فصل 5
***قبل 6ساعات ****
في الساعة 12 في منتصف الليل ...
ركنو السيارة بعيد عن المكان وبخطوات بطيئة كانت كاتمشى هي وراجل وسط طرقات مدينة فاس لمنورة باضوئها... الرداء الاسود تاخدوه ملبس والمشية المغرورة كانت فقط كشكليات ...
لي يشوفهم يقول انهم من اعضاء العصابات او ماشابه لاكن فالحقيقة هوما تقمصو عدت اضوار فقط باش يوصلو لاشياء ماشي بالساهل يوصلها اي احد...
الصمت.... وكل واحد كايفكر فداكشي لي فدماغو ...البنت كاتمدغ المسكة بكل غرور وكاضن ان المضاهر تقدر تغري الشخص وتخليه يخاف بقوة من الشخص لي كايحدرو...
بينما هوا نادم حيت جابها معاه لان فبحال هاد المهمة مكايحضروش ليها لبنات لاكن لي معارفش هوا انها بنت لاكن بقلب عشرة رجال توقفو عند احد الملاهي اليلية لي اضوائها نورة الضلمة بالوانها لملونة وصاخبة...
خدات نفس عمييق وقالت بحماس...ماغاديش تستغرق منا المهمت اكتر من 10 دقائق...
شاف فيها بقلق وقال.... ستفانيا من الافضل تبقاي هنا وتسنايني حتى نخرج...
(ستيفانيا بنت فعمر 25 سنة عيونها خضرين شعرها اسود غامق جمالها خيالي لون بشرتها ابيض جسمها مثير وكاتسحر كل من شافها بكلامها المنمق والغير مبالغ فيه نضراتها حاده وفوقة الجد مكاتعقل على حتى واحد )
ستفانيا- (تنهدت بملل)بويكااا حرام عليك واش مكاتيقش فيا نتا كاضيع الوقت بزاف فتنفيد المهمات ماشي بحالي عندي داكشي خفن زربن...تيق فيا بليييز
(بويكا رجل فعمرو 30 سنة قوي بزاف وصاحب عضلات مفتوله عندو نضرات حاده وقوية وصوتو كايزرع الرهبة فكل من سمعو و هو اصلو من بريطانيا كان كايشارك فمباريات البوكس جسمو كولو اوشام قبل مايدخل فالاسلام )
قدرت تقنعو بعد نقاش طويل ودخلو لداك الملهى الليلي الصاخب.. رقصات العاهرات واشباه الرجال السكرانين كولهوم كايتمايلو على انغام الموسيقى الصاخبة وفوسط من الملهى باب كاتودي لكزنو ديال لقمر.... تمشاو بين الناس لي كايرقصو ويديها تمسكت بامسدسها لي فالحقيبة استعدادا للي يقدر يوقع كدالك بويكا كايتمشا وراها ويديه على مسدسو وكايدير جولة تفتيشية بعيونو لكحلين الغامضين والمثيرين ...وصلو لباب الكازينو وضارت عندو وهي كاتمدغ المسكة بطريقة مثيرة وعطاتو اشارة باش يتبعها للطاولة لي حددتها ويبقا وراها ويحمي ضهرها ....
بعد عليها ووقف قبالتها دارلها اشارة بحركة القلب(حركة كاتستخدمها بعض منضمات الشرطة للتواصل بالاشارات ..جوج ضربات على القلب معناها انهي المهمة من كل قلبك وبدون ترك اي دليل)...
بتاسمت ستفانيا ابتسامة نصر لانها تاكدت انه تايق فيها رجعت مسدسها للحقيبة وتقدمت نحو الطاولة لي كالسين عليها اصحاب الطبقة الراقية سحبت ليها كورسي من بين الكراسي المتراصة حول ديك الطاولة الكبيرة ... شافة فيهم بهدوء هزت سيجارة من على الطاولة وشعلتها ستنشقت القليل منها ومن بعد رماتها وزطمت عليها بحدائها وقالت باشمئزاز
سيفانيا- اش هاد النوع الرخيص ديال السجائر لي كاتدخنو اووووف....
جاوبها واحد من رجال بصرامة على ملامحو
الرجل-هاديك من ارقى انواع السجائر فالعالم سيجارة وحدا كاتسوا 500.000 درهم ونتي ضيعتي هاد المبلغ كامل اصغيورة
ستفانيا-(بتاسمة بسخرية وشافة فيهم ببرود) شوف فيا كانبانليك كانضحك معاك مثلا هممم...(قلبت وجهها بنرفزة) حتى انا بغيت نلعب ياك هدا مكان للترفيه...
ضحكو كولهم عليها وقال واحد منهم وهوا كايدقق فجمالها المثير ولباسها ايضا
الشخص-واخا خلينا نلعبو ولاكن ماتبكيش الى خسرتي ...واخا اصغيورة...
ستيفانيا-(بحماس) ok...
سولتها الموضفة لي كانت واقفا امام الطاولة ولابسا الزي الخاص بالكزنو ...
الموضفة-بشحال غادي تراهني امدموزيل
ستيفانيا- (بجدية وبنبرة غريبة) 50.000.000 درهم...
كولشي حل فمو فيها بدهشة ومامصدقينش هاد البنت صغيرة عندها كاع هاد المبلغ وباغيا ضيعو.... بينما هي شافت فبويكا وبتاسمة بمكر توقفت كاع الاصوات وقربو الناس لي كانو كالسين فالطاولات المجاورة ليها و بجنون باغين يشوفو ديك البنت لي راهنت بخمسين مليون درهم...
قربت المضيفة السماعة الاسلكية لمعلقى فودنيها وقالت لمدير الملهى بلي وقاع...امرها باش تستامر حتى للنهاية اما هوا ستغرب وخايف يخسر داك المبلغ لكبير الى ربحات...
سولتها المضيقة على الرقم لي باغيا تراهن بيه وجاوبتها
ستيفانيا-بغيت رقم 9
المضيفة-(رفعت حواجبها بتعجب) واخا لي بغيتي امدموزيل...
ثواني ورمات الموضفة النرد وستاقر فرقم ...
الشخص-(بسخرية)هههههههههههه شوفو ستقر النرد فرقم 20...
ستيفانيا-(ببرود) اووووه ...ماشي مهم غير خمسين مليون مبلغ صغير بحال هدا ماشي شي حاجة
كلهم تصدمو منها ومن برودة اعصابها لتافتت وهزت الحقيبة لي فيها لفلوس وحطتها على الطاولة...
ستيفانيا-تفضلي مابقيتش محتاجاهم ...
بعدت على الطاولة وقالت بصوت خافة ...
ستيفانيا- مجموعة من الاغبياء مكايهمنيش شحال غانضيع دلفلوس اهم حاجة هي نطلاقاه...
كلست امام طاولة وطلبت من الساقي يعطيها كأس من النبيد الابيض ...تفاجئة من يد مسكت كتفها ولتافتت ليه باش تشوفو
ستفانيا-نعام واش كانعرفك ...
الشخص- (بتاسم) شنو كادير بنت صغيرة فمكان بحال هدا...
ستيفانيا-(ضحكت بسخرية وبصوت عالي) هاهاها واش دخل شارف بحالك فبنت صغيرة بحالي...
الشخص-(بغضب طفيف) انا (سباتي) صاحب هاد المكان الراقي...
ستيفانيا-اووه بصااح انا كونت باغيا نطلاقاك
سباتي-وانا كنت باغي نسولك
ستيفانيا-تفضل
سباتي- علاش دفعتي خمسين ملون فلعبة احتمال الفوز بيها هوا %1
ستيفانيا- (بتاسمة) ضيعت هادشي كامل غير باش نشوفك اسي سباتي...كون ماحطيتش مبلغ خيالي ماكنتيش غادي تنزل عندي برجليك
سباتي-امم وعلاش
ستيفانيا- عندي ليك عرض
سباتي-وشنو غادي تعرض عليا بنت بحالك...
ستيفانيا- ماشي هنا اسي سباتي المكان غير مناسب
سباتي-واخا تفضلي معايا للمكتب...
طلعو للمكتب لي كان كولو لوحات فنية وتماثيل لنساء عريانه الاضاءة كانت قوية وجنب مكتبو موجود خزانة نقود كبيرة وهوا كايضور فالغرفة ومامصدقش كلامها ...اما هي كالسة على الاريكة وعلى وجهها ابتسامة حاقدة...وكاتقول فنفسها
ستيفانيا-(فنفسها)كل واحد فيكم غادي يدفع الثمن غالي على اخطائو ....
سباتي-(بدهشة) عاودي هادشي لي قلتي من دابا شوية
ستفانيا-(ضغطت على زر التسجيل فتلفونها )انا عارفة انك كاتقوم بتبيض الاموال وعندي بزاف ديال الادلة كاتبت صحة كلامي...
سباتي-(شاف فيها بشر) انا كنت حريص وقتلت كل لي عارف بهاد القضية كيفاش عرفتي نتي...
ستيفانيا- راه نسيتي واحد اسي سباتي (بغا بهضر وقاطعاتو) سمعني انا جيت لهنا باش نعرض عليك عرض غادي نعطيت خمسين مليون اخرى لاكن حقيقية ونتا فالمقابل غادي تعطيني 100 مليون لاكن مزورة فكر وماتسرعش وترفض عندك بزاف ديال لفلوس وهاد المبلغ مايسوى عندك والو
سباتي-(كلس على الكرسي براحة وهدئ نفسو)هادشي ساهل بزاف لاكن شكون يضمنلي انكي ماغاديش تبلغي عليا من بعد ماتاخدي لفلوس...
ستيفانيا-(بسخرية) واش يحسابك انا غادي نضيع 50 مليون فلعبة على قبلك
سباتي-(بصدمة) واش كاتعني انها مزورة...
ستيفانيا-هاهاها بما انك كاتخدم بشكل قانوني فماخصش زبنائك يتعاملو بالفلوس لمزورة...لدالك بامكانك تبلغ عليا الى ضحكت عليك...
سباتي-( رتاح وطمئن ومدلها يديه باش يسلم عليها )مبروك عليك وعلى دكائك ...ولاكن مايمكنش غاتخاطري هكا على مبلغ دلفلوس اكيد كاينا شي حاجة اخرى...
حشات يديها فاصاك اوقفت التسجيل وشافت فيه وبتاسمة...
ستيفانيا-(بابتسامة ماكرة)واخيرا فهمتي راسك...بغيت كاع الادلة على الحريق لي وقاع فدار الغابة...
سباتي-كاتقصدي ديك دار لي شعلت فيها لعافيا هادي 10 سنين
ستيفانيا-بضبط ..
سباتي- انا ماعنديش ادلة عندي فقط اسماء المشتبهين فيهم....يقدرو يعاونوك..
ستيفانيا-عطيني اي حاجة تقدر تعاوني...
عطاها الملف لي بغات وخرجت من المكتب ضربت عصفرين بحجر واحد غادي تسلم التسجيل للشرطة غادي يتشد بتهمت تزوير وفنفس لوقت خدات اسماء المشتبهين فيهم لي قتلو بباها وحرقوه فوسط دارو ....وقفت وبتاسمة ودموع الكريسطالية فيعينيها وقالة
ستيفانيا-...نتهى الوقت والتسجيل لي غادي يضمر حياتو بين يدي ...واخييرا...واخيرا ابابا غادي ننتاقم ليك ... وتقدر ترتاح فقبرك من دابا... كانواعدك ماغاديش يعرفو معنى هاد الكلمة حتى توقف عليهم بنتك ((بقناع الساحرة)) هادي هي سميتي وصفتي من نهار قتلوك ابابا (غمضت عينيها بتعب حتى قاطعها صوت)
الشخص-الساحرة ستيفانيا...
ضارت عندو وعنقاتو بقوة وبكات على كتفو لعريض وحتى هوا عنقها وغمض عينيه بشوق وكايستنشق ريحة عطر قبلها من راسها ومرر اصابعو فخصلات شعرها الاسود ...
ستيفانيا-بويكا المهمة نجحات...
بويكا-(بتاسم باطمئنان ) المحققين غادي يفرحو بانجازك للمهمة ....
عطاتو التسجيل ركبو فالسيارة وزادو هي فرحانة بزااف لان فيديها الادلة لي غادي توصلها للقاتل المجهول... اما هوا فرحان حيت عنقاتو لانها عمرها دارتها وفاجئاتو... بويكا كايبغي ستيفانيا حب جنوني لاكن هي ماعمرها مانتابهت ليه وهوا كدالك عمرو صارحها بمشاعرو ومكايتفارقش معاها فكاع مهماتهم لانهم شركاء ...ملي لتاحقو بالموسسة...
بويكا-ستيفانيا..
ستيفانيا-(واضعة راسها على كرسي السيارة)امممم
بويكا-مازالة كاتفكري فالانتقام
ستيفانيا- مازالة كانفكر وماعمري غادي نتوقف على التفكير حتى نحرقهم كيف حرقو بابا وحرقو معاه احلامي...
بويكا- بلاماتهوري وديري باش مايوقعلكش لي وقعلي...
ستيفاينا-الدم كايتغسل بالدم ابويكا...وماتقارنش راسك بيا (بغايهضر وقاطعاتو) سي عابد كايتاصل...
بويكا-جاوبيه شكاتسناي...
ستيفانيا-ماغاديش نتسناك تقولي شنو ندير
بويكا-مالكي شاعلا عاد قبيلة كنتي كاتبكي بحال شي بريهيشا ودابا خرجتي نيابك ماغلطوش فاش عطاوك لقب ساحرة كاتقلبي كيف زمان...
ستيفانيا - بلاتي نشوف شنو بغا عاد نجاوبك غير تسنا(خنزرة فيه وجاوبت) الو...
عابد-عطيني عابد
ستيفانيا-عابد عندو تلفونو ولا كدبت
عابد-تلفونو مكايشدليش وحتارمي راسك وعرفي معامن كاتهضري...
ستيفانيا-(بتالعت ريقها ) احم سمحلي اسيدي كانعتادر على..
عابد(قاطعها) هاد تهور لي فيك غادي نحاسبك عليه من بعد اري بويكا سربي....
ستيفانيا-اوكي سمحلي ...(لاحتلو تلفون بعصبية)
بويكا-بشوية عنداك تفركعي...(هز تلفون وجاوب)وي مسيو عابد
عابد-البنت ديال اللغز عقلتي عليها
بويكا-الله ياودي وانا نساها ...
عابد-مزيان حددنا الموقع ديالها فين نتوما...
بويكا- حنا فشارع الجيش الملكي...
عابد-مزيان هبطو على شارع محمد الخامس وفالتقاطع قلبو على البنت لي غادي نسيفطلت صورتها وجيبوهالي
بويكا-واش كاتقصد بالبنت ....بنت اللغز...
عابد-تماما...
بويكا-اوكي سيدي سيفطلي صورة ويكون خير..(قطع عليه)
ستيفانيا-شنو بغا
بويكا-(ماجاوبهاش وكايشوف فالصورة لي سيفطلو عابد )
ستفانيا- (خطفتليه التلفون) اممم زويينة شكون هادي...
بويكا-(خطفلها تلفون بنرفزة) ماباغياش تكبري خلاص
ستيفانيا- اوف شي مهمة جديدة
بويكا-اه بنت اللغز غادين نديها عندو...
ستيفانيا- غير اجي وديهالو اصلا ماغاديش تبغي تمشي معاك
بويكا-الى دطريت غادي نخطفها...
ستيفانيا-ووووووو نخاااف منك ابوبو
بويكا -شووو قلبي معايا وسكتي...
بقاو زايدين بالسيارة ويتفحصو الشارع بعينيهم المهمة كانت ساهلة لانه صبح بكري ومعضم الناس مازالين ناعسين...
ستيفانيا-شووف راها انا غاديا عندها...
خرجات من السيارة كاتجري وخلات بويكا معصب خرج من السيارة وقفل الباب بجهد حتى كانت غادي تزول من مكانها وكايشتم راسو على نهار لي جابها معاه ونهار لي ولات شريكتو تبعها كايجري اوقف وهوا مصدوم
بويكا-شنو درتيلها استيفانيا دوختيها
ستيفانيا-والله مادرتلها شي حاجة اصلا ماهازاش معايا لمخدر انا قربت منها وهي تقولي عتقيني وطاحت فالارض....
جرها من يديها وبعدها وقرب عند ديك البنت لي مغمى عليها فالارض ولي كانت نورسين ....
بويكا-كاتبانلي مريضة وحرارتها مرتافعة...
ستيفانيا-مزيان اصلا سهلة علينا المهمة بلاتي نعزها معاك...
بويكا-حيدي انا غادي نهزها...
شافت فيه وبتاسمة بسخرية وضربت على كتاف بويكا بطبطبات خفيفة كادل على مدى انبهارها بعضلاتو المفتولة هز نورسين بحال شي ريشة وضعها فالسيارة فالمقعد الوراني وكلست حداها ستيفانيا وسندتها على كتفها... اما نورسين كانت فعالم تاني ماواعياش بلي كايوقع حوليها...
_________________
في الصباح
اصبحنى واصبح الملك لله .....اشرقة الشمس واطلقة اشعتها الدهبية بتفائل على وجه أسد الناعس برزت مدى طول رموشو والهالات السوداء حول عيونو العسلية بسبب كترت التدخين زعجاتو خيوط الشمس كشر وغطى وجهو وكمل نعاسو..... اما (ايلا ) كانت فالمطبخ كاتساعد الخادمة فاعداد الفطور لانها ملات من كترت لجلوس بلا فايدا اما (مي عيشة) كانت مشغلة التلفاز وكاتفرج فبرنامج صباحي....
ايلا- واش أسد مازال ماجاش
الخادمة- لا جا امدموزيل لبارح فليل جا معطل
ايلا-كيفاش وعلاش ماقلتيهاليش فين هوا دابا
الخادمة-شفتو دخل لغرفت سيدي صغير محمد
ايلا- كيفاش واش وقاعت شي حاجة لمحمد
طلعت كاتجري متاجهة للغرفة وتبعتها الجدة مي عيشة وهي خايفة على أسد ومحمد كانت كاطلع فدروج ببطئ وبصعوبة خايفة لايكون محمد رجعتليه الحالة من جديد فتحت ايلا الباب وهي تفاجئ بأسد ومحمد ناعسين على نفس السرير تنفسة ايلا الصعضاء وحست بالراحة وضارت عند مي عيشة لي كانت كاتلهت وتفاجئة حتى هي بالمنضر
مي عيشى- واش حفادي بيخير علاش ناعسين بجوج على نفس السرير
ايلا-(سدتلها فمها بيديها) هشش يالاه نمشيو
خرجو وسدو الباب بينما في دار ستيفانيا كانت رائحة القهوة الصباحية مسيطرة على المكان اما نورسين ناعسة على سرير ومغطية وعلى ملامحها اثار التعب والانتفاخ فعيونها بسبب البكاء وكانت مرا مرا كاتمتم بكلمات مامفهوماش... اما ستيفانيا كانت فالمطبخ كاتوجد القهوة وفودنيها سماعات ودايرا موسيقى شرقية قديمة ... سمعة الدقان فالباب وفتحت الباب كان عابد وبويكا
ستيفانيا- مرحبا بلي جا وجاب
عابد- (مدلها اكياس ) شدي اوجديلنا شي فطور زوين
بويكا-ريحة القهوة كاتشهي
ستيفانيا- كلسو ....شوية ويكون لفطور واجد
عابد-فين هي لبنت
ستيفانيا - بححح هرباااات
عابد- (تنهد) فقتاش غادي ديري عقلك
ستيفانا- اممم حتى نكبر ههههههه راها ناعسا فغرفتي وطالعالها سخانة خصك تشكرني حيت تهليت فيها ولبستها حوايجي ونعستها فبلاصتي وزيد عليها شربتها دواء باش تنزل حرارتها ايوا كيف جيتك
بويكا- اووووه انجاز عضيييم
ستيفانيا-(ضرباتو بالفوطة) واش هضرت معاك نتا يالاطيييف
عابد- (دار رجل على رجل وتكى على الاريكة وضم يديه) ايوا مزيان الالة ماعندي مايتسالك
ستيفانيا- ااااام من لبارح وانا كانصوني على ركان (من بعد وتعرفو شكون هوا) مكايجاوبنيش
بويكا-(تنهد) ببساطة مامساليش ليك واش يحسابك الكرة الارضية كاضور غير على قبليك
بغات تغوت وهوا يقاطعها عابد بصوت خشن وامرها باش تمشي للكوزينة توجد لفطور لاكن هيا مارضاتش بهضرت بويكا ونوضاتو بسيف عليه باش يعاونها فالكوزينة وفهاد الاثناء جاه اتصال فتلفونو
عابد- الو....
____________________
***في الزنزانة***
فقة على كابوس كان كايخنقني وسط داك المخزن لمضلم حليت عيني وسط غرفة زوينة وانيقة كولشي فيها مرتب وطابع الانوثة مخلي بصمتو عليها حيدت لغطات ونتابهت للبيجامة الحريرية البناتية لي لابسا فاللون الابيض ودرت راسي بين يدي وكانحاول نتفكر فين انا وكيفاش حتى وصلت لهنا بعد 20 دقيقة وانا جامدة فمكاني تفكرت لي وقعلي وانني اخر من شفت هي واحد البنت قولتلها عتقيني وغبت عن الوعي قولت ممكن تكون هي لي جابتني عندها لدارها لتفت بانضاري على صورة كانت محطوطة على واحد الرف هزيتها كانشوف صورت ديك البنت صغيورة وكالسة على رجل باباها والسعادة باينة على وحههوم بتاسمت لا اراديا وتفكرت بابا الله يرحمو شوية اثار انتباهي صوت رجالي كانه كايتكلم فالهاتف قرب للباب كانستارق السمع لاكني مافهمت حتى حاجة حليت الباب غير بشوية وخرجت غير شافني قطع المكالمة ووقف وبتاسم ابتسامة كانت دافئة بينما انا كونت كانشوف فارجاء منزل حتى قاطعني صوتو
_______________
عابد-نعستي مزيان ابنتي
نورسين-(بتلعتم) فين انا...
ستيفانيا-(دخلات وهازا بلاطو فيديها حطاتو على الطبلة) صبح الخير كيف صبحتي
نورسين-فين انا
بويكا-(شدها من دراعها بلطف) تفضلي كلسي
نورسين-(تنافضت منو)قلتليكم فين اناااا
ستيفانيا- تهدني نتي لبارح طلبتي مني نعاونك وتفاجئة فاش اغمى عليكي...مالقيت ماندير وجبتك لداري
نورسين-(مررت اصابعها على خصلات شعرها بخجل)اااه احم سمحولي بزاف نفاعلت عليكم ...ختي عطيني حوايجي باش نمشي تعطلت وصاحبتي غاتكون مقلقة عليا
ستيفانيا-ماتخافيش تاصلت بيك لاكن نتي كنتي ناعسة وجاوبتها انا ....قولتلها انكي بتي فالشركة بسبب كترة الخدمة وانكي مامسالياش باش تهضري معاها
نورسين-ولاكن كيفاش عرفتيني كانخدم فالشركة
ستيفانيا-هاه اااام.... لبطاقة لي كنتي معلقاها فعنقك مكتوب عليها اسم الشركة فاستنتجت انكي خدامة فشركة
نورسين-ااه فهمت عافاك عطيني حوايجي
ستيفانيا(شافت فعابد كايعلي فحواجبو بالنفي ) ااااا....احم لحتهم
نورسين-كيفااش وعلااش.
ستيفانيا-حييت كانت سوميجتك مقطعة وسروال كان موسخ ....
نورسين-اااه فهمت ...ختي ممكن تعطيني شي حاجة من حوايجك ونردهوملك
عابد-اجي ابنتي كلسي فطري بعدا ....كالتلي ستيفانيا انكي كنتي مريضة فاخاصك تاكلي باش ماتزيديش تمرضي ....بويكا كبليها لحليب
نورسين-(كلست ودارت يديها بين رجليها)اسمائكم غريبة.... يعني نتوما ماشي مغاربا
ستيفانيا-انا بابا مغريبي وماما بريطانيا
بويكا-وانا ماما مغربية وبابا بريطاني
عابد-(شاف فيها وبتاسم) وانا مغريبي ابا عن جد من الام والاب.....
نورسين-(بتاسمة بخجل) تشرفة بمعرفتكم
بقا كايراقبها وهي كاتاكل بلهفة لانها من لي كلات فلفطور ديال لبارح مارجعتش كلات بسبب احتجازها فمخزن الشركة.... بقى مراقبها وعلى ملامحو باينا عليه كايفكر فشي حاجة تكاد فجلستو شاف فيها وقال وهوا كايشوف فسقف ديال الصالة....
عابد-رقيقة الملمس جميلة المنظر، رموشها المخضرة كالبستان، شكلها ينادي مذاق الحب من آلاف الكيلومترات...
___________________
*****في الزنزانة*****
غير سمعت دوك الكلمات طاحلي الكاس من يدي بصدمة عرفتو علاش لان هاد اللغز هوا لي كتبتو ف(جحيم الالغاز ) الى بقيتو عاقلين عليه فكيت كاع الالغاز ومن بعد طلبو مني نكتب لغز من عقلي وفكرت وطلعت بهاد اللغز يعني انا لوحيدة لي عارفاه لان الصفحة ختفات ومابقاتش كاطلعلي شفت فيه باستغراب ونتابني واحد الخوف عجيب بتالعت ريقي ووقفت وطلبت من ديك البنت تعطيني حوايج باش نمشي بحالي لاكن هي اصرة عليا باش نكلس معاها هاد النهار وبانني الضيفة ديالها شفت هداك بويكا كايشوف فداك الراجل لكبير هوا واخا كبير لاكن وسيم مع دالك بياض شعرو عطاه واحد الهبة عجيبة ....من نضراتهوم شكيت ان شي حاجة ماشي هي هاديك لاكن تمالكت نفسي باش مايبانش عليا الخوف ويستغلو هاد النقطة الى كانو عوالين عليا.... رجعت كلست وانا كانشوف فيهم واحد بواحد وحتى هوما كايبادلوني نفس النضرات وفلحضة نطق عابد وقال
_______________________
عابد-علاش ختاريتي الدكاء....مع انكي عايشة حيات كئيبة
نورسين-(بتالعت ريقها) شكون نتوما
عابد-قوليلي حل اللغز
نورسين-على اشمن لغز كاتهضر
عابد-رقيقة الملمس جميلة المنظر، رموشها المخضرة كالبستان، شكلها ينادي مذاق الحب من آلاف الكيلومترات...
نورسين- ماعرفتش ماعمري سمعت بيه
عابد- انا نقوليك....الجواب هوا الفراولة...لفريز ياك هوا ...هااا هوا ياك...
نورسين- نتا هوا مول ديك الصفحة (جحيم الالغاز)
عابد-اممم تقدري تقولي ان ديك الصفحة كانت فقط اختبار
نورسين-(تضاهرت باصلابة والقوة) على اشمن اختبار كاتهضر ...
عابد-سمعيني مزيان حنى محتاجين لدكائك و جمالك الى وافقتي تنضمي لينا...
نورسين-(بصوت حاد)شكون نتوما باش ننضم ليكم...
عابد-حنا مؤسسة كاتقوم بتكوين ضباط استخبارتين وعملاء متعددين الاختصاص لصالح الدولة وكنا مراقبينك من نهار عتقتي شركة المرحوم باباك من الافلاس بنتي ليا انسانة دكية بزااف وعندك بزااف ديال المزاية .... الى وافقتي تنضمي للمؤسسة غادي تقراي وتتلقاي التدريب الكامل باش تكوني عميلة للدولة بشكل مخفي.....