتتفاجئ باسد كلسليها على الاغطية وكايشوف فيها خطير هاد راجل ..
اسد-ماغاديش تاخدي الاغطية ولا حتى لكتاب حتى توافقي تمشي معايا فموعد..
شافت فيه ببرود اوقفات ضهرها وقالت
نورسين-مابقيتش بغيت الاغطية ربح بيهم..
قاطع خروجها وقال
اسد- واش متأكدا ؟؟..وحقيبتك!
توقفات وفهمات شنو بغا يقصد وضارت كاتحاول تاخد حقيبتها لاكنو عنق الحقيبة وقال..
اسد-بلاتي كااع لي فهاد الغرفة ملكي..
تمسكت بطرف الحقيبة وكاتقاوم قوتو الرجولية مقارنتا بقوتها الانثوية
نورسين-فيها ملابس انثوية واشاء ديال النساء رجعهالي..
سحب الحقيبة بعناد وقال...
اسد-وافقي وغادي نرجعليك ديالك..
طلقات من الحقيبة شي لي خلاه يستغرب..وقالت
نورسين-ماشي صوقي خودها..
ضارت باغيا تخرج لاكنو سبقها وسد الباب وتكى عليه وقال بنبرة خلاتها تراجع حسباتها
اسد-ماقلتليكش كل لي فالغرفة ملكي ..الامر كاينطابق عليك حتى نتي..
بتالعت ريقها وكل خبراتها نفدات مع هاد الرجل العنيد
ايلا-نورسين فينك ...يالاه نمشيو للسوق احبيبتي
شعرات وكان شي حد نقدها من الغرق وغوتات وقالت
نورسين- ايلاااا انا هنااا...
سدليها فمها باش تسكت لاكن ايلا دخلات و
فجئة وقالت
ايلا-شنو واقع..
دفعات نورسين اسد وشدات فايلا واخيرا شعرات بالامان وقالت باريحية وهي شادا بحبل نجاتها ايلا
نورسين-اسد رافض يخليني ننتاقل من الغرفة
مشات عندو ايلا وشنقات عليه وقالت بغيض
ايلا-اشنو ناوي دير بنورسين ديالي البريئة هاا؟
لوى فمو وقال بانزعاج
اسد-مادرت والو..(وقرب من نورسين وهمس فودنيها) لحد الان ..
تضاربت دقات قلب نورسين بعدما خرج وقالت فنفسها..
نورسين-ياقلبي الاحمق ...
نقلت اغراضها لغرفتها لقديمة فاش كانت كاتضاهر انها نهال طلع اسد غير كادب عليها فاش قالها فيها جنون عاقت بيه..
ستلقات على سريرها باريحية وتفكرات شنو وقاع هاد الايام وسبب لي جبرها ترجع معاه لدارو
كاتتسائل علاش الامر معقد بينها وبين اسد لهاد الدرجة؟
كانت علاقتهم فالسابق مسالمة رغم انها كانت ومازالة كاتبغيه ولاكن ماكانش تشاحن بيناتهم مازالة كاتشعر بالدنب والخزي من شي لي دارت بنت عمها ماقادراش تشوف فعينين اسد بعد داكشي لي وقاع واخا هكاك مقلقا عليه حيت تسبب فخسارتها للشركة وفاش خممات مزيان شافت الامر لصالحها الى تزوجات بيه الشركة غادي ترجع ليها وبنت عمها ماغاديش تقدر تحط رجليها فيها الامر مناسب ليهم بجوج وبجوج بيهم مستافد هوا باغي يلوي دراع كارلوس وهي باغيا شركتها ترجعلها الامر عادل بيناتهم لاكن واخا هكاك ...هي علنت على الحرب ماغاديش يرتاح بهاد السهولة حتى تحمقو ويولي سميتو سيد احمق مالك ... مضطرا تولي خطيبتو ومن بعد زوجتو
يالها من سخرية ..سخرية القدر ..الرجل لي كاتبغيه كان السبب فافلاس شركة باباها
وبسبب عابد ونهال تعرفات على باقي افراد العائلة
لاكن ماعمرها توقعات ابدا انها غادي تصبح من ضمن هاد العائلة
وهادي هي السخرية بحد داتها ..كونها غادي ترغم تزوج من الرجل لي كاتبغي...
لاكن هاد الرجل كايتصرف بغرابة
وهادشي لي مخلي مشاعرها متضاربة
تبدل بزاااف ...مستحيل حتى شي واحد ماكايتغير بهاد السرعة
بقات كاتفكر فخاطرها فتصرفات اسد حتى تدقات الباب وادا بها ايلا كاتبتاسم بلطف كيف عادتها..
ايلا-نورسين اسد تطوع يوصلنا للسوق بدل السائق..ماكايجيكش غريب هاد خويا لحمق ...
ناضت نورسين غير بشوية وقالك..
نورسين-خوك ديما غريب
ايلا-يالاه زيدي نمشيو
خرجت نورسين من الدار وايلا متمسكا بدراعها بحماس بينما اسد واقف امام السيارة الكحلة تجاهلت وجودو بالكامل وفتح ليهم الباب بكل نبل
مشاو لاغلى المتاجر ففاس وتما بدات ايلا كاتختار فتكاشط كاتبعد هدا ماعجبهاش وتقرب هدا لجنب .هدا ماعجبهاش لونو وهدا واسع بزاف كانت نورسين واقفا بجنبها وحسات بالضيق لانها ماباغياش تقبل لفلوس من ايلا وادا بها تفاجئة باسد واقف بجنبها وعاقد يديه وقال .
اسد-ماتخمميش فلفلوس من هاد نهار..خودي لي تشهاتو نفسك انا لي غادي نخلص..
شافت فيه ببرود وقالت وهي كاتراقب ايلا كاتختار فتكاشط بحماس
نورسين-لحد الان انا ماشي ديالك..
قاطعها وهوا كايشد فيديها بلطف.
اسد-مازال-ولاكن هدا مايمنعنيش نصرف على مشترياتك..
قربات منها ايلا وهي شادا فيديها بتكشيطة زيتية اللون وقالت بحماس
ايلا-نورسين شوفي هاد تكشيطة غادي تليق عليك زوينا ياك..
شافت نورسين بنضرة خاطفة فاسد وشافتو كايشوف فتكشيطة باشمئزاز وحسمة امرها...
نورسين-لا...لا ماعجبنيش..
اسد-اه اه حتى انا ماعجبنيش..اوه وتقول كايهمك رئي
مشا كايتمشى وسط المتجر الراقي وكايقلب بين تكاشط البراقة قابليتو وحضورو الطاغي وسط لبنات لي كايشوفو فيه وهمست هي
نورسين- ورئي شكون غادي يهمني من غير رئيك ياتافه..
عيطاتلها ايلا وهي فيديها تكشيطا كحلة وهي كاتشير ليها بحماس..
ايلا-هدا غادي يجي معاك انورسين اشنو رئيك...
دارت نورسين شافت فاسد لي كان كايشوف فالتكشيطة وماعاجباهش هز راسو ليها نافيا وكانه كايقولها مازويناش
نورسين-احم...ااام ختي غادي نختار تكشيطتي بنفسي ...شكرا بزاف..
بتاسمت ايلا وقالت وهي كاتشوف فاسد لي كان قريب منهم..
ايلا-ماشي مشكل كانضن ان رئي شي وحدين كايهمك اكتر من رئي..
عطاتو نورسين بالضهر وكاتضاهر انها كاتشوف فالتكاشط حتى وقع انضارها على تكشيطا فاللون الابيض غادي يبرز ثنايا جسمها الفاتن ويكشف نصف ضهرها من الخلف وعلية حبال رقيقة من الخرز الابيض الامع ساتر ضهرها العاري على شكل ستار قماشو كان من الحرير ومن الفوق كاشف اكتافها النحيلة وعلى صدو مطروز بالسقلي الحر الفضي مرصع بلألئ براقة ومخدوم بيد لمعلم التقليدي هابط على شكل ايفازي ضيق من الخصر وواسع من الاسفل كاشف ساقيها لحد الركب ..وعلى خصرها حزام فضي منقوش ومرصع بكريسطالات لماعة
هزات تكشيطة بين يديها وكاتتأملها باعجاب لاحضو اسد وقرب منها ووقف امامها وقال
اسد-كلاسيكية ...واش عجباتك..
رفعت انضارها ليه بحماس وعينيها كاتضهر مدى اعجابها بالتكشيطة وقالت...
نورسين-راقية وزوينة
بتاسم ابتسامة صغيرة وعطاها بضهر حتى شداتو من كم قميصو بتردد...سكتت كاتجنب النضر لعينيه وهادشي لي لاحض وقال بصوتو الرجولي
اسد-برئي عجبني غادي يكون رائع عليك ...وغادي يغيرو منك كاع لبنات انا متأكد
طلقات منو وعطاتو بضهر عاود ..شي لي خلاه يفرح حيت كتاشف ان رئيو مهم بالنسبة ليها
شرات نورسين بزاف ديال لحوايج وكولهم عجبو اسد لي كان كايعطيها رئيو فاش كايهز راسو بصمت وبجوح بيهم كايحسابهم ان ايلا ماداياهاش فيهم ... مالقيتو بمن ديروها..
دخلو لبزاف ديال المحلات ومعاهم اسد لي كان مرافقهم فكل خطوة ومن بعد دخلو لصالون تجميل باش تغير تسريحة الشعر والمكياج بما ان حفل خطوبتهم غدا..
ومن بعد ايلا عرفتها على مادموزيل ناندي الفرنسية لي خدات وقت وهي كاتدرس وجه نورسين البيضاوي بينما نورسين شعرات بالارتباك من نضرات ديك لمراه شي لي خلاها تبتاسم بارتباك حتى ضهرت غمازتها
نورسين-انا كاندير غير شوية ديال المكياج لهدا ماكانعرفش نختار الالوان وانا محتارة
تدخل اسد لي كان كالس بملل..
اسد-بشرتك ناعمة بحال بشرة الاطفال انا ماكايبانلي حتى شي داعي للمكياج..
توردو خدودها خجلا وكافحت حتى ستاطعت تتمالك نفسها وتتضاهر بالبرود
بينما ناندي ضحكات وهي كاتشوف فاسد وهمست لايلا
ناندي-واش هدا هوا خطيبها لحمق لي قلتيلي عليه..
ايلا-اه هوا
ناندي-سمحيلي احبيبتي لاكن ماكاينش شي حمق هنا من غيرك...
ايلا-هاداك راه حمق علاش كاتشوفي العكس
ناندي-احبيبتي انا كانشوف حدايا روميو النسخة المغربية
قربت ناندي من نورسين وقالت
ناندي-عيونك زرقاء واسعة لاكن محتاجة تتالق شوية
قال اسد وهوا كايخربق بين العطور لي حداه
اسد- عينيها ديما متألقى ماكانشوف حتى شي سبب لهاد لكلماتك تحبيطية
تنحنحت ناندي بانزعاج من تدخلات اسد المستمرة رغم ان نورسين غادي طير بالفرحة بينما ايلا محتارة واش تفرح حيت كايمدح نورسبن اولا تغضب بسبب تدخلو فخدمت صديقتها ناندي
ناندي-محتاجا يازوينا ..ماسكاره وكلوس يبرز جمال شفايفك وخصو يكون ملائم مع للون عيونك ولون تكشيطتك البيضاء لي غادي تلبسيها
هزات ناندي لمقص باغيا تقطع شعر نورسين طويل لي كانت ساهيا كاتشوف فاسد لي ناض فجئة متوجه لعندهم شد ناندي من يديها وقال بنضرة تقيلة وبتهديد بارد
اسد-ماتقطعيلهاش شعرها انا كانبغيه كايعجبني هاكا.
رفعت نورسين انضارها مستغربة
نورسين-واش بصح
سعل وكايشوف بعيد ماباغيش يشوف ليها فعينيها ويديه فجيوبو
وقالت ناندي باستياء موجها كلامها لنورسين
ناندي-مايمكنش تخفي وجهك زوين وسط هاد لخامية ديال شعر
وقالت لناندي بحزم
نورسين-لا ماغاديش نقطع شعري وهدا قرار نهائي...
بتاسم اسد وناض متوجه للخارج حتى وقفاتو ايلا بسخرية
ايلت-فين غادي اروميو النسخة لمغربية
ضار لعندها وقال بجدية
اسظ-سمحولي ماغاديش نقدر نكمل معاكم ..عندي خدمة مهمة
ايلا-اشنو..اداك طوبة ديال تلج ...غادي تخلينا هنا ونورسين
بتاسم ابتسامة جانبية موجهة لنورسين وهمس ليها..
اسد- وريني طلتك فالدار...فاجئيني ..واخا
طبع قبلة حنينا على خدها وخرج وخلاها وسط مشاعر متضاربة بين الكره والعشق
اصرت ناندي ترفع شعر نورسين وبعد لحضات كان شعرها مرفوع غير شكل راسها وكشف على عنقها الطويل لي كانت قرابا تنسا واش عندها
وقفت كاتتامل نفسها في المراة بحماس وفكرات ان اسد غادي ينداهش فاش غادي يشوفها ..
ختارت اخيرا ملابسها والحداء المناسب مع تكشيطا بالاضافة لحقائب متعددت الصنع كانت معناوياتها مرتافعا بزاف وفكرت ان اسد غادي تعجبو رجعو للدار وطال الوقت وماضهرليهش اثر
تاصلت ايلا بيه لاكن فاش سمعات المجيب الالى قالت بحدة
ايلا-هداك لبرهوش لحمق
حاولت نورسين تهدئها وقالت
نورسين-يمكن مشغول
لاكن فالواقع حتى هي باغيا تغوت ..دازت عدت ساعة حتى نتاصف الليل ونعسو جميع افراد العائلة سوى ايلا ونورسين لي طلقات شعرها لاكنها مازالة لابسا تكشيطا غير باش يشوفها اسد قاطعت افكارها ايلا وقالت بنبرة اعتدار
ايلت-سمحيلي بالنيابة على اسد ..نتي لبستي هاد تكشيطا غير ياش يشوفها هوا ولاكن هوا مادايهاش فالعالم ..وماقدرش يستغنى على بعض الوقت من اجلك
نورسين-نتي راكي عارفا مزيان انني ماكانعنيليه والو علاش كاتعبي نفسك
ايلت- لا لا ماشي هكاك هوا غير اناني وغير مبالي هدا هوا خويا صغير لح...
نورسين-لحمق
ضحكت ايلا وقالت
ايلا-وغبي (قالت فجئة )اسد ...
ضارت نورسين ولقاتو واقف موراها وكايشوف فيها بابتسامة جدابة وطاغية خلاتها تحس بخجل فضيع
توجه لعند نورسين بخطوات بطئية ونبضات قلبها تزادت بشدة...بنضراتها لمرتابكا لاحضت يديه لي شدت فيديها ومن بعد باسها من جبهتها وعينيه مغمضا
تغلغلة خياشيمها برائحة عطرو لممزوجا برائحة رجولتو الحادة ولقوية
حاولت ايلا ماتقاطعش ديك اللحضة حتى بعد اسد بضعة خطوات وقالت ايلا بحماس
ايلا-كيف جاك مضهر نورسين رائع ياك
قال وهوا كايتمعن فيها بفرحة
اسد- غزالة وكاتحمق... لاكن خصها ترفع شعرها للفوق شوية حيت كايخفي جمال وجهك..
قالت ايلا
اييلا- عندك الحق فهادي علاش ماترفعيهش كيف دارتليك ناندي
شدات خصلات شعرها ورفعاتهم لفوق وقالت بعدما طلقات منو
نورسين--لا بلاش
لاكن يدين اسد تمسكو بيها من كتافها ودورها عندو ومن بعد شعرت باصابعو على عنقها كاترفع شعرها للاعلى وحاصرتها عينيه لي كاتدرسها بقلق وقال
اسد-علاش باغيا تخبي وجهك ...
قالت ولاحض انه لمس وتر حساس فقلبها .
نورسين- لا... ماشي صحيح ..
اسد-لا كانضن صحيح..
_________________
في الغد..
اسد-غادي تمشي وغادي تاخدي الخاتم لي عجبك
قالت نورسين بغيض
نورسين- مزياان ..هنا غايتسالا كولشي..وهنا غادي تسالا اقصر خطوبة فالتاريخ ابطال رواية العميلة رقم 7 ماقدروش يستحملو بعضياتهم وانفصلو ..
سدلها فمها بسرعة..
اسد-سكتي ...انا والله مانتفاك معاك الغزالة..فالحقيقة فكرة الحفلة مزيانا جا الوقت باش طلاقاي مع بعض افراد عائلتي خودي هاد العنوان هدا اشهر صانع فالمغرب
نورسين-واش ماغاديش تمشي معايا..
اسد-عندي شي خدما مزروبا غادي يعرض عليك اروع ماعندو ختاري لي بغيتي ..
مشات نورسين لمحل المجوهرات فالصباح لان فالليل الحفلة ..عامل خطيبة اسد بكل احترام وراها مجموعة من الخواتم الناصعة والثمينة كانت كولها غاليا لدرجة مخيفة وعجبها واحد منهم فيه ماسة صغيرة غالية مركبة على دهب ناصع وفالوسط ماسة كبيرة من النوع الفاخر فاعجبها الخاتم .وتخلعات فاش عرفات تمنو كان تمن خيالي ولي جعل فكها يطيح للارض وقالة بارتبتك
نورسين-واش ماعندكش شي خاتم بماسة صغيرة
الصانع-هادي هي المجموعة الغالية لي ختارها سي اسد مالك خصيصا ليك
ادن جاء قبل منها للمحل...وعلاش ماجاش معاها ..والاسوء انه كايحاول يتحكم فاختياراتها وقالت بحزم
نورسبن-بغيت شي حاجة اخرى
تخلع الصانع
الصانع-لاكن سي اسد
نورسين-ماشي هوا لي غادي يلبس الخاتم انا
الصانع-ولاكن ....
نورسين -مابقيتش غانشري من عندك بسلاما...
هزماتو شي لي خلاه يوقفها..وجبد صينية عليها خواتم اقل كلفة..
ختارت خاتم رقيق وبماسة صغيرة بزاف البائع كان مازال كايحاول يقنعها.. لاكن تجاهلاتو وخرجات والخاتم لي ختارتو فصبعها...
جاء اسد للدار بعدما كانت هي مستلقية على الاريكة بينما هوا كان هاز صندوق المجوهرات لكبير لي كان فالمحل ...اشنو واش هادي حرب....هوا معصب ادن هادي حرب وهي طبعا مستاعدا رفعت يديها كاتوريه الخاتم بدلال مسطنع...
نورسبن-شكرا على هاد الخاتم زوين
شدلها فيديها بقوة وحيديها الخاتم حتى بلامايشوف فيه...
نورسين-هيي نتا اشنو كادير
اسد-كاين خطئ...اكيد وراكي الصينية الخطئ..خطيبتي مايمكنش تلبس خاتم رخيص
نورسين- رخيص واش عارف شحال تمنو...ااه فهمت نتا كايهمك كلام ناس على سبب لخاتم رخيص لي لابساه خطيبتك فصبعها ...اووه ويبدا كارلوس مراجعة اسهمك باش يتأكد واش صافي فقدتي قدرتك المالية
اسد-بما انكي فاهما هادشي كيف قلتي ..ماعارفش علاش كانهضرو فهاد الموضوع..
نورسين- صافي عافاك رجعلي خاتمي...
اسد-لا
نورسين-هداك هوا الخاتم لي بغيتو وعجبني..
فتح اسد الصندوق
اسد-ختاري واحد من هاد الصندوق
نورسين-صبقلي وختاريت لخاتم لي كان فصبعي وحيدتيه
اسد-علا حنا كولشي خصنا نديرو فيه المشاكل هاا
نورسين-لانك كاتحاول تسيطر عليا فكلشي.. وانا ماقابلاش هادشي..
اسد-غير كاتخربقي ..انا ماكانحاولش نقيدك
تنقد بتعب وقال
اسد-مافكرتيش كيفاش غادي يئثر عليا هادشي
نورسين-عملائك غادي ينساو...وكارلوس ماغاديش يعرف ..علاش نتا جدي هاكدا
تلاشا الغضب من وجهو وشاف فيها بابتسامة اعتدار
اسد-انا ماكانخافش من عملائي فالحقيقة..ولا من كارلوس لقرع...انا خايف من ...لسان ايلا.. عرفتس شنو غادي دير فيا الى عرفتني عاملتك بدنائة بالنسبة للخاتم ..فادي تقتلني بلا شك..
كان كايبتاسم بطريقة وترتها شوية
نورسين-غادي نوضح ليها انه اختياري..
تنعد
اسد-لا غادي تقول انه كان عليا نتبت وجودي وهي ماعارفاش شحال هادشي صعيب معاك حيت نتي عنيدة بزااف..
قالت بحدة وكاتحاول ماتئترش بابتسامتو
نورسين-واخا...صافي باراكا ماتبتاسم بديك الطريقة نتا اصلا ماكاتهتمش بارائ الناس وكاتمتل عليا..
اسد -نتي لي كاتفهميني..
نورسين-راك كاتعصبني..
اسد-علاش ..حيت كانحصل على لي بغيت ..شعور زوين ماباغياش تجربيه حتى نتي..
طبعا لاكن كايتملكني بعض التردد ووخز فالضمير فاش كاناخد لي بغيت رغم عن انف غيري..
قال ببرود وجدية
اسد-التردد والضمير مضيعة للوقت.. للى كانت شي حاجة غاتنعك خوديها..
نورسين-بلامانهتم بالاخرين
اسد-الاهتمام كايولد مشاعر غير مرغوب فيها..
كان كايهضر وواضع فيدو الخاتم لي ختارتو فالاول وعجبها لاكن رفضاتو بسبب تمنو
الصانع قالهالو وهوا عاىف مسبقا ان هاد الخاتم هوا لي كان فصبعها لاكن ماقالهاش خاف لاترفضو عاود حمقا وديرها
لاكن غضبها تلاشا وهي كاتشوف فداك الهاتم والماسة مدت يديها كاتشوف فالحجرة المتلئلئة بحال نجوم وتملكتها رغبة بجمالها وقالت بيأس
نورسين-مانقدرش ناخدو مانقدرش
لاكنها ماخفضاتش راسها مسحورا بداك الالماسا المرصعة
همس اسد وهوا كايشوف انبهارها بالخاتم
اسد-كلما شفتي فهاد الخاتم تفكري انكي كاتنتامي ليا...نتي ديالي انورسين
وادا بايلا ومحمد وعمر وبراهيم سمعو الحديت لاكن خلف الكواليس وعلنو عليهم هجوم وغوتت ايلا بحماس وهي كاتعنقهم بجوج..
ايلا- مبروك عليكووووووم...
طلقت منهم وشدات فيد نورسين كاتتمعن فيد نورسين وطلقة صيحة اعجاب..
ايلا-واااو على خاتك شحال زوييين
عنق محمد خوه بقوة حتى قرب يحطم عضامو وكانت الفرحة باينا على وجهو الطفولي وهوا كايقول وكايحاول يكبت فرحتو قدر المستطاااع...
محمد-نتا راك ماعارفش شحال وانا نتسنا فهاد نهار اخويا..
وادا بالدور جا على براهيم وعمر وغوتت ايلا بحماس وقالت
ايلا-غادي يتدهش كل من شافو ..ودابا غادي ننضمو كاملين لحفل خطوبت خويا وحبيبتي نورسين هاد الليلة غادي نتكفل بكلشي كاينا ولا لا اعمر وبراهيم ومحمد..
قال عمر وهوا كايتحنى عندها
عمر-حنى رهن اشارتك يا سمو الاميرة ..
وقال محمد وهوا كايخفي حرجو
محمد- غادي نطلعو فوق القمر الى بغيتي يا جلالة الملكة..
تفوه براهيم بنعاس وقال..
براهيم-ماغاديش نعسو الى بغيتي الغزالة ديالي..
ضحكت ايلا بشر وهي كاضرب اكتافهم..
ايلا واش شفتو سحري...دايراهم بحال لخواتم فصبعي
ضحكت نورسين حتى طاحة انضارها على عيون اسد لي كانو حاضينها بخفية
كما انه عندو سحر خفي يمكنلو يتسلل لكيانها لمسكين ويبعترو..
ضورات وجهها لعند براهيم ورفعت يديها كاتوريه الخاتم وبدا كايمدحو ويقارنو بنعاس حبيبو وعشقو الوحيد والحمد لله عجبو الخاتم على نعاس
بعدما سالاو لغدا تافقو اسد وايلا على لائحة الضيوف بما فيهم لمار واية وكدالك شيطانا سماح..
شافت نورسين فاللائحة ولمحت اسم عزيز عليها وغوتت بحماس..
نورسين-روبرت ... الممتل روبرت مدعو للحفل ماقادراش نصدق..
سولها اسد مستغرب
اسد-واش كاتعرفيه
نورسين-هدا الممتل روبرت انا كايعجبوني افلامو بزاف وعاد كانتمنى ندخل لدارو لي عندو هنا فالمغرب كايقولو عليها كبيرة بزاف وعندو فوسط منها مكتبة كبيرة ولعامرا بالكتب المشهورا لي نصفها مابقاش كايتباع
اسد-اممم كانضن غادي نقدر نخليك دخلي لدارو بادن مني انا كانعرفو ونقدر نتوسط ليك باش تشوفي دارو
نورسين -واش بصاح.... واش كاتهضر بنيتك..
بتاسم بكل رقة..
اسد-يفرحني نكون نافع فشي حاجة..
كملات نورسين باقي نهار وغاطير بالفرحة رسلات الدعوات للضيوف ولاسيما روبرت واسد كان فرحان وهوا كايراقب مدى سعادة نورسين..
الدعوات وصلات للضيوف وكان كولشي متلهف يشوف لمرا لي غزات قلب اسد
اسد-غدا غادي يجي عمي ادم ومرتو زينب اولد ايهاب من تكساس واش نتي مستاعدا تشوفيهم
ادم وزينب عقلتو عليهم تفكرو روايت اللقيطة ايهاب هوا ولد ادم وزينب..
اسد-وعاد كاينين بزااف ديال الضيوف لي مستحيل تعقلي على اسمائهم غادي يتجمعو من هنا لساعتاين
قالت نورسين
نورسين-متوترا واحد شويا..
بداو ضيوف كايوصلو المباركات والتهنيات حتى عمر القصر مالك بالضيوف المرموقين اصحاب الطبقة المخملية ..
نورسين جات غزالة بثوبها الابيض الامع
ومحاوطاها نضرات الغيرة ..الحسد ...الاعجاب..والدهول
كان الخاتم الامع فصبعها حقيقي وبارز تحت الاضواء
كانت متشوقة تستمتع بالحفل رغم كاع التشتت والفوضى لي كاتحس بيه ماعارفا واش تكرهو ولا تبغيه ..كان تركيزها موجه فقط عند خطيبها لي كان لابس بدلة رسمية سوداء برزت رجولتو وسط اشباه الرجال..
كانت بدات كاتحس بالملل من حديت البنات المفاجئ ..بدراعو حاوط بطنها وسحبها خفية ..ضارت لقاتو اسد كايشوف فيها بامعان وضعت يديها على صدرو وكاتتنفس بتسارع وقالت
نورسين- خلعتيني..
اسد- ماشي من العدل نتحرم من شوفة خطيبتي فحفل خطوبتنا متافقة معايا ولا لا..
بغات توافقو الرئي وماكرهاتش تتشبت بيه حتى تنتاهي هاد الليلة لاكنها تضاهرت بالحزم وبانها مامصوقاش وقالت
نورسين-بالنسبة ليا ماكاينش الفرق ..
بغا يجاوبها لاكن صوت ايلا ختارق ودنين الحضور وهي كاتقول..
ايلا- ايهاااب وصل ...
بتاسم ايهاب بوداعة وهوا كايحس بالخجل الفضيع بسبب نضرات الجميع ليه ..كان اشقر الشعر شوية.. طويل ومعضل وهادئ الملامح ولاكن جدااب توجه اسد يرفقة خطيبتو وعنقو وهوا كايشير لنورسين لي فجنبو
اسد-هادي هي خطيبتي لي قلتليك عليها فتلفون
وقفت نورسين بارتباك كاتبتاسم ليه وشاف فيها وكدالك هوا شاف فيها بابتسامة ساحرة ضهرت صف احنانو البراقة
كان وسيم بالنسبة ليها وهادئ الملامح
لاكن لا وجود للمقارتة بينو وبين خطيبها الفاتن لي غادي يبقا فنضرها وحتى شي واحد مايحيد ليها هاد القرار لانه كان اكتر اناقة وتأثير وتحفض
مدات يديها كاتسلم على ايهاب لي بقا محتافض بيديها مابغاش يطلق منها وبقا كايشوف فيها من راسها لاخمض قدميها بابتسامة اعجاب عريضة
وبادلاتو هي نفس النضرة حتى هي اعجبت به وبملامحو الطفولية لاكن اعجابها بيه سطحي وبرئ
حتى سعل اسد بشل عندو معنى كايلمح ليها بانه كايشوف هاد الاعجاب المتبادل
شافت فيه نورسين وقالت وتشاهرت انها مابقاتش كاتعرفو متضاهرة بالغباء
نورسين-كاتعرفني..شكون نتا
ضحكو كاملين وبما فيهم اسد .هوا ماشي داك الرجل لي كايتقبل بسهولة بحال ديك الدعابة . لتكن شخصية نورسين البريئة والمرحة خلات كولشي
يوقعو فنوبة الضحك المتتالية
قال اسد بابتسامة عريضة فاتنة
اسد-بعد من هنا اايهاب على مانفكر خطيبتي شكون انا ..وكانصحك تبعد عليها فالمستقبل
غمزها ايهاب بسخرية وقال بصوت هامس وهوا عاض على شفتو السفلية بحركة مثيرة
ايهاب-فالشرفة فمنتصف الليل ...نطلاقاو تما...
لاكن دراع اسد لتفات حول خصر نورسين بشدة وبعدها على ايهاب وماخلاهاش تجاوبو ..وقالت هي كاضحك
نورسين-راه كونا غير كانضحكو ..
اسد-عارف وعارف انكي صافية وبريئة ولاكن ايهاب لا ..حيت كايضحك بزاف مع لبنات
عقد حواجبو بانزعاج لاحضاتو هي ورفعات يديها امامو كاتوريه الخاتم..
نورسين-واش نسيتي شنو قلتيلي الحمق انا ديالك ..
تمسك بيديها وقال بامرات الغضب واضحا على وجهو
اسد-وهادشي لي كايخوفني اكتر..
مافهمتش شنو بغا يقصد وفاش بغات تسولو كان جا موعد العشاء فغرفة الاكل وعيطولهم باش يدخلو
كانت قاعة الاكل عامرا ولهضرة بزاف والمكان فيه الضجيج وهمس اسد فادن نورسين بينما كانت كالسا حداه
اسد-عندي ليك مفاجئة اجي معايا
تمسك بيديها وجرها معاه وخرجو للشرفة وتفاجئة بحمال البدر لي نعاكس على وجوههم بينما نورسين كانت كاتتأمل النجوم البيضاء
قالل اسد وعينيه ماسقطتش على وجهها
اسد-عندكي موعد هنا فمنتصف الليل
قالت باغيا تستافزو
نورسين-لاكن ماشي معاك احبيبي..
قال بابتسامة
اسد-من الافضل يكون معايا اجوليت...
كانت فرحانا من الداخل بينما كانت كاتفكر جا هوا موراها وعنقها من الخلف وهمس ليها بلطف
اسد-الى بغا ايهاب ياخدك خليه يحاول ياخدك من بين دراعي.. وتشوفي شغاندير فيه
بتاسمت حيت كايغير عليها شعور جميل شعور لا يوصف يد لامسة يديه لي محاوطين بطنها ويد لامسة خدو الملتحي لاكن تفاجئة فاش بعد عليها فجئة وحيد يديها لا لامست خدو
فشعرت نورسين بالاستياء خرجات من الشرفة وطلعات لغرفتها جاها حريق الراس من داكشي لي دار اسد علاش بعدها عليه بديك الطريقة
بينما هوا طلق منها فاش شاف ياسر داخل ومتمسكا بيه بينت بشعرها الاحمر وقوامها الممشوق وبجسمعا المثير لابسا فستان اسود مناسب مع قوامها كانت هي وئام تفاجئ من وقاحة ديك البنت ...
دخل ياسر كايسلم على الضيوف بينما هي عينها مازالتش على اسد ليكان مازال واقف فالشرفة وكايشوف فيها بشر..
غفلات ياسر بينما كايسلم على صحابو ودخلات عند اسد للشرفة
اسد- اش هاد الوقاحة كاملة
وئام- قبل ماتبدا تسبني ...بغيت نقولك انني كتاشفت راسي كانبغي ياسر ومانقدرش نعيش بلا بيه و ستقلت من المنضمة على قبلو وعلى قبل ولدنا لي جاي فطريق اسد انا حاملة من ياسر هادي كتر من شهراين وانا كانطلاقا بيه وحينا علاقتنا من جديد كانتمنا تقبل الامر ومادخلش فحياتي من جديد انا وياسر كاتسنانا حياة جديدة مع ولدنا بغيت نجرب نعيش مع اسرة متكونة مني انا وياسر ووليداتنا بعيدا على المنضمة ..كانتمنا حتى نتا دير بحالي وتبعد على المنضمة والمجرمين وعيش حياتك ...