فصل 7
نورسين-فاش كانت عندي 11 لعام عائلتي دارت حادثة سير وانا الوحيدة لي بقيت عايشة ماما وبابا ماتو وتم انقادي باعجوبة من وسط السيارة لمحطمة داوني لقسم المستعجلات ومدوزوني للانعاش ومن بعد لغرفة العمليات كلشي يحسابهم مت حيت كونت مضروبة فرجلي ليمنية ويدي وكرشي وعنقي وبالضبط اقرب منطقة من الراس دوزت فالعملية اكتر من 7 ساعات وفالنهاية نجحة الحمد لله بقيت فغيبوبة لمدة 40 يوما وقالولي من بعد ان بنت عمي (سماح) ماعمرها جات عندي تشوفني فالطبيب منين فقة من الغيبوبة فقدت جزا من دكرياتي مابقيتش عاقلة شنو وقاع فالحادت وقالولي ان شاحنة ضربتني لاكن حسيت ان الحقيقة كاع مكاملاش وستغربت لان وليديا مكانوش كايجيو يزوروني كنت كانحاول فكل دقيقة نتدكر الحقيقة رغم انني ستنتجت بالفعل ان وليديا ماتو لاكني كنت كانحاول نقنع نفسي انني على خطئ كانت بنت عمي سماح معايا ورافقتني طول الوقت وخضعت لاعادة تاهيل كانت ديما معايا وكاتدعمني وبعد مدت بسيطة بديت كانرجع داكرتي شوية بشوية كونت خايفا لاكني كنت باغيا نعرف الحقيقة ...فواحد صبح فالمستشفى حليت عيني كانت سماء غايمة فنهار غانخرج من ديك المشفى جاني واحد الصوت فودني وكان صوت ماما وبابا غوت باعلى صوتي وشفتهم ورجعتلي دكرياتي المره واغمى عليا ...دخلت فحالة نفسية حادة بسببها قضيت شهور عند الاطباء النفسين ...كمل العام وانا مازال مابريت مزيان نفسيا وجسديا رجعت للدار وملئة وقتي بالنشاطات الخارجية مسرح موسيقى نوادي رياضة واخرى ثقافية ومعلمين خصوصين كايجيو عندي حتى للدار كنت كانتحجج بانني خصني نعوض لي فاتني من قرايتي لاكن كان غرضي هوا النسيان ماكنتش كانبغي نكلس بوحدي باش مانتفكرش لي جرا وكنت مكانعس الى بالمهدات لاكن حتى هوما مابقاوش كايقضو فيا فواحد نهار فليل مابغاش يجيني نعاس حتى للفجر وبقيت كانفكرفممتلاكاتي وفالواجب ل خلاهلي بابا هزيت لبيسي وبحت فموقع شركتنا واخبارها لاكني لقيت موصيبا االشركة على وشك الانهيار تفكرت خزنة بابا ولي انا الوحيدة لي عارفا الكود يالها وبابا طبعا لقيت عندو شي ضوسيات كتار ولقيت الشيفرا ديال الملف الخاص بالشركة دخلتها وكتاشفة انه كاينين اختلاسات لا يمكن تغطيتها فاموال الشركات والاسوء الشركة عليها دين بمليار ومصلحة الضرائب تابعاها كارتة وصاف فكرت ان السبب هوا انا لانني اهملت كنز بابا وقررت ندخل كان المدير عمي قاسم هوا اليد اليمنى ديال بابا وكان كايتيق فيه بزاف تافقة مهاه باش يعاوني فهاد المشكل وانا بنت 12 لعام حليت بعض المشاكل بالصفقات لي كانت متوقفة حركتها وبالارباح ديالها خلصت الديون لي على الشركة طبعا هادشي كامل كان الحل ديالو فالوتائق لي مخبي بابا فالخزنة هوما لي عاونوني بالاضافة لعمي قاسم الحمد لله الشركة خرجة من الافلاس وجعت لطبيعتها وبعد مرور عام فقة فصباح على صوت تلفوني كان عمي قاسم كايصوني وقالي ان مليار ختفات من البنك خرجت وتوجهت عند مركز التحقيقات وكتاشفة ان الفاعل هي بنت عمي سماح مشيت عندها وسولتها بوضوح علاش خديتي لفلوس وجاوبتني وقالت
