الفصل8
نورسين- انا جاتني خدمة برا لمغرب اختي الشركة لي خدامة فيها هوما لي غايسيفطوني
لمار-ولاكن
نورسين-(قاطعتها) خليني نكمل ليك عافاك انا محتاجة لهاد الخدمة باش نخلصليك مصاريف لقراية والى نجحتي وعد مني غادي ندخلك لجامعة خصوصية وغادي تلقاي احسن تعليم(لمست شعر لمار باصابعها) املي كولو فيك انكي تقراي وتولي شي حاجة ونفتاخر بيك وباش نفتاخر بيك انا محتاجة لهاد الخدمة واخا قلبي مامهنينيش وغادي نتوحشك بزاااف
لمار-(نزلة الدمعة مت عينيها وعنقتها) ختي نتي هي عائلتي الى مشيتي لمن غادي تخليني هم
نورسين-(قبلة راس لمار) غادي نخلين في امان الله وحفضه شنو بغيتي نجيبلك معايا فاش نرجع
لمار- بغيت سلامتك وترجعي بشي راجل زعر معاك ههههه
نورسين-ههههههههه حمقااا
لمار-شحال غادي دوزي تماك واشمن دولة غاتمشي
نورسين-ماعرفتش بالضبط اشمن دولة وحتى المدة مامحدداش
لمار-غادي تسمحي فيا ياك دغيا سخيتي بيا طلعتي ماتسوااااااايش
نورسين- هههههه لسانك كايقطر بالعسل حتى فهاد اللحضات الحزينة كاتعايري فيا
لمار- ام ام واضربك كمااااان الى تعطلتي عليا قسما بالله حتاا.....
نورسين-(سدتليها فمها) صافي عارفا داك لسان ديالك طويل ...سربي غسلي يديك وبدلي حوايجك انا غانحط لعشا
لمار-مازال لحال عاد 8
نورسين-نديروها كاسكروط وعشاء
لمار- حتى هادي فكرة ازين
________________
****في الزنزانة****
تعشينا ديك الليلة وبقينا قصارين انا ولامار كاتعاودلي على واحد الشاب تعرفت عليه فالجامعة شبعت عليها ضحك حيت السيدة تزعطات فيه نعست وانا معنقاها بغيت نستاغل كل دقيقة باقيالي معاها غفية حتى سمعت اذان الفجر نضت وتوضيت وصليت الفجر وكدالك صلات الاستخارة وستخرت ربي فهادشي لي انا مقدمة ليه واش غادي يكون لصالحي او غير غادي نعدب راسي بلا فايدا طلبت من ربي يعاوني باش نرجع شركة بابا ونكشف حقيقة موتهم وشكون وراء ديك الحادثة لي نجاني الله غير انا باش تضهر الحقيقة على يدي دعيت وبكيت وشكيت على لي خلقني وطلبت منو يعاوني شفت فالساعة كانت 6:00 نضت وجدت فطوري ولبست حوايج الخدمة وانا كارها راسي حيت غانطلاقا مع داك المتعجرف ديال الرئيس اااه ياربي دازو عليا هاد ليوماين بحال لي عاماين خرجت من الدار وستقليت طاكسي ووصلت انا الاولى وكانت الشركة مازالة خاوية والموضفين عاد كايجيو بشوية بشوية .... حطيت اغراضي فالمكتب ديالي وحرصت انني نخبعهم مزيان قالك الديب كادوز عليه غير مرا وحدا مابغيتش يخبعوهملي عاود ونبقا نحماق بالتقلاب عاود طلعت لمكتب الرئيس دقيت الباب لاكن ما من مجيب عرفتو غايكون مكاينش حليت الباب غير بشوية ودخلت لقيت الهاتف الاسلكي مهرس ومشقف فالارض (هرسو فاش كان كايصوني على نمرت ضارهم عقلتوو👌👌) حنيت وجمعت داكشي ولحتو فالقمامة ورتبت الغرفة ومسحت المكتب وانا كانرتب حليت واحد لمجر ولقيت فيه واحد الصورة فيها راجل ومرا وجوج وليدات وبنيتا ملامحو ماتبدلوش بزاف مازال زوين رغم شخصيتو القاسية سمعت خطوات جاين نحو المكتب رجعت التصويرة لمكانها وكملت لمسيح وكان هوا لي حل الباب ودخل بعيونو العسلية النائمة
