فصل 6
***في الزنزانة***
تسعقة فاش سمعت كلام داك الراجل وكيفاش عارف الماضي ديالي كامل واااه حسيت براسي كانتفرج فشي فيلم مريكاني او هادشي كامل عندنا فالمغرب قاطع افكاري داك الراجل وقالي واش موافقة ولا لا وانا ماشي من لعاكزين قلتليه (لا) بقا كايحاول معايا ويقنعني بحب الوطن والواجب الوطني ...فعلا انا كانبغي بلادي لاكن بغيت نعيش فيه بسلام خليتو كايهضر وهزيت تلفوني وصاكي ماعطاتهوملي ديك البنت حتى شحفتني بغات تحصرني بسبب لحوايج مابغاتش تسلفهملي وانا نخرج بديك لبيجاما وركبت فاول طاكسي بان قبالتي .....
_____________
السائق -(ضار شاف فيها) شنو باغيا امدموزيل....
نورسين-عفوا....
السائق -قلتليك فين باغياني نوصلك...
نورسين-اااه غير سير وبلاتي ونقولك فين توصلني....
بعد دقائق طلبت منو نورسين يوصلها لدارها وغير دخلات لقات لمار دارتلها تحقيق لاكن نورسين جاوبتها بنفس كلام لي قالتلها ستيفانيا انها كانت خدامة فالشركة ومكانتش مساليا طبعا سمعتها لمار اسطوانة على الخوف والقلق لي تقلقاتو عليها لاكن نورسين بسرعة بدلة الموضوع وخلاتها ونعسة فبلاصتها وتغمات وكلام عابد كايدورلها فالراس 20 30 مرة
لمار(كالسا على كورسي قبالة نورسين) يحسابك غادي نتيق بيك هم فين كنتي
نورسين-(خيدت لعطاء على راسها) نعاودليك الاسطوانة من جديد
لمار-واخا تعاوديها ماغانتيقكيش بيك...عرفتي علاش حيت خرجتي بحوايج الخدمة وجايالي ببجامة...شنو التفسير ديال هادشي
نورسين- (بتالعة ريقها وقلبت على كدبة) فالشركة دايرين واحد الغرفة للي بغا يرتاح فيها كاينعس عرفتي موفرين لينا جميع وسائل الراحة ومنهم هاد لبيجامة لبستها ونعست شوية ومنين فقة لقيت الموضفين خبعولي حوايجي باش يضحكو معايا ونتي عارفاني ماعنديش مع ضحك خليتلهم لحوايج وخرجت جيت لدار...
لمار-اممممممم الله يجعلني نتيق
نورسين-كاع لاتيقي بعدي مني خليني ننعس
لمار-هاهي غاتبعد... بلاتي غاتجي عندي صاحبتي هاني علمتك نووور....نوووور ....نعستييي...يخ على بنت كيف دايرا...
______________
فدار ستيفانيا كان عابد وبويكا مازالين كالسين وكايتناقشو حتى سمعو جرس الباب وناض بويكا حل الباب
بويكا-اهلا العشير فين غبورك....