انه كان ملكي وانا احق بهاد الملك منك ماما وبابا دياولي ونتي مجرد دخيلة انا لي عندي الحق فهاد الورت وعندي حق بابا لي هوا عمك كان خصك حتى نتي تموتي علاش عشتي فكرت نكمل عليك لاكن فاش خرجتي من الحادث ماكنتيش فحالة تسمح ليك باش تاخدي شي حاجة مصابة جسديا ونفسيا وفالنهاية طفلة مفششة بحالك هربت من واقعها وتخبات لاكن مكانش يحسابلي غادي تخرجي من ديك الحالة وتخلقتي علاقات وبديتي تخدمي ودرتي داكشي لي ماقدرتش عليه انا رغم اني كنت عارفا انكي ادكى مني وعندك كاريزما خليتك ديري لي بغيتي وكان من المخطط انني ناخد كل شئ لان كلشي ملكي انا بوحدي
حبستني بعد هاد الهضرة فواحد الغرفة كانو كايعطيوني لماكلة غير من سرجم بقيت تماك لمدة شهراين قلت الماكلة والتعب اترو عليا لاكن صبرت وكلي امل انني نرجع لحياتي السابقة ونفيق من هاد الحلم المزعج وفواحد نهار جاتني واحد الحلة ديال الاعصاب وبقيت كانغوت ونضرب راسي مع لحيط كانت مرا مرا كاتجيني هاد الحالة بقيت كانضرب فالحيط حتى قصت لمرايا وطاحت للارض ولقيت موراها رسالة ملسقة جبدتها وحليتها بسرعة وكانت وصيت بابا الله يرحمو مكتوب فيها
ابنتنا بما أنك تقرئين الآن هذه الرسالة فنحن على الأغلب لسنا معك، وأنت تلازمين غرفتك لسبب ما، اسمعي، أنت لست مؤهلة بعد لقيادة المجموعة ولا تستحقين العيش بهذا المنزل، أنت لا تملكين الخبرة، ليس لديك مستوى دراسي كافي، ولا زلت صغيرة، إن بقية المجموعة بيدك قد تزدهر بفضل ذكائك والقليل من المساعدة من شخص ما، لكنك لن تقدري على تفادي المؤامرات، أول نفخت هواء ستلقي بك إلى الهاوية، غادري منزلنا، وعندما تكونين قادرة على شراء المجموعة، عودي يا ابنتنا يا فخرنا في المستقبل"
من بعد ماقريت الوصية جبدت كاع حوايجي وغطاء السريري وربطت شي مع شي ولحتو من سرجم وهبطت حتى وصلت للارض ولحسن حضي مالقيتش لعساس وهربت لاكن ماعرفتش فين غانمشي واول مكان خطر فبالي هي لخيرية مشيت ليها وعشت تما حتى درت 18 لعام وستقليت بنفسي ودابا عايشا انا وصاحبتي كارين واحد الغرفة ....شفتي حكايتي كيف دايرا تحولت من الغنى للفقر هههههههه
ياسر-عرفتي حكايتك جاتني ناقصينها شلا خيوط
نورسين-مافهمتش
ياسر-الوصية لي خلاوليك وليديك كادل على انهم كانو عارفين ان حياتهم مهددة بالخطر هدا لاش كتبوها ووضعوها فغرفتك نتي بالدات....
نورسين-( تنهدت) مكانضنش يمكن غير احساسهم
ياسر-(بتاسم) اممم يمكن خليني نوصلك لدارك....