_______________
نورسين-(تقادت فالوقفة) صبح الخير مسيو
أسد- (بلا مبالات) صبح الخير
داز من حداها وكلس على مكتبو وفتح لابتوب ديالو وشاف فيها كانت واقفة فجنبو
أسد-شنو كاتسناي جيبيلي قهوتي
نورسين-اوكي مسيو
أسد-بلا سكار عقلتي اخر مرا جبتوهالي بسكر شنو درت
نورسين-الله ياودي وانا ننسا شبعتي فيا تهديد واهانات
أسد-(بتاسم بغرور) مزيااااان عمرك تنساي هداك نهار وراني مازال عند كلمتي هم
نورسين-اشمن كلمة
أسد- (بداية الجحيم) عقلتي عليها
نورسين-(بغضب) اممم تفكرت
أسد-مزيااان تحركي جيبيلي قهوتي يالاه
خرجت نورسين من المكتب وهي كاتسب وتدعي فيه صوبتليه فنجان قهوى وماكرهتش تخويلها شوية ديال السم وترتاح منو نهائيا عادت ادراجها وفطريق لتقات مع ياسر وكلسو كايهضرو لواحد المدة عاد تفكرة القهوة لي فيديها وستادنة منو وطلعت للمكتب ديال أسد لي كان موجد ليها قفة من الكلمات القاسية والجارحة دقة فالباب ودخلت لقاتو مشغول فلابتوب ديالو لاكن هوا ملهي راسو باش ماينفاجرش داك البركان لي ففمو حطتليه القهوة وستادنت باش تخر لاكنو وقفها
أسد- فين هاد التعطيلة امدموزيل
نورسين- هاه اممم طلاقيت بسي ياسر وشدني بالهضرة
أسد- (شورب رشفة من القهوة وعبس فوجهها) كلستي كاتجمعي حتى بردات القهوة انا كانخلصك باش تخدمي ولا باش تشدي لحديت مع الموضفين هم
نورسين- سمحلي اسيدي راه سي ياسر هدا ماقديتش نخليه ونجي
أسد- وانا لهلا يقلب بيا ياك
نورسين- ماشي هكاك لاكن
أسد- (سد لابتوب بقوة اوقف) اشنو كايعجبك اووه نسيت انكي دخلتي للشركة بالواسطة يااالقلة دكائي (باستهزاء)...كاتبغيه ياك
نورسين- (بصوت منخفض) لا حول ولا قوة الا بالله
أسد- (قرب ليها) اشنو بانليك الى زدت رقيتك وحولتك من سكرتيرة لحاجة ماكتر همم
نورسين- فين باغي توصل بالضبط
أسد-(عض على شفايفة وحط صبعو على قلبو) هناااااا
نورسين- ( ضحكة باستهزاء) واش كايحسابك الكرة الارضية كاضور غير على قبلك همم
أسد- كاتبغيه
نورسين-كانضن مكاين لاش دخل فحياتي الشخصية
أسد- اوووه ماتكونيش من هادوك لي كايحفرو على لكنوز بنت فقيرة شنو غايكون غرضها من غير لكنوز
نورسين- تماما شفتي هانتا عرفتي دابا انا كانحفر على الكنوز يعني حضي راسك حيت نتا كاتبانلي صندوق عامر بالكنز (قربت ليه وحطت اصبع السبابة على صدرو جيهة قلبو وبابتسامة ماكرة قالت ) والى قدرت نلقا مفتاح قفلك غادي نسرق كنزك الثمين ونخليك ترجع تسعا....