ركان- (بتاسم ) غير فدنية اصاحبي ...فين هوا سي عابد
بويكا-اره لداخل ..دخل دخل ماتبقاش واقف
(ركان شاب فعمر الثلاثين طويل وصحيح وجسمو رياضي شعرو بني بشرتو بيضاء وعندو غمازات (حفرة دزين) عينيه فاللون البني الغامق ولباسو ديما شيك)
دخل راكان وبسرعة و تلاحة عليه ستيفانيا وعنقاتو تحت نضرات بويكا لي كان باغي يشنتفها ...خلاها على خاطرها حتى طلقة منو وعاد دخل عند عابد لي كان كالس وشاد سيجارة فيديه وامامو فنجان ديال لقهوة غير شافو طفا سيجارا ووقف وعنقو عناق حار
عابد-كونتي كلتيلي غاتجي قبل بساعة ماشي عوايدك تتعطل على مواعدك
ركان- وصلت حدى لباب وانا نشوف واحد لبنت غزالة خارجة من عندكم حلت الباب وركبت واقيلا شافة سيارتي حمرا يحسابلها طاكسي مابغيتش نحشمها وانا نوصلها فين بغات (جبد لفلوس من جيبو) عطاتني عشرين درهم ...كايبانلي غادي نبدل لخدمة ههههههههههه
بويكا-هاهاهاها نيت مابقا مايدار
ستيفانيا- (كحزت عند ركان) نجيبلك قهوى اولا تشرب اتاي غادي تغدا معانا ياك
ماستحملش بويكا وهوا يجرها من يديها ونوضها وكلس فبلصتها
بويكا-(بصوت خشن)بلاما تخرجي فيا عينيك ....اصلا مازال ماتحاسبت معاك على فعايلك
ستيفانيا-(بغضب) علاياش غاتحاسبني بسلاما هااا
بويكا- (شاف فعابد) فخبارك شنو دارت كمات سيجارة وشربت شراب بحال شي بنت زنقة وعلى حراكات وعلى طريقة باش كاتهضر كون شفتيها تقتلها بلاماتحس
عابد-واش بصح هاد لهضرة
ستيفانيا-(شافة فركان ومارضاتش) اااا...انااا ...
عابد-(ضرب على طبلة بعصبية) واش بصح هادشي
ستيفانيا-ولاكن راه المهمة انا راه غير ضقة هوا راه غير كايزيد فيه والله حتى...(قاطعها)
عابد-ياخسارة تربيتي فيك ...
ستيفانيا-سمحليا....
ركان-صافي نعلو شيطان الله يهديكم
ستيفانيا-(شافة فبويكا بحقد) علاش درتي بحال هاكا كاتبغي تبين راسك حسن مني ياك قاهراك انا
بويكا- ههاهاها مسكينة كون ماكنتيش شريكتي والله مانديها فيك لاكن لازم عليك لا ومن لمفرووض انكي تتجنبي هاد السلوك المنحرف الى كنتي باغيا تبقاي شريكتي
ستيفانيا-(عينيها عامرين دموع) حتى انا مابغيتش نكون شريكتك اسيدي ديما قاهرني.... مابغيتكش عمي عابد هالعار فرقني هادا بغيت نولي مع ركان ...
عابد-(تنهد) واش يحسابكوم غير اجي وفرق هاااا ماشي هكا بغيت الفريق ديالي يكون ديرو عقلكوم وركان شريكتو غادي تكون هي نورسين
ستيفانيا-لاكن هي ماقبلاتش
عابد- دابا ترجعها لايام بغيت نخليها على راحتها
ركان-ششكون هي هاد نورسين
عابد-هي لبنت لي وصلتي قبيلة
ركان-(بتاسم لا اراديا) زوينا بزاااف ديك البنت
ستيفانيا-راه حتى انا زوينة هي عينيها زورق وانا عيني خوضر وحسب علم الفلك اصحاب العيون زرقاء كايكونو مستهترين وفيهم لكدوب وملمزيانينش وسلوكهم منحرف
بويكا-على اساس نتي عينيك خوضر غاتكوني ملااااك ياااااك
نورسين -بويكاااااااااااااااا
ضحكو جميع على سداجة ستيفانيا وهي كاتهضر بطريقة عفوية وطفولية اما هي كانت كاتغلي من الداخل بالفقصة...
عابد- اشنو درتي فالتحقيق
ركان- والو بحالي كانهضر مع لحيط انا فقدت منو الامل بالمرا...