نورسين-لا مكاين لاش بغيت نتمشا على رجلي شوية
ياسر- واش نتي بيخير
نورسين-اااه انا بيخير(نزلت من سيارة سدت الباب ودارتليه اشارة الوداع وتحركات)
______________
في الزنزانة
تقدر تبتاهج للحياة وتغني ليها وتشوف كل لي من حولك زوين ومميز.... وتقدر تكره الدنية وتكتائب ليها وماتشوف فيها الا كل ماهو ردئ ومحزن وباعت للتشائم . داكشي لي وقاعلي بعد مانزلة من سيارة ياسر تحولة من انسانة نشيطة محبة للحياة لانسانة قلبها عامر بالشكوك تمشيت بين الناس بحطوات بطيئة وكانشوف فملامحهم المختلفة حزن وصرامة وسخرية وسعادة شفة الغيض وشفة الغيرة فوجوه مختلف الناس ...كلام ياسر خلاني نراجع حسباتي ونفكر فبابا وماما واش فعلا كانو حاسين ان حياتهم مهددة بالخطر واش فعلا الحادثة كانت مدبرة واش شي حد كان باغي يقتلنا كاملين علاش وكيفاش حتى مانتابهتش للوصية لهاد الدرجة انا غبية لهاد الدرجة هتمية بحياتي ونسيت وصية بابا ونسية املاكو ورزقو هوا عندو امل فيا انني نرجع الشركة وانا ماعلباليش وعايشا حياتي
تفكرت كلام ديك الحاجة لي شفتها فدار المسنين صورتها مابغاتش تمسح من بالي وصوتها كايتردد فودني فكل مرا تفكرت ولادها لي ماتو تفكرت اب ياسر حتى هوا وستنتجت من هادشي كامل ان المجرمين لي رتاكبو فحقنا اغلاط وسودو عيشتنا هوما عايشين وفرحانين وحنا مازالين عايشين فغيمة كحلة سميتها الماضي تفكرت بابا واحد نهار ماعمرو يتنسالي كلسني على حجرو وقالي (يابنتي خلي هاد لكلام حلقة فودنك الانتقام عدالة الهمجيين) داكساع كنت صغيرة ومافهمتش معنى كلامو لاكن دابا فهمتو مزيان وعرفة ان بابا كان خايف على قلبي لايعمر بالحقد الكراهية ويولي عنوان حياتي هوا الانتقام ...ماعمري فكرة ننتاقم من شي حد من حد حتى بنت عمي سماح لي خداتلي رزقي وحرمتني من دار عائلتي ماعمري فكرت ننتاقم منها وكنت مخلياها منها لله لاكن لامتا غادي نبقا عايشا هاكا لامتا غادي نتحرك وناخد حقي ونعرف شكون لي كان السبب فموت وليديا جا الوقة باش نتحرك ماغاديش نبقا واقفة ونتفرج
غمضة عيني وستنشقة الهواء لي عطاني طاقة جديدة طاقة كولها قوة وحطيت هدف امام عيني نرجع ممتلكات عائلتي ونحقق وصية بابا توجهت لواحد المكان فمدينة فاس جاي فواحد جبل كايطل على المدينة القديمة كاملة كان داك الوقة 2 مور ضهور الدنية كانت خاوية ويوحدي لي فداك المكان وانا كانفكر سمعت صوت راجل من ورايا
___________________
الشخص- مكاتخافيش على راسك فهاد المكان الخطير
ضارت نورسين والخوف تملك قلبها لاكن عينيها طاحو على واحد الشاب غاية فالجمال لابس سروال تجينس ازرق وطريكو اسود وعامل كاسكيط اسود على راسو وكايشوف فيها بغينيه لكحلين ورموشو لي مخلين نضرتو مثيرة بتاسم ابتسامة جانبية وهوا كايشوف فيها خافة منو لاكن ماهضرتش معاه وتخطاتو وبغات تمشي لاكنو شدها من دراعها ومنعها تزيد
نورسين- طلق نتي ( بصراخ ) طلاق منيييييي
الشخص- ماتخافيش انا ماغاديش ناديك غير تصنتي ليا
نورسين-( كاتنتر يديها لاكنو حكمها وشدها من درعانها بجوج) طلق منييييييي واعباد اللللللللله
الشخص- تهدني غير تصنتيلي انا سيفطني لسك سي عابد
نورسين- (توقفة على الحركة وشافة فيه وبتالعة ريقها) مكانعرف حتى شي واحد بهاد سمية
الشخص- مزيان غادي نطلق منك لاكن واعديني انكي ماتهربيش
نورسين-(هزت راسها بمعنى الموافقة) همجي حقير ضريضيتي فيدي
الشخص- احم كانعتادر حيت خلعتك سميتك نورسين ياك
نورسين- اممم وكيفاش عرفتي سميتي
الشخص- واش ماعقلتيش عليا انا لي وصلتك لبارح لدارك من بعد ماخرجتي من دار ستيفانيا
نورسين-(تنهدت بتعب) هي نتا شيفور طاكسي
الشخص- لا نتي لي غلطتي شفتي سيارتي حمرا يحسابك طاكسي
نورسين-(بخجل) اااه بصح وعلاش ماقلتيهاليش لبارح كان عقلي مشوش هدا لاش
الشخص- ماشي مشكل مابغيتش نحشمك وخليتك على راحتك
نورسين- مزيان شكرا على توصيلة خليتك انا غادي نمشي
الشخص- بلاتي بغيتك فموضوع
نورسين- احم ...شوف انا مخطوبة فهمتي
الشحص-(ضحك بسخرية) هههههه ماتخافيش ماشي داكشي لي بغيت
نورسين-(بخجل) احم سمحلي فهمتك غلاط
الشخص- انا سميتي ركان تشرفة بمعرفتك انسة نورسين
نورسين-(بابتسامة) حتى انا تشرفة بيك
ركان- ادن ندخل فالموضوع نيشان سي عابد سيفطني عندك باش نعطيك تسني على هاد المعاهدة (جبد واحد الضوسي من تحت جكيطتو)
نورسين-(شداتو من عندو) ولاكن ديالاش هاد المعاهدة
ركان- سي عابد قتارح عليك تنضمي للاستخبارات المغربية لاكن نتي رفضتي طبعا هدا رئيك الشخصي وماعندنا دخل فيه لاكن لازم عليك تسني على هاد المعاهدة فيها قسم انكي ماغاتقولي هاد الموضوع لحتى شي واحد ويبقى سر حتى تموتي وتدفنيه معاك
نورسين- يعني نفهم من كلامك انني مانقول لحتى شي واحد انني لتقيت بيكم او عرفتكم او تكلمت معاكوم ياك
ركان- تماما وبالخصوص العرض لي عرض عليك سي عابد
نورسين- فهمت عطيني ستيلو باش نسني
ركان- تفضلي ...
شدات من عندو ستيلو وقرات التعهد وكان فيه قسم بعدم اخبار احد قراتو وعاوداتو وغمضت عينيها لعدت ثواني قبل ماتسني ومر امام عينيها كلام ياسر وكلام الحاجة وكدالك وصية باباها حطت ستيلو على الورقة لاكن ماسناتش
ركان- واش نتي بيخير
نورسين- اممم واش(حنات راسها على لورقة ورجعة هزاتو) واش ممكن تعطيني فكرة على هاد المؤسسة وطريقة خدمتكم
ركان- احم ...سمحيلي مانقدرش هادشي كايعد من اسرار الدولة كانعتادر
نورسين - لا ماتعتادرش عندك الحق (رجعت حطت القلم على الورقة ورجعت هزاتو) ماغاديش نسني
ركان- كيفاااش وعلاش مايمكنش امدموزيل
نورسين- قول لشاف ديالك بغيت نشفو
ركان- متئكدا
____________
في الزنزانة
تاصل ركان بعابد وجهد للصوت باش نسمع وقالو بغات تشوفك لاكن عابد ضحك باستهزء وقالو قولها بلي ضيعات الفرصة ديالها لاكني خطفتليه التلفون من يديه وتكلمت معاه وقنعتو باش نخليه يطلاقاني باع عليا شبابو غالي وفلخر قبل يطلاقا معايا وعرض عليا نتغدا معاه فواحد المطعم ركبت مع ركان فسيارتو اوصلني عندو للمطعم لقيتو كالس امام الطاولة وفيديه جريدة وقفة عندو وقلتليه السلام عليكم نزل الجريدة ورد عليا السلام بطريقة غير مبالية طلب مني نكلس وكلست حداه
_________________
عابد :شنو تاكلي
نورسين-ماجيتش باش ناكل
عابد-لاكن انا فيا جوع وماجاتش انا ناكل ونتي تشوفي فيا انا غادي نطلب شي حاجة
عيط للنادل وطلب منو يجيب دجاج محمر وروز وبعض الاكلات اخرى ستغربات نورسين لكترت دوك الطلبات لاكن تجاوزة الامر وركزت فلي جايا باش تقولو
عابد- ديما مرتي كاتبقا تغوت عليا وكاتقولي انني مبدر بزاف وكانضيع لفلوس لاكن ماكدباتش ههعهه حيت كرشي كبيرة كانحاول نقتاصد لاكن مع دالك مكانقدش كايجي تالي ديال شهر كانبدا نتسلف من عند صحابي باش نكمل لي بقا من شهر ....عندي بنتي كاتقرا فالخارج وكل شهر كانسيفطلها لفلوس باش تقرا لاكن مامنها فايدا مقابلالي غير لحوايج ولمكياج فاش كانت هنا كنت حاكمها لاكن سيدة سابة غير بلاتي عليها غير ترجع ونعاودلها ترابي الى ماجابتش معاها الدكتراه غير ماترجعش ...
بلا بلا بلا بلا بلا وكمليها قصة حياتو بعدما جاب النادل الاكل 😧😧😧 (شافها مصدومة فيه وكاتشوف فيه بعينيها كايتسدو بالنعاس)
عابد- على ما كايبانلي خصك شي قيلولة ياك
نورسين- ( تعوطت فجلستها) احم لا لا غير كنت كانسمعليك ...
عابد- اااه قلتي باغيا تقوليلي شي حاجة
نورسين- (قالت فنفسها واخيرا) احم اناااا
عابد- ماكاين لاش تبرري موقفك انا تقبلة الرفض ديالك هانيا تقدري تكملي حياتك عادي
نورسين-ولاكن راه...
عابد-اااااااه سنيتي على التعهد لي جابلك ركان
نورسين-(بصوت مرتفع) ممكن تخليني نكمل هضرتي بلاما تقاطعني
عابد-(تصدم منها وشاف فالناس كايشوفو فيهم) شووو غير بشوية فضحتينا
نورسين-سمحلي عافاك ماقصدتش ...
عابد-تفضلي شنو كنتي باغيا تقولي
نورسين-انا موافقة
عابد-متأكدة
نورسين-اممم متأكدة وكانتمنا مانندمش فاللخر
عابد-شنو لي خلاك تبدلي رئيك ...
نورسين-اسبابي الخاصة
عابد-تمام مفهوم مزيان ملي مزال فيك روح الوطنية هاد الموضوع مايمكنش نهضرو فيه هنا من بعد ونتفاهمو على كولشي اوكي
نورسين- فهمت اسي عابد شكرا على وقتك خصني نمشي دابا (وقفة ورجعة كلسة) ولاكن اسيدي كيفاش غادي ندير مع خدمتي ...
عابد-خدمتك ماغاديش تسالي منها فالمدة لي غاتكوني مشغولة فالتدريب غاندبر فلي يخدم فبلاصتك كوني هانيا
نورسين-ومنين غادي نرجع غادي نلقا بلاصتي مازالة ياك
عابد-تماما
نورسين-شكرا بزاااف ....خليتلك الراحة
عابد-نورسين خصك تعرفي ان ففترت التدريب غادي تكوني بعيدا على العالم الخارجي حتى التلفون ماغايكونش عندك...
هزت راسها بمعنى الموافقة وخرجت من المطعم
________________
****في الزنزانة****
خرجت من عند عابد وتوجهت للدار كانت ديك الساع 4 دلعشية رجعت للدار ولقيت لمار مازال مارجعت كانت فداخلي واحد الطاقة بوحدها بدلت حوايجي ولبست بيجامة ديال الدار وعليت علي كمامي وقفة نموسياتنا وخرجت طبالي لبرا وحكيت ديك الارض حكان خرجت فيها كاع ديك الطاقة السلبية تشفة الارض ورجعت ناموسيات ودخلت طبالي ورجعت للمطبخ وجبدت لماعن عاودتهم بلغسيل كاملين ساليتهم وكانت ساعة 6 خرجت للكزار لي من تحت الدار ودخلت الكفتا وصوبت واحد الطاجين بالكفتا وماطيشة وصوبت شليضات عزازين على لمار ريحة المعطر ديال مواد التنضيف تخلطة مع ريحة طاجين دلكفتا ساليت وكلسة كانت ساعة 7 دخلة لمار ولقاتني كالسا فالقنت وكانفكر
_____________
لمار-اللللللله رائحة النضافة مخلطة مع لماكلة اوووه نفسي تحلات للاكل (شافة فنورسين) نور مالكي فين ساهيا
نورسين-اجي اجي عندي...كلسي حدايا
لمار-مالكي اختي واش نتي بيخير
نورسين- انا بيخير(تفكرة كلام عابد) حبيبتي غادي نقولك شي هضرة وماتقلقيش مني اوكي
لمار- حبيبتي انا عمري تقلقت منك
عنقتها لنورسين وبدات تبكي على حضنها وتشهق
لمار-ختي ماتخلعينيش عليك ياك نتي ماكايعجبوكش الاحضان يك غير كاتبغي نعنقك كاتهربي مني حتي قلبي ضارني من جيهتك من نهار بديتي لخدمة فديك الشركة تبدلتي عليا صارحيني واش كايضغطو عليك هممم ياك انا ختك ماتخبعي عليا والو....
نورسين-(بعدت ومسحت دموعها وشدتلها فيديها) نتي ختي وبا ومي وعائلتي نتي هي كلشي عندي فحياتي واعديني انكي تهلاي فراسك وتقراي مزيان
لمار- شنو كاين اختي خلعتيني بزااااف
لمار- غادي نقولك واحد السر خطير ....