أسد- (شدها من صبعها بقوة) الى عاودتي حطيتي صبعك عليا غادي نهرسوليك وماغاديش تلقاي باش تشدي المفتاح لي غادي تحلي بيه قفلي
نورسين-(نترت صبعها وقالت بعصبية) خليتلك الراحة امسيو اسد
أسد- بلاتي مازال ماساليتش هضرتي
نورسين- تفضل انا كانسمع نسيتي شي اهانة ماقلتيهاش
أسد- لا باراكا غير هادشي كافيني لحد الان (شاف فالساعة ) هادي 8 جمعي حوايجك وسيري غادي تمشي معايا فلعشية لواحد الحفلة
نورسين-انااااا وعلاش ماتديش خطيبتك
أسد- الغبية فهاد الحفلة غادي تكون بمناسبة توقيع شراكة مع مجموعة شركات اخرين ونتي هي سكرطيرتي لي غاتعاونيني( تنهد ) ماتنسايش تلبسي حوايج يليقو بالحفلة مابغيتكش تحشميني بهاد شراوط لي لابسا غادي نقول لسائق يدوز موراك
نورسين-(استغراب) يدوز عليا اناااا
أسد- لا خيالك.... 9 دليل يلقاك واجدا نصوني عليك نبغي نلقاك واقفا قبالتي مفهووم
نورسين- مفهووم
أسد- تفضلي تقدري تمشي
خردت وزدحت الباب بالجهد وخلاتو داير واحد الابتسامة خبيثة على وجهو رجع لمكتبو وكلس وهي هبطة هزت حوايجها وخرجت
_______________
****في الزنزانة****
عرفنو لفرحة لي حسيت بيها وانا خارجة من باب الشركة بحال نهار لي كاتكون فالقسم وكايجي لمودير يقولكم الاستاد ماغايجيش كولنا مجربين هاد الاحساس الرائع والفرحة كاتكون من القلب .... رتاحيت من قمقومو لي كايسد النفس وخرجت شديت طاكسي وكانفكر شنو غادي نلبس وحفلة ضخمة بحال هادي خصها شي كسوة زوينة وتليق بالمقام لاكن انا مزلوطة ومازال ماتخلصتش باش نقدر نشري كسوة زوينة وانا فوسط دوااامة التفكير صونا عليا عابد وطلب مني نجي عندو لدار ستيفانيا بسرعة قلت للسائق يقلب طريق اوصلني لحدا باب دار ستيفانيا دقيت الجرس وفتحتلي ستيفانيا مع ابتسامة عريضة بادلتها نفس الابتسامة ماعرفتش هاد البنت دغيا دخلتلي لقلبي... دخلت لقيت عابد كالس مع بويكا هاد بويكا كايجيني فشكل بدوك لوشام لي عندو فجسمو يديه وعنقو وصبعانو جاتني الرهبة منو لاكن حتى هوا من بعد ماتعرفت عليه مزيان عرفت ان المضاهر خداعة كلست فالصالة انا وعابد بوحدنا
_____________
عابد- بغيتك هاد ليلة تجمعي حوايجك باش غدا انشاء الله غادي تصافري
نورسين- اوكي لاكن اليوم مديري طلب مني نحضر معاه فحفلة لتوقيع شي شراكات وخاصني ضاروري نحضر
ستيفانيا-(دخلة وهازا سينية فيديها) واش بصاااااح وجدتي ماتلبسي خاصك طلعي شيك وتحمقي الرجال لي غادي يشوفوك
نورسين-(بتاسمة) صراحة اختي مازال كانفكر شنو نلبس مع عندي الخزانة ديالي كطيح بلحوايج ونصهم لحتو فالزبل ومابقالي مانلبس
ستيفانيا- هههههههه هدا سميتو طنز
نورسين- هههههههه تمااااما
ستيفانيا- (جراتها من يديها ) اجي معايا غادي نوريك لكساوي والاكسسوارات لي عندي ختاري منهم ونمشيو انا وياك عند لكوافورا عرفتي غادي طلعي بحال شي اميرة دابا تشوفي
عابد-(مصدوم) بويكااا هاد ستيفايا الى قتلتها ماتقوليش علاش
بويكا(رفع يديه باستسلام) نتا قتل وانا ندفن
عابد- هههههه حتا نتا غير على سبا ....ولاكن ماخلاتنيش حتى نكمل هضرتي وجراتها
بويكا- شفتي علاش شعري شاب قبل وقتو هي السبب
عابد- هاهاهاهاهاهاها واحد يدير لعقل للتاني ماعندك مادير ....
____________________
****في الزنزانة****
قبل مانكمل لحكاية طلبت من المحامي يجي عندي وجا بالفعل وتافقت معاه باش نرفع دعوة للاستئناف على الله يكون خير ماكرهتش مانموتش وحتى انا غير انسانة والانسان عندو طابع غريزة البقاء واخا يكون فعمرو ميات عام
جراتني ستيفانيا لغرفتها مع اني كنت مازال باغيا نتكلم مع عابد ونعرف طبيعة المؤسسة لاكن فور رئيتي للفساتين ماقدرتش نقاوم وبديت كانقيس هدا ونحيد هدا وكدالك ستيفانيا كاتقيس وتوريني عندها فورما رشيقا ولي لبساتو كايجي معاها تبارك الله ختاريت فستان فاللون الاحمر الدموي عنقو كول v وكمامو طوال حد المرفقين لاكنو قصير فوق ركابي مابغيتش نلبسو الى ان ديك الحمقة اصرت عليا وعطاتني معاه ليبة فالاسود وحداء بكعب العالي اسود اللون ولاماع وكدالك عطاتني بعض الاكسسوارات وختاريت منها خاتم وسلسلة وقيقة وزوينة ...خلينا لحوايج وخرجنا للصالة لقيت عابد مشا وغير بويكا لي مازال وطلبنا منو يوصلنا لصالون التجميل ...وصلنا مع 7 دلعشية وكان المحل عامر كلسنا شوية كانتسناو ضورنا لاكن الوقة كايجري نضة عند لكوافورا وطلبت منها تصبقني وكدالك هضرت مع لبنت وكانت ضريفة وعطاتني ضورها مسكينة عملتلي شعري سامبل من لفوق وكيرلي من لتحت وكنت حريصة انها تعملي مكياج خفيف واخا ستيفانيا كانت واقفا عند راسي وكاتقولها كتريلها 8:30 خرجنا شدينا طاكسي ورجعنا للدار فتحت ستيفانيا الباب وقبل ماتسدو وقف علينا ركان
_______________
ركان-اووووه اش هاد الجمال غادين لشي حفلة
ستيفانيا -انا لا هي اه (شافة فنورسين) اش كاتسناي دخلي لبسي
نورسين- اه واخا ...قبل مانسا هضرت مع شيفور الشركة وعطيتو عنوان دارك باش يجي لعندي لهنا ياك ماشي مشكل...
ستيفانيا- لا هانيا يالاه غير سيري لبسي حوايجك
دخلت نورسين لغرفة ستيفانيا وركان دخل لصالة وكلس اما ستيفانيا دخلت للمطبخ توجد لعشاء لراسها ونور لبست لفستان لي ختارتو وفهاد اللحضة جا الشيفور وبعض لحضات....
نورسين- (خرجت من الغرفة) هاد شيفور تعطل بزاف ومشا لحال
ركان-(وقف منباهر بجمالها) اااام راه جا قلتلو يمشي
نورسين- وعلاااااااش
ركان-ماتخافيش راني خديت من عندو لعنوان وانا لي غادي نوصلك
نورسين- ماكانش عليك دير هاكا والله
ركان- يالاه نمشيو ساندريلا غادي تعطل على الحفل..
خرجو نورسين وركان وركبو فالسيارة اما في مكان الحفل أسد كان واقف بطقمو الرجالي الاسود الفخم وعيونو العسلية كاتقلب على سكرطيرتو لي تعطلات وفهاد الاثناء شاف الشيفور واقف فالباب مع رجال الامن وخرج عندو
أسد-فين هي البنت لي مشيتي موراها
السائق- راني مشيت امسيو للعنوان لي عطاتني وخرج عندو واحد الشاب وقالي هوا لي غادي يوصلها....
أسد-مزيان (بعد على السائق وقال بصوت خافة) الغبية غادي نوريك على هاد التصرفات صبيانية
ضار باش غادي يرجع للقاعة لاكن عينيه داتو للسيارة لي وقفات ونزل منها شاب وسيم وفتح الباب لواحد البنت غاية في الجمال وكانت نورسين شافها لاكن هي مانتبهتلوش شكرات ركان وتوجهات للداخل وكان أسد صبقها للداخل وتوجه عند مجموعة رجال الاعمال ودار راسو ماشافهاش
اما هي دخلت اوقفة فباب الصالة منباهرا فداك المنضر الاضواء الملونة والاكل والمشروبات الفخمة وسيدات بابجمل الفساتين والمجوهرات الراقية كدالك الرجال باطقم فخمة وتسريحات وعطور ومضاهر تسلب العقول وهي كاتقلب بعويناتها الزرقين بحال السماء شافة أسد واقف بين مجموعة رجال وكايتبادلو الحديت تقدمت عندو وتحنحت وقالت
نورسين- بونسواغ مسيو أسد
أسد-(بدم بارد) على سلامت صاحبة السمو شرفتي واخيرا ...
بغات تبرر موقفها لاكن شخص من الرجال لي كان واقف معاهوم اسد تكلم وقاطعها
الشخص- مسيو أسد عندك دوق رائع فاختار الجمال ..(قبل يديها بكل جنتلمانية)مادموزيل انا مسيو جاد تشرفة بمعرفتك
نورسين-(بتاسمة بخجل) مسيو جاد انا نورسين تشرفة بمعرفتك ايضا...
أسد-(نزاعج)احم احم سيري قضي شغلك
جاد-اوووه مسيو جاتك لغيرة على خطيبتك
أسد-( بكل عجرفة) انا نغير على هادي هههه لا هادي سكرطيرتي ماشي خطيبتي....
جاد-اووووه الى هاكا اذن انا محضوض تعرفت على هاد الجمال كامل
نورسين-(شافت فاسد بكل ثقة فالنفس) وانا محضوضا كتر حيت تعرفت على شاب وسيم بحالك
جاد- اذن مسيو أسد غادي ناخدليك سكرطيرتك واحد شوية
أسد- ولاكن انا راني محتاجها خصها تعاوني
جاد- ماغاديش نتعطلو غير 5 دقايق بغيت نعرفها على اصدقائي(غمزو) ماعرفتي امم وافهم هههههه
نورسين- مسيو جاد خصني نبقا جنب رئيسي مازال الوقت ونتعرفو كتر
جاد-اوووه اوكي ماشي مشكل بلحق مازال غانرجعلك (مشا وخلاهم)
أسد-(وجه انضارو للحضور وقال بكل عجرفة) كون مشيتي معاه كونت غانتئكد انكي من دوك لبنات ...
نورسين-(شافت فيه) اشمن بنات كاتقصد
أسد-لبنات لي كايقلبو على لكنوز
نورسين- ااااه فهمت تبارك الله عليك عندك موهبة فالحضية بلحق ماعرفتي لحفلة مازالة طويلة اوو كايبانلي الى ضيعت هاد كنز ساهل بحال هدا لي قفلو مفتوح غادي نكون خاسرا (حطت صبعها على قلبة)واش نسيتي صبح فاش قلتليك غير نلقا مفتاح قفلك غادي نسرق كنزك كامل...(بنضرة مستفزة)عن اذنك غادي نمشي للحمام
دخلت للحمام قادات مكياجها وبكل غرور شافة فلمراية وبتاسمة وطبعة قبلة على يديها ونفختها على لمرايا ( ناري شخصية هاد البنت شحال كاتعجبني )
وقالت كايحسابلو بهاد الكلمات الجارحة غادي نبكي ليه ماشي هادي هي شخصيتي وماكاتعرفنيش مزيان امسيو أسد تاج مالك انا مزيانا مع لي مزيانين وخبيثة مع لخبيثين مازال ندوقك لمرار مورايا امسيو اسد مازال غير نرجع ممتلاكاتي وغادي نوريك هاد الفقيرة لي كاتستهزء بيها شغادير فيك وفشريكتك وفكنزك لي كاتفتاخر بيه....
اما هوا كان شاد كاس ديال الماء فيديه ومزير عليه بغضب وقال بصوت خافت
مازال مكاتعرفينيش مزيان ياصاحبة السمو غادي نخليك تبكي مهما كانت شخصيتك قوية شحال بكيت وجرحت ديال لبنات المدلولات وحتى نتي منهم لاكن نتي خاصك شوية دلوقت على مانتقادليك مزيااان وغادي نقطعليك داك لسان طويل ....
تقدمات عندو يابتسامة عريضة كلها غرور وهوا كدالك بادلها نفس الابتسامة وتحت الاقنعة لي لابسين وجوه عامرا بالمكر وقفو صامتين حتى قربت من اسد واحد البنت زوينة وشعرها اشقر وطويل وبدات تعنق فيه وتبوس
شافت نورسين داك المنضر لي جابلها الردان طبعا حيت هي مكاتحملوش وكحزت شوية وبعدت وليكن عينيها كانو مراقبين كل حركاتو كايبتاسم ليها بعيونو لعسلية المثيرة ...
شافتو فاش خرج واحد المنديل احمر حريري منقوش عليه اسم أسد وعطاهلها وهي كانت غاطير بالفرحة وكاتنقز وهوا كايضحك بغرور علي ديك الهبيلة لي حداه ...اما نورسين كانت كاضحك بسخرية على حركات ديك البنت وكاتشرب عصير البرتقال ومستمتعا بيه ونضرات الاعجاب من بعض الشباب لي كانو فالحفل مابعدوش عليها قرب ليها شاب وتكلم معاها بكل رقة واحترام وعطاها بطاقة شركتو ورقم هاتفو ومدح فجمالها وفستانها ومضهرها ...وكدالك نضرات اسد كانو عليها ومراقبينها وكايقول فنفسو ::صيادة بدات خدمتها:: شافت فيه كدالك بابتسامة مغرورة وقالة فنفسها
::: المتعجرف الحضاي داير خدمتو:::
تقدم لعندها أسد مع ديك البنت وهي ماشافتهمش كان فيديها كاس ديال العصير وبغات ضور وكادخل فديك البنت وتخوا عليها لعاصير
البنت- اااااااه لحقيرااااااا ضيعتيلي كسوتي
نورسين-(تصدمات) سمحيلي ماقصدتش
أسد-فين هوما عينيك نتي
نورسين-راني قلت ماشفتهاش
البنت- اسد ضاعلي لمنديل لي هديتيه ليااا وهاد الحقيرة هي لي ضيعاتو
أسد-صافي ماشي مشكل دابا نعطيك وحداخور
هزت ديك البنت كاس ديال العصير وخواتو عليها عن عمد
نورسين-(بصدمة) اااه شنو درتي
البنت-حتى انا غي ماشفتكش
مورسين-لاكن نتي راه درتيها بلعاني
البنت- اااه بصاااح ايوا جربي نفس الاحساس لي كانحس بيه الحقيرة
ماستحملتش نورسين نعتها بالحقيرة عدة مرات وجمعت معاها بسقلة حتى شافة نجوم وبدات ديك البنت كاتبكي وجا باباها رجل اعمال كبير
الرجل-مال بنتي علاش كاتبكي شنو درتولها
البنت-هاد الكلبة خوات عليا لعصير وضربتني بسقلة هئ هئ هئ
نورسين-(بنفاد صبر) الى عاودتي خصرتي لهضرة الكلبة ديال بصح غادي نشطب بيك هاد القاعة ...
الرجل-هييي حتارمي راسك راها بنتي لي كادوي معاها هادي
أسد-(بصراخ) نورسييييين عتادري من الانسة
نورسين-احلم ماغاديش نعتادر منها
أسد-(بغضب) ماغاديش نعاود هضرتي جوج مرات ولا غاتندمي
نورسين-(قربت عند ودنيه وقالت بصوت خافت) طلع لاعلى برج بنيتيه ولوح راسك منو ولا نقولك ختار اجمل حيط فهاد القاعة ونطح راسك معاه تبا لكم جميعا حقير وماتسواش ....