ستيفانيا- شكون هوا
عابد-(تنهد بعصبية)هوا لحمااار ....عرفتيه شكون دابا ....(ضار وشاف فركان)ﻛﺎﻳﻨﺔ ﻭﺍﺣﺪ ﺍﻟﻤﺮﺣﻠﺔ ﻛﻴﻮﺻﻠﻬﺎ ﺑﻨﺎﺩﻡ ﻓﺤﻴﺎﺗﻮ .. ﻗﻼﻝ ﻟﻲ ﻭﺻﻠﻮ ﻟﻴﻬﺎ
ﻓﺎﺵ ﻏﺎﺗﻮﺻﻞ ﻟﻬﺎﺩ ﺍﻟﻤﺮﺣﻠﺔ، ﻣﻐﺎﺗﺒﻘﺎﺵ ﺗﻨﺎﻗﺶ ﻣﻊ ﺑﻨﺎﺩﻡ، ﻭ ﺍﻳﻼ
ﺗﻨﺎﻗﺸﺘﻲ ﻣﻐﺎﺩﻳﺶ ﺗﺤﺎﻭﻝ ﺗﺪﺍﻓﻊ ﻋﻠﻰ ﺍﻟﻔﻜﺮﺓ ﺩﻳﺎﻟﻚ ﻭﻻ ﺗﺒﻴﻦ ﻟﻴﻪ ﺑﻠﻲ
ﻏﻴﺮ ﻛﺎﻳخربق .
ﻓﺎﺵ ﺷﻲ ﻭﺍﺣﺪ ﺗﺎﻳﻜﺬﺏ ﻋﻠﻴﻚ، ﻛﺘﺨﻠﻴﻪ، ﻭﻣﺎﻛﺎﺗﺤﺎﻭﻟﺶ ﺗﺒﻴﻦ ﻟﻴﻪ ﺍﻧﻚ
ﻋﺎﺭﻓﻮ ﻛﺎﻳﻜﺬﺏ .
ﻏﺎﺩﻱ ﺗﻔﻬﻢ ﺍﺧﻴﺮﺍ ﺍﻧﻚ ﻣﺎﻋﻤﺮﻙ ﻏﺎﺩﻱ ﺗﻘﺪﺭ ﺗﺼﻠﺢ ﺍﻟﻜﻮﻥ، ﻭﺑﺎﻟﻠﻲ ﺍﻟﺤﻤﺎﺭ
ﻏﺎﻳﺒﻘﻰ ﺣﻤﺎﺭ وخا يكون سرجو من الذهب .
ﻏﺎﺗﻠﻮﺡ ﮔﺎﻉ ﺩﺍﻛﺸﻲ ﻟﻲ ﻛﺎﻥ ﻛﺎﻳﻘﻠﻘﻚ ﻭﻛﺎﻳﻌﺼﺒﻚ ﻗﺒﻞ ﻣﻦ ﻣﻮﺭﺍ ﺿﻬﺮﻙ،
ﻭﻏﺎﻳﺒﺪﺍ ﻳﺠﻴﻚ ﻋﺎﺩﻱ ﻭﺟﺰﺀ ﻣﻦ ﺍﻟﺤﻴﺎﺓ .. ﺣﮕﺎ ﻣﺮﺓ ﻣﺮﺓ ﻏﺎﺗﻼﻗﺎ ﺑﺸﻲ
ﻣﺎﺭﻛﺎﺕ ﻟﻲ ﻛﺎﻳﻌﺼﺒﻮ ﻭﻟﻜﻦ ﺑﺎﻟﺰﺭﺑﺔ ﻏﺎﺩﻱ ﺗﺮﺟﻊ ﻟﻠﺤﺎﻟﺔ ﺍﻻﻭﻟﻰ .
ﻏﺎﺗﺒﺪﺍ ﺗﻤﺸﻲ ﻓﺎﻟﺰﻧﻘﺔ ﻭﻧﺘﺎ ﺩﺍﻳﺮ ﻭﺍﺣﺪ ﺍﻟﻀﺤﻜﺔ ﻣﺨﻠﻂ ﻓﻴﻬﺎ ﺍﻟﻄﻨﺰ
ﻭﺍﻟﺴﺨﺮﻳﺔ، ﻭﻧﺘﺎ ﻛﺎﺗﺸﻮﻑ ﻛﺤﻞ ﺍﻟﺮﺍﺱ ﻣﻘﺎﺗﻞ ﻭﻣﺼﺎﺩﻉ ﻋﻠﻰ ﺷﻲ ﺣﻮﺍﻳﺞ
ﻣﺎﻋﻨﺪﻫﻢ ﺣﺘﺎ ﻗﻴﻤﺔ ..
ﺣﻴﺖ ﻓﻬﻤﺘﻲ ﺑﺎﻟﻠﻲ ﺍﻟﻔﺮﺣﺎﻥ ﺍﻟﻴﻮﻡ ﻏﺎﻳﻌﻮﺭﻫﺎ ﻏﺪﺍ، ﻭﻟﻲ ﻭﺍﺻﻠﺔ ﻓﻴﻪ ﺗﺎﻝ
ﺍﻟﻌﻈﻢ ﺍﻟﻴﻮﻡ، ﻏﺪﺍ ﻏﺎﺩﻱ ﺗﻌﻄﻴﻪ ﺍﻻﻳﺎﻡ ..
ﻏﺎﺗﻮﻟﻲ ﻋﻨﺪﻙ ﺍﻭﻟﻮﻳﺎﺕ ﺍﺧﺮﻳﻦ ﻭﺗﺪﻳﺮ ﺑﺰﺍﻑ ﺕ ﺍﻟﺤﻮﺍﻳﺞ ﻟﻲ ﻣﺎﻛﻨﺘﻴﺶ
ﻛﺎﺩﻳﺮﻫﻢ ﻋﻠﻰ ﺣﻘﻬﻢ ﻭﻃﺮﻳﻘﻬﻢ ﺣﻴﺖ ﻛﻨﺘﻲ ﻣﻀﻴﻊ ﺟﺰﺀ ﻛﺒﻴﺮ ﻣﻦ ﺣﻴﺎﺗﻚ
ﻭﻃﺎﻗﺘﻚ ﻑ ﺍﻟﺨﻮﺍ ﺍﻟﺨﺎﻭي
ركان-مافهمتش شنو بغيتي تقصد بهاد الهضرة...
عابد-(بعصبية والو .... نوض دابا غاترجع عند ديك البنت لي وصلتيها (رما ليه ميلف) عطيها تسني على هاد الورقة
ركان-ديالاش هاد الورقة
عابد- هدا تعهد خصها تسني عليه انها ماغاتقول لحتى واحد انها طلاقات معانا ولا هضرنا معاها فموضوع المخابرات خاص تبقا محافضا على هاد السر حتى تموت والى وشات بينا هي لولة غاتمشي فيها هادشي مافيهش اللعب
ركان-نتا من الاول مكانش عليك تقولها هادشي
عابد-وشنو نقولها اسي لفاهم عندنا واحد المخبازا ومحتاجينك تخدمي معانا....
ركان- احم لا ماشي هكا لاكن ...
عابد-نوض جمع الوقفة ودير داكشي لي قلتليك...
ركان-(وقف ودارليه تحية عسكرية وخرج) اوكي شاف....
عابد-(شاف فبويكا وضحك) ههههههه هاد الشاب كايعجبني بزاف شفتي كيفاش دارلي التحية العسكرية
بويكا-( وقف ودارليه التحية العسكرية بصوت مرتفع) اوكي شااااااف....
عابد-ههههههههههههههههههه كب كب شي كاس ديال القهوة....
_________________
مر داك اليوم مرور الكرام نورسين ماخرجتش من الدار حيت كانت مريضة بزاف اما لمار جات عندها واحد صاحبتها لاكن فاش شافت نورسين ناعسة خرجتها لبرا بحجت انها ماباغياش تكلس فالدار غير باش تخلي صاحبتها ترتاح .... أسد جاتو خدما برا المغرب وخرج ومامعروفش شحال غادي يبقا برا لمغرب عاد باش يرجع ركان كان شاد الميلف ديال نورسين وكايقرا المعلومات ديالها وكان مركز كتر على الصورة اما ستيفانيا كانت كاتهضر مع بويكا فتلفون وكاتغوت عليه لاكن هوا مطنش وكايضحك عليها عابد كان فالمؤسسة بالضبط فالمكتب ديالو ومشغول مع لوراق لي ضايرين بيه ....
____________
اصبحنا واصبح الملك لله فاقة ايات وهي مازالة ففراشها تاصل بيها ياسر وطلب منها طلاقاه وداكشي لي دارت ناضت لبست وتعطرت وخرجت لقاتو كايتسناها حدا الباب
نورسين-(ركبت فسيارة)صبح الخير ....
ياسر-صبح النوووور
نورسين- بلاتي كيفاش عرفتي فين ساكنة
ياسر-(بسخرية)دكية بزاااف تبارك الله ماشي نتي سكرطيرتي يعني ضوسي ديالك عندي
نورسين-اااااه ههههه (ضارت وشافة بزاف ديال الاكياس) شنو هادشي وفين غادين
ياسر-بعدا قبل مانقولك فين واش مابغيتيش تكوني سكرطيرتي
نورسين-لا ولاكن
ياسر-صافي فهمت هوا لي بزز عليك ياك
نورسين-اممم هددني الى ماقبلتش غادي يجري عليا وهانتا شفتي فين ساكنة محتاجة لهاد الخدمة بزاااف عافاك ماتقلقش مني
ياسر- (شاف فاطريق بانزعاج) لا ماتقلقتش منك ماعرفتش فقتاش غادي يزول منو هاد الانانية اي حاجة شافها عندي كايبغي ياخدها...من صغرو وهوا داير هاكا ماعمرو يتبدل ....
نورسين-(بغات تبدل الموضوع) ماغاتقوليش فين غادين
ياسر- بغيتك ترافقيني لواحد العمل خيري غادين نمشيو لدار العجزة
نورسين- (بتاسمة) مضهرك جداب وشخصيتك حتى هي لاء وكادير لخير امم هادشي بزاف عليا هههههه
ياسر-على الله نقدر نحفر ونوصل لداك لقليب
ضرباتو لكتفو حتى غوت وقالها
ياسر-هيييي واش باغيا تقتليني ماتنسايش راني مديرك....
نورسين-هم كااان يامكان وزايدون حنا برا شركة وليوم لاحد
وقف سيارة فجئة حتى تسمع صوت الاحتكاك ديال روايض مع الارض
نورسين-(ضرباتو لراس) واش باغي تقتلنييي ااااه قلبيييي
ياسر-ااااااه ماتبقايش ضربي واش يطيك شايطين عليك غادي نقطعهملك
نورسين-(بصراخ ) وعلااش وقفتي هاكا فجئة
ياسر-(تقاد فالكلسة) نورسين....تقبلي تزوجي بيا
تصدمات وهي كاتشوف فيه حتى فيقها بضحكة ديالو
ياسر-هاااااااااااهاهاهاهاهااااااا قسما بالله الى عرفتك غاتصدمي...غير كانضحك معاك
عضت على شفايفها وجمعة شعرها وبدات كاضرب كاضرب فيه وهوا كايمووووت بالضحك عليها وفنفس الوقة كايضحك بقا كايطاكي بيديه حتى تهدات وطلقة منو
نورسين-ماعمرك تضحك مع شي بنت بهاد الطريقة
ياسر- (تنهد) اووه صافي سمحيلي....
ديمارا السيارة وزاد ومرا مرا كايشوف فيها بالجنب ويبتاسم حتى وصلو لدار العجزة ودخلو ستقبلوهم الموضفين بكل فرح قدمولهوم الهداية لي جابو وكلسو مع لعيالات لكبار وفرحوهم شوية لاكن نورسين كانت مرا مرا كاتشوف فواحد لمرا لي كانت كالسة امام واحد السرجم وساهية ومكاتكلم مع حتى واحد قربة ليها وكلست حداها
نورسين-سلام لباس عليك
شافة فيها لاكن ماجاوبتهاش رجعت انضارها للنافدة نور شافتها هكاك بغات تخليها على راحتها بغات تنوض وقالتلها بعد صمت...
الحاجة-مازال ماجا الحاج قالي غادي يجيبلي ولادي ويجي تعطل عليا بزاف ماشفتيهش
نورسين- (رجعت كلسة) لا ماشفتوش فين هوما ولادك الحاجة...
الحاجة- راهوم فالسماء ماتو مشاو عند الله
نورسين- وعندك ولاد خرين كاتسنايهم يجيو
الحاجة-لا ولادي لي كانو عندي قتلوهو كاملين الاه يرحمهم
_______________
****في الزنزانة****
تاثر بزاف فاش سمعت حكاية ديك الحاجة مسكينة قالتلي انها كانت من عائلة غنية بوااف ووكانو عندها جوج ولاد وبنت فواحد النهار كانت هي وراجلها معشين برا وفاش رجعت للدار لقات ولادها مدبوحين هوما ولخدامة لي كانت معاهوم والعساس كدالك تكوات فكبدتها مسكينا كاع ولادها ماتو بلغو الشرطة لاكن قالولهم انها محاولة سرقة فقط اواعدوهم باش يشدو المجرمين لي قتلولها ولادها راجلها مسكين ماستحملش وجاتو سكتا قلبية فاش شاف ان كامل المحاولات لي دار باش يجيب حق ولادو بائة بالفشل ولخيط لي يشدو يلقاه مقطع مرض بزاف ومات بسبب سكتا قلبية اما هي مسكينة جاو عليها خوتو وخداو منخا ماع الاملاك ديال راجلها ولاحوها للزنقة لجئة لعائلتها لاكن حتى هوما مارحموهاش لانها تزوجت براجلها بدون رضاهم بقات عايشا بوحدها وكاتخدم فالقهاوي حتى كبرات وتهدات وجابوها شي محسنين لدار المسنين....مسكينة حكايتها اترت فيا بزااف لدرجت بكيت معاها وقلت فين هي العدالة فهاد لبلاد 3 ديال الاطفال ماتو المجرمين مطلوقين وعايشين حياتهم ضمرو عائلة على قدها بدون ماترمش ليهم عين فلحضة فكرة فكلام داك راجل لي سميتو عابد لاكن بسرعة حيدتو من بالي خرجنا انا وياسر وركبنا فسيارتو لاكن هوا كان فواحد الحالة خلاتني نسولو مالو لاكن صدمني فاش قالي انه طلاقا مع واحد الخدامة كانت كاتخدم عندهم فاش كان صغير وقالي انها بدات كاتعاودلو وفكراتو فالماضي لي مابغاش يتفكرو بلامايحس نزلو الدموع من عينو لاكن بسرعة مسحهم وبدل الموضوع
_______________
نورسين- ياسر وقف فجنب طريق
ياسر-علاش ...
نورسين-كاتبانلي محتاج تهضر وتخوي قلبك
ياسر-(وقف سيارتو جنب طريق) الصمت
نورسين-الى قلتلييك انني عشت فالميتم غادي تصدقني
ياسر-(شاف فيها باستغراب) بصح ماكنتش عارف تخلاو عليك ولديك
نورسي- لا ماتو الله يرحمهم
ياسر-اووه سمحيلي الله يرحمهم
نورسين-كايبانلي انا وياك دوزنا طفولة صعيبة
ياسر- انا نعاودليك الى بغيتي....
نورسين-الى كنتي غادي ترتاح انا كولي اذان صاغية ...
ياسر-فاش كنت صغير الاب ديالي قتلوه شي عصابة كانو عندهم معاه حساب ...
نورسين-اوووه مسكين
ياسر-(مسح بيديه على وجهو) مازال نعقل فاش دخلت مور ماما للحمام فاش سمعتها غوتات ولقيتو غارق فدمو ماما كانت مريضة بالسرطان فديك الوقة ماطولتش وماتت موراه وبقينا غير انا وختي صغيرة....
نورسين-الله يرحمهم مساكن والله يخليلك ختك صغيرة .....
ياسر- هههههههه امين واخا راها مشيباني
نورسين-شحال فعمرها
ياسر-15 واخا صغيرة لاكن تشوفيها تعطيها كتر من سنها...
نورسين-تبارك الله ...قولي المجرم لي قتل باباك تشد ياك تحاكم على افعالو
ياسر- (بقا ساكت شوية) لا ....ماتشدش عرفتي علاش ....حيت وراه ناس صحاح ويديهم طويلة يعلم الله شحال قتلو من ارواح على قبل مصالحهم...
نورسين-ولاكن راه مكايناش سيبة فلبلاد مايمكنش مايتشدش ويعيش طليق
ياسر- (تنهد بعصبية) شكون قالك مكايناش السيبة واش غير حيت نتي عايشة حياتك بسلام يحسابك كولشي بحالك شحال من ولاد تيتمو وشحال من مرا ولات ارملة بسبب الاجرام لي فهاد لبلاد وبسبب الفساد والرشوة بابا مامرتاحش فقبرو لان لي قتلو مازال كايتسركل فراحتو كيت لي جات فيه... كانقسم ليك كون شفت وجهو او عرف غير سميتو ماكنتش غانخليه عايش وغانطبق العدالة بيدي وغادي نقتلو كيف قتل باب الله يرحمو ....(تنهد بتعب) سمحيلي غوت فوجهك ديما فاش كانهضر فهاد الموضوع مكانتحكمش فاعصابي...
نورسين- (نزلة الدمعة من عينيها) حتى انا ماعشتش حياتي بسلام كيف قلتي واش لي عاش فميتم غادي يعيش بسلام
ياسر-(شدليها فيديها) سمحيلي عافاك والله ماقصدت ماتقلقيش مني ...انا مستاعد نسمعك كيف سمعتي ليا....
نورسين- (هزت راسها بالموافقة) تولدت فقصر.من والدين اغنياء ومن عائلة نبيلة الجدور مابقا منها غير اسرتي المكونة من بابا وانا وبنت عمي لي كبر مني ب 16 لعام ماتو وليديها وخلاو عندها 3 اشهر ورباها بابا وماما ...عرفتي كانت هي ختي لكبيرة وقدوتي وهي واقرب شخص كنت قريبا ليه من بابا وماما...منين حليت عيني على هاد الدنية وهي فقربي ومعايا ... وليديا كانو كايعتابروها بنتهم لان ولادتي انا جات بعد 18 لعام من زواجهم حتى فقدو الامل انهم يولدو ...كونا عايشين فسعادة فاسرة مكونة من اربع اشخاص بالاضافة لدادا المربية لي كانت عزيزة عليا بزاف (بتاسمة)مازال .نعقل كيفاش كنا كانلعبو فااحديقة ديال الفيلة نجريو ونقزو كانت كاتعاوني فلحفاضا وتمشط شعري كانو ايام راائعة
ماعرفتش كيفاش ختفا هادشي كامل من حياتي...
ياسر- (شدلها فيدها) في عمق كل انسان وجع صامت ... لاكن كيفاش حتى وصلتي للميتم ونتي بنت عائلة غنية بزاااف..
نورسين -قصتي مازالة طويلة ....