فصل 46
اسد تقبل قرار وئام وفرح لصاحبو حيت واخيرا غادي يولي اب ومشا عند صاحبو وتسالمو بجوج وتبادلو التهنئة وعتادر ياسر من اسد على اتهامو باشياء باطلة تصافات لقلوب بين هاد جوج صحاب ورجات المياه لمجاريها .
تفاجئو بوجود العم اسماعيل لي دخل وفيديه حقيبتو صافي واخيرا غادي يرجع يستاقر فالمغرب وحتى هوا ستقل من المنضمة ورجع لعند عائلتو وغادي يعيش معاهم الحياة بكل تفاصيلها الخالة مريم تفاجئة وكملات فرحتها بوجود زوجها وكدالك براهيم لي ماكانش مصدق فاش شاف باباه قدام عينيه وتفاجئو اكتر فاش زف خبر استقرارو فالمغرب
كملت فرحتهم خطوبة وقريبا عرس ياسر ووئام لي تحدد بعد شهر وكدالك رجعت اسماعيل للمغرب
بداو دموع كاينزلولي وانا كانشوف نهاية روايتي قربات
اااه قلبي الصغير لا يتحمل
لاكن والله مانتفاك معاكم
مازال نزيدكم شي فصول يااالاه...😏😏
بينما نورسين فغرفتها كالسا ومقلقا تفاجئة بايلا لي دخلات هي وعمر وبراهيم
عمر-كاتباني زوينا ..ماشي غريب انكي دوبتي قلب رجل الثلج
قفز براهيم وضرب كتف عمر.
ابراهيم -ماتقولش هاد لهضرة المسطي الى سمعنا اسد غادي نوليو من عداد الاموات
ايلا-لاكن اكيد نتي كاتشوفي فيه شي جانب اخر حنا ماكانشوفوهش..
طلقة ضحكة لطيفة
ايلا-هانا خليتك تحماري بالحشما ههه
لاكن نورسين نكرات احمرار وجهها ...هوما كايضنو انها هي واسد عشيقان لاكن لا سدات عليهم الباب بلطف ومشاو وهوما كايضحكو ....دخلات حتى تفاجئة بالدقان فالباب من جديد حلات الباب وادا به اسد ومعاه ايهاب واقفين امامها بملابس السهررة الجدابة
كانو وسيمين بشكل لا يصدق وكانت واحد البنت مع ايهاب جات معاه ..قال اسد بقلق وكايراقب ملامح وجهها المرهقة..
اسد-جيت باش نطمن عليك قالتلي لامار بانكي كاتصرفي بغرابة ...واش نتي بيخير..
بتالعت ريقها كيفاش غادي تقولو نتا هوا السبب ..لاكنو هوا ماقصدش يخليها تبقا تفكر حتى يجيها حريق الراس ...كوني عقلانية انورسين
جاوبات بلطف
نورسين-انا بيخير
فتح علبة سوداء وجبد منها سلسلة دهبية شافت فيها هاديك البنت لي كانت مع ايهاب شي لي خلاه يشدها من يديها ويجرها خرجها وسد الباب
البنات-فسدتي مشهد رجل الثلج وهوا كايقوم بدور العاشق..
ايهاب -اصلا كان غادي يجري علينا نخرجو بكرامتنا نخليوهم على انفراد..
فتحت الباب اكتر فاش شافت هدية اسد ..وفكرات..يمكن هادي هي المفاجئة لي قالها فاش كانو فالشرفة ولي نساحب فيها اسد وخيب املها
رفع السلسلة المزخرفة على شكل حلقه بهدوء حول عنقها وقال وهوا كايتفحص ملامحها امام لمراية لي كانت واقفا قبالتها ..بينما هوا كان خلفها
اسد-كنت عارف ان الدهب غادي يليق بيك..
نورسين-شكرا ..ماعمري فكرت نكون بحال الاميرات
اسد-وقعت فسحر جمالك من اول مرا شفتك فالطاكسي فاش كنتي كاتنشفي شعرك ..
ضحكت برقة وهي كاتفكر داك نهار..
نورسين-فزكت بزاف بسببك
اسد-وانا عتادرت بطريقتي الخاصة
نبرة خاصة فصوتو نبهتها ان اصابعو مازالة على عنقها شافت فالمرآة وتقابلو عيونهم ...شافت فعينيه تالق ماعمرها شافتو من قبل كان بحال الارتباك..ورجع الجمود لعينيه بغا ينطق بداكشي لي فخاطرو لاكن قاطعهم دخول ايلا
ايلا-واش نتوما واجدين ... وصلو ضيوف كاملين
خرجو كاملين ونورسين متمسكا بدراع اسد لقوية ولقات امامها صديقاتها لمار واية وكدالك سماح كانت غير كاضور فعينيها وكاتجنب تشوف فنورسين
اما اسد من جيهتو كانت عائلتو محمد وخالتو وجداتو عمر براهيم وايلا وحتى ايهاب
كانو غارقين فالنضر ليهم بدا الجو يصبح عاطفي اكتر من اللزوم قاطعت انضارهم ايلا
ايلا-ولاد عائلي ونسائهم وصديقات حبيبتي نورسين ماننساوش التنائي الخلاب نورسين ديالي وخويا لحمق ..ودابا يالاه نهبطو للاسفل ونقتلو لمدعوين بالحسد
فكرت نورسين وهي فصف المستقبلين ان تدفق الضيوف ماغاديش يسالي جميعهم من اصحاب المصاريف ورجال الاعمال..كان الجميع حاضر من خيرة المجتمع والطبقات لرفيعة
حسات انها محاطة من كل جهة بالثراء الفاحش..
الخاتم لي لابسا فصبعها خبر العالم كلو بان العروس لي ختارها اسد مالك تستاحق احترامو
وبالتالي تستاحق احترامهم حتى هوما..
المكان ممتلئ بالعديد من النساء لي لي كانت انضارهم متوجها لخطيبها
شعرت بالقشعريرة من الخطر .وفجئة تفكرات هضرت اسد فاش قال انه دمر قلوب بزاف ديال لبنات
كانو كايراقبوها بعيون متوهجة واش هوا فضول ؟اولا غيرة؟ شهوة حسد دكريات توقعات ...وربما بعض هاد المخلوقات والوقحات كانو عشيقاتو .وباغينها تعرف..
وكانو كايفكرو شحال غادي يبقا وفي ليها ..ماشي لمدة طويلة كيف كايفكرو البعض منهم بدون شك وهوما باغينها تعرف هادشي بلاشك..
دفعها غضب مفاجئ ورفعت راسها بشموخ ماكايهمش الى فسخت الخطوبة ..المهم ان هوا هاد نهار ليها رسميا...
قرب اسد منها ووقف بجنبها كايشوف فالحضور بينما يديها كاتعوط ربطة عنقو..
اسد-واش نتي بيخير
نورسين- باحسن حال...
اسد-تيقتك
نورسين-ياربي ...واش مالاحضتيش نضرات الحقد لموجها ليا ..وكان عينيهم كاتقولي انني مانستاحقكش
بتاسم باشراق..
اسد-اجي معايا..
جرها معاه لقاعة الرقص لي كانو الاضواء مسلطة عليهم
اسد-ادن خلينا نقولو ليهم العكس
كانت وجوههم مستائة وهوما كايشوفو فيها...حاوط خصرها بدراعو بينما يديها مرتاحا على كتفو لعريض وبيديهم لخرين معنقين بعضهم
فكرت نورسين ان كل هادشي زائف مجرد عرض على الناس وصافي...
البهجة لي شعرات فيها لمجرد قربها منو كانت كاتشعل فقلبها بحماس كانت النضرة فعينيه كافية تخليها ترتابك وتفرح فدقة وحدا... قال بنعومة
اسد- جمالك رائع ...مابغيتكش ترقصي مع حتى شي واحد من غيري ...
قالت بابتسامة ساخرة فقط باش تعصبو
نورسين-ادن غادي نمشي نقلب على ايهاب ونرقص معاه..
شعرت بيديه زيرت على خصرها رفعت عينيها كاتشوف فالجمود على عينيه وملامحو كانت قاسية
ضحكت وكانت قريبا من وجهو بحيت انفاسها دفئاتو وشعرت بيه كايرجف
ضهرت ابتسامة ساخرة لاكن ساحرة على وجهها وقالت
نورسين-كاتبانلي تهدنتي اشنو واقع ..
توقفت الموسيقى وشاف فيها بنطرة جامدة قبل مايطلق منها ويبعد عليها
شافتو فاش قرب من ختو ايلا كايهضر معاها كان كايبان معصب لاكن نورسين تجاهلاتو وكانت عينيها مراقباه بدقة حتى قربات منو امراة تقبطت بدراعو وسحباتو معاها بلطف لقاعة الرقص
حست نورسين بالغيض ونيران الغيرة كاتاكلها لاكنها من الخارج كانت ابرد مايكون ..وحتى شي واحد ن
ماشعر بغضبها فاش بغات تهرب من المكان لي صبح قاتل لروحها وكأنما الهواء رافض يدخل لرئتها
لمحت رجل كبير فالسن لاكن جداب ووسيم كان رجولي وهي عرفاتو من اول نضرة
نورسبن-روبرت
ناداتو بحماس طفولي ولتافت ليها بفضول
سلمات عليه بحماس مامصدقاش انه واقف قدامها ضحك على ملامح وجهها وقال
روبرت-(كايهضر بالانجليزية ) انتي هي صاحبة هدا الخفل الرائع يا انسة
قالت وعينيها قرابا تخرج من محاجرها لشدة دهولها بوقوفو امامها
نورسين- نورسين.....اسمي نورسين
بتاسم بلطف وقال
روبرت -سررت بمعرفتكي ياعزيزتي هل لي ان تسئلكي كيف عرفتي اسمي
نورسين-انا من معجبيك سيد روبرت وخطيبي هوا من دعاك كي يفرحني قدومك هوا لشرف لي سيدي
روبرت-شكرا لكي على اطرائك اسعدني كثيرا
حتك بيه شي شخص من الخلف وقال
روبرت-هل يمكننا التحدث في مكان اخر ..المكان هنا مزدحم..
بقاو كايتمشاو حتى وصلو للحديقة الخلفية كان المكان هادئ مع وجود كرسي خشبي تحت شجرة محاط بالاضواء الملونة باهرة الجمال
بدا روبرت كايعاودليها على قصص اثناء تصوير افلامو وعلى مشاعرو فديك اللحضات .وعلى الفيلم جديد والمرتقب وبدا يعاودليها قصص ادهلتها
بعدها على العالم الخارجي ونسات حتى فين هي
سرقها الوقت بلاما تلاحض فاش فتحلها عالم جديد وقالت بحرارة وحماس
نورسين- ما كان عليك اخفاء جميع تلك الكتب في منزلك. انه لاضاعة لجمال تلك الكتب الرائعة يا سيد روبرت
شدليها فيديها بجوج وقال
روبرت-عليكي ان تاتي الى منزلي دات يوم ساسمح لك برئية جميع تلك الكتب .. سيكون هدا لشرف لي ان ارى قارئا يقدس الكتب القديمة والتي نسيها نصف العالم يا عزيزتي نورسين
قالت بحماس طفولي وهي كاتخيل نفسها واقفا امام ديك المكتبة العملاقة
نورسين-سيكون دالك من دواعي سروري يا سيد روبرت
روبرت-انا مترقب لدالك اليوم
قال هاد الكلمات بصوت خافت وهي كاتغمض عينيها وكانها فحلم وهي كاتخيل ديك الكتب العديدة من حولها ..لاكن صوت بارد خرب هاد الحلم..
اسد-انتي تهملين ضيوفنا يا حبيبتي ...
كان اسد واقف قدامها وكايبتاسم بسيف عليه كانت نضراتو مسمرا على يدين روبرت لي متمسكا بيد نورسين
روبرت-سامحنا..
قال روبرت هاد الكلمة وهوا كايوقف وماطلقش من يد نورسين
روبرت- انا في غمرة عجبي لاكتشاف سيدة مهتمة بالكتب قدر ماهي رائعة الجمال . نسيت حسن السلوك واحتكرتها لنفسي . هل يمكنني القول يا سيد اسد كن انت محضوض في الحصول على حنان هده الحلوة
بتاسمت نورسين بفرحة من امتداح روبرت ليها وشافت فوجه اسد وجمعة الضحكة ..من الواضح انه ماجاهش هادشي مسلي وقال بصوتو الغاضب لي لاحضاتو نورسين بوحدها
اسد-ان خطيبتي من معجبيك شكرا لك على قبول الدعوة واسعدت قلبها...
بتاسم روبرت ببشاشة . وكانت نضرات اسد القاسية مازالة مسمرا على يد نورسين لي سحباتها بسرعة من يد روبرت لي ماكانش ناوي يطلق منها طلقات منو وشدات فدراع اسد وشاف فروبرت بغضب مخيف
ضغطة على دراعو وقالت
نورسين-اجي معايا...
جراتو موراها
خافت من النتائج لي تقدر توقاع هي ماباغياش يوقاع شي سوء فهم ماكانتش هادي هي نيتها ..
فاش بعداتو على روبرت كانت مازالة شادالو فدراعو
وقالت بسرعة كاتحاول تقنعو ...
نورسين- ماتعصبش
قال بخشونة ونتر دراعو منها
اسد-مانتعصبش واش عارفا ان الليل تناص تقريبا
نورسين-شوف انا كانعتادر ماكانش عليا نتعطل هادشي كامل
قال بصوت متوتر
اسد-غادي ناقشو هاد الموضوع من بعد
تعجبات لانه خدا الموضوع بجدية ..هوا عارف ان لي كايهمها هوا لكتوبا لي عند روبرت وانه رجل محنك ماكانش عليه يشك عكس دالك ...لاكن غضبو الهادئ ماخلاش شك بان هادشي لي وقال لمس منو وتر حساس ..
نورسين-اسد
اسد-قولتليك اجلي هاد الموضوع من بعد...ضيوف خصهوم يشوفونا فاحسن حال ..
نورسين- ولاكن راك معبس فوجهي..
اسد-غير كايبانلك
نورسين-لا مامايبانليش
كانو ضيوف خرجو للحديقة بامكانهم يشوفو اسد لي جر نورسين وعنقها بين دراعو بخشونة وكانه كايبين غيرتو بهاد الطريقة الخشنة ..شعرت نورسين باستياء وقالت
نورسين-اشنو كادير
قال ببرود كايشرح غضبو
اسد-سكتي
رتافعو الاصوات فالحديقة فاش شافو اسد معنق خطيبتو
تملك نورسين الشعور بالدنب وانها خصها تعاونو باش ينقد كرامتو
لو انه فقط مامعنقهاش بهاد القوة مزير عليها وكاتم نفسها عضامها تحطمو بينما لحاضرين بانتلهم اشبه بالعاطفة ..
بينما هوا غالحقيقة غضبو المبالغ فيه
همست باش مايسمعها حد من غيرو
نورسين-صافي باراكا..
قال بصوت مرتجف
اسد-اه باكا هادشي كافي باش يقنعهم ولاكن خصنا نمتلو ضور العاشقين حتى تكمل السهرة
رخا يديه وشدتها الضوخة فاش طلق منها . وضطرات تشد فيه
بينما بعض من ضيوف لي فالحديقة قالو بصوت مرتفع
"اسد ...البنت مسكينا غادي يغمى عليها بسببك"
قالت واحد البنت بصوت عالي..
"هاكدا كايكون العناق الحقيقي والرومنسي"
قال براهيم بمزاح..
براهيم -ودابا ماكرهش يجري علينا كاملين وينفارد بيها..
ايلا-صافي باراكا
قال واحد الاجنبي عويناتو خضيضرين وزعر
" كنا نهنئه فقط..والان لو ان نورسبن لي .."
قال اسد بنبرة مرحة وودودة لاكن هازا معاها برود ونبرة فولادية شعرت بيها غير نورسين وايلا
اسد-لاكنها ليست لك . فهي لي . ومن الاجدر ان تتدكر هدا..
حسات بيه بين دراعها كايرجف ...واش هوا كايرجف بغضب من شدة غيرتو
وفاش هضر زير عليها عليها بيديه بشكل غريزي
وعرقت ان هادي رسالة ليها بقدر ماكانت رسالة تحديرية ليهم..
طلق منها وخلاهوم ودخل ببرود تام بينما هي مشات عند ايلا وتقبطت بدراعها
ايلا- اشنو كاين انورسين ...اشنو لي عصبو
نورسين-كانضن انه كايغير
ضحكت ايلا وقالت
ايلا-ماشي زوين...كونو كايغير
شافت فيها نورسين بإحباط..
نورسين-بلعكس مخيف ...هوا راه كايفرغ غيرتو بتحطيم عضامي بين يديه
ضحكت ايلا وهي كاتمسح على راس نورسين
ايلا-ولاكن عجبني صراحتا...يمكن حيت عمري ماشفت هاد الجانب منو ولفت بيه ملي كان صغير ياإما كانشوفو كايبكي اولا ومهدن الا هاد الجانب اللطيف ماعمري شفتو ..لاكن ردي لبال منو فاش كايغضب راه كايتحول لشيطان
نورسين- صبقلي شفت هاد الجانب من غضبو ..لاكن لي خالعني كتر هوا جانبو الغيور
تمشات من حدا براهيم لي كان واقف مع اية وكانو مندامجين بالهضرة وماداينهاش فالعالم
وشافت محمد لي كان واقف مع لمار لي كانت بحالي كاتعاتبو على شي حاجة بينما هوا شاد الضحكة ديالو
الخالة مريم كاتهضر مع العم اسماعيل والعم ادم عرفتوه صاحب ارسلان كانو مدا ماتشاوفو وكانو منساجمين بالهضرة العم اسماعيل مع ادم والخالة مريم مع زينب
بينما مي عيشا كانت كالسا كاتعاود هي ومجموعة من النساء قدها فالسن
بينما سماح كانت كاضور وكاتجنب تحتك مع اسد حيت عارفاه كيف داير فاي لحضة يتحول من شبل وديع لسبع ...(خلاتها سندس الجنان تحية ليك هادي وحدا من القارئات لي متبعيني وهادي ديديكاس ليكم كاملين
Laa maar لفنون ديالي ..Ar ka
اية الله الصديقتى الوفية كانحماق عليها ...عزيزة الزيات ...نسيم الهوى..غلا الروح..اميرة نفسي..
fatima zahra kadiri
...safae elbhrهادي قالتلي علاش ناخد كنيتها ونعطيها لسفاح لي قتل عائلة نورسين ههه قتلتني بالضحك
Doriss ghazala... sokayna nassih .
.za noba...
ومانساااش المدمنة ديالي kaltoum L'espoir
fatima zohra Elm...hind Aboumalih
oum hod عزيزا عيليا هاد الاخت الله يعمرها دار
ghizlane Zii-zoè .... zineb amrani ...ikram El...souhaila siso mehdi... najlaa halimi...hanan tango..Chäima Çh...ikram Az ll..khadija koko...Layla Benyaakoub
fati khlili ...nabila S'himi... El masoudi soufia
والقائمة مازااالة طويلة سمحولي الى نسيت شي واحد تبارك الله كاينين تقريبا 200 لي متبعيني فصل بفصل بجيماتهم وتعليقاتهم بلاماندكرو الاصنام هادو لي ديما حاضرين معايا فكل فصل وتعليقاتكم كاتحمسني كانشكركم كااملين وشكرا على المتابعة ...
نرجعو للقصة
ابتسام قراري
________________
الجميع كان مشغول ماعاداها هي زفرات بضيق وتكات على عمود طويل فوقها وكاتراقب الحضور بتملل فجئة سحبتها يد معاها بعيد على الانضار
كانت نتاليا لي شافت فيها نورسين بدهول
نورسين-اشنو كاديري هنا ...
زفرت نتاليا بسخرية وقالت
نتاليا-راكي عرضتي عليا واش نسيتي ...
نورسبن-مزيان...دابا شنو بغيتي..
نتاليا-بغيتك تبعدي على اسد
نورسين-بصاااح واش كاتوقعي انني نلبي طلبك فقك لانكي امرتيني ..
نتاليا-بطبع لا ..ولاكن غادي نبزز عليك ديريها.
نورسبن-وريني كيفاش
ماقدراتش نتاليا تمتالك اعصابها وجمعت مع نورسين بصقلا حتى طاحت للارض بصدمة وشادا فوجهها وحنات نتاليا عندها وهمست بسخرية
نتاليا-هدا كان غير تنبيه ..الى مافسختيش خطوبتك غادي نقول للعالم انني عشيقة اسد
ناضت نورسين بغيض حيدات طالونها وجراتها من شعرها ولسقاتها مع لحيط جمعت معاها بصقلة لولة والتانية والتالثة شدتها نتاليا من يديها لاكنها ماستسلماتش نترت يديها وشنقت عليها قجاتها بكل قوتها وقالت بصوت كولو شر...
نورسين- اياكي تحاولي دلي اسد بهاد شكل ...حتى شي واحد ماغادي يتدمر بسبب لسانك من غير اسد ...واش ناويا تادي الرجل لي كاتبغي...من اشمن نوع نتي ..
رتابكت نتاليا بغيض وبعدت يدين نورسين على عنقها وهي كاتحاول تاخد انفاسها ومشات كاتسبك باش مايشوفها حد
وقفت نورسين وسط الضلام بوحدها امام الفراغ ومحطمة ..كاتحس وكانما رمح غرز قلبها
ماقدراتش تشرح داكشي لي كاتحس بيه ..تمنات لو كان ينتهى كل هاد العداب
لو ان هاد الحفل كان برغبة من اسد وماشي تهديد لكانت اسعد من هاد الوضع
اسد أساء فهمها بسبب روبرت ..وعشيقتو صفعاتها..
الخاتم والزواج ماكانوش برغبتها ..كلشي كايصير عكس ماكانت كاتمناه ..تسللت دموعها على خدودها بحرقة حتى سمعات صوت موراها كايقولها...
""ماتقلقيش""
ضارت تشوف شكون موراها وكان ايهاب... لي قرب منها وتعمق فعيونها لاحض ان رموشها وخدودها مبلولين بينما فهاد الوقت اسد وقف باغي يهضر معاها وشاف داك المنضر
كان ايهاب كايلتاقط الحداء من الارض ولبسولها بكل جنتلمانية هي ماصدقاتش كيفاش هاد الرجل الوسيم كايلبسلها طالونها ....سالا اوقف تقاد معا طولها كان اطول منها شي لي خلاها ترفع انضارها ليه همس بصوت خافت وقال...
ايهاب-واش تقصحتي..
قالت وهي كاتتحاشا تشوف فعينيه لي كايسحرو
نورسين -ماشي جسديا ... بما انك شفتي كولشي وسمعتي كولشي مابقا مانخبع...كانحس بقلبي كايتقطع
اترت فيه دموعها وجرها معاه كلسها على كرسي خشبي...
ايهاب-نورسين اسد كايبغيك ماتخليش كلامها ياتر عليك..
نورسين-راك غالط ... ماكايبغينيش ...
ايهاب-كانقصم ليك بلي كايبغيك واش بغيتيني نتبت ليك صحت كلامي ...
تنهدت بروح محروقا وشافة فالفراغ
نورسين-وكيفاش غادير تتبتلي غاتخليه ينقز قدامي اولا غادي تكتفو وتعطيه لعصا باش يعتارف...
ايهاب-لا هادي ولا هاديك راقبيني شنو غاندير...
شاف بالجنب ديال عينيه فاسد لي كان حاضيهم وقرب يديه من خدودها بينما هي كانت مسمرا فبلاصتها ومصدوما..
نورسين-ايهاب اشنو كادير..
ايهاب- صبري واحد شوية وغادي تعرفي
بغات تنضوض لاكنو حبسها ..
نورسين-ايهاب حتارم راسك الله يخليك
ايهاب-ممكن تسكتي واحد شوية
.وضع اصابعو على جفونها ومسح دموعها وقربها عندو كتر وقبل عينيها ليمنيا وهوا مغمض عينيه براحة بعد عليها وقال وهوا عينيه على شفايفها وكانه باغي يبوسها وهمس
ايهاب-عويناتك زوينين مايستاحقوش تعدبيهم بهاد دميعات...
قرب من شفايفها كتر بينما اسد كان غادي يجن جنونو فديك اللحضة ومشا كايجري عند ايهاب وشنق عليه وجرو وعطاه بضربة لنيفو طيحاتو للارض وكايغوت
اسد-كيفاش تجرئتي الحقير كيفااااش...
تداركت نورسين الموقف وخرجات من صدمتها ومشات كاتجري عند اسد جراتو وكاترغب فيه باش يبعد على ولد عمو ايهاب
نورسين-اساااد صافي باراكا راك فهمتي الموضوع غلاط
ناض وقف من على ايهاب ويديه كاترجف وكايتنفس بسرعة ...نتر يديه من نورسين وغوت عليها
اسد-اشنو كونتو كاديرو بجوج بيكم هنا هااااه ...واشنو هاد القبلات واللمسات واش انا حماار فوسط منكم تخبعتو فهاد القنت باش مايشوفكم حتى حد وديرو لي بغيتو ملي نتي باغيا هادشي علاش ماقلتيهاليش مالي انا ماشي راجل
ماحسش براسو حتى جات صفعة على وجهو كانت من يد نورسبن لي غوتات بنفاد صبر
نورسين-سكوووت... مانسمحليكش تهيني فشرفي كاتسمع...
اسد كان شاد فوجهو لجيهة لي ضرباتو ليها ومصدوم بينما ايهاب ناض وقف وقرب من نورسين جرها عندو وشد ليها فوجهها وضور جيهة خدها لاسد باش يشوف لاحمرار لي على وجهها..
وقال وهوا كايزيد شوية دال لفيخرات باش يحمي طرح
ايهاب-شوف شنو دارت عشيقتك فنورسين مسكينا ضرباتها وتكرفصات عليها فين كنتي نتا ...كونتي مشغول مع ضيوفك وانا لي عتقتها باش تجي نتا فاخر لحضة وتشوف غير داكشي لي بغيتي وتتهم البنت فشرفها لا زدتي فيه ااسد ...انا راني صاحبك وولد عمك واش كاضن انني نخونك معاها مستحيل هادي راها ختي قبل ماتكون خطيبتك
تصدم اسد من كلام ايهاب وكملات عليه صفعة نورسبن وقال بنبرة جامدة وهوا كايقرب من نورسين وكايتفحص خدها لي كانو مطبوعين عليه اصابع نتاليا وهمس بصوت شرير
اسد-واش هاديك الحقيرة هي لي ضرباتك ...
ماجاوباتوش نورسين وكتفات بتنهيدا اسد شاف فايهاب بنضرات للوم ماقدرش ينسا كيفاش باسها من عيونها ولو ماتدخلش كان غايبوس شفايفها لي ماعمرو تجرئ يقيصهم هوا باش يجي ايهاب ياخدها باردا همس بصوت جليدي دخل الرعب على قلب نورسين
اسد-تحركي دخلي لداخل وماتفرقيش مع ايلا ...انا غادي نتفاهم مع هاديك الحقيرة لي تجرأة تلمسك وكانقسم ليك غادي نقتلك الى خرجتي لهاد الجردة مرا اخرى
وجه انضارو لايهاب بشر
اسد-ونتا مانحملكش ضور بخطيبتي ولا ...ماتلوم غير راسك اولد عمي لعزيز ...
جرها دخلها لعند ايلا وخرج بحال لمجنون وتلفون فيديه الى لقا نتاليا حداه يقتلها بدون تردد
انتهت السهرة بصخب مرح وستغرق وقت طويل باش مشاو كل الحضور ونصارفت السيارات من القصر وحدا وراء الثانية ...غمضت نورسين عينيها بارهاق...
خصها دابا تصلح الامور بينها وبين اسد... لاكن فاش فتحات باب غرفتو مالقاتليهش الاثار...
شافتها ايلا لي كانت قبالتها وقالت ليها بينما شادا فبراهيم لي كان باغي يهرب
ايلت-ماتخافيش يمكن غير كايهضر مع ايهاب برا...
زفر براهيم بملل وهوا كايحاول يبعد على ايلا
ابراهيم-وااا طلقي مني ...
ايلا-ماغاديش نطلق منك...غادي تنضف مع لخدامات...هادا عقاب ليك حيت ماخليتي حتى شي تخربيقا ماقلتيها هاد نهار
هزات راسها بالموافقة يمكن من الاحسن تبعد عيه هاد نهار وتخلي غضبو يبرد شوية
تمنات لايلا وبراهيم ليلة سعيدا وطلعت لغرفتها كانت ناويا تستاحم وعاد تنعس لاكن ماقدراتش عيات بزاف...
حيدت الكعب وحسات براحة قصوى
ومن بعد وقفات امام لمراية ومدت يديها كاتحاول تفك العقد الدهبي تقيل وهي كاتشوف فيه
دهب اصلي واش فعلا تستاحقو...اممم وشكون مهتم اصلا...
ماعادا النضرا لي شافتها فعيون اسد فاش لقاها مع روبرت لا ونضرة الاسوء هي فاش لقاها مع ايهاب زادت الطين باللة لااا والكارتة هي فاش ضرباتو قدام ايهاب وهوا ماااشي من داك نوع لي كايتقبل الاهانات بسهولة الله يستر وصافي...
ماسمعاتش اسد فاش دخل للغرفة وادا بيه موراها بعد يديها وكايفك العقد غير بشوية
كان وجهو مضلم لدرجة توقعات يحيدليها حتى عنقها مع العقد لاكنو حيدو بهدوء وقالت هي بلطف..
نورسين-ماكانضنش انك مازال معصب...كانت صهرا زوينا ..
قال بتوتر
اسد-انا فرحان حيت ستمتعتي بيها ..اه ومازال معصب..حيت ضربتيني قدام ايهاب.
نورسين- ولاكن راه نتا لي قلتيلي كلام جارح وبديتي كاضرب فايهاب بلاماتفهم شنو واقع دري مسكين كان غير كايعاوني وهوا لي دافع عليا من نتاليا(لكداباااا احيانا تحراميات كاينفعو فبحال هاد المواقف)
اسد-كانعتادر على داكشي لي درت ماستحملتش يقرب منك وهاديك الحقيرة عطيتها درس عمرها تنساه خلينا نسدو هاد الموضوع....ولاكن انا مازال معصب كتر حيت خدعتيني مع هداك شارف روبرت
نورسين- لمجرد انني نخارطت فالهضرة مع...
قاطعها
اسد-ختافيتي من حفلة خطوبتنا مع رجل اخر ..وبقيتي قرابة لساعة ...ايهاب قلتي دافع عليك وهدا عندك شي مبرر ليه..
نورسين-غيابي كان طويل لهاد الدرجة ..ماحسيتش بمرور الوقت كما انني نسيت..
قاطعها بحدة
اسد-قولك انكي نسيتي هوا الخطئ.... شكرا ...هادشي لي كنت باغي نسمع...
تحول غضب صوتو لفولاد
اسد-واش ماقالكش شي حد انه ملمفروض لمرا تبقا مرافقا خطيبها بدل ماتراقب راجل اخر...والى كانت ماقادراش على الاقل تتضاهر من باب اللياقة والتهديب ..باش مايبانش رجل مخدوع قدام العالم واش كاتفهمي...
نورسين-طبعا فهمت .. اوو كانعتادر ااسد ..سمحلي ماقصدتش نهينك غير نجارفت شوية اوو...(شافت فوجهو لمعصب وقالت) واش ماكانش خصني نقول هادشي ...
اسد-نتي اتبتي اصلك انورسين ...تماما بحال بنت عمك ...مخادعة
غوتات
نورسين- انا ماهتميتش وخلاص وماعندي علاقة بالخداع ولا ببنت عمي
قال بصوت مشبوه بالغضب
اسد-لاكن علاقتو قوية بالكرامة...كرامتي لي دليتيها قدام الجميع ..اشنو لي كنتو كاتهضرو عليه طول داك الوقت هااه..؟
نورسين-واشنو كاتعتاقد ...غير على قبل المكتبة لي متشوقا نشوفها...وكما انك واعدتيني نمشيو عندو لدارو باش نشوفها
اسد-تقدري تنساي هادشي...رجليك ماغاديش تحط فدار هداك الراجل ..
نورسين-واااو ااسد واااو واش كاتأمرنييي
اسد-نتي ماكاتفهمينيش ادن خليني نتكلم بوضوح. انا كانمنعك تمشي لديك الدار
نورسين- كاتمنعني؟ نتا كاتعطي الاوامر وانا من المفروض نقول حاضر..يا الاهي راك جيتي عند شخص الغلط...ماشي مشكل حيت تغيبت على الحفلة وراني عتادرت..كان عدم اكترات مني لاكن كولشي...بلاتي ... الى كنتي كاتهضر على الكرامة اشنو على كرامتي انا ...بززتي عليا نقبل عرضك للزواج وهانتا دابا كاتأنبني....
اسد-واش بغيتي تقولي ان هدا نوع من الانتقام ..
تفاجئة من اتهامو
نورسين-لا ...طبعا لا
غمض عينيه بعصبية وقال بصوت هادئ...
اسد-بغيت وعد منكي انكي عمرك ماغاتشوفيه هوا وايهاب.. سواء كنت هنا او لا..
حست وكانها غادي تحماق من اتهماتو
نورسين- لا غادي نشوفهم الا انا بغيت ..والوعد الوحيد لي غادي نقطعوليك هوا انني مانواعدك بوالو
اسد-انا كانحدرك
نورسين-ماتحدرنيش ...ماكانخافش..
اسد-نتي ماغاديش تشوفي روبرت مرا اخرى بلاما تعصبيني..
نورسين-والا اشنو غادي دير
اسد-غادي تلقاي ختك فالحبس
نورسين-وربما بامكانك تطردني من هاد دار ..ولاكن واش يمكنلك تراهن بانني ماغاديش نشوف روبرت من جديد..
اسد-ايااكي تحاولي ديريها انا كانحدرك
نورسين-واش كاتهددني
اسد-هدا ماشي تهديد بل اندار ....تفاهمنا
نورسين-تماما ...ودابا خليني نكون واضحا معاك
حيدات الخاتم وعطاتولو
نورسبن-واش هدا واضح بما يكفي...
اسد-تبا لك...
خطف ليها الخاتم ورماه بعيد بلامايشوف فين طاح
شافت فيه مسغوبا وهي عارفا انه قراب يفقد اعصابو قالت وهي كاتحاول تبعد
نورسين-خرج من غرفتي دابا..
لاكنو شدها من معصمها وجرها لعندو باش تقابل نضراتو الشيطانية المخيفة
اسد-انا مازال ماساليت..
شافت فيه بغضب وتدلى شعرها على خدودها وعلى عيونها الزرقاء كانو لامعين
كان مضهرها مخيف ومتوحش جرها لسقها مع لحيط ومضهرها المتوحش اثار شهوته كرجل قرب من شفايفها كايتنفس بهدوء بينما هي كاتنفس بسرعة البرق جرها وطيحها على السرير وطلع من فوق منها كان بحال شي مجنون شاد فيديها بجوج باش يمنع اي حركة بسرعة وعرفات شنو باغي يدير وغوتات بأعلى صوتها وقالة
نورسين- اياااك خطوبتنا انتهت
تحنا لعندها وجرها عندو وقفها وعنقها بقوة عقابا ليها وقال
اسد-لا مازال ماسالات..
قالت بصوت مرتجف بينما حسات بعناقو لي فجئة ولا نبيل ولطيف..
نورسين-كيفاش تجرئتي...
كانت معصبا منو بزاف حيت كايفرض نفسو عليها ...ماجاوبهاش وماعارفاش حتى واش سمعها كان وجهو مضلم ومنزاعج وعينيه مسمرين عليها وكانهم كايسولوها اسئلة ماعمرها تفهمهم
مررت اصابعو حول خصلات شعرها الفحمي..
كانو يديها مطلوقين بامكانها تدفعو لاكن شي حاجة منعتها ...
تملكها شعور خلاها تلمس خدودو بجوج يديها شعرت بيه كايتصلب ومن بعد كايتجمد ...شاف فيها بنضرات مسمرين
كانت باغيا تغوت عليه بسبب تعبري لي على وجهو ماشافتش الانتصار كيف توقعات..
وانما طيف من العداب...
همسة باسمو بقلق..
نورسين-اسد..
قال بصوت كايرجف
اسد- لو....لو ....شفتك كاديري هاكا مع رجل اخر ...كونت ...كونت
كانو خدودو ساخنين وكاتسناه يكمل..
هي كاتستامع لانفاسو السريعة ونبضات قلبو خلف اصابعها..لي تحسسات نبضات عروقو
كان شخص جديد مرتابك ومعدب بمشاعر عنيفة قرابة تدمرو ..ماكانش اسد لي كاتعرفو
همست بصوت حنين
نورسين-شنو كنتي غادي دير
سارة فكيانو رجفة وهمس بارتباك
اسد-ماشي مهم..
رتاجفو شفايفو وتلاشات نضراتو اللمعة خلات عينيه حزينة بشكل غريب
بعدت يديها على وجهو وشعرت بالارض كاتهز من تحتها
نورسين-يمكن مهم..
قال بحدة
اسد-لا...نتاهينيا من هاد الموضوع ..وكانعتادر على تحديري ليك..
عطاها بضهرو وخرج وحتى هي خرجت تابعاه وشداتو من كم قميصو
نورسين-اسد..
ضار عندها وشاف فيها كانت قريبا منو
اسد- هممم...
نورسين-قول داكشي لي فخاطرك الى كنتي غادي ترتاح...
بتاسم بوداعة حيت هي لي قربات ليه ماشي هوا
اسد-علاش كاتشوفي فيا وكانكي باغيا تاكليني
قالت وهي كاتجر ربطة عنقو ليها اكتر
نورسين-ما باليد حيلة ..نتا كاتبان جداب بهاد البدلة لدرجة انني ماقادراش نبعد عيني على عينيك العسلية
بتاسم ابتسامة واسعة فاتنة كاتعبر على فرحتو
اسد-نتي كاتغازليني..
شافت فيه ببرائة مصطنعة
نورسين-واضح وباين كانتغزل فحبيبي
ستاغل الفرصة وحنى عندها باغي يبوسها لاكنها وضعات يدها على فمو باستياء وسط دهشتو
نورسين-بالمناسبة انا ماقصيراش نتا لي طويل..
عجباتو طريقتها الاحترافية فتغير الموضوع وباس راحة يدها لي كانت موضوعا على شفايفو وقال بابتسامة واسعا...
اسد-انا واقع فحب طولك ...كاتباني بحال شي طفلة ..
توردو خدودها بخجل وقالت بانزعاج..
نورسين-لا كاع رجال كايبغيو طويلات
وضع يديه جيوبو وقرب منها وعينيه حاصرة عينيها..
اسد-انا ماشي بحالهم...انا رجل دوقي رفيع..
تراجعت بدون وعي
نورسين-فهمنى يا صاحب الضوق الرفيع لهدا ماتقربش كتر ..
قرب كتر وقال وعينيه كاتتعمق فيها
اسد-ياربي شي نهار غادي تحمقيني
دخلت لغرفتها بسرعة وفاش بغات تسد الباب دار رجليه امام الباب باش يمنعها تسد الباب وقال بسخرية لطيفة
اسد-فقط رجعيلي عقلي ونبعد منك
قالت بغيض وهي كاتحاول تسد الباب
نورسين-قلب عيله راسك وماتتاهمش غيرك
برزت شفايفو وقال باستياء
اسد- رجعيهلي اديك شفارة لقزمة
غوتت بطفوليه كاتحاول تبعد رجليه...
نورسبن-واماعنديييش
قال بصوت ساخر كايراقب انفعالها الطفولي
اسد-ماكاين حتى شي واحد مشتبه فيه من غيرك
توقفة من دفع الباب وقالت
نورسين--ماشي عقلك لي بغيت ...بغيت قلبك
شاف فيها بنضرة عندها معنى عميق
اسد-مايمكنش تاخدي شي حاجة صبقلك خديتيها
تسمرت فمكانها وقالت بصوت مابغاش يخرج
نورسين- اشنو كاتقصد
قال وسط تنهيدة تعب وهوا كايشوف فيها
اسد- انا..... كانبغيك....😍😍😍
لقد هرمنااااااا من اجل هااااااااده اللحضة التااااريخة
ماقدرتش نورسين تتحرك من شدة صدمتها وهي كاتشوف فوجهو الحزين والصامت وبعدت رجليها على حافة الباب وكمل وهوا كايرجع شعرو للخلف بتوتر واضطراب واضحين..
اسد-انا ماقدرتش نتمالك نفسي قدامك..نتي هي الوحيدة لي كاتقدر تبعتر كياني وثباتي ..انا فاش كانشوفك كانشعر بالضيق فقلبي ...نبضات قلبي كاتقتلني كلما قربتي مني ...كانتوتر بسببك نتي ...شعرك طويل ولكحل كايعدبني ..وفاش كاتشوفي فيا بعينيك زرقين ماكانبقاش قادر نتنفس ماعارفش اشنو درتي فيا لاكني كانتعدب بسببك..
قالت بدون وعي وهي ماقادراش تصدق داكشي لي سمعاتو
نورسين-ماقادراش نصدق هادشي لي قلتي ..واش....كاتبغيني..
غمض عينيه بتوتر حتى هبطت رموشو الكثيفة وهمس وهوا داير يديه لمعنقا خاتم دهبي على صدرو الايسر ..
اسد-بزااااف كانبغيك بشكل مؤلم ...نتي الوحيدة لي بعترتي قواي وثباتي كرجل اصغيورا ديالي ننور
صمت طويل كاتراقب ملامحو اوجهو الملائكي الصادق لي عكس مشاعرو ومن بعد رفعات يدها وسحبات ربطة عنقو وجراتو للداخل وسدات الباب برجليها ...كانت هي مور الباب وهوا قبالتها قريب منها بزاف ويديه بجوج محاصرينها مع الباب ...نزلت يده بهدوء وتغلغلت بين خصلات شعرها الفحمي وباليد التانية كايبعد بعض خصلات شعرها على عينيها كانت انفاسو كاتضرب فخدودها بينما لسق جبهتو مع جبهتها وتسللت اليد التانية خلف ضهرها وسحبها عندو حتى تلاسقت معاه ...
كان قلبها كايضرب بسرعة البرق من شدة قربو ليها عينيه العسلية كانو ناعسين بوضعية مثيرة بعترت كيانها المسكين قرب اكتر واكتر واكرتر وبحركة بطيئة سرق اول قبلة حقيقة من بين شفايفها لموردين بكل جنتلمانية ورائحة عطرو الروجولي تخلطت مع رائحتها الانثوية المثيرة